☆屯門聖公會青山聖彼得堂(兆麟苑)家長請進~

YYMom

iris_yu_him, 你好!你住那一區, 心目中有無啲咩嘢要求 ?

我覺得幼稚園最好唔好離屋企太遠, 等小朋友唔使舟車勞頓 .

Ding

iris_yu_him

你好..    ..得閒上黎傾下啦...
我都同意YYMom..太遠小朋友係好辛苦 ..因為返學都好攰架..我工人話我個仔好多時食lunch都中眼訓..   

YYMom

上年我無去彭福..因為咁岩bk媽咪搞左去大覽涌度假營玩.果度都好好玩.. 我自己都打算同個仔去彭福公園...
其實playgroup有咩玩架   

YYMom

應該似返n1, 不過要有大人倍.我想俾細仔適應吓, 因為佢唔讀n1,明年直入k1.  

Ding 寫道:
YYMom
...其實playgroup有咩玩架   

LongLong_ma

加加媽咪,

我上去睇過啦.....都無o既......而且好似影下午班.....我識有個下午班女仔就有兩張!!!!......妳知唔知第二行第一張最右o個個係咪何老師呀??我仔仔一見就叫"何老師呀.......係我地o個個何老師呀"    係呢......妳响邊o樹做返工呀?咁好可以湊埋囡囡返學!!

DING&YYMON,

我都同意唔需要讀名校.....但係我所指名校是俾有錢人讀的學校(eg.喇沙,拔卒,馬利諾......)我希望仔仔可以入到band1既學校........其實,當然天資係好重要......但讀書環境&氣氛,師資,學校方針都係好重要........我是讚成小朋友讀書是要有一定的壓力.......反正將來的社會都是壓力重重......自小俾佢地慢慢適應.......好過我地現在盡力保護......到佢地大o左.....我地再無能力保護佢地.......咁佢地就好容易宣告"崩潰"啦!!!!這只是本人之愚見......唔啱聽唔駛唔我
  

YYMON,
唔駛講唔該呀?!!!咁小事件!!

DING,

返PLAYGROUP係將返N1濃縮係一個鐘......都有唱歌啦....做手工啦.....食茶點......有時重有電腦玩.....普通話都有得學架.....嘻.....係咪好底玩呢......所以我都玩左一年!!!

LongLong_ma

iris_yu_him ,

正如DING & YYMON所講近係一個好重要的POINT......妳住邊O樹呀??我當時報左三間.......OSCAR,梁李秀娛,ST.PETER.......最後揀左ST.PETER.......妳都要考慮妳想仔仔係一個環境學習......ST.PETER已出通告11月2日開始派報名表......11月16日截止......詳情請CLICK HERE

加加媽咪

Hello iris_yu_him, 歡迎你呀   得閒多d入嚟傾吓計呀     搵學校最黎要係自己同小朋友都鐘意, 距離屋企太遠的學校對大人同小朋友都辛苦.

LongLong_ma,

係呀, 果個係1B班既輔助老師何老師呀, 再隔離影到小小果個係班主任黃老師, 我諗都係下午班黎....
我喺紅磡返工架, 每朝係屋企樓下搭8點鐘班車出去, 你呢???... 我只係同囡囡一齊出門口, 佢送到我上巴士同我講byebye, 跟住係爹地/婆婆帶佢返學, 不過上星期五佢胃炎冇返學, 之前果晚仲好地地同佢一齊做功課, 搵紅色既圖片同油顏色, 點知到咗零晨2點幾無端端訓訓下覺係床上嘔~~, 仲嘔咗好多次~~~ , 搞到成晚冇得訓, 所以第二朝打電話返學校請咗假..... 不過爹地都有返學校交功課同攞功課, 其實校務處果個人話如果家長覺得小朋友未必有精神完成到的可以唔洗返去攞, 不過我諗跟住係星期六日, 應該可以做到既   

Ding

加加媽咪

你囡囡腸胃炎..而家好d未呀..
我個仔歲半時都試過..又係半夜嘔左幾次..嚇死人..我即刻同佢去急証室 .. 觀察左2個鍾無事先返屋企. ..  
都無俾咩佢食.. 唔知點解會咁   

LongLong_ma

加加媽咪,

點呀?妳囡囡無事嗎?需唔需要介口呀?真慘.....中秋節有咁多美食.....希望快快好番晒啦!!

YYMON,

妳講有"觀課日"係幾時呀?點解我睇時間表無寫o既?

ding,
妳仔仔上4Q有o麥玩呀?好唔好呀?分享下呀

Ding

LongLong_ma

9/10先正式上堂,不過睇過d簡介大致係用不同形式,例如跳舞,遊戲,聽音樂之類去啟發小朋友嘅4Q(IQ=智商, EQ=情緒智商, AQ=逆境智商, CQ=創意智商)..我見6佰幾玩10堂..又有咁多野好抵 .. 所以參加 .. 等佢上完堂睇下實質玩咩再話你地知... 希望可以令個仔唔好咁怕醜啦 .. 佢性格都好硬頸 ..

加加媽咪

Hello Ding & LongLong_ma,

囡囡今日已好番好多喇, 多謝大家關心   諗番起早兩日佢就算面前對住平日好鍾意食既食物都無胃口, 又唔可以飲奶, 甚至連飲啖水都嘔番出黎, 但係又好想飲水.... 個口唇都乾到甩皮, 有時連岩岩飲咗d藥都嘔埋出黎, 搞到佢都唔肯食藥, 真係好擔心, 其實都唔知咩原因會胃炎, 又唔知食錯d咩??? 星期六晚連我都病埋, 又痾又嘔, 不過好彩唔係好嚴重, 醫生話可能係照顧囡囡時感染到d病菌, 所以今日都冇返工.... 大家真係要小心身體.

LongLong_ma,

學校網站既留言版有講到學校初步訂咗K1觀課日期係12月7/8號, K2 係11月3日, K3係11月17日, 不過以學校最後發出的通告為準。

LongLong_ma

各位媽咪,

中秋節快樂      今日小朋友唔駛返學.....妳地帶佢地去邊o樹玩呀?我今晚會BBQ加沙灘賞月......妳地呢

加加媽咪,

吓......連妳都病埋呀?小心身體呀.......小朋友有事......做媽媽既我地......真係身心俱疲......TAKE CARE !!

YYMom

各位中秋節快樂呀     !今晚我都係去市中心食飯, 可能跟住去市鎮公園街啦, 都無乜新意 ... LongLong_ma去那個沙灘BBQ呀?玩得開心啲 .

加加媽咪, 你同囡囡好返未呀?我老公今日都病左, 係發燒感冒 :cry: .我大仔以前都試過2次腸胃炎, 都係唔知咩嘢原因 , 又係到半夜嘔幾次,嚇死我. 不過通常戒口一兩日都會無事, 希望你地都快啲recover:wink: .  

iris_yu_him

多謝大家的意見!
我其實住係美樂花園,附近有好多幼稚園, 就係因為太多唔知點樣選擇, 而且我都有上網睇過T.M.的幼稚園, 有太多不同的教學方法, 請問大家知唔知點解?

Ding

各位靚媽咪.. 中秋節快樂 ..  

iris_yu_him

每間學校都有自己一套教學理念,有d會用保守教學..功課同認字較多...有d會用活動教學..用遊戲方式教導小朋友...邊種適合就要視乎你自己需要.

LongLong_ma, YYMom & 加加媽咪

加加媽咪..小心身體.. 聽到你個囡囡咁樣都感覺到你有幾心痛..做人媽咪真係唔易.. 原來以前呀媽係咁辛苦..細個果陣仲成日激佢..真抵打..   

今日個仔唔洗返學...不過我要呢..仲無得早走呀
   .. LongLong_ma..今晚去bbq..我都想去呀..可惜個仔唔鍾意食bbq d野..同佢去都唔知俾咩佢食.. 我好耐都無去bbq啦.. YYMom..好提意喎.. 我地今晚去大排擋食..hehehe..d野好食呀.. 諗住食完返去屋企下面公園.. 俾你提醒左..可以去中央公園玩..    

iris_yu_him

Ding,

我比較喜歡活動教學, 附近有邊間可以介紹呢? 聖公會青山聖彼得堂(兆麟苑)是否都係?

iris

LongLong_ma

各位媽咪,

中秋節終於去左龍鼓灘BBQ......好多人!!亞仔玩得好開心....因為表哥表姐同佢玩.....玩到成2點先訓覺.....真是盡興     

iris_yu_him ,

ST.PETER 是採用學生為本的教學法，以小組教學及設計活動形式進行授課，透過課堂內外不同形式的學習活動，提供全面的學習經歷。我諗都o岩妳的要求,妳可以去參觀下啦!

   

Ding

iris_yu_him

係呀..聖彼得堂都係用活動教學..功課唔太多..佢地有時會參觀餅店之類活動..另小朋友知道同接觸更多事物...親子活動都時常有 ... 不過有一次同其他媽咪傾.. 佢地就覺得太多活動..怕個仔心散唔讀書 .. 佢主張去一d傳統學校 ..    .. ok啦 .. 人各有志 ..  

至於其他幼稚園你可以上網睇一睇佢地用咩教學方法..然後先決定俾小朋友讀那一間.  

YYMom

好開心喎...我就同個仔去左中央公園玩..果度好多人放船仔 .. 佢好鍾意睇... 玩完返到屋企平台.. 又見有好多人.. 佢又要玩 .. 11pm半推半就先肯返上樓.. 我攰到不得了.. 佢沖完涼無耐都大覺訓lu..    

Ding

LongLong_ma, YYMom, 加加媽咪

你地好呀...前日同個仔溫下本認字薄...我蓋住圖畫問佢d字.. 問佢咩字..佢識講 "玩具" 同 "月亮" .... 佢認到呀    ... 真係好開心..

LongLong_ma

DING,

嘩 ......妳囝囝咁叻仔呀.......真戥妳開心.....其實妳囝囝讀N1 時有無認字呀?.....如果無......."玩具""月亮"咁深既字佢都認到.....真厲害 .....我現在先開始教仔仔認下一D簡單的字.......佢都認到個"小"字.....我都已經好開心啦!

加加媽咪

hello 各位媽咪,

冇上黎BK幾日, 我諗大家喺中秋節同國慶日都玩得好開心, 因為難得可以有假期, 可以倍住小朋友一齊出去玩緊係開心啦..   

囡囡既胃炎已好番晒, 不過可能轉天氣有幾聲咳, 而我就腸胃炎之後又感冒    依家都未好番, 可能仲要睇多次醫生, 大家真係要小心身體.

昨日國慶日因為要去會展飲喜宴, 所以可以順便睇埋煙花, 囡囡都不知睇得幾開心, 睇到嘩嘩聲~~~ 今日又同囡囡去咗市鎮公園餵魚, 睇人放船仔, 同埋去爬蟲館, 玩咗成日....返到屋企同佢諗住睇吓有咩功課要做, 點知囡囡佢自己好主動咁攞d書出黎睇, 仲話俾我聽老師教咗d咩, 又扮講故事俾我聽.....依家倦到訓咗喺梳化度...   

LongLong_Ma,

係呢, 你有冇收到學校張通告係關於10月11日既家長講座, 不過係夜晚7:30-9:00, 你會唔會出席呀??

Ding,

你仔仔咁叻仔, 我都替你開心    , 我哋做父母既都要繼續俾心機教導佢哋.