家有自閉傾向的小朋友......

hinhinmummy

mygoddish, 承承媽媽

有時個小朋友如果已經偏食的話, 不好再mug雜量都不比佢試, 應該比多d不同種類的野佢試, 協康的幼兒練的姑娘都甘講.

至於朱古力, 我都不會比軒軒食/飲, 因為對小朋友真係不係甘好.

rincojack

我是兩個自閉症小男孩的家長即父親，他們分别是四歲和二歲半。雖然在其他人眼中我和太太都是不幸的人。可是自從我們知道後，我和太太都信了主。後來我才明白神是非常奇妙和有安排的，我們一家的凝聚力是不斷增加，我亦更加愛太太和兩個仔，神令我更愛太太和兩個仔，哈哈！只要有信心詛咒也可變祝福。我的人生正向着神！最後希望神能祝福你們和其他有需要的家長。  
:wink:

承承媽媽

軒媽,

我點都唔信d細路會唔食零食!你拎d薯片,蝦條出嚟時,你個仔未食過o個d會唔會唔肯食,要質佢食o架?我就未試過啦!
我個仔有好多零食餅類都未食過,一見我拎住又咪想搶我o既嚟食!!!使乜擔心佢地唔食零食ah~~~!

承承媽媽

rincojack,

歡迎你呀!

hinhinmummy

承承媽媽

協康的姑娘第一次比旺旺軒軒食的時侯, 佢真係不食, 攪左好耐, 軒軒先肯食, 還要姑娘食比佢看, 佢先肯食.

有時比d餅仔佢地當鼓勵, 我覺得ok law.

mygoddish

hinhinmummy & 承承媽媽,

我個仔只喜歡食白飯、白面包同餅仔(視乎牌子)，到現在兩歲仲要將d肉打爛撈飯先肯食。
我唔比朱古力佢食因為容易影響情緒。

最鐘意：飲奶

另外，我問左協康會，做評估好貴，要成$2000至$3000，真頭痛

    

mygoddish

仲有，我好努力地教佢講野，每次我要佢講"餅"，先可以比佢食佢最愛的餅，但佢寧願唔食都唔肯講，調頭走，好鬼硬頸，無晒佢乎。

承承媽媽

我個仔都係咁~~~ :evil:  :evil:
不過近來好咗d啦!

mygoddish 寫道:
仲有，我好努力地教佢講野，每次我要佢講"餅"，先可以比佢食佢最愛的餅，但佢寧願唔食都唔肯講，調頭走，好鬼硬頸，無晒佢乎。

janet7903

mygoddish 寫道:
仲有，我好努力地教佢講野，每次我要佢講"餅"，先可以比佢食佢最愛的餅，但佢寧願唔食都唔肯講，調頭走，好鬼硬頸，無晒佢乎。

我個囝都是的。 仲訓地TIM。 :evil:

hinhinmummy

mygoddish

堅持, 一定要堅持, 走左去, 有得佢, 佢想食就一定要講野, 發個音都好, 總之就要有聲(喊聲不計). 軒軒初時都係甘的, 依家拿完野食, 還識得講謝謝, 講好鬼多次tim呀, 好cute

outel

同我個仔一樣啦，中意靚人。醜樣就喊，唔做選美評判就side晒

唔好等出評估先行動啦，有時間就多D同小朋友玩啦，用多方面給引他的興趣，唔好比佢有時間眼定定，都唔知睇緊咩。唔好以為佢鬼禁乖唔出聲就唔理佢,自己樂得清閒，
其實他不出聲時你留意一下，就見他好像趺進自己意識的漩渦中，若不快拉他一把，他就會定在那兒一動也不動

mygoddish

janet7903,

我個仔又係好鐘意訓地發皮氣，班主任話佢係學校都係敢，最好笑佢d同學仔以為佢跌親，走埋去扶佢。

outel,
最慘佢自己玩緊時走埋去同佢玩佢就發皮氣，佢唔比你摸佢d玩具，譬如佢放得好整齊d車車，我唔覺意郁左少少，大鑊，佢就會好似顛佬敢，又訓地又大叫。

hinhinmummy

mygoddish

佢有無將d車排隊?

mygoddish

hinhinmummy,

有呀，仲一定要車頭向同一方向。

hinhinmummy

mygoddish

不好再比佢排隊, 因為呢d都係自閉症其中一樣的特徵, 要教佢玩車的正確方法, 同佢面對面坐, 數1, 2, 3, go, 跟住推車.

不好比佢將d玩具/任何物品排隊.

我知雖然會令你更加擔心, 但只係想盡早比你知道自閉症的特徵, 同埋看下點樣可以幫助你個仔, 希望你不好介意.  

同埋雖然正常的小朋友都會將車排隊, 但如果加埋甘多種特徵, 就好容易比人話係自閉症/自閉症傾向.

以前軒軒都不會將車排隊, 只係發展遲緩, 小eye contact, 都比醫生話佢自閉症傾向.....

你仔仔有無用手指指野?

mygoddish

hinhinmummy,

吓!!!唔係掛!!!我都唔知排隊會係自閉傾向特徵，佢除左d車排隊，就連公仔，lego，洗頭水，沐浴露，奶粉鑵......都排隊，排左就唔可以郁，你囝囝會唔會敢架?

佢好少指野，好耐都會有一次，佢要就捉我隻手去拿。

hinhinmummy

mygoddish

我 再看返你之前的post, 我覺得個醫生都係想你個仔仔好, 你依家排緊政府評估未? 如果未就即刻去排, 排左就等做評估, 期間, 你照我比你果張家課紙係屋企同佢做住training先, 如果可以的話, 你試下排下協康的幼兒訓練, 但我不知佢地需不需要做左評估(醫生)先可以排隊, 因為排隊都要幾個月時間, 不駛到時見完醫生之後再排協康, 可以慳d時間.

恕我說得直, 但我真係想你仔仔好, 快d接受training, 因為軒軒都算係遲接受training, 不想人好似我甘, 後知後覺.

收工啦, 有問題, 我聽日再上黎傾過啦.

hinhinmummy

軒軒不會將野排隊, 但就會好少用手指指野, 又係捉住我隻手去拿野, 呢d又係自閉症的特徵, 因為用手指point野係語言的一種, 表達佢想要某物件.

你捉住佢隻食指, 要佢指野, 你先好再比野佢, 不好再比佢捉你隻手去拿野.

快d去協康做左個評估先啦.  不好太擔心, 越早比training佢, 佢可以好快pick up返.

我真係收工啦, 過左6:30好難搭車, 我pm我電話比你, 你再有問題就打比我啦.

mygoddish

hinhinmummy,
唔該哂你，你真好人。
我已經排左政府，佢話要等6個月左右，我已打算去協康先做評估，再做埋政府評估。
我開頭好擔心，但係宜家就好d，多謝你的支持同關心。

12312

mygoddish:
"協康" 要成2000---3000做評估架, 但"青蔥"計劃點解收 $350咁平, 在"協康"做評估, 是楊姑娘用"署條"引囝囝做野, 講條件先肯做炸, 但在"王姑娘"處, 全程都沒有食過野, 都可以大部份坐定.
我囝囝喜歡食白飯, 查果沾的面包, "法國掉死狗"面包,面, 通粉,飯菜最好分開食, 不要濃在一起, 但不喜歡食太軟的東西. 現在我地比囝囝用 "手" 拿佢喜歡的面食, 可以坐定定的自己食到一半,  還有勁喜歡飲 "老火湯".
今晚囝囝同我玩車車, 是你推比我, 我推比你, 2分鐘左右, 我已經好滿足. (囝囝主動了我玩的)