請問如何看11個月大的bb有沒有自閉症?

bridge

我個仔11個月大，他都好肯望眼住別人，肯玩躲貓貓遊戲，肯用手指指住想要的東西，有時我扮"死"睡在地上，我就對他說:媽媽死啦，快d來救我，佢就會爬過來拍拍我.....他在公園玩時，好主動咁拉著其他bb的手，肯同其他bb玩。亦肯俾其他唔識的人抱(只要那人同佢講下野....)但他喜歡大叫，常坐唔定，要跳下跳下，他還未懂行......
在語言發展方面，他都有對我說:媽。(但不是經常)，亦有對爸說:爸爸爸爸.....見到想食的東西會說:"鵪"。最近叫佢做byebye動作，之前十次只有一次做，這兩天又幾肯做，還說byebye...
......
另外，我有疑問，自閉症的bb是否不知道"分離"??是否會任由其他人抱都沒反應??我個仔見到我走開只係對我就"喂"，然後就跟抱住佢的人玩，摸下那人的面.....他並冇哭，係咪唔正常?我個仔好喜歡熱鬧，越多人佢就越開心，見人哭，佢就笑.....
其實，我說出兒子平日的發展，很希望家長們給予意見，看看bb是否有自閉症傾向。十分感謝。

mygoddish

你的小朋友好明顯沒有自閉傾向.
自閉傾向是與外界很少interaction.我囝囝一歲的時候,叫佢佢唔會有反應.
另外,大叫只係self-stimulation.自閉小朋友通常好喜歡大叫,但大叫的小朋友不代表他是自閉.
你放心吧.

SandraLo

原文章由 bridge 於 08-4-24 22:02 發表


我個仔11個月大，他都好肯望眼住別人，肯玩躲貓貓遊戲，肯用手指指住想要的東西，有時我扮"死"睡在地上，我就對他說:媽媽死啦，快d來救我，佢就會爬過來拍拍我.....他在公園玩時，好主動咁拉著其他bb的手，肯同其他bb玩。 ...

好好好好好奇怪, 因乜解究你會懐疑自己個仔自閉？

bridge

其實我都是過份擔心....因為我是教書的，有學生是自閉症的，雖然知道他們的特徵，但自閉症的嬰兒期特徵就不懂太多，真的不好意思.....

ChattyST

其實你小朋友有好多主動同人溝通既情況, 好好呀..唔駛擔心

ekibear

其實自閉症也不是單單憑表面的三言兩語而介定的,
而且他亦甚少在兒童兩歲前來評斷的,
我想就是醫生也不敢謬然判斷呢!!!

不過, 從你所言, 自閉兒的症狀:
~不會與人溝通: 你的兒子但會與人玩
~語言發展障礙: 但你兒子已能說爸媽BYE等, 亦暫可合乎階段
你還可看看孩子...
~有否單一性/狹窄興趣,如只會車?
~有否重覆性或刺激行為, 如不斷轉車輪?
~有否固執行為或難以適應新環境, 如必需固定日程?

希望能幫到你吧...
如有問題或想了解更多自閉兒,歡迎瀏覽:
http://hk.myblog.yahoo.com/ekimag