屯門友愛村媽咪可唔可以幫下我呀!

ChammyMAMA

我遲D會搬去友愛呀,上2個星期同囡囡走咗入去一轉,報咗3間幼稚園,第一間仁愛堂顏寶靈,第二間仁濟醫院幼兒園,第三間保良局友愛幼兒園,請問3間裡面,邊間會好D呢?THX
仁濟同仁愛堂有外藉老師,保良局無,但聽人講保良局口碑好D,而本人小學目標係何日東,係咪讀邊間幼稚園對升小學有好大影響架?咁揀邊間幼稚園會入到何日東機會大D呢??THX

mener

題外話呀!我喺上星期日,喺荃灣見倒你地一家人喺裝修緊嘅餐廳門口打緊電話,唔知係唔係你嚟呢!因為咁啱上過你個BLOG到,所以認得,唔知有冇認錯,因我嗰日都去探媽媽,見你話搬去友愛邨,我住左廿幾年,好耐喇!我搬咗去青衣4年lu,我媽媽住緊愛勇樓,你搬去邊座呀,因為見你張相間格同我媽媽一樣,唔好意思八卦左,可能見你話搬去友愛,所以留言,我日日都睇bk,不過好少留言!sorry喺味好無聊呀

[ 本文章最後由 mener 於 07-12-7 16:14 編輯 ]

ChammyMAMA

我上星期日的確係去咗荃灣呀,我去咗in&out做負離子呀,我遲d會搬去愛樂樓呀,今日仁濟打電話嚟叫我去交留位費,所以上嚟呢度問下大家意見囉!thx (又會咁啱嘅,你搬咗去青衣邊度呀,我外家喺長安邨呀!)

原文章由 mener 於 07-12-7 16:13 發表
題外話呀!我喺上星期日,喺荃灣見倒你地一家人喺裝修緊嘅餐廳門口打緊電話,唔知係唔係你嚟呢!因為咁啱上過你個BLOG到,所以認得,唔知有冇認錯,因我嗰日都去探媽媽,見你話搬去友愛邨,我住左廿幾年,好耐喇!我搬咗去青衣4 ...

mener

原文章由 ChammyMAMA 於 07-12-7 17:44 發表
我上星期日的確係去咗荃灣呀,我去咗in&out做負離子呀,我遲d會搬去愛樂樓呀,今日仁濟打電話嚟叫我去交留位費,所以上嚟呢度問下大家意見囉!thx (又會咁啱嘅,你搬咗去青衣 ...

咁我諗冇認錯,你推住架Ｂ車同埋當時紮馬尾,你都幾高吓,足足多我一個頭咁上下 ,應該喺整之前,冇記錯大約末夠2點,我上個月都去左in&out做負離子,你去邊間呀!我去左對住馬路嗰間,唔知你喺味又係嗰間呢!
我地好早住友愛邨,開荒牛呢,初時住愛廉,後來各自結婚而搬出,剩番媽媽,所以唔俾住大房,初時都喺派去愛樂樓,媽媽唔要,喺要愛勇先肯搬,商場樓上嗰座夠方便wor,之後就上樓喇,話時話,友愛好方便架,乜都有,唔怕冇嘢食,我搬左去長宏呀!比起友愛差天共地,到而家都未慣,一啲都唔方便,乜都冇,吓吓都去荃灣,車錢都蝕埋,以前住友愛成日行去吉吉島,置樂,新(去),忘記點寫 ,買餸又平,係呀!我哥哥住喺愛明樓,我每個月都會番去2,3次,都未試過寫咁多嘢

ChammyMAMA

全對呀,下次你再見到我,可以走過嚟揾我吖!不過我入到去in & out時好似係1點,我去咗ok隔離嗰間呀!(好似話係第4分店喎!)原來真係勁多賓姐喺呢間做頭髮架,我整完都差唔多6點喇!我對屯門咩都唔熟,仲要幫囡囡揾學校添,都唔知邊間好,煩死我喇!你住長宏嗰度,雖然係新樓,但真係青衣山頂區,咩都無架,我覺得青衣區最方便都係外家長安同長發喇,但已經賣晒,想房署派,都幾難喇!點解你住慣屯門,唔揀返屯門呀,長宏我都同老公講,房署派我都唔會考慮呀,除咗車錢外,搭車時間都長好多架,行晒成個青衣先到,淨係搭車暈車浪都有排暈呀!(我囡囡又係唔搭得車嗰隻,星期日我地只不過喺紅磡搭小巴落荃灣咋,仲要早上無比嘢囡囡食,只係比咗幾粒司各脫軟糖佢食咋,都可以嘔糖水出嚟架,之前比奶佢食,就嘔奶,比麵包就嘔麵包!)依家最擔心,到搬咗入屯門,都唔知點樣返外家同6299度呀!:-| :-| :-| :-| :-|

alvinchanmama

除咗第一間我唔識之後，我會保良局，唔知你有冇返工啦，佢地啲時間，照顧，假期都好啲．不過你小朋友要入何日東，我好肯定，你一定要比多些時間．因為兩間學校功課都喺容易，真喺要花段幫小朋友．

ChammyMAMA

我係諗住當囡囡入咗學,我就會揾返嘢做喇,但何日東只係聽朋友話呢間學校好好,所以先會定立何日東呢個目標啫,但總括嚟講好似都係保良局多d支持者喎,咁我又要同老公相量下喇!因為就咁睇落去保良局好似差過仁濟咁,連一套正式嘅校服都無,只係著便服再加件保良局背心咋!

alvinchanmama

原文章由 ChammyMAMA 於 07-12-8 01:11 發表
我係諗住當囡囡入咗學,我就會揾返嘢做喇,但何日東只係聽朋友話呢間學校好好,所以先會定立何日東呢個目標啫,但總括嚟講好似都係保良局多d支持者喎,咁我又要同老公相量下喇!因為就咁睇落去保良局好似差過仁濟咁,連一套 ...

其實屯門區唔止何日東, 還有胡少渠, 鄭任安, 蒙恩, 拔臣都唔錯,
我只知何小朋友叻小朋友繼續叻, 差的小朋友繼續差囉. 不過我相信這學校比較近你家多啲. 我建議你睇多幾間學校先, 作比較.
你們不要給外面去監定一學校好與否. 因為我睇過喱兩間學校, 仁濟睇唔到佢學校入面啲嘢, 返而去到保良局時我除時都睇到佢做做緊啲咩嘢, 所以我個小朋友最終入咗喱間學校, 佢現在都升咗小一. 不過其實你有冇諗過讀高德根, 佢地都有全日班. 還有你入得何日東小學, 讀保和仁你地花好多時間同小朋友讀書囉. 佢地功課量喺少. 我貪保良局佢地假期少, 只放紅日曆, 8號風球, 黑雨先至不用返, 當掛黑時, 又未放得工時學校喺不會吹人走. 依綠色背心就是校服, 快乾, 方便. 你比2350學校, 除咗書本外, 其餘費用都喺fee.
我自己唔鐘意仁濟另一原因學校對開喺放垃圾架, 加上望唔到學校入面, 有次老公莊入去學校時有個老師背著啲小朋友, 有兩個小朋友喺道打咬, 老師都唔知, 所以我先至唔選離間學校.

ChammyMAMA

多謝你嘅回答同分析呀,我遲D係會返出嚟揾嘢做架,所以可能真係保良局會好D,(但依家暫時無位,要等到8-9月先有位呀!)高德根我都有問過架,但係全日FULL咗喇,剩得下午班有位咋! 但其實何日東只係我嘅目標,其實我都唔知會否長住屯門區,因為我本身唔係住開呢區,而我亦都無親戚住呢區架,依家初部計劃努力工作,希望儲到錢買樓,搬離呢區啦!但我都要為咗囡囡前途著想,比條好D嘅路佢行嘛,所以先會向住何日東進發囉! 不過我都覺得保良局同仁濟都係活動教學多,唔係好放時間落書本度,因為我睇過保良局上課,雖然未睇過仁濟呀,但只聽個主任話自己著重教學方面,都覺得假假地!我想問下你小朋友依家入咗邊間小學呢??THX

原文章由 alvinchanmama 於 07-12-9 22:15 發表

其實屯門區唔止何日東, 還有胡少渠, 鄭任安, 蒙恩, 拔臣都唔錯,
我只知何小朋友叻小朋友繼續叻, 差的小朋友繼續差囉. 不過我相信這學校比較近你家多啲. 我建議你睇多幾間學校先, 作比較.
你們不要給外面去監定一學 ...

alvinchanmama

原文章由 ChammyMAMA 於 07-12-10 01:44 發表
多謝你嘅回答同分析呀,我遲D係會返出嚟揾嘢做架,所以可能真係保良局會好D,(但依家暫時無位,要等到8-9月先有位呀!)高德根我都有問過架,但係全日FULL咗喇,剩得下午班有位咋! 但其實何日東 ...

以我所知佢地今年喺著重教學, 因為我囝讀果時喺只有英文和美術喺專有老師上, 其餘課程就自己班老師攪掂, 今年佢地轉咗每個老師管一科, 似小學多啲, 我就好鐘意架, 我個小朋友要去到小一模擬先可以做到, 但都喺未夠好, 到今次先採用, 其實喺住進步緊, 校長對小朋友都落吓本. check pm.
我個小朋友現在讀青松.

alysiayip

唔好意思想問小小野, 我囝今年先出世, 要唔要衣家就要留位?

alvinchanmama

原文章由 alysiayip 於 07-12-10 15:00 發表
唔好意思想問小小野, 我囝今年先出世, 要唔要衣家就要留位?

如果要讀育嬰園先要，幼兒園就１８個月，１歲半．