返左學一個月,病足一個月!

雲妮彭

阿囡9月5日開始返N1,9月中開始流鼻水同咳,到依家都未好番,睇左6次醫生.食左2次抗生素.........仲係咳得好勁,老趙話佢鼻同喉嚨敏感.....

佢仲話2歲前返學係無用,因為個腦未發展,唯一好處係學到群體生活喎.佢叫我請人返屋企教佢仲好喎........

我究竟係咪應該繼續俾阿囡返學定停學呢?

ioi

我個仔都有類似情況, 食左兩個星期藥, 食藥都食到怕, 成日嘔番D藥出黎. 不過個醫生就唔俾咁細個小朋友食抗生素, 同埋又冇話唔好返學喎.

我覺得係部份家長的問題, 明知個仔女有病, 仲帶佢返學連累其他同學仔. 我老公話有次有個家長對班主任講"我個女有少少咳呀", 又有次見到個同學仔係咁咳同埋打噴嚏. 另外有D家長就幾好, 有幫小朋友戴口罩. 但係我覺得佢地咁細個未必識用口罩和注意衞生, 既然有病就無謂帶佢地返學野俾其他同學仔啦, 返學前班又唔係話咁重要, 如果小學生中學生請幾日病假唔上堂會影響升學, 就話唔好啫. 間幼稚園d老師又唔知點解唔勸喻d家長帶有病的同學仔回家休息, 搞到傳染晒俾其他同學仔. 我地花錢俾佢睇醫生唔在講, 最緊要係唔想仔仔成日病咁辛苦, 我地又要擔心一輪.

我俾仔仔返N1都係想佢多D群體生活咋. 祝你囡囡快d好番.

原文章由 雲妮彭 於 07-10-11 16:46 硐表
阿囡9月5日開始返N1,9月中開始流鼻水同咳,到依家都未好番,睇左6次醫生.食左2次抗生素.........仲係咳得好勁,老趙話佢鼻同喉嚨敏感.....

佢仲話2歲前返學係無用,因為個腦未發展,唯一好處係學到群體生活喎.佢叫我請人 ...

may123

原文章由 ioi 於 07-10-11 19:17 硐表
我個仔都有類似情況, 食左兩個星期藥, 食藥都食到怕, 成日嘔番D藥出黎. 不過個醫生就唔俾咁細個小朋友食抗生素, 同埋又冇話唔好返學喎.

我覺得係部份家長的問題, 明知個仔女有病, 仲帶佢返學連累其他同學仔. 我老公 ...

我個囡上年都n1,都係一樣,我個囡半年加埋返學的日子唔夠一個月,其中有幾個月返得兩三日學,入過醫院訓左六晚,嘔呀,咳呀,傷風不計其數,好多人都話唔好比佢讀,捱過半年,約三月份開始,終於日日都返足學,再沒有病過了(少少傷風咳都有)

我好同意,我都見過有家長,明知個小朋友發燒,但係食住藥,都仲比佢返,我個囡坐校車,也見過一個男同學仔咳得好勁好勁,又唔用口罩
,最慘係我個囡都佢坐隔離,咁我咪惟由要我個囡用口罩，其實我都有聽醫生講過，咁細個叫佢地返學係唔係咁好的，但我要返工，沒有人睇佢，不過我諗，我不用返工，我都會比佢返學，因為我個囡返左學之後．真係開心的，又識到朋友仔，一些唔係咁好的行為，都可以改善下

[ 本文章最後由 may123 於 07-10-12 09:14 編輯 ]

森森美

原文章由 may123 於 07-10-12 09:10 硐表


我個囡上年都n1,都係一樣,我個囡半年加埋返學的日子唔夠一個月,其中有幾個月返得兩三日學,入過醫院訓左六晚,嘔呀,咳呀,傷風不計其數,好多人都話唔好比佢讀,捱過半年,約三月份開始,終於日日都返足學,再沒有病過了( ...

我囡囡都係九月開始返n1 佢都有咳同埋傷風, 上個月仲同佢睇左三之醫生, 我同醫生講話佢返左學之後就成日唔舒服, 醫生都話冇辦法係咁.所以都冇計為有增強佢身體啦!

雲妮彭

原來個個小朋友都經歷過呢個"病"既階段!

係呢,你地俾咩小朋友食,可以增強抵抗力呀?

rickycsm

Let them eat different kind of fruits la...instead of snacks or rice or noodle.

minniepig

其實讀咩嘢班都會病k1都會,我bb ok喎讀n1,病一定有但學咗好多嘢!!

enson.ma

原文章由 ioi 於 07-10-11 19:17 發表
我覺得係部份家長的問題, 明知個仔女有病, 仲帶佢返學連累其他同學仔. 我老公話有次有個家長對班主任講"我個女有少少咳呀", 又有次見到個同學仔係咁咳同埋打噴嚏. 另外有D家長就幾好, 有幫小朋友戴口罩. 但係我覺得佢地咁細個未必識用口罩和注意衞生, 既然有病就無謂帶佢地返學野俾其他同學仔啦, 返學前班又唔係話咁重要, 如果小學生中學生請幾日病假唔上堂會影響升學, 就話唔好啫. 間幼稚園d老師又唔知點解唔勸喻d家長帶有病的同學仔回家休息, 搞到傳染晒俾其他同學仔. 我地花錢俾佢睇醫生唔在講, 最緊要係唔想仔仔成日病咁辛苦, 我地又要擔心一輪.

綜合你以上既言論就証明你唔係在職媽媽或者屋企有工人幫，小朋友病o左做人父母點會唔擔心/唔開心，有邊個唔想小朋友有病留係屋企休息呢？
但係，係咪個個家庭都好似你咁有人做back-up？係咪小朋友一有傷風感冒就即刻請假唔返工？比著你係老闆你會點睇呢位成日請假既員工呢？
而每間學校都有指引 - 帶有傳染病/發燒既學生都唔可以返學
以上純粹個人意見，如有得罪，敬請原諒！

雲妮彭

可能我用錯字眼卦,佢話2歲返學,佢地都唔知自己做緊咩,學野方面無大幫助,因為佢未到個個階段.佢舉左個例子:一個三歲既男仔,我俾個女朋友佢,佢都唔知用黎做咩,可能仲會打佢tim.......... 算啦,各人觀點唔同,聽完咪算囉.....我都無跟佢甘做架......

原文章由 RiceBear 於 07-10-12 13:34 硐表
小朋友容易病, 因為佢地冇抗體, 就算3歲先俾佢番學, 如果佢地冇抗體又接觸左d病菌都係會病, 唔通3歲入學就唔會病?

0-3歲個腦既發展係最大, 腦細胞發展最多, 個醫生竟然話2歲既腦未發展 ...

ioi

原文章由 enson.ma 於 07-10-12 15:11 硐表

綜合你以上既言論就証明你唔係在職媽媽或者屋企有工人幫，小朋友病o左做人父母點會唔擔心/唔開心，有邊個唔想小朋友有病留係屋企休息呢？
但係，係咪個個家庭都好似你咁有人做back-up？係咪小朋友一有傷風感冒就即刻請假唔返 ...

回應enson.ma的意見, 首先我也要說聲唔好意思, 因為我真係無顧及一些在職而又無工人或屋企人幫手照顧小朋友的家長的難處. 而我所指的那些家長, 我假設他們是有人照顧患病小朋友而仍然帶他們返學的那類家長.

我個人絕對唔贊成一個在職人士因為私事而經常請事假 (我自己的職業絕對不容許咁做), 又唔贊成在職人士或較大年齡的學生(懂得帶口罩)因為少少唔舒服就經常請病假, 因為咁樣做是不負責任的行為, 不論老闆點睇, 都唔應該咁做. 所以, 如果仔女有病, 家長要返工, 又搵唔到人幫手, 俾仔女返學都無可厚非, 唯一可以做的, 可能係盡量教識小朋友用口罩和注意衞生, 例如唔好向住人咳, 咳的時候要掩口等等. 不過小朋友咁細個, 好難做到, 我都明白的.

話說回頭, 郁d就請假係不負責任的行為, 但, 隨意傳播病菌則是沒有公德心的行為. 責任心和公德心同樣重要! 仔女生病, 如果家長請假唔返工照顧佢, internal cost可能係扣左假期, 扣左人工, 扣左勤工獎, 俾老闆埋怨...... 而如果家長照常帶小朋友返學, 則會產生的external cost可能係傳染給同學仔, 同學家長要花錢看醫生...... 點都會有cost, 問題只係個cost發生係自己身上, 還是轉嫁在別人身上.

最後, 我亦同意其他家長咁講, 小朋友不論遲早入學, 都會有段適應期係較易生病, 點都要病過先有抗體.

Hei3705

想問下如果有鼻水可以搽曼秀雷敦薄荷膏可以有幫助

原文章由 小香香 於 07-10-12 17:03 硐表
我個女就冇病喎

係有一兩日有少少啖同鼻水..我同佢搽左D曼秀雷敦薄荷膏

一兩日都好喇....都冇話有咩病

mayyan1214

我個朋友都是這樣,不過佢一路比bb繼續返學,一段時間就ok啦!

bbearbaerb

yes! 家姐都是繼續給女女返, 之後都沒事.

原文章由 雲妮彭 於 07-10-11 16:46 硐表
阿囡9月5日開始返N1,9月中開始流鼻水同咳,到依家都未好番,睇左6次醫生.食左2次抗生素.........仲係咳得好勁,老趙話佢鼻同喉嚨敏感.....

佢仲話2歲前返學係無用,因為個腦未發展,唯一好處係學到群體生活喎.佢叫我請人 ...

Irenesuet12

我bb都係咁, 令到我好担心, 我贊成有病應該吾好返學..

ireneisaacivan

Hi:

How old your daughter? She went to school already one months. She always sick. It is normal because the children go to new enviorment. They need more time to settle down. In school have different student there. It is easy sick. Another, if school have student sick. There have some virus easy to student. Don't worry most kids is the same. If your daughter still to go to school.You need to understand in school most like that. In school, she will learn how to share with other student, independent more than home, songs and games. I think in school teacher will teach a lot of things to take care your daughter.

原文章由 bbearbaerb 於 07-10-12 18:55 硐表
yes! 家姐都是繼續給女女返, 之後都沒事.