屯門友愛村媽咪可唔可以幫下我呀!

ChammyMAMA

我遲D會搬去友愛呀,上2個星期同囡囡走咗入去一轉,報咗3間幼稚園,第一間仁愛堂顏寶靈,第二間仁濟醫院幼兒園,第三間保良局友愛幼兒園,請問3間裡面,邊間會好D呢?THX
仁濟同仁愛堂有外藉老師,保良局無,但聽人講保良局口碑好D,而本人小學目標係何日東,係咪讀邊間幼稚園對升小學有好大影響架?咁揀邊間幼稚園會入到何日東機會大D呢??THX   

dreamma

Hi ChammyMAMA

其實我係以前住友愛村的，以我所知保良局的口碑好d，而你想入何日東就其實報聖彼得堂的機會會大d。而仁愛堂和仁濟就比較冷門了。希望可以幫到你啦。

原文章由 ChammyMAMA 於 07-12-7 14:49 發表
我遲D會搬去友愛呀,上2個星期同囡囡走咗入去一轉,報咗3間幼稚園,第一間仁愛堂顏寶靈,第二間仁濟醫院幼兒園,第三間保良局友愛幼兒園,請問3間裡面,邊間會好D呢?THX
仁濟同仁愛堂有外藉老師,保良局無,但聽人講保良局口 ...

ChammyMAMA

我都聽講保良局口碑的確好d呀,囡囡都喺保良局玩得好開心,仲玩到唔捨得走添!但因為仁濟有外藉老師,所以感覺上好似好d囉!今日仁濟打電話嚟叫我去交留位費,所以就上嚟問下大家意見喇!聖彼得我想問下近邊度架,因為我之後要揾嘢做,所以要揾間全日,有延展嘅幼稚園呀,如果我之前無留意呢間,我諗唔合附我嘅要求囉!~thx: : : : :

dreamma

哦﹗原來你是想搵全日的，但兆鄰聖彼得堂好似K1沒有全日班的，只有K2才有的，而另外山景都有一間分校的，它是有N1的，其實保良局咁多人話好係因為它的小學和中學都係在屯門區來說都係好好的。但你現在是否3間都已經收你囡囡了嗎？如果其他的未有消息你都可以在仁濟交咗留位費先，之後再決定啦。

原文章由 ChammyMAMA 於 07-12-7 17:48 發表
我都聽講保良局口碑的確好d呀,囡囡都喺保良局玩得好開心,仲玩到唔捨得走添!但因為仁濟有外藉老師,所以感覺上好似好d囉!今日仁濟打電話嚟叫我去交留位費,所以就上嚟問下大家意見喇!聖彼得我想問下近邊度架,因為我之後 ...

jasonjodie

如果你要近又要有全日班及延展時間既話，咁真係保良局或者仁濟先可以幫到你，個人認為保良局會好d囉。至於有無外籍老師呢方面，我覺得唔係太重要，因為通常d外藉老師都唔會日日係到上堂，就算上都只係講緊個最多30分鐘，我覺得學唔到太多野，只係學校既招牌吧了。

其實小學既派位程序根本同邊一間幼稚園都無關係既，人地話聖彼得(兆麟苑)多人入到何日東，其實只不過係因為St.Peter多學生啫，感覺上咪好似好多人入到何日東囉。

題外話，其實何日東係一個好傳統既學校，聽聞功課考試壓力都好大架(對家長及小朋友都係)，唔好咁快就講定囡囡將來打算都邊一間小學啦，仲有3年幼稚園生活慢慢了解囡囡既性格先啦。((我不是說你的囡囡能力不好，只係認為唔駛咁快決定架咋，無其他意思架))

ChammyMAMA

唔該晒,dreamma&jasonjodie嘅分析!但因為我嗰日淨係睇到保良局上課情況,睇唔到仁濟上課情況呀,所以真係好難決擇!不過嗰日見到保良局上課情況比較亂,同埋真係活動教學多d,d學生又好似好牛精咁,我驚d老師會handle唔到平時上課情況呀,最衰就係睇唔到仁濟係點,所以先至係最煩架!依家只有仁濟叫我交留位費咋,我唔想交咗到時唔讀呢間,就浪費咗$1000喇!保良局嗰邊話,如果中途無人退學,就要等到8-9月先會有位比我囡囡讀囉,我見到保良局好似唔係咁著重書本上教學,我驚第時囡囡上到小學會唔習慣,追唔上呀!: : : :