保良局譚歐陽少芳幼稚園(hung hom)

bchi

保良局的學校理念一向著重德, 智, 體, 群, 美, 但plktausf 因為前身為賈梅士英文幼稚園, 所以保留返以英語教學.

一季雜費$412.   snack 同水小朋友自備, 若小朋友冇帶小食, 老師都會派小食.  

普通話班, 聽返d 媽咪講, 係試班階段咋. 未正式實行.

至於平時, 我問返個仔, 佢話英文老師講的東東, 中文老師會再講一次.
上堂時都係英文多, 我見我個仔k 1 學counting 時, 都係one two three 咁count 比我睇.  
我地全家以中文同小朋友相處, 但現在小朋友在聽英文方面, 有明顯進步, 亦會大膽同外國人傾計.

希望幫到大家 :)

Kiu312

Thanks, bchi.
妳仔仔是K1嗎? 聽妳甘講, 妳都應該幾滿意這幼稚園啦!唔知道學校有沒有要求小朋友之間要用英語溝通呢?
妳覺得難唔難考入這幼稚園呢? 其實, 我好擔心, 經過幾次面試發覺我囡囡的表現時好時壞, 反而開頭第一第二次比較好, 真煩惱!

lovingparent

I never regrert giving up KV and let my daughter study in this school 2 years ago. She enjoyed school everyday and the teachers are very nice as well. The school is well balanced in both Chinese and English learning, and the kids got lots of exercises at school and for homework.
You really can't complaint given the money value and the quality of the teaching. I plan to enroll my second child to the school 2 years later!

BNTYA01

學校有冇dictation and exam？

bchi

kiu,

我仔仔已經k2 喇. 我係幾滿意呢間幼稚園架. 覺得個仔好鍾意係度讀書, 開開心心咁返學, 開開心心咁放學, 就算功課比普通幼稚園多, 但佢地都會做得好開心.

由於每班都有印度小朋友, 所以小朋友都嘗試會以英語溝通. 好似印度小朋友一樣, 佢地都會同我地d 小朋友一齊學中文咁啊. 大家互動架.

其實我覺得plktausf 主要係in 家長, 想知道家長平時點去教小朋友, 帶佢地去邊度玩, 會唔會掛住做野好小理佢地等等, 家長答得好, 分數大好多, 另一邊小朋友玩下遊戲, 老師就問下, 你叫咩名呀 ? 呢d 咩黎架 ?  只要小朋友肯答, 都ok 架.
佢地冇話唔鍾意收細仔架, 我個仔就係細仔黎架. 冇問題架.

bnty,

mm.... k2現在好似未有dictation . 但生字已經教左好多.  
至於exam,  都可以算有, 因為學校到學期尾會有一份卷比小朋友做,  呢一份卷到時parent day會跟埋report  需要家長簽回,  成績以呢一卷同平時的表現作準則.  

lovingparent,

agree 呀 ~~
我唔敢話plktaysf 比起九龍塘好多幼稚好好或一樣, 但我真係好鍾意佢既有傳統教學, 亦有活動教學, 小朋友開心得黎, 又學得到野, 又唔會淺到k3 都唔洗寫字. 因為有d 小朋友係要比人管先會乖架. 我個仔就係喇. :)

Kiu312

bchi,
多謝妳的回覆和見解。
我和先生都希望囡囡可以考入plktausf, 這是我們的首選, 所以特別緊張。
妳講得好啱, 一開始太放鬆小朋友的話就, 日後就很難令佢地聽妳教, 但太嚴謹的話, 盞大家都辛苦, 所以我都prefer一些傳統+活動教學的幼稚園, 甘樣先可以取得平衡。

wheels

My daughter was just admitted.  However, I can't find details of their curriculum in web site.  Any where that I can find?  I'm eager to know the daily timetable, eg time spent in teaching English / Chinese respectively, Putonghua, etc.

evelynwong

我個女讀緊K1，功課每日都會有，寫下字咁，一係一版中文字，一係一版英文字母，一係一版數目字咁啦，星期五就多D，每樣一版再加一篇讀書報告加一張讀書工作紙。

我所見個個都好鍾意返學，讀書氣氛好好。
學校比較嚴，好有以前官立小學色彩，尊師重道！

每班有4-6個同學係印巴小朋友，幾好呀，同佢地溝通要講英文。

學費咁平而又英語教學邊度搵呀！

[ 本帖最後由 evelynwong 於 09-5-7 01:20 編輯 ]

mosquito_chu

睇完bk mummy 的意見,呢間幼稚園的背景及潛力幾好都冇用喇!d miss d 態度同禮貌都咁有問題,叫人點俾d小朋友去讀啊!!

evelynwong

但係學校真係有佢地既辦法，我個女每日放學可以自己換衫，然後自己將Ｄ衫放好，對鞋放入鞋屜，跟住自己去洗手，然後自己食飯，食完飯又會好開心咁去做功課！

每日返學又會主動叫管理員早晨！管理員開門比佢又會主動講唔該！排隊又會自動將對手放後面好乖咁企定！

響學校學到呢Ｄ修養都抵哂啦！

希望大家唔好以面試的短短時間就去評定一間學校的好與壞！

Newbb2006

原帖由 bchi 於 08-11-10 17:09 發表
kiu,

我仔仔已經k2 喇. 我係幾滿意呢間幼稚園架. 覺得個仔好鍾意係度讀書, 開開心心咁返學, 開開心心咁放學, 就算功課比普通幼稚園多, 但佢地都會做得好開心.

由於每班都有印度小朋友, 所以小朋友都嘗試會以英語 ...

hello, 我就係放棄kln tong 名牌而入呢間, 我同老公考慮佐好耐同分析過, k1 將於9月開課, 我都好祈待.

BearMoon

請問仍地interview形式同埋內容係咩呢 ?

我想仔仔插班K1, 佢地就係叫我寫信比校長..等消息..
唔知係唔係好渺茫呢...

如果我地屋企用中文多..使唔使補吓D英文...愁..

bb1

正式 interview 係會用英文問同枱的幾位家長,再由家長逐個回答,可用英文或中文.
不過如插班生應該不會有一班家長同枱問....
但聽聞家長未必要識英文都得.(這點是朋友說的.)

bb1

如真係有心想入,就不妨寫封信比校長吧!
起碼叫有個機會嘛~加油!

BBG1

interview是否需父母一齊去？
是否用英文問父母，中文問小朋友？

bb1

原帖由 BBG1 於 09-9-26 21:14 發表
interview是否需父母一齊去？
是否用英文問父母，中文問小朋友？

只有我帶小朋友,父親沒跟我入校(是他自己不入,他說不想阻礙別人 ,不知是甚麼理論.....)
是用英文問一班家長,家長可選用英或中文作答.
小朋友不知道.....sorry~

yukilee

係用英文in家長的和問小朋友少少野
然後小朋友再去隔離台畫畫咁囉
其實我英文唔叻,佢問野,都係用d簡單字句答佢
而我小朋友冇答佢..不過叫佢畫野好彩又畫
我都諗住唔收架啦,點知最後都收左

原帖由 BBG1 於 09-9-26 21:14 發表
interview是否需父母一齊去？
是否用英文問父母，中文問小朋友？

[ 本帖最後由 yukilee 於 09-12-20 23:41 編輯 ]

Tweety112

你好!  本人有一仔一女, 大仔讀KM K3。
細女20個月大, 差唔多又要報學校啦~
現想為細女報讀, 保良局譚歐陽少芳幼稚園2012年K1。請問現有家長...

- 班主任是一英一中(國語?)
- 有沒有assessment (一年2次?)
- 請問小朋友的功課量?  
- 是否需要做Project?
- 是否需要做閱讀報告?
- 有沒有家長參加的活動?

antonyada

講下我地囝囝

我地係2009年入讀K1既, 記得囉表時諗住早上8點去到都唔會太遲, 點知都排300幾NO. 去到in , 又唔覺好亂喎, 因為佢開五六個班房in, 同一時間hall 好多小朋友同家長, 所以你會覺得好亂, 但係因為已經安排晒每個小朋友時間同班房, 所以都覺得ok. 至於小朋友, 我估都係in 畫下圖畫, 不過聽媽咪講, 佢中途竟然要去小便. 結果當然無入選.

連後備都無份, 後來我地仲報左兩三間幼稚園, 結果都收左... 一路去到09年八月, 突然至收到PLKTAYSF電話話下午有位, 最後入左呢間學校.

呢兩年幾我地睇到, 小朋友真係返學好開心, 唔單止由最初怕, 到後來很喜歡間學校(連放暑假都想返學), 連成績都好好, 英文更加唔洗講; 我地係屋企都係中文為主, 但佢係學校, 已經可以 "自動波" 用英語同老師溝通. 而且發音仲好過好多大人.

主要我講講以下幾樣:
老師都好好, 好nice, 而且佢地真係有辦法令小朋友聽話.
校長好好人, 每日都會企係大堂同老師一齊等小朋友返學, 從呢一點你睇到, 校長是如何重視小朋友.
每班的南亞小朋友大約3-5個啦, 都唔算好多!
係校內以全英語對答.
有好多節目, 例如普通話日, 遊戲日等等.
中秋, 新年, 萬聖節, 生日會都有活動...
出外活動都好多, 例如參觀jusco, 消防局, 公園...etc.
每半年有一次總結成績.
每個月都有一張小結, 你會知道小朋友學到咩野, 進度.
每星期都有手冊派, 家長亦睇到學習進度.
每班有兩班主任, 一中一外.
每班26-27人. 分開幾個小group. (每季仲會轉換, 等小朋友間可以互相溝通)
學校每日都有茶點時間, 每日都有上學前集體跳舞, 等小朋友做下運動, very good.
功課方面, K1已經開始學畫線, 畫圖, 學寫1,2,3,4..等等.
K1,K2 每星期都要睇圖書, 放心, 小朋友一定喜歡, 睇完做一頁簡單功課.
K2 已經識好多單字, 兩三字既語, K3開始造句, 十位內加減數已經學晒.
佢地有普通話科, 有唱歌班, 好好多活動科目.
家長方面, 定時有D講座, 講下家庭子女話題.

以幾百蚊學費, 有一間咁既學校, 自己考慮下係咪值得囉!!

謝謝.

[ 本帖最後由 antonyada 於 11-9-30 11:05 編輯 ]