唉...科科紅，可以報邊間中學？

virgokaren

原文章由 familylam 於 08-7-16 01:11 發表
我呀哥個女仲勁,科科紅再加埋超級情緒化,無一個補習老師搞得佢掂,連幫緊我個女補果位超級有耐心的都唔得,我都已經盡量去理佢,因為我自己都有2個女,11&7歲,又同奶奶住,又要返工,所以真係有心無力,其實好大原因係我呀 ...

你個印尼華僑亞嫂要返工的嗎？
做咩要老人家揍女？
佢縱壞個女，做外人真係無得教！
佢唔合作咪叫佢自己揍番，唔好虐待老人家。

See

好彩！我姪女好細膽下，所以都未壞。至於學障，其實我在佢幼稚園時已經話佢有可能係，叫佢地留意下。上到小學成續唔好，學校老師話佢無問題唔比佢去check。我同老公上去同校長傾，人地先肯簽紙比佢去check,係check左啦！不過問佢又話報告話有小小，但又一時話無問題，唔知佢地點。(其實我帶佢地去見社工，當時社工話佢可能專注力有問題。)後來佢地都不了了知........
我都好老實同我99講過，話佢地無本事就唔好學人生3個，自己又無能力教又懶，根本係要成個家庭有問題....
不過就因為咁所以我要比心機教自己個仔，等佢地知道自己教仔有問題。

原文章由 virgokaren 於 08-7-16 14:48 發表


其實佢係咪只係科科紅，無其他問題？
女孩子最驚佢成日出去蒲、結交壞朋友、索K,etc。
無呢d傾向就搵補習老師幫下佢，
會吾會有學障你地唔知呀？ ...

familylam

我已經同佢學校社工溝通過,評詁過佢無學習障外,多數只是屋企環境形響,再加上佢而家讀P.5,但英文只得P.2程度,佢都無出街玩,但係就試過偷$,呢排仲越來越硬頸,佢基本上只係驚我一個,任何人都唔驚,所以我呀爸咪成日求救,總之佢去到我屋企就好乖,一返刑自己屋企又變回原形,因為佢呀媽真係從來未試過睇佢d功課一眼,淨係帶佢去洗$,所以連早上爺爺叫佢返學,佢話要比$10先肯起身,妳地話係咪敝加火 所以我爸媽咪成日叫我帶佢返我屋企住,教返好佢,但係我同奶奶,姑仔,工人,老工再加埋2個女,(11歲&7歲)一家7口,自己仲要返工,妳話我點樣做至好,連佢學校d老師都係同我聯絡,我真已經分身幫佢,但真係有心無力,所以先諗將佢寄宿,因為佢如果再大d就無得教....

familylam

唔好意思,我呀哥個女係升P.5至啱,
我呀嫂係要返工,佢係鯉景彎做待應,所以每晚都半夜先返,有時仲飲醉晒,真係

virgokaren

原文章由 familylam 於 08-7-17 00:26 發表
我真已經分身幫佢,但真係有心無力,所以先諗將佢寄宿,因為佢如果再大d就無得教....

但係香港小學無乜幾間有寄宿！
除左赤柱聖士提反之外，大部份有寄宿的中學都係band 3。

升中時你可以留意下唐乃勤，佢同莊啟程結龍，應該會升band，而且佢有宿舍。

但寄宿係咪真係有用？我唔敢亂俾意見！

connie1214

如果E家重吾教, 就好難教, 俾佢去寄宿不一定
好, 要三思

familylam

其實我呢幾年已經用盡好多方法,如果佢留係屋企就無辨法用心學習,因為個環境形響和爸媽形響係個好主要因素,不過係香港真係好難搵到寄宿學校比佢,我曾經諗過放棄,因為我係屋企要處理晒所有野,真係好大壓力,自己身體又差,所以都經常失眠和胃痛,個人真係好累,但係一想到我呀爸和哥哥,又唔忍心放棄佢,只好再諗計仔幫佢.好彩有妳們傾訴吓,如果唔係人都傻!

virgokaren

原文章由 familylam 於 08-7-19 01:30 發表
其實我呢幾年已經用盡好多方法,如果佢留係屋企就無辨法用心學習,因為個環境形響和爸媽形響係個好主要因素,不過係香港真係好難搵到寄宿學校比佢,我曾經諗過放棄,因為我係屋企要處理晒所有野,真係好大壓力,自己身體又 ...

唔係自己仔女，
人家又唔係真係權力下放俾你的話，
真係好難幫！

你要姪女明白讀書的重要，
要管就要管到底，不怕做醜人，不要放棄！

familylam

多謝妳們支持,我會努力