- 在線時間
- 63 小時
- 最後登錄
- 11-5-21
- 國民生產力
- 17
- 附加生產力
- 0
- 貢獻生產力
- 0
- 註冊時間
- 08-7-10
- 閱讀權限
- 10
- 帖子
- 648
- 主題
- 17
- 精華
- 0
- 積分
- 665
- UID
- 213518
|
原帖由 Kungfu_panda 於 08-9-21 18:46 發表
首先講香港係商業社會, 我覺得只不過係書商所做的marketing, 佢地唔去酒店, 咁多人難道去球場?? 如果補貼了$450, 相信各校長不需貪那$450開飯, 正如我去會展美食博覽, 比十皮入場費, 有咁多食咁多, 難道又話人家補貼了我嗎?? 只不過要市場推廣而已。 阿老董咪話過梁錦松有過億身家,以往千萬年薪,又有高尚情操,唔會貪個38萬偷步買車,有合法証據佢就唔會只是引咎辭職,或者已在赤x學緊車衣啦,請再細看ICAC的指引,連咁簡單避嫌都唔識,你點睇佢地管理成間學校,我以往所知,收受利益如超過$500便構成罪行(可能已經因通漲調整),咁佢咁大個會梗咨詢過法律意見嘅,不過從事教育工作又有教會背景,點都識得分moral or immoral.
好似銀行sell啲雷曼兄弟擔保迷你債券俾啲退休阿伯阿婆咁,係,宜家爆咗煲,輸晒,銀行喺法律上唔洗負責,吹漲,有人會嘰笑啲阿婆阿伯衰貪心,輸打贏要,啲阿伯阿婆棺材本,你銀行話好穩陣,利息多定期幾倍,啲阿伯阿婆又未必有人供養,又多啲息又穩陣咪落搭囉,你見示威的老人幾淒涼,咁銀行係算唔算不道德,做人嘅嘢唔係話商業社會,咁咁咁都無可厚非,咁同做個電腦係無分別,只跟住set咗的program去run,麻木不仁,子女成長除咗家長老師教導外,自身本質和環境影響,處世經驗都會影響一生
你12歲發緊夢, 相信是個別例子, 我相信我12歲不是發緊夢, 如果有人要xx我, 我定當彈開, 我個年代, 夠識人12歲去深圳落仔, 佢後來去了做卡拉ok伴唱, 跟本係興趣黎, 我唔係話受害者一定有問題, 我只係舉例。 正常情況,陌人生抱你個3歲女兒,佢都會喊晒,12歲少女得到某某她信任的人關愛(可能是受騙),佢叫做乜,好多20歲女仔都未必好似你咁識想,你去問吓啲社工前線工作者.就算有真愛情,為佢好點會性侵犯12歲女仔,聽你咁講,你似乎認為這類受害女童有啲攞嚟衰,又似乎認為某些從事疑似immoral行業的人,是為興趣而做,這點我絕不認同,亦唔想再同你為道德爭辯,公道自在人心.
我覺得呢間學校教師算係嚴厲, 但如果太過份, 點解唔敢投訴呢?? 父母應該保護自己子女, 我並沒有同任何一間學校簽contract, 全香港咁多學校, 大不了轉校, 合不來不合則去, 投訴有甚麼問題?? 我相信如果真有其事, 家長不會啞忍, 沒有必要。
"數當事人對陌生人講自己啲嘢都會說"聽朋友說"", 你已經另開一個login, 本身無人知你係邊個?? 但你一講句, 未免此地無銀。 你睇清楚,同學及家長最後作出投訴,老師態度隨即有360度改善,但冇行政人員同家長及同學交待吓,家長喺度講咁多,咁你話校方會不會揾番邊個就此事投訴過,子女有冇運行就看看校方會否學你咁持平啦!
其實你讀得咁谷氣, 我都係勸你小朋友轉校罷, 可能對你同小朋友, 會生活得更開心。 你講得咁輕鬆,5年級升6年級你話轉就轉,要向教育局呈分,會唔會影響升中派位,心中有數,仲有好學校大多數唔會收6年級嘅,學生適應新環境新同學你講到好容易,做人嘅嘢,總可以試吓設身處地想吓,才向人誠懇啲建議,等於粗俗啲"鬼唔知阿媽係女人",駛你講咩,咪安慰吓人便大家happy囉.
有啲嘢,如果自己子女讀緊,或者是舊生,我梗係會緊張會影響校譽啦,咁係咪就情願姑息啲壞人,負面嘅就咋唔知,正面嘅就周圍講,父母為子女付出生命都在所不計,無可厚非,我唔會再於此評論新油天嘅嘢,我都唔想傷和氣,大家自求多福啦 |
|