溜冰

alljodesign

我地相遇仲好浪漫添 hehehe...

唉~ 對住慧慧我都投晒降 好似愈大愈洩!!!
讀書依家已經激屎我, 啱啱去完體操簡直令我又再發作  

上星期已經話唔係好舒服, 去到又唔上堂, cry 住走, 今日去到, 佢叫我睇佢上堂, 我都陪佢, 點知練左一陣, 有個動作跌左落地, 跟住就cry 又唔肯繼續, 嘈住其他同學上堂, 最後教練都叫我地走先, 等佢ready 先再約補堂.

我知佢因為壓腿辛苦, 所以搵籍口想唔學體操, 但我唔想佢咁快放棄, 年紀細唔係一個咁易放棄嘅籍口, 定係我太過嚴

溜冰佢已經成日hea 下 hea 下, 無心練習, 試過問佢唔再學溜冰好唔好, 佢居然話好  唉! 有時都唔知係咪我自己攞苦嚟辛  唔迫佢學嘢, 唔迫佢溫習, 咩嘢都睇開d, 我就無咁激氣.....  

原帖由 do-re-me 於 11-4-19 15:08 發表
我同你的相遇（手套)都好有緣...

多謝你安慰我,sugar好奇怪,溫測驗默書佢就無'樓'計,但係一做功課就恰眼瞓,如果我唔叫佢,佢3分鐘就瞓着.

不過明天放復活節假了,yeah! ...

alljodesign

好嘢~ 晴心練到嘞~ 恭喜恭喜~ 對腳好快就唔痛!!

星期五我地都唔洗上堂, 成group 小朋友放假一天.

原帖由 Smiile 於 11-4-19 23:11 發表


慧慧媽媽: 晴心隻腳仔已好返，可以話好返晒，但要小心不要再弄傷，隻腳受傷晴心好唔開心，因為她不能溜冰而且很動作做不到，會無晒心機。不過今天好開心，晴心在海濱練習，她練one half flip/waltz jump和spins，最開心係本來佢好 ...

sunshine231207

Dear all

我小朋友上左4堂, 仲有一堂就完, 問左教練想轉semi-private (2-3人), 佢話咁細學group 都夠, 但我諗如果轉semi-private 個進度係咪會快些呢?  大家可以比些意見我嗎? Tks!

gardenwoods

吉仔十蚊店！買大人護手踭果隻，黑色，個pad好厚好軟熟，仲有size 分！

原帖由 芒 於 11-4-20 13:08 發表
知唔知邊度有運動鋪有小朋友既護knee買呀? toyrus果隻好硬,有冇d好似人地做運動咁, 白色, 好似護腕果d咁架? tks

芒

唔該晒!

芒

我揾咗幾間10蚊店都冇呀....唉..

do-re-me

原帖由 sunshine231207 於 11-4-20 21:09 發表
Dear all

我小朋友上左4堂, 仲有一堂就完, 問左教練想轉semi-private (2-3人), 佢話咁細學group 都夠, 但我諗如果轉semi-private 個進度係咪會快些呢?  大家可以比些意見我嗎? Tks! ...

我覺得如果你小朋友已經對溜冰好有興趣,肯練習,可以轉semi-private,如果一般,只肯兜圈,繼續上group比較好

芒

原帖由 芒 於 11-4-21 13:06 發表
我揾咗幾間10蚊店都冇呀....唉..

E..睇錯..係吉吉島..唔係日本X..噢..今晚即去睇..
TKS

芒

原帖由 alljodesign 於 11-4-20 19:30 發表
我地相遇仲好浪漫添 hehehe...

唉~ 對住慧慧我都投晒降 好似愈大愈洩!!!
讀書依家已經激屎我, 啱啱去完體操簡直令我又再發作  

上星期已經話唔係好舒服, 去到又唔上堂, cry 住走, 今日 ...

我囡都係咁..佢仲話, 媽咪叫我學咪學囉, 我都唔鐘意既 ..真係覺得係攞苦黎辛架, 但我見佢又未至於拒抗, 加上我用D 食物引下佢, 佢就會俾多D心機去學, SO我仲KEEP住..你試下有冇野獎或激勵下佢? 如果佢地真係冇興趣, 都真係為咗"FU欠"我地架炸!唯有諗D方法令佢有返D上進心, 我都係咁自我安慰架炸

do-re-me

原帖由 芒 於 11-4-20 13:08 發表
知唔知邊度有運動鋪有小朋友既護knee買呀? toyrus果隻好硬,有冇d好似人地做運動咁, 白色, 好似護腕果d咁架? tks

溜冰場有賣專門比溜冰用的護knee,白色,又一城有得賣,大約$90,你可以去睇下.

do-re-me

原帖由 芒 於 11-4-21 13:11 發表


我囡都係咁..佢仲話, 媽咪叫我學咪學囉, 我都唔鐘意既 ..真係覺得係攞苦黎辛架, 但我見佢又未至於拒抗, 加上我用D 食物引下佢, 佢就會俾多D心機去學, SO我仲KEEP住..你試下有冇野獎或激勵下佢?  ...

Same(餵食物）！
我女而家要練的動作開始難,佢開始無興趣練.我都有用食物引下佢.我覺得我好似去左動物園,d長頸鹿伸個頭出來,我就比野佢食,真係攞苦黎辛 ！

do-re-me

原帖由 alljodesign 於 11-4-20 19:30 發表
我地相遇仲好浪漫添 hehehe...

唉~ 對住慧慧我都投晒降 好似愈大愈洩!!!
讀書依家已經激屎我, 啱啱去完體操簡直令我又再發作  

上星期已經話唔係好舒服, 去到又唔上堂, cry 住走, 今日 ...

我都好煩惱,上左小學時間少左,課外活動諗住專攻一項佢學得最有成績最有興趣的,cut左其他,而家只學溜冰同芭蕾舞.芭蕾舞只可以當玩下,因為要學3,4年先可以升grade1.注意：係升grade1唔係學grade1!
但而家我女開始唔願練.學就仲肯,但好似而家放假我叫去練佢就唔想

小豆媽

原帖由 do-re-me 於 11-4-21 13:56 發表

我都好煩惱,上左小學時間少左,課外活動諗住專攻一項佢學得最有成績最有興趣的,cut左其他,而家只學溜冰同芭蕾舞.芭蕾舞只可以當玩下,因為要學3,4年先可以升grade1.注意：係升grade1唔係學grade1!
但而家我女開始唔願練 ...

唔會啦 !
你在邊間學呀 ?  冇可能. 插班係會比低一兩個Grade.
如果7歲入學, 比你上住Primary先, 學左基本野, 再升G1.
如果亞女肯加堂, 直上G1下年G2都得啦.
穎穎今年係G2, 6月升G3.

小豆媽

原帖由 do-re-me 於 11-4-21 13:29 發表

Same(餵食物）！
我女而家要練的動作開始難,佢開始無興趣練.我都有用食物引下佢.我覺得我好似去左動物園,d長頸鹿伸個頭出來,我就比野佢食,真係攞苦黎辛 ！ ...

你比野佢食佢又肯做, 都好丫 !
sugar轉圈真係好順, 我個女轉左咁Q耐1-foot, 依家都只係得4個圈係實實淨淨(收腳計), sugar輕輕一收都有6個圈啦 ! \
如果我個女都可以"利誘"佢, 我願意買一box零食比佢 !

小豆媽

smiile

今日, 我同晴心傾過計.
我睇過晴心對腳同個傷口, 我提議左一d護理方法比佢, 你睇睇有冇效, 如果ok, 就唔洗訂鞋了.

另外, 晴心的腳, 跳ballet是會好辛苦, 事倍功半, 我(是善意的建議)叫晴心唔好放目標在考major exam, 佢的pointe work 係好難合格的. 不如set個目標係完成grade exam的G8, 就算了, 完成左一set training, 唔好再上去考major (即係intermediate foundation --> intermediate--> advance)
因為pointe work 唔得就等如唔會及格, 晴心會好大frustration的.  而且好易會傷腳, 唔只損, 係會傷"孕帶".
你可以同晴心個ballet老師傾傾.

do-re-me

原帖由 小豆媽 於 11-4-21 22:57 發表

唔會啦 !
你在邊間學呀 ?  冇可能. 插班係會比低一兩個Grade.
如果7歲入學, 比你上住Primary先, 學左基本野, 再升G1.
如果亞女肯加堂, 直上G1下年G2都得啦.
穎穎今年係G2, 6月升G3. ...

我在土瓜灣學,間學校叫梁玉潔.我唔知而家個grade係咩名, 一年後升pre primary,再一年後升primary,然後要一星期兩堂,一年後升grade 1.我計一計,要一星期上兩堂果年係五年班,無可能上兩堂,我話我只可以上一堂,職員話then要兩年先可升.即係話一共4年.
上星期有個同班的媽媽問我之前有無學過,佢話佢女已經學左一年.即係話我女已經快左一年！？

ThanksMami

好耐無上黎喇, 追post追到暈

smiile,

我女好好彩, 頭一次著新鞋, 只係擦損少少, 一個星期就好番了, 唔知係咪買大左d size, 無咁易損呢? 我舊鞋3號, 新鞋4.5號, 你囡囡對鞋幾號? 但係新鞋把刀比舊鞋長左, 我女未習慣成日跌, 跌到兩個星期都未散瘀, 希望你囡囡快d好番啦!

芒(琪琪媽),

我女就係著$10店的黑色護knee, 你囡囡細d, 都係買又一城果種好d

do-re-me,

你話深圳做溜冰衫係邊? 我過幾日都會上深圳溜冰.

小豆媽

原帖由 do-re-me 於 11-4-22 00:28 發表

我在土瓜灣學,間學校叫梁玉潔.我唔知而家個grade係咩名, 一年後升pre primary,再一年後升primary,然後要一星期兩堂,一年後升grade 1.我計一計,要一星期上兩堂果年係五年班,無可能上兩堂,我話我只可以上一堂,職員話t ...

咁你不如轉學校啦, 都唔make sense.

PP係比5歲學前兒童的, 唔通7歲人仲去扮獅子長頸鹿咩.
有D基本野, 係要pick up 番, 不過絕對唔係咁樣law, 個7歲小朋友都唔會有興趣同d4, 5歲baby一齊扮蝴蝶啦 !
正路係比個sugar(都就來8歲)6月考完試後跟G1上堂. 個syllabus由頭學起.

do-re-me

原帖由 ThanksMami 於 11-4-22 12:23 發表
好耐無上黎喇, 追post追到暈

smiile,

我女好好彩, 頭一次著新鞋, 只係擦損少少, 一個星期就好番了, 唔知係咪買大左d size, 無咁易損呢? 我舊鞋3號, 新鞋4.5號, 你囡囡對鞋幾號? 但係新鞋把刀比舊鞋長左, ...

羅湖商業城5樓

do-re-me

原帖由 小豆媽 於 11-4-22 13:06 發表

咁你不如轉學校啦, 都唔make sense.

PP係比5歲學前兒童的, 唔通7歲人仲去扮獅子長頸鹿咩.
有D基本野, 係要pick up 番, 不過絕對唔係咁樣law, 個7歲小朋友都唔會有興趣同d4, 5歲baby一齊扮蝴蝶啦 !
正路係比個sugar ...

Thank you
你講得啱,所以我等緊smiile幫我問晴心學開果度7歲可以學那一級