到底阿仔係姿優定係有過度活躍証?

P-Ma

hin&ho_mami

3P親子「正」策課程我都上過(我和丈夫一起上的)。我覺得是如果普通的小朋友，是有效的，所講的都是我們成人所忽略的；但如果你的是懷疑資優兒，那麼如果他未到歲半至二歲，都可以。但你的小朋友已4歲的話，成效只有10至20分，不過都可學識很多東西。因為他已有了一定的主見，那些方法不是太有效。所以我都有跟我的朋友說，在未發現有管教問題時，應該上，或者應該每一位父母可以的話都應該上這課程。

至於資優測試，我以前有提過，一殷這類小朋友都不獲傳介做測試的，(要有其他障礙才做)；做了也不會告知結果，只說某方面比人好，某方面比人差，不會告知分數的。

eeyore_fy

你講 3P 班係咪平日上堂嗰種呢? 姑娘都有提議我地參加,但係我個都要返工邊到可以去呀!
我今個星期日比阿仔去 LITTLE GYM 嘅地方試堂,裡面好似玩體操咁, 係外籍老師. 當我上到去嘅時候, 我同老師講佢唔停,老師就話佢地D咁嘅年齡係咁, 不過佢地會TRY 引佢返嚟,但就唔會迫佢地.我諗住外籍老師個容忍度會高D,因為有時D 鬼仔仲唔停啦! 同埋佢D外藉老師識講中文.
有時當我返工完好唔開心我見到阿仔咁都火架. 唔係打就插佢啦! 不過我會叫自己盡量忍,同埋會同佢講係咪想我發皮氣,咁佢都會收斂. 佢同我地出街都係唔拖住架, 如果佢唔太過份,我都由佢.佢過馬路或入"粒"都會停底. 不過佢太過份我就同佢講你咪想我返到屋企打你先,咁佢都會拖住. 所以其實佢地真係好識睇人眉頭眼額. 我諗依加最重要都係自己要收吓D脾氣. 我依加努力中, 大家一齊努力啦

eeyore_fy

其實你個仔同我個仔真係好似! 佢一比我打就叫唔好,但係條街度有時會唔記比人插完;轉個頭又嚟過. 所以我地依加出街會同佢講比我地行一陣,再同佢想去嘅地方,梅花間竹咁! 等佢覺得冇咁悶!不過你好勇敢因為你敢生第2個, 我真係唔敢,因為我怕多一個,我諗我會痴線呀!
不過我都應同你姑媽講佢地呢d人係受軟唔受硬,因為我阿媽都係咁同我講!不過阿仔有時都幾乖,知道明天有街去,佢都會自動自覺做功課. 佢都係一時時. 我諗佢真係要一d可以比佢發洩體力嘅地方! 等我去完我話比你知得唔得呀! 係呢? 你介唔介意講你住邊架! 睇吓我地近唔近得閒出嚟飲荼呀! 另外仲有樣野佢地都好似就係會用我地話佢嘅口吻同語氣話工人,不過我一聽到就會話佢唔可以咁!等佢唔好以為老馮. 同埋我會同工人講如果佢識做嘅野要比佢做,唔好幫佢

waiwing

其實呢個問題已經圍繞左我成年, 我個仔既case同你差不多，又係出街無時停，見到３唔識７既小朋友（總之係小朋友，　由２歲到８，９歲）就會唔理阿媽姓乜飛擈過去，圍住個小朋友係咁玩，有時有d小朋友唔多睬佢，　佢又不停纏住人，　纏到人地小朋友喊哂，佢都唔肯走，搞到我比個d媽媽啤住我，好似暗示緊我無家教咁，　但我個仔真係叫極都唔聽，出到街我好似個癲婆咁，有一次，我同阿仔＆我阿媽飲茶，佢死都扭買野，死都要落地係咁跑出門口，我細聲同佢講左好多次唔準，佢當我耳邊風，　跟住有一次我抱佢返黎，佢係咁爭扎打我，　我咪一巴打過去，跟住好惡咁罵佢，　跟住隔離有幾個師奶叫我唔好再罵佢（我個仔），再罵就報警，　話我"弱"兒喎．．．我真係超唔開心，嬲到我震哂 ，登時想喊，　點解人地d小朋友咁乖，　我個仔會咁癲架？？　連我阿媽，阿姨都問我點解生個仔會咁 ？     
我真係唔希望佢係過度活躍，點算？？？

siuman0706

勁有同感,但我嗰個係女,佢真係勁聰明,我完全地feel到我好快会跟唔切佢個level.......救命!!!連學前班的班主任都話佢係教咁多個女學生最好動嗰個........哈哈

eeyore_fy

依加真係有多人會出聲話你好咁打仔架! 所以我就盡量忍,再唔係搵個冇咩人行嘅地方,就地正法. 外邊嘅人都會覺得細路仔係咁架! 你打到佢咁,不如唔好生. 講真如果知佢係咁,我諗無人會生囉! 係咪?

hin&ho_mami,
頭先睇完你個留言, 可能你個大仔係因為覺得或驚你只係照顧細佬而做咁多野出嚟引你注意!我諗你應該留意吓你自己會唔會真係咁, 你要同阿仔解釋同埋叫佢幫手,呢d我都係睇書學返嚟! 不過呢排我個仔同我講叫我生個妹妹比佢和, 我話你乖d我都會考慮吓,如果唔係2個都係咁真係想我死快d
佢話出街會比妹妹跑和, 我話咁我咪要捉2個,佢話唔洗因佢跑得快過妹妹,可以拖佢返嚟和. 所以都唔知好嬲定好笑! 之前我問個阿仔佢想唔想要妹妹或細佬, 佢一口就 say no, 不過可能依加開始大同埋成日都見人地係兩個小朋友.所以咁啦! 不過我都係會考慮清楚先.

wakeup07

hin&ho_mami 寫道:
eeyore_fy

你估如果我知道我的仔仔在３歲之後就發癲、性情大變的話我會唔會再生呀，他之前真的好乖、聽話、易湊。我唔知係咪細佬的出現令他做出這些行為，定係佢比別人快去到另一階段而我們又配合唔到，所以我先慘   

我唔係好識教仔但我估如係有機會因為細佬出世而令到個大仔甘反叛, 我個人認為係唔係應該令到個大仔明白佢係大哥哥, 爸媽都仲係好錫既大哥哥, 又要安排好d 機會俾哥哥教弟弟做d 野, 大人就成日多d 讚賞佢令佢覺得自己好叻, 又錫弟弟,又要做個好旁樣, 甘爸媽又會愛佢d.....   

eeyore_fy

其實小朋友會有咁嘅諗法係唔出奇架! 因為佢地唔會明白點解會多咗一個細佬或細妹,佢地只係覺得佢地分薄咗爸爸媽媽嘅關懷! 所以你要令佢明白自己依加係變咗大哥哥,你可以叫佢幫吓你地攞玩具同埋屎片,搵d佢做到嘅野比佢做.等佢知道佢都可以好叻架! 因為佢地唔明白,就好似我咁,我係大嘅.咩都要讓個妹,玩得嘈比人插同打一定係我,所以我都會好唔鐘意我個妹架! 細過就係咁架啦! 所以你都可以買d 書返嚟睇吓,有時都幾有用架!

P-Ma

hin&ho_mami

小兒也是大概二歲半後，變得十分反叛，之前也算易湊。到現在7歲了，真的另我十分嘔血。所以我想也不想，不會要多一個。我實在沒有精神和體力了。
至於打，真的不要這樣做。幸好，自小我都不大打他，不然，他真的會學，如在學校加上打人的話，我就不知點算好。他自小就動口不動手的。老師也說他手多口多，就不打人。

wakeup07

請問如唔用打, 點先可以令一個未識講野既小朋友停止他既曳或危險行為?又回點可令佢驚?

wakeup07

rabee'a 寫道:
wakeup07 ,

如果係危險行為就要立即捉住佢，如果係曳就ignore 佢，唔好打佢呀，因為打o左一次之後，你就越來越想打佢嫁啦!我都join 過3p course，都覺得每個家長都應該上o下，最好係小朋友兩歲前上，因好多小朋友都係兩歲後就好有性格，佢o地好似由天使變o左做魔鬼咁!真係激到嘔血!

係呀係呀...真係有天使變o左做魔鬼甘,日日都唔停甘...叫佢訓又唔訓, 周圍穩野攪, 到我叫佢唔好訓啦, 又眼訓囉...好似有無窮無盡既精力甘.....我已經打左啦...佢仲跟埋我tim....都唔知點停手(我同仔)......可能再加上正在開始分居, 無乜耐性囉.....3p是否要husband and wife join ga??? how to join???

eeyore_fy

我都知打佢都唔係辦法, 但係成日叫佢都唔停,唯有用呢個方法囉! 不過依加佢開始大啦!我地都好少打佢.

hin&ho_mami
我尋日去咗試 little gym 阿仔玩得開心呀! 但係老師用英文對佢嚟講有d難度, 不過佢地d老師都好好用廣東話教佢跟住其他小朋友做,咁佢都開始融入度. 我都見有其他小朋友周圍走,但係老師都唔會好硬咁佢叫地唔好,只係抱佢返去同佢地講,我覺得ok 仲同阿仔報咗名.佢玩完都話好好玩. 梗係啦! 佢地可以周圍走同叫. 玩完佢地要立即想訓 咁我就有個寧靜嘅下午啦!

eeyore_fy

3p 係咪要平日先可以上架! 因為上次我老公帶阿仔去評估時,姑娘比個 schedule 我老公,佢話全部都係平日上唔到, 知唔知有冇星期六或日的呢?
我地尋晚開始咗同阿仔玩蓋印, 如果姐姐帶佢放學時,佢可以拖住唔走,咁姐姐會蓋印係月曆到,連續有2個,第二日放學就可以去公園, 尋日就ok 唔知今日點呢? 因為我地都唔想成日打佢同埋唔想佢唔鐘意姐姐,因為佢已經係我第3個工人,係算最好嗰個,我唔想又請呀! 唯有用呢d方法幫吓姐姐囉!