- 在線時間
- 148 小時
- 最後登錄
- 22-3-26
- 國民生產力
- 38
- 附加生產力
- 1225
- 貢獻生產力
- 0
- 註冊時間
- 06-5-15
- 閱讀權限
- 10
- 帖子
- 456
- 主題
- 14
- 精華
- 0
- 積分
- 1719
- UID
- 83377
|
哇哇!'K1G'已經沈咗落第三版尾了,快D得閒上嚟傾下啦!
大家復活節有無去邊度玩呢?我一家三口就去咗台灣(因為每年老公都會去見下D客,順便跟埋去行下),RACHEL就話玩得好開心,不過我同老公就辛苦D,因為成日要抱佢,唔知係咪去咗外地,D環境唔同哂,所以成日唔肯行要抱呢!其實台北都無咩特別好玩的地方,可能RACHEL仲細,只係帶佢去'麥當奴'玩下滑梯,去'宜家'玩下波波池,佢已經玩得好開心呢!最後果日帶佢去個'兒童交通博物館',去度好多遊戲都無開,就算有都唔會玩那種,就好似去咗舊荔園,好殘好舊,所以去咗地庫個兒童樂園玩,每人都要收費,比完錢落到去都幾後悔,又係一個好大嘅波波池加滑梯,但埸內又暗又殘,仲有蚊,所以玩咗一陣就'氹'個女走了.妳/你們又怎樣?
Hi,Tony,
我今日送RACHEL返學去洗手間時,見到你囡囡Natalie企喺洗手盆前好耐都唔郁,唸住同佢打招呼(其實每次佢見到我,都會好主動同我笑住咁打招呼的),點知佢好可憐咁,眼濕濕兼有淚光,所以問佢咩事(我以為佢比其他小朋友'蝦'),問咗佢幾次佢先話'好掛住DADDY同MAMMY',仲開始想喊(可能見到入面有好多家長同小朋友一齊啦!),咁我就同佢傾下其他東西同氹吓佢,之後同佢去咗廁所同洗手,見佢停咗無眼淚就拖住佢返課室,(本來想叫我個囡氹下Natalie同帶埋佢返課室,點知佢自己去完廁所洗埋手就一支箭咁走咗去,激C我!)Natalie返到課室都無玩就伏在枱上,不過無喊,臨走時佢都有同我揮手拜拜.MISS YU話長假期後好多小朋友都會咁,不過你哋同佢傾下等佢開心D啦!(相信佢返到屋企都會同你講番今日D事).
平時見佢好開心同笑得好甜的,今日見到佢咁個樣我都好唔開心:( ,就好似見到自己個囡喊一樣.不過唔需要擔心,佢哋會好快適應番,好似以前咁開心去返學的.
在此祝各小朋友個個健康快樂,開開心心!
[ 本文章最後由 clarachel 於 08-3-31 18:20 編輯 ] |
|