我想問下點先叫做資優呀,

singlemum

Del.........

[ 本文章最後由 singlemum 於 07-12-28 11:42 編輯 ]

wasabb

其實我覺得大家都唔需要太過介懷自己個小朋友係咪資優兒，老實講，'資優'呢個名詞令到大家有點兒迷失。

就以犬兒為例，從佢3歲開始巳經有不同老師同我講佢好似有資優兒特質，老實講連我自己都唔知點為之叫有，老師同我講佢上堂時睇嚟好似冇心聽你講書，但你一叫佢名佢又答得到你(我以為好多細路都係咁，因為佢哋好有"性格")，亦有老師留意到佢領悟同理解能力比同輩高(我覺得其實現今啲細路根本個個都好醒，佢哋只不過係扮唔識又或者唔鍾意應我哋啫)。

後來我哋再唸真啲，做咗冇壞啫，起碼得個知字，結果佢真係資優，咁我未响可能情況下比相關支援佢囉(因為我仲有個大女，所有冇可能比曬啲時間佢)。

不過我隻仔學習上係冇問題，但行為上真係要攪攪佢，佢個pat pat always只係'掂'到半張櫈，有時做做吓功課會'par''咗响張枱或企咗响度做都得(我係講緊响5分鐘之內做曬呢3個姿勢)，佢今年9月就一年級啦，我都唔知點糾正佢好，試過軟硬兼施都唔得，真頭痛。

其實大家就算有個資優兒，都唔需要比太大壓力自己，講真，係咪資優都好我哋都係咁教，如果你係唔理佢，訧算係資優你都係唔理佢(當然可能會有3分鐘熱度)，相反如是，要知教兒育女係我哋為人父母一生工作，細時教功課，大時教做人。

大家比心機啦^^^^加油

Wasabb

heiheikeikei

wasabb,

妳哩句... "不過我隻仔學習上係冇問題，但行為上真係要攪攪佢，佢個pat pat always只係'掂'到半張櫈，有時做做吓功課會'par''咗响張枱或企咗响度做都得(我係講緊响5分鐘之內做曬呢3個姿勢)" 我笑鬼咗出嚟... 我好奈無行哩個forums.

係唔係資優你都會係咁教
相反地 資優嗰個令人頭痛同壓力咁較大.
資優比唔到著數妳, 個名詞只係比到一個啓示你
睇下佢嘅長處同強項係邊 加以栽培
佢地一般都會係學習能力強 (唔等如讀書100, 只係快人一步明白) 相對地 明咗就開始遊雲 問佢佢知妳講乜 ...死未

e+真係有好多資優生 個人認為無乜特別優越
相反 資源投放大回報率抵吐血頻率高成績亦未必好!!!

由如佢地覺得明晒啲嘢 學得快 做得慢 啲工課時間係睇佢心情而定.

仲有 佢地啲咁情鬼咁敏感...佢真係好明你要乜
但無耐力有不隸........

坐唔定 真係好普通㗎咋......

原文章由 wasabb 於 08-1-2 13:56 發表
其實我覺得大家都唔需要太過介懷自己個小朋友係咪資優兒，老實講，'資優'呢個名詞令到大家有點兒迷失。

就以犬兒為例，從佢3歲開始巳經有不同老師同我講佢好似有資優兒特質，老實講連我自己都唔知點為之叫有，老師同我講佢 ...

wasabb

hhkk,

你講得啱，資優生．．．．．把火 ．．．．．．．教到嘔血。

相反，我個大女雖然唔係資優，不真係易教同聽教好多。:loveliness: :loveliness:

我隻仔冇嘢叻，轉數最快就係推卸責任果陣

Wasabb

原文章由 heiheikeikei 於 08-1-3 00:04 發表
wasabb,

妳哩句... "不過我隻仔學習上係冇問題，但行為上真係要攪攪佢，佢個pat pat always只係'掂'到半張櫈，有時做做吓功課會'par''咗响張枱或企咗响度做都得(我係講緊响5分鐘之內做曬呢3個姿勢)" 我笑鬼咗出嚟... 我好 ...

vanwy

其實而家d小朋友真係叻左好多好多，同我地細個真係好唔同，又再同上一代比更叻左更多，相信現在小朋友都超早熟...資優與否好難甘細個睇到...

好似我個女，1歲半已經自己識開電視入碟去DVD機，轉台播碟睇，一歲就能分辨30種動物，7個月睇電視便會跟主題曲學唱及搖頭兩邊擺，我全部都有錄低做記錄....而家佢2歲3個月，講野好老積，會講大話，做錯多多藉口，鬥咀好好勝，成日話自己係全世界最叻最靚既小朋友....好怕佢將來遇到錯拆會逃避，有時資優可能仲難教，結果將來往往相反，要好小心處理

原文章由 tristawan 於 07-12-20 10:36 發表
其實我都想知多d關於資優既野

我囡囡而家讀緊k2
前幾日,班主任打電話同我講
話我囡囡講野好叻,
以而家佢同人講野既方式, 似個6-7歲既小朋友
佢個語言天份, 暫時觀察都屬於資優

因為我幫囡囡轉左校2個月, 之前果間 ...

[ 本文章最後由 vanwy 於 08-1-6 16:46 編輯 ]