用戶登入
用戶名稱:
密      碼:
搜索
教育王國 討論區 資優教育 到底阿仔係姿優定係有過度活躍証?
查看: 24382|回覆: 111
go

到底阿仔係姿優定係有過度活躍証?

Rank: 4


875
發表於 07-6-1 23:22 |顯示全部帖子

到底阿仔係姿優定係有過度活躍証?

我個仔就嚟4歲讀緊 K1班,班主任話佢成日坐唔定,鐘意攪攪震;比起其他小朋友唔集中;所以會成日罸佢同投訴佢.但佢比其他小朋友轉數快;老師話佢可能有過度活躍証,呢個係佢經驗之談!但係依加情況有改善係因為阿仔好怕冇得玩;所以佢就好好多會聽老師講野.當阿仔參加課外活動學英文,佢又坐唔定比老師投訴;仲破壞其他小朋友嘅NOTICE ,老師問我佢學野嘅進度,我話佢好鐘意學新野,同埋學得好快.咁老師又話佢可能係姿優.另外我都有比阿仔學畫畫,但係老師又投訴佢話佢又係坐唔定,如果一對一佢就冇問題,佢咁樣令其他人冇辦法上堂!咁好啦我咪帶佢去健康院,做咗評估,姑娘冇話佢係邊樣,只係話佢唔識得守規則!我真係好煩呀!阿仔學咩都比人投訴!今日學畫個老師打嚟用D好好聽嘅說話同我講,話佢自己親自教佢,想令到佢可以集中D,因為佢依加連集中5分鐘都做唔到,仲話想安排佢另一個時間上堂,係一對一嘅;等佢情況好轉先比佢同其他小朋友一齊上堂.我聽到後覺得好唔開心,我唔係話我個仔係啱晒,佢都有問題!但係如果要轉佢一對一,我就覺得唔係咁好,因為比佢去學野都係想群體生活,但老師話佢咁樣係做唔到呢樣野.我真係好煩.點解佢會咁?學咩都比人投訴,我覺得好醜,唔敢比阿仔去學野.我應該點做好呢?

Rank: 2


39
發表於 07-6-2 13:53 |顯示全部帖子

Re: 到底阿仔係姿優定係有過度活躍証?

其實我都會似你咁擔心....
我個仔就細D宜家先25個月.但係由佢好細BB就已經比我好擔心.未滿月我用D包被包住佢仲用埋幾個扣針扣住佢都可以郁到落左.成日比D老人家話我唔幫個仔用包被包住...
等到5個月就已經係抱住時不斷跳如果唔理佢係可以跳上一個鐘果種.日日訓覺可以訓一陣間就成晚到天光唔訓.
10個月就已經是爬我0地上下舖床0既樓梯
出街成日都唔比抱要自己落地如果唔係就大唉大叫唔可以似人地DBB仔乖乖坐上5分鐘.座車行街成日比人用特別眼光望著我0地.
有時有D人明明早過坐我隔離D位置都會行開坐或者寧願企去其他地方
仲試過坐巴士有個阿婆坐我隔離不斷同我個仔話:BB點解你
0甘坐唔定呀!咁曳...跟住同我話佢個孫幾乖一樣差唔多大.但可以全程坐定定
去返Playgroup人地個個B都坐定定.就係佢不斷同我話:我要玀(要去玀波波).一係話:我要走.搞到我都覺得好醜好醜
成日唔理係邊都會想D計仔八厭.搞到宜家我已經好耐冇試過一個人帶佢出街.次次要出街就算我老公返工我奶奶都會由佢住0既黎我好遠地方黎陪我出街出親街都如臨大敵咁
我老公話我好似癲左因為我已經問過好多醫生.專家我個仔0既行為表現係唔係個過動兒(由我個仔10個月開始周圍問醫生).雖然得到答案都話覺得暫時佢係聰明多個過動活躍但係我仲係好擔心.我唔希望佢一定係資優我只係希望佢唔好係個過動活躍兒.所以我可以明白你D感受.我也都擔心將來我個仔讀書或者學0野都會比人投訴所以都唔知點好.好擔心   
所以我想同你講聲一起加油.希望我個仔同你個仔都唔係過動活躍兒

Rank: 4


875
發表於 07-6-3 00:19 |顯示全部帖子

Re: 到底阿仔係姿優定係有過度活躍証?

我都好明白你話d 人用奇異嘅眼光望住你嘅心情! 不過我就好d 因為阿仔鐘意坐巴士,佢都會好定. 我諗你個b 係因為少出街先至會咁,你可以試吓同佢去多d 如公園咁, 等佢習慣吓街係好多人,先至慢慢同佢去行街. 你個b 返學未呢? 如果未你可以試吓比佢上全日班! 等佢學吓要守規律. 因為我個仔依加個班主任搵到方法對付佢, 就係如果佢唔聽話就唔明佢參與, 初初老師同我講佢話佢成日罸佢,我都好唔開心,因為咁佢就會變得比較 special 同比人標簽咗佢唔乖, 但係老師同我講完後,我會同阿仔傾吓睇吓佢有咩問題! 因為佢成日比老師罸佢都試過唔想返學,我都好擔心! 咪同佢講如果你唔攪攪震老師就唔會罸你, 不如你試吓合作囉! 咁佢都會好d,同埋老師會讚佢,佢好開心.依加就鐘意返學! 不過一學課外活動就比人投訴, 可能佢畫畫嗰間野真係想培育出張大千嘅人啦! 我問過我個仔佢話想學畫, 但我就放棄咗.依加可能會搵d活動教學嘅比佢學啦! 因為我都唔想咩都學一半. 我諗嗰d學校佢會有興趣d同埋可能會接納佢. 因為我身邊嘅朋友都話佢唔係過渡活躍,因為佢打機同埋睇電視都可以定定地. 不過我都唔知呀! 真係好煩呀! 有時自己聽到佢比人投訴會好唔開心,我都有同佢話老師投訴你! 但係我覺得可能會影響佢,所以我以後都要轉過第二個方式講. 好啦! 我地一齊努力! 你試吓留意你個b佢對d咩係有興趣, 如唱歌呀!跳舞咁! 同埋如果佢大吵大鬧時你千祈唔好因為唔想佢煩已就佢,因為小朋友好識得捉我地心理架! 所以如果我係街,我會"的" 佢企埋一邊問佢發生咩? 唔好你以為咁我就會就你囉! 因為我係仲硬過佢,久以久之佢就唔敢,係條街度嘈我話想點就點,再唔係我就同佢返屋企丙佢鑊金嘅   有咩問題大家交流吓! 因為我都明好似冇人明白自己嘅感受!

Rank: 2


61
發表於 07-6-3 00:48 |顯示全部帖子

Re: 到底阿仔係姿優定係有過度活躍証?

vickto and eeyore_fy,

        我曾經都有和兩位一樣的經歷和感受,為個仔擔心又攪到自己成日都好fish咁樣,我想和你們分享一吓,鼓勵吓 (安慰吓):

        我仔細個陣上幼稚園時老師係前面講,小朋友坐晒係度聽,而佢就周圍走,唔肯坐下來。仲走去摸老師塊面;又試過唔聽指揮而被老師罰坐係課室門口冇得上堂,當然係數分鐘個d啦,係屋企就更加唔駛講,係梳發同床跌倒落地係等閒事,又試過係公園玩跌落地攪到塊面d五官一般平咁,腫左成個月先散瘀,肉痛的感覺我到宜家都唔會忘記!出街就係甩繩馬騮啦,仲會趷起個腳尖來行路tim,呢樣野我睇書睇到,話通常過度活躍症的小孩會咁樣行,我於是更加懷疑佢係一個有過度活躍症的兒童。

        我找家庭醫生寫左張referal, 去政府的兒童評估中心尋求協助。總共去左大概四次度,又有d問卷要幼稚園老師同家長填,第一次的結論係:你個仔係有小小活躍,但由於佢宜家年紀太細,所以不能下結論。到佢再大d個陣,應該係上小一個年,(年代久啦,我都唔係好記得)我地又去見,類似覆診,今次出來的結果係話佢嘅智力係優秀,但佢地唔係用測IQ咁嘅表達方式,而係類似小朋友度高磅重咁樣的一個chart,我仔就係97%嘅位置。而隨住佢漸漸大個,佢開始比較定d,嗌得停d,專注力開始慢慢有小小進步。但好奇心仍然係天下第一,即係會不停周圍探索,不停咁問問題,當中當然地又會出現一些危險鏡頭或者令人尷尬的情形啦。

        所以兩位,唔駛咁擔心架,大d真係會好d(冇時停同冇專注力呢兩樣野),而多數被懷疑係過度活躍症的小孩都係某種程度上的資優來架。如果真係太擔心的話,就學我咁叫醫生寫紙去兒童評估中心尋求協助,起碼得個知字吖嘛。因為如果真係過度活躍症而又係嚴重個隻的話,係要食藥架。

        至於我地做媽咪嘅,都唔好覺得個仔咁樣好似自己都好fish, 尤其係出街時對住d陌生人嘅時候,始於小朋友百厭就無一例外,我地可以係佢對其他人造成騷擾時加以阻止同限制,但唔需要覺得fish,當然呢d心態都需要時間去訓練自己,慢慢來。

Rank: 4


875
發表於 07-6-3 01:12 |顯示全部帖子

Re: 到底阿仔係姿優定係有過度活躍証?

見到你嘅留言, 我突然間覺得真係人間有情! 因為想其他人明白我地嘅感受真係好難! 好多人都覺得我唔識得教佢,佢先至會咁, 我真係好唔開心. 我都有諗過係咪自己嘅問題! 攪到個人都short short 地咁! 試個有個阿叔係咁無啦啦話我個仔,但係當時我地等緊 life,阿仔係副近行嚟行去,佢又冇撞到人.但係個阿叔就爆粗話佢好x 煩,係咁插! 當時我咪插返個阿叔轉頭問佢發生咩事? 點知個阿叔扮傻話我冇佢呀咁,真係火都嚟   都唔明點解d人要咁姐! 我真係好想死啦! 不過依加見到有其他媽咪係度分享等我知我唔係獨身作戰, 所以我會學你去搵家庭醫生寫信去 check 吓先. 無論佢係咩我都想對証下藥咁一齊去面對,我唔想去估估,好辛苦呀!  同埋會搵d活動教學嘅課外活動比佢去玩,消耗吓佢d體力

Rank: 3Rank: 3


309
發表於 07-6-3 12:50 |顯示全部帖子

Re: 到底阿仔係姿優定係有過度活躍証?

eeyore_fy and vickto,
你個仔既情況同我個仔好似,佢依家9歲,回想佢細個時大慨3,4歲時日日放學後差唔多都比師生投訴(每次都好大壓力,又唔知個仔今日衰咩)心諗如果咁煩不如留向屋企好過,最小唔駛理其他人奇異既目光.當然我覺得呢個只係一個駝鳥政策,唔返學唔等於問題已經解決,再加上其他同學仔媽咪都只係話你個仔仲細大大吓會聽話,心諗咁你地唔介意我個仔成日講野嘈住其他小朋友,咁都好d.. ..如是者,至到佢讀到Grade2,佢都係一直都係比老師投訴多野講.唔係好明點樣同人相處,有佢講無人講.唔明咩叫body distance.而social skill 比較弱,但係一對一又無問題喎,終於學校要叫個心理學家觀察下佢 ,佢都比咗d見意比學校,之後close 埋file,話佢都唔係好特別case,嗰陣時我都好懷疑佢係ADHD,老師都懷疑佢係.到咗grade 3學校又打電話比School board要再做多一次更詳細既test.講真我好多謝佢d老師咁熱心幫我個仔,老師仲話覺得佢好有creative.如果真係adhd,唔係咁差都唔主張佢食藥,睇下用行為可唔可以令佢改變,好勒等咗好耐前前後後大慨6個月,份report返咗黎,psychologist話佢係一個好bright 既小朋友,部份係gifted,但行為仲係一個4歲,(雖然佢都已經9歲)依家應該用行動令佢明白點同人相處,例如我睇電視佢好嘈,唔應該同佢講要佢收聲,應該同佢講依家媽媽要睇電視你又講緊野咁你諗下應該點做,等佢諗下點同人切想,而且更加要加多d活動,最好父母在旁鼓勵佢開導佢,話比佢知邊d啱邊d錯,唔應該成日鬧或罸,再返一d佢有興趣既課外活動,增加佢既自信(因為响學校成日out of class,但又唔知自己衰咩,覺得自己好差,令佢無晒自信)講真佢IQ有幾高唔係最重要,如果佢IQ高但又無人明白佢,但又唔知點解d人要咁對佢喎,佢仲慘.依家佢仲細慢慢開導佢,對住呢d小朋友,最重要係耐性,你上得黎都係想佢好,你有咁既心,一定係好媽媽,一個媽媽,一定教出一個好小朋友,係唔係??

Rank: 1


23
發表於 07-6-4 20:37 |顯示全部帖子

Re: 到底阿仔係姿優定係有過度活躍証?

你地都叫做好
我個女係自閉(有少少)
咁重慘
我識o既一定會答,但請大家唔好咁自私,少少o既cm都可以!!!

Rank: 4


776
發表於 07-6-4 22:58 |顯示全部帖子

Re: 到底阿仔係姿優定係有過度活躍証?

我都係一樣, 果囝又係成日都唔識停, 成日比人投訴, 學樣樣野都唔能夠專心, 成日攪人, 唔聽講, 個個大人同佢溝通, 都會說他好聰明, 但好頑皮, 我都希望帶佢去check check, 請問係迷帶小朋友睇普通醫生, 叫佢寫信轉介就得的呢?  真係教到我想死了.

Rank: 4


875
發表於 07-6-5 21:53 |顯示全部帖子

Re: 到底阿仔係姿優定係有過度活躍証?

SORRY 呀! 公司好鬼忙,所以都冇時間上嚟!
見到大家嘅留言真係好開心,開心唔係因為見到其他人都有我嘅問題,而係BK比咗一個平台我地去識同與到一班同路人!
星期日我去搵咗一D 興趣班,係外籍老師教;因為佢地嘅接受度會高D啦!同埋我唔想因為咁而停晒阿仔嘅權利.不過學費就貴D,不過冇計啦!鬼叫佢係我個仔咩!我身邊嘅朋友都有同我講過話佢大D 會好D,我都希望啦!我依加都盡量叫自己唔好因為阿仔咁已成日插佢,因為佢都會唔開心,我會盡力令自己嘅耐力耐D啦!

Rank: 5Rank: 5


3473
發表於 07-6-5 23:07 |顯示全部帖子

Re: 到底阿仔係姿優定係有過度活躍証?

我個仔讀N1,N2時,班主任話佢成日坐唔定,鐘意攪攪震,得閒開下櫃門,行呢行去,唔玩玩具,淨係鍾意去玩英文閣同數目字,但佢比其他小朋友學嘢快,多野講,唔鍾意同人相處,淨係同一位同學玩,social skill 比較弱,大人除外,老師話佢可能係資優!我就驚佢係自閉!於是比D嘢佢學,等佢學吓群體生活同比佢聽吓指令,初時比其他小朋友同家長投訴,成日唔聽話,跟住我已經遲小小接佢,避開D家長,費時再聽投訴,點知miss都頂唔順都要投訴,成日比人投訴,我都覺得好醜!

咁啱啱4歲要帶佢去健康院check 視力,同醫生講佢係學校嘅情況,咁醫生寫信,去政府的兒童評估中心做評估,同MarketCEO一樣,又係有d問卷要幼稚園老師同家長填,第一次的結論係:你個仔係有小小活躍同專注力弱,但由於佢宜家年紀太細,所以不能下結論,要到佢下年再check一次。智力正常,但無講佢係唔係資優!

得閒係BK攞吓料,我現在深深體會睡覺四字真言,自求多褔!
因為個個都話,佢係聰明都當資優咁教,其實即係點教呢?     

Rank: 8Rank: 8


17382
發表於 07-6-5 23:50 |顯示全部帖子

Re: 到底阿仔係姿優定係有過度活躍証?

我果個係女,今年k3,有齊各媽咪所講既問題
太多不能盡錄,e+排左期7月去健康院見姑娘,
check吓佢咩事    

Rank: 2


61
發表於 07-6-5 23:53 |顯示全部帖子

Re: 到底阿仔係姿優定係有過度活躍証?

loklokma47,

      雖然我地大家的小朋友都係“疑似資優”但由於每個人的性格也唔同,所有都好難講得出應該點教架!相信每個媽咪都會盡量將最好嘅野比自己的仔女架啦。

       我個人體會係: 對付呢個懷疑資優嘅仔首先要轉數高過佢,咁樣佢先會有興趣同我傾解等我多d了解佢,其次佢有興趣嘅野如果負擔得來就盡量比佢接觸吓,唔理係學術方面或者係運動或者音樂方面,不求佢成個咩專家, 但求可以等佢發現佢自己真正有興趣和天分的項目來加以培養。我有個最傻嘅辦法就係:一有假期就去旅行,唔係去外國,係返大陸,中國咁大,幾時得來去得駛吖。係旅行途中日日都有新鮮事物,次次都遇見唔同嘅人(團友),佢唔會覺得悶,係另類活動教學法。(我自封的,嘿嘿!)
        
      最後係待人處事方面我會好長氣咁教佢要有禮貌、要識得同人分享、要大家有商有量等等..., 講到口都臭啊, 總之!學亞仔個班主任話哉:逢親有d talent嘅人都在某種程度上係好自我嘅人來架,一係用挫佢銳氣個招,一係用鼓勵加比機會佢發揮個招,唔同嘅性格會有唔同嘅結果,但做亞媽嘅就可能兩種都要用到,所謂嘅軟硬兼施咁啩!

      大家都來分享吓吖!
         

Rank: 2


61
發表於 07-6-6 00:02 |顯示全部帖子

Re: 到底阿仔係姿優定係有過度活躍証?

olkan 寫道:
我都係一樣, 果囝又係成日都唔識停, 成日比人投訴, 學樣樣野都唔能夠專心, 成日攪人, 唔聽講, 個個大人同佢溝通, 都會說他好聰明, 但好頑皮, 我都希望帶佢去check check, 請問係迷帶小朋友睇普通醫生, 叫佢寫信轉介就得的呢?  真係教到我想死了.


olkan,
我當時都係請普通醫生寫紙去排期架,所以我諗你睇開嘅家庭醫生或者私家醫生寫紙都可以。你都可以打去政府嘅兒童評估中心度查詢吓先。

Rank: 4


776
發表於 07-6-6 22:53 |顯示全部帖子

Re: 到底阿仔係姿優定係有過度活躍証?

marketceo,

       謝謝!

Rank: 3Rank: 3

醒目開學勳章


226
發表於 07-6-7 18:01 |顯示全部帖子

Re: 到底阿仔係姿優定係有過度活躍証?

小兒在低班時又係比老師投訴他多口,走來走去,又不懂跟小朋友相處,還用把口“話”一個高班的小朋友,攪到他哭起來,班主任叫我們帶他看醫生,先是政府兒科醫生(她說不是過度活躍,只是醒目吧了!),到滿五歲就見心理醫生,因為他問極都唔答,所以出來是“未能評估”,還問我他有語言障礙嗎?說他像個反叛青年,樣樣作對,我開始覺得那些心理醫生真的有問題,不答問題,就話有問題;校長、老師們都說,他的語言能力比同齡小孩高,觀察能力強,但就是口不擇言、手不停。跟著又是老師和家長各填問卷。又排期再見第二次,又是沒有結果,他始終不肯回答問題,因為自小他已喜歡玩對抗;之後見精神科醫生,但就一口說他過度活躍,叫我給他吃藥。因為他一入房,便不停攪房裹的東西 (電腦,燈掣,冷氣掣,電線蓋),叫極也不停。最後我當然沒有給他吃藥。連跟進也沒有了。
我也試過給一個售貨員話我縱容他;也試參加一些英文班時,被趕出來,因為在班內走來走去,騷擾其他人,也試過參加課後託管 (政府資助,講明先收管教有困難的),但約見後卻拒絕收他,說驚他騷擾其他同學。
到現在7歲,跟同學相處已冇問題,成績卻不好,討厭寫字,所以中、英文成績不好,卻愛常識和數學、電腦和繪畫;我開始懷疑他有讀寫障礙。
他喜歡畫畫,畫功不美,卻有內容,十分仔細。我讓他學畫畫,回來卻跟我說他不學了,因為他他不喜歡跟老師要他畫的東西。所以他甚麼都沒有學。他就是不肯守規則。
他始終口多、手多,連食物他都愛摸。我曾問他,為甚麼你要那麼多手,他答我,我不摸,怎知它是甚麼“質地”。

香港政府對我們這類家長,完全沒有幫忙。

Rank: 4


875
發表於 07-6-7 23:18 |顯示全部帖子

Re: 到底阿仔係姿優定係有過度活躍証?

其實我地係有苦自己知!
我個仔雖然係鐘意停,但佢同小朋友相處又問題和. 因為我地從小出街就會教佢要讓人,或者見到其他小朋友喊,我地又教佢比紙巾同埋安慰人,咁老師都話佢好細心如見到其他小朋友喊,佢真係會咁做! 所以都有d安慰!
我想問可以打幾多號電話搵政府幫忙或查詢做評估呢?

Rank: 3Rank: 3

醒目開學勳章


226
發表於 07-6-8 12:50 |顯示全部帖子

Re: 到底阿仔係姿優定係有過度活躍証?

我已不停教導他,他卻喜歡跟我作對;兒時說故事,個個小朋友都喜歡做乖巧的主角,他卻喜歡做奸角,要做一些跟其他人不同的事。他跟一般小孩不同,就是不會主動要求買玩具 (他要求的次數,十隻手指數得晒,就算我們不買,他都不會吵著要);有時見他心愛的巴士給人弄壞了,我們想買新的給他,他會說不要買,他已有一架;他會用膠紙包著他,繼續玩。

我是在他四歲到健康院體檢時,見兒科醫生時,說老師要求做評估,但一殷這類小朋友都不獲傳介的,(一般有其他障礙才做);我們見了她數次,每次都說他跟小朋友相處有問題,才獲傳介的,(連約時間在內,差不多一年時間)。因她堅持說他冇問題,說個個老師都愛教乖巧的小朋友而已;她都說政府對這類小孩是沒有多大幫助的,說只辛苦了我們做家長的。她亦說有些班讓家長和小孩上,有些幫助,但都是在辦公時間內,我是雙職媽媽,公司那會讓我長期請假呢!

最後我真的完全相信那兒科醫生,政府真的幫不到小兒,唯有靠我們的EQ,去教育他們了。我們一起努力,希望他們的優點可以完全發揮,對這個社會有貢獻。

Rank: 5Rank: 5


3473
發表於 07-6-8 15:57 |顯示全部帖子

Re: 到底阿仔係姿優定係有過度活躍証?

MarketCEO,

Thank you very much!

同埋多謝各位媽咪嘅分享,其實我哋第一樣要做嘅事,係要整理我哋自己嘅EQ!       
該用戶已被刪除

發表於 07-6-9 00:09 |顯示全部帖子

Re: 到底阿仔係姿優定係有過度活躍証?

提示: 作者被禁止或刪除 內容自動屏蔽

Rank: 4


875
發表於 07-6-9 11:16 |顯示全部帖子

Re: 到底阿仔係姿優定係有過度活躍証?

我都好明白你嘅感受,因每當阿仔比各方面嘅老師投訢時,你都唔知可以比咩反應,只係覺得自己好樣衰同埋好"羅"
所以我都停咗阿仔嘅活動,如學畫咁但問佢點解要周圍走唔可以坐定定,佢好唔答你.問佢係咪唔想學,佢又話好想學因為佢由細到依加都鐘意油顏色同畫野.我又唔想埋沒佢,咪幫佢search緊d活動教學式畫班.到學英文我問佢係咪唔想學佢就答我係,因為老師講野好快.咁我問返佢班主任平時上外籍老師堂佢係咪咁,老師話佢好 high 同投入,都有試過因為佢唔聽話罸佢坐埋一邊只可以睇而唔比佢玩.咁阿仔下次就唔敢,因為佢好怕冇得玩.係屋企我都會係咁,佢依加鐘意玩NDS,我只係放假比佢玩.如果佢唔乖就冇得玩.SO FAR 佢都O.K 不過有時發皮四.你地D小朋友會唔會情緒都好波動,因為我個仔D皮四都幾勁,不過我唔會因為佢咁就會就佢,因為我仲硬頸過佢,佢知道咁好多時都會死狗 我依加都好似大家咁要提升 EQ 同埋面皮.我亦都幫阿仔搵D可以比佢發洩佢體力嘅活動比佢.不過我覺得佢地依加成4歲,應該多D傾計而唔好打佢.因為我都打得我個仔幾勁,不過依加佢開始大就唔會咁勁啦! 我只係會同佢講如果你再係咁,你係咪想我係條街到打你啦!你諗清楚到時係你醜定係我醜.同埋佢班主任都叫我唔好咩都睇得咁緊,好似去到公園就比佢係咁玩,唔好成日叫佢唔好走咁快呀!咁.我都試過都WORK 架!
所以我地要大家一齊努力,有咩開心同唔開心都上嚟同其他媽咪分享.大家交流吓 起碼我地講咗出嚟唔洗擺係個心度.我地都有好大嘅壓力,因為其他人係唔會明白.