英華小學家長

Easy媽咪

Sandy
話d野比妳知    我都好鐘意跳舞架!但同我老公拍拖之後到而家冇再跳舞喇!唉...真係有d可惜!妳跳d咩舞呀~可否介紹一下?thanks!   

Charles le幾日真係玩得好開心呀~今日開始溫習喇!
妳有冇同仔仔做數學每日一篇呀...我覺得同溫書差不多!而 學校果個i club中文方面做得幾好呀...比佢試下啦!
佢地自己一個時候比佢做下都好嗎,好似自己溫書咁架!我個Charles而家一起身就開電腦做每日一篇架..."中"英"數"連"i club"都唔放過,拿到card就走出黎話我知喇!     

csk

SandyKL

唔該晒你！我已買了幾包hot pad，今晚叫阿仔做廳長，鋪地席、用睡袋加hot pad睡地下，出發前實習一次，學埋收拾。我問過朋友，他們會幾個童軍睡一個營，至於用甚麼營就唔清楚，有D大睇住細，如果睡袋唔夠力收都會幫手。他會去三日兩夜，咁凍也叫他唔好沖涼，用水抹身算了，最多出發前沖定先。今次露營，都買了很多東西，希望可以一路用唔駛再買！你囝囝有沒有參加童軍？

Easy媽咪

Charles真係好勤力！

Easy媽咪

CSK
哈~~哈~~係喎...叫定仔仔系屋企訓一晚咪知佢識幾多lo~妳個廿四孝媽咪真係有計

我個仔邊勤力啦~佢好勝心呀~成日都好想拿高分咋~唉~le個仔真係!   

csk

各位媽咪

自由講場那邊有個topic「國際救援組織呼籲市民捐款協助災民」，有齊宣明會、紅十字會、聯合國兒童基金會和樂施會捐款銀行戶口號碼，請大家多多支持賑災行動。

看見災民的慘況，阿仔去camp會捱冷，真是微不足道，我們明天會去銀行捐錢，希望出一份綿力。

SandyKL

Easy媽咪:

我細仔唔多對電子物品有興趣，諸如電腦、電子遊戲，佢仲好BB，而我大仔就非常鍾意電子物品，屋企日常電腦都係俾我大仔用，但佢上I-CUBE都係玩game多，我之前都有同佢做英文練習，唔錯，幾好。

多謝Charles送我仔的聖誕咭，但他擒日先拎出嚟，想送番張俾Charles都過咗期，總之祝新年心想事成!

我好鍾意跳舞，學咗9年現代舞，期間亦有學社交舞，但我唔多鍾意跳需舞伴的舞，所以都係跳現代舞，生完細女之後，決心去學芭蕾舞，我係黃大仙「城市當代舞團」學，學咗兩年幾至今，期間都斷續有學埋中國舞，但我始終著迷於芭蕾舞，因為姿態優美。只要有決心，人人都可以跳到舞，跳舞係我心愛嘅運動。

SandyKL

csk,

哈哈哈，妳真係有辦法，係屋企做個營俾佢瞓，咁都諗到。

三日兩夜，咁凍，都係抹身好勒，我記得我年少時去露營，要搵條溪先有得抺身，都冇沖涼。

仲有唔記得提妳，要帶電筒，摸黑吓吓借人電筒用好唔方便。

我冇俾我仔參加童軍，因為要星期六參加，佢星期六都報咗其他活動，所以唔參加得。不過我認為參加童軍好好，我自己細時都恨做女童軍，但係中學時d課外活動要抽籤，初中抽過一、兩次都抽唔到，後期都冇興趣抽。我見女童軍套制服好醒目，比聖約翰及紅十字會更靚，大過咗亦都冇興趣入會，我大仔真係有需要去參加吓理d活動，鍛鍊吓佢。

我可能會捐樂施會或紅十字會，大家真係要珍惜眼前每一事、每一物，人，真係好脆弱，願死者安息!

csk

SandyKL

今晚我叫阿仔打地鋪，話咁快就開了地席和睡袋。我要他戴帽睡覺，又教他用hot pad，眨眼就睡了。不過，睡覺是他的強項，真正的挑戰在明早！他爸爸很心痛，我說過兩晚在飛鵝山先知味道，現在只是小兒科。他好像要行山，唔知日定夜，所以要帶電筒、指南針和繩。

Aaron好喜歡一些可以一級級上的活動，例如童軍、讀書計劃和學樂器。至於電腦遊戲就好水皮，以前他在icube儲了很多咭，也因不懂用來玩遊戲而浪費了。

原來你和Easy媽咪都是舞林高手，我手腳協調好差，十幾歲時曾學了兩個月中國舞，壓腿好痛，骨頭又硬，停止以後都無試了。你以前咁活躍，真是很多難忘回憶。

Easy媽咪

sandy & csk
我唔掂喇~~以前在學校都有參加校際舞蹈比賽....學過中國舞/文族舞/社交舞!
嘩...聽妳話跳現代舞好想學呀...唉...睇怕d仔再大d先可以喇!而家睇下人跳都好開心喇...sandy如果妳有表演通知我喎...我會黎睇架!   

charles對數學/電腦真係好有興趣架~如果佢真係有心去追求,我會考慮同佢報d有關課程學呀!

csk
天氣真係好冷呀...真係叫佢小心d呀...唔好冷親呀!
hot pat記住叫佢唔好貼d皮膚到呀...會燙傷架!

anna_leung

Dear YW Parents,

I am a K.3 parent.  I wonder whether I choose YW or La-Salle in the coming Lucky Draw.  Since I am going to live near YW (within walking distance), that is extremely convenience go to school and save a lot of traffic time.  For my insight, YW give me a very nice image, especially under leading of the new principal.  La-Salle give me a very competitive & active feeling.  Those two schools are very good.

Since I chose La-Salle in the first round and failed, shall I still chose La-Salle or change my target to YW.

Would you all YW parent give me some comments and suggestions?  Can you share your kids school life with me?  Since YW is a Chinese Primary School, does the academic level high enough?

Thank you in advance.

anna_leung

csk

Easy媽咪

我收到了，麻煩晒！多謝你關心Aaron，昨晚我放一個hot pad在睡袋面的袋，另一個放入手套先放進睡袋內，這樣便不怕太熱燙傷，又可保暖。

anna_leung

The two schools are quite different. You just follow your intuition and choose what is most suitable for your son.

SandyKL

Csk,

咁將來千其咪錯過愛丁堡獎勵計劃，佢地有好多章可以考。我都戥Aaron凍，如果去3日2夜相信都要行山，分分鐘玩越野定向，都幾好玩，通山跑先似露營架馬，咁先可以鍛鍊到身體，將來病痛都少d。

而且如果有目標去參加一樣活動，無論幾咁辛苦，都唔覺，我試過5度著住一件短袖衫及一件長袖線衫，企係一個空曠地方，當時根本唔知咁凍，因為參加緊一項活動，反而周邊d人驚我地凍暈，不斷打氣。

不、不、不，我唔係舞林高手，只係興趣，我細時見電視有人表演芭蕾舞好羨慕，但屋企根本唔會負擔我去跳芭蕾舞，所以依家搵番童年夢。

Easy媽:

原來妳有跳中國舞，我覺得中國舞好似芭蕾舞，跳法、技巧都好相似，只係姿態及有d舞步唔同，「城市當代舞蹈學校」都有民族舞、中國舞學，民族舞我冇報到，我見我D跳舞同學仔話跳得幾索氣。

「城市當代舞蹈學校」課程一年有4期，每期上10堂，每堂個半鐘頭，1月頭又開新一期，如果你有興趣，可以報讀，佢地網址可以打ccdc.com，重溫當年跳舞滋味，以佢地師資嚟講，收費合理。

佢地理一期有排演班報，但我冇報到，已經冇興趣去表演，因為冇嘜時間，表演真係要花時間去練架。佢地1月8日及9日有表演。

anna_leung,

我好高興自己小朋友可入到英華小學理一所一條龍小學就讀，學校提供到多元化及全面活動，動、靜俱全。

至於你問英華小學之學術程度是否高，高與低之準則因人而異，如何為之高，如何為之低，真係好難答到。我只知今年英華小學係第一輪小一「自行分配學位」階段，所報之人數全港居首，它學術程度比之於其他小學高與低，真係不得而知，但它與喇沙同是一所受家長歡迎的學校，想係事實。

希望你能依你小朋友之情況，去選擇到你認為適合他的小學。

csk

SandyKL

我也聽過愛丁堡獎勵計劃，Aaron真係唔係呢類tough guys，連童軍其實也很勉強。他很有興趣考章，目標包括金紫荊，因為他的旅有人得到。我覺得考章盡力而為便足夠，最緊要是享受當中的過程。他很期待去camp，似乎天氣冷令他感到更刺激。第二晚還有營火會，全部人都要穿上營火袍，真係幾有氣氛。看你分享去camp的事，真係好回味。我以前淨識睇電視和睇書，回憶只是一片空白，沒有甚麼難忘的事，真是浪費了少年時！

anna_leung

Dear YW parents,

Since YW primary and YW secondary are running in One Dragon, I want to know if a kid who is not a YW primary student, does he has chance to study in YW secondary?

Will YW secondary allocate some places for other students?

Thanks.

anna_leung

SandyKL

csk,

我都好有興趣知道咩係營火袍，咁得意嘅，營火會有營火袍著，我諗幾好玩。

傻啦，csk，我絕對唔覺得妳係浪費少年時，每人生命都有其軌跡，冇話浪唔浪費，我係一個好貪玩嘅人，如果妳年少時識我，妳一定對我果種輕狂側目，唔好羨慕我。沒有難忘事，即係生活在幸福中，平凡亦是福，看看果d正面對生離死別之受難者，妳可會感到自己的幸福?

海嘯死難者達12萬，我聽咗好愔然。

anna_leung,

當然中學有剩餘學額俾外來生，因為雖然係一條龍，都會有小六學生，放棄升上英華中學，可能佢地升讀別的心儀中學，餘下學額就會由外來生補上，機會不會冇，只係可能競爭都好大。

csk

SandyKL

昨晚執去Camp的東西搞到點幾都未完，因為樣樣要寫名，今早再繼續。阿仔出發了，雖然已提醒他各樣事情，記得一半也很開心。營火袍好像一張圓檯布，中間開洞縛蝴蝶結，上面釘了些章，他們每次參加一些特別活動也有章，可以釘上做紀念。實際情況待Aaron回來講你聽。

每個人行的路也不同，無驚無險渡過已是幸福。因為自己小時生活很平淡，所以讓Aaron多接觸不同的事物，有時我和他好像同學般一起學習，也很有滿足感。

今次天災，每次見到新聞，內心也隱隱作痛，實在太悲慘了！ :cry:

SandyKL

csk,

睇落、諗落件營火袍幾得意。

要係物件上寫名都幾累架，我明白，唔寫又驚佢撈亂哂，今晚真係好凍，我凍到手都僵，希望Aaron因有妳咁周到幫佢預備而非常溫暖。

Dear all,

我個大仔要做有關魚嘅project，唔知妳地囝囝要唔要呢?

csk

SandyKL

天氣真係好凍，我全家人包括我爸爸、媽媽、阿哥、阿嫂、家姐、姐夫、Aaron的表姐、表弟都好擔心佢。希望他自己識執生。

Aaron二年班不用做project，你囝囝有甚麼idea？

HoHomama

CSK,

Aaron 是和英華的童軍去嗎？Anson 說不知有這個camp 去。天氣這樣凍，Aaron 真有勇氣。

Sandy,
是Yellow Worksheet 還是10 page Project ? 那10page 的project 真是花時間，做了差不多4天。 Anson 選了Chinchilla。 我同佢一起找資料，由唔知是嘜到現在可以做專家。連細仔都話要養番個。

個10 page project 是全P3 都要做的，個封信是比所有P3 parents 。

做Project 是好玩又學到野，不過，就好花時間，無時間溫書添    。

SandyKL

csk,

今日出街真係好凍，雖然有太陽及已穿上重裝備禦寒衣物，但係手腳都係凍，我今日去西貢，經過飛鵝山，不其然諗起Aaron，對住個營火冇咁凍。 :

Hohomama,

我俾我個仔誤導，佢話要做魚嘅project，原來係"pet"，佢揀咗魚，所以猛講魚，我俾佢激死，咁係唔係一定要用10頁紙去講解架?Chinchilla係咩動物?

HoHomama

Sandy,
Minimum 10 pages  。　Anson 重話老師要求有超過一半是字，不過，好難，他也做不到 。惟有用大font欺場 （我教的，費事他花太多時間）  。

你入intranet 看看老師比家長封信，有好詳盡的指引。

Chinchilla 是「龍貓」。