☆屯門聖公會青山聖彼得堂(兆麟苑)家長請進~

加加媽咪

YYMom 唔該你, 因為家長會果日聽得唔係咁清楚

嘩, 你仔仔咁快已經有功課要做喇, 佢適唔適應呀??
老師話星期一、三、四都有體能堂, 星期五有生日會或活動課都要著運動衫, 即係一星期最少有三日要著運動衫, 等我買校服時以為運動衫小d機會著, 買咗2套校服1套運動衫, 可能遲d要買多套運動衫添.....

mandylo

正式上課第3天了,好似有點唔慣,或者是我見識少,1班28-30
位學生主要由1位老師來照顧,其次加1位輔助老師,輔助老師
始終無咁投入,1位老師點樣可以照顧到及感受到每1個小朋友
的需要和情緒呢???每日看見班主任都覺得佢好疲累好繁忙,
好想同佢講下小朋友的問題到最後都不想去煩佢啦,
我小朋友係插班生所以情緒都仍未穩定點算呢?????????
至今日都未派上課時間表,又要將所有書本帶返學及又唔知道
幾時上運動課等等....
可能之前係正校讀個時咩都一早準備好及每班都由2位老師
負責自己個12-15位學生,感覺到老師是可以照顧到每位小朋友,唉真係開始有點膽心,又或者我太過杞人憂天啦.....

  

cindyma

加加媽咪 寫道:
係喎, 講講吓原來我都未交今個月學費添.......
我仲以為係每月10號前交???

不過今日都未收到書包同書喎~~~~    

你無記錯呀, 係每月10號前交校務處。

加加媽咪

Hello mandylo,

唔好咁擔心啦, 我諗小朋友好快就會適應架......

我其實都好緊張囡囡返學的情況, 尤其係囡囡之前冇返過nursery, 一下子要佢去到一個陌生的環境, 對住一班陌生的小朋友同老師, 平時o係屋企係小霸王, 返到學校要同共他小朋友一齊玩, 一齊分享玩具, 要守規則又要坐定定上堂, 其實一d都唔容易....... 我因為要返工唔可以成日請假接佢返學放學, 唯有成日問吓佢今日返學有冇喊呀 (佢每日都好叻同好大聲話冇, 不過跟住就話"有好多小朋友係度喊呀~~~ "), 老師講咩故事, 唱咩歌仔, 茶點食d咩呀, 同埋每日都問帶囡囡返學放學的婆婆/老公今日老師有冇講d咩呀.... .... 攪到老公,婆婆都嫌我煩.. 叫我唔好咁緊張.  查實有邊個做父母的唔緊張小朋友架!!~  唯有俾d時間自己同小朋友一齊去適應啦. 我估 "兆麟" 的學生比 "青山村"多, 老師的照顧可能比起來不足夠.

係呢, 你係咪依幾日都有接仔仔返學放學, 所以睇到上課的情況呀?? 不如主動d 同班主任傾吓, 將你的擔心話俾班主任知, 有咩問題早d提出, 唔好再等啦, 快d問清楚.

YYMom

mandy, 我的仔仔都係今年由正校轉過來讀k2, 我都有你類似的擔心. 希望每早見到的繁忙只是在上課前, 到分組時可以好啲啦. 你小朋友是k2嗎, 是那一班?我仔是b班, 每星期一, 三同生日會都要著運動衫 (原來著運動衫的日子唔係每班相同). 上課時間表及當天功課係貼係班房門口, 我都係每天自己望吓,都無時間同老師傾吓 :cry: 至於帶書的問題就真正唔清楚, 家長會時提過有5本書要每天都帶, 但仔仔昨日返來話老師話啲書唔洗帶

我其實都怕兆麟學生多, 學生得到老師的attention會不及係青山村. 之前係正校, 兩個學年開始, 老師都會打電話同我傾吓. 依家可能一個班主任老師負責廿多三十人, 要遲啲啦. 都只係第四日, 俾啲時間大家 同埋似乎k1的 又跟進得好啲?可能升左k2, 所以唔係下下要同家長講, 而要小朋友學習課堂上聽老師的指示

mandylo

YYMom,加加媽咪
多謝你們的回應,其實我有同班主任講,但當晚上問小朋友今日
老師有無同你講o的咩呀,答案都係無呀老師咁忙,老師又叫錯名啦及大多時間輔助老師都出o左去得1個老師在班房個la...
唉如你們所言剛開始o者遲o的會改善la...

mandy





:cry:  :cry:

加加媽咪

mandy 如果你仔仔有這樣的回應我諗你都要留意吓, 老師叫錯小朋友個名, 對小朋友緊講會唔係好開心, 千祈唔好令小朋友唔鍾意返學同唔鍾意老師, 多d關心吓佢, 希望你仔仔可以盡快適應啦.

加加媽咪

昨天老師終於都派咗手冊, 校曆表, 通告同埋學費減免申請表, 不過都仲未派書包.....真激死!!!   

Ding

Hi 加加媽媽, YYMom, mandylo

睇黎兆麟果邊有d唔同青山村..青山村果面一個老師加一個助教去睇15個學生左右..同埋d老師都好多時打電話黎同我傾下個仔喺學校入面嘅野. 正校果邊就逢二,五著體育衫..生日會都係星期五..

不過至到今日都仲未收齊書..雖然有time-table,但係唔知點同佢執書包.     估唔到 k1 d書都咁貴..

加加媽咪

hello 各位媽咪,

囡囡今日終於收到書包同新書喇~~
佢都不知幾開心, 孭住個書包周圍走, 仲同人講: "你睇我個書包幾靚!!!"  唔知幾威咁.~~~~~

Ding, 今日囡囡收到6本書, 你仔仔收到邊幾本書呀??
1) 天父世界;  2) 天父世界親子手冊;   3) 幼班歌集;  4) 幼班補充 -中文;  5) 兒歌樂;  6) 來說普通話
不過仲未收到timetable, 如我冇記錯果本"天父世界親子手冊" 應該唔洗帶返學校既, 留係屋企等家長同小朋友親子時間用.

Ding

加加媽咪

我星期一已收到你講果幾本書..其他未收到..我個仔又係一收到書就好開心..同我講話要讀好多好多書喎 .. 若然係真就唔洗煩啦.. :  :

你講得岩.."天父世界親子手冊"應該係俾家長同小朋友一齊做功課用..唔洗帶返學.. 而且個時間表都無要個學生帶.

加加媽咪

Ding, 你仔仔依家幾大呀, 咁識講野同咁生性, 真係氹死人

原來正校青山村果邊d老師都好多時打電話黎同你傾下個仔喺學校入面嘅野. 唔知依邊d老師幾時會咁做呢??

Ding

加加媽咪

我個仔3.8歲啦...佢未返學前講野都唔好.. 不過一返左學一個月就識講好多野....邊係生性丫.. 人講佢又講之麻...不過聽到又真係幾開心嘅..   女仔講野會叻過男仔..你個女一定好多野同你講 ...係呢..你囡囡幾大呀.. 我見今年返k1有d小朋友真係好細 ..

上年青山果面老師開學一個月後打電話黎同我傾個仔向學校入面嘅事.. 之後大約每隔2-3個月又會打電話同家長傾下...

LongLong_ma

加加媽咪, 各位媽咪,

原來呢到已經有班ST.PETER 媽咪响到傾計.......我仲自己開個TOPIC 添.......好在得DING媽LINK 個TOPIC 俾我......DING媽......唔該晒  
我仔仔都係今年K1......加加媽咪......我仔仔同妳囡囡係同學仔呀.......都係上幼B.....以後請多多指教......唔知佢地係咪同一組呢?
仔仔返左成個幾星期學啦......一齊都幾順利......仔仔都無喊過.......我地就好似過左一關咁    今日打電話去學校.....想查詢下仔仔响學校情況(因為我係搭校車.....所以不能實地睇仔仔上課情形)...原來今日黃老師無返學.....由何老師聽........何老師都幾好人.....好親切(無嫌我煩).......我講左係邊個家長......佢就好醒目咁講晒仔仔响學校的情況......原來......今個星期已經有半小時普通話&英文堂.......下星期開始可以照時間表著運動衫........都幾激死......我以為應該著校服的時間多D.......仲買左2套校服1套運動衫.......現在可能要買多套運動衫啦!


mandylo,

妳都係住响碼頭呀?妳住邊o樹呀?我住悦湖呀!!!!

mandylo

LongLong_ma

我其實係住兆麟苑,但將小朋友交比住碼頭o既亞媽照顧o者.
  

加加媽咪

Ding,

我女女啱啱琴日(10號)足三歲, 佢真係幾多野講架.... 有時講d野佢老積到你都估唔到.

Hello LongLong_ma 你好呀!!! 你記得唔記之前係講 "屯門幼稚園" 個Topic 都有同你傾過計架, 係唔係呀!~  

原來你仔仔同我囡囡同一班架...... 咁啱既? 我囡囡係青椒組呀, 你仔仔邊組呀?? 等下次有機會真係要見吓面喇. 原來今日黃老師冇返呀, 唔怪得知今日打電話返學校校務處問吓有冇見到囡囡個名牌留咗係課室, 校務處的人話問吓負責果位老師, 跟住隔咗一陣佢話個名牌係何老師幫囡囡執番, 星期一會交俾黃老師, 起初我都無為意添....

其實我都好想知到囡囡返學的情況, 又唔知佢果幾個鐘返學做D咩, 學d咩, 老師又冇打電話嚟講吓囡囡返學的情況, 不過知道你仔仔係同班的, 以後真係要多d同你傾計喇...~~

係呀, 下個禮拜要跟時間表星期一,三,四著運動衫喇.

LongLong_ma

加加媽咪,

係呀......我地都曾經一同經歷揾學校既痛苦.......所以都算是網上知己......是不 :wink: 我們現在又可以一同經歷3年的幼稚園生涯啦......以後有很多地方請教妳......希望妳唔好嫌我煩
我仔仔是南瓜組.......其實妳想知道囡囡的情況.....可以直接打電話俾黃老師問......佢會好樂意答妳架.......黃老師星期六都有打電話俾我(我之前打去....佢請左假)佢仲話唔好意思未同我們聯絡......佢話現在主要係同一d有問題的小朋友家長聯絡........希望盡快另所有小朋友適應......所以我們的小朋友没有問題的......她便遲一點才和我們聨絡......所以我諗老師遲一點都會找妳的......放心吧......妳囡囡咁醒目 没問題的.....星期五派左好多書單......妳會唔會訂呀?會訂邊本呀?

加加媽咪

LongLong_ma,

係呀, 諗番上年呢個時候, 仲係度煩緊唔知邊間學校好, 眨下眼已經返緊學.... 依家難得小朋友仲做埋同學仔, 以後真係要互相 "照應" 吓, 千祈唔好話麻煩就真.   

你知唔知仔仔座邊果位置呀?? 我囡囡座係最後排最近窗的位置, 面向前面, 都幾好架...   唔知同你仔仔近唔近呢??? 你仔仔幾大呀?? ....佢番到屋企多唔多同你講學校的情況呀???.... 仲有你仔仔係唔係坐校車架? 佢習唔習慣呀?? 平日幾多點要出門口等校車??? 多唔多人搭呀? 洗唔洗兜好耐先返到學校?? 有冇姨姨跟車同埋個司機叔叔掂唔掂呀???? ........ 哈哈~~~咁多野問希望唔好嚇親你喇...

仲有果D書單...... 我都未得閒睇清楚係咩, 所以未決定訂唔訂呀, 你呢????

:

麟麟媽咪

你們好呀!我第一次加入請多多指教. 我其實都希望入這間學校,因為我都是看到些topic才考慮這間,之前我一路都是諗比我仔仔讀保良局易桂芳,諗住將來順利升上小學,不過現在很担心我仔仔面試,因他是一個超級怕羞仔,不知你們的小朋友面試時怎樣?可否講多些關於這間學校的資料呀????忘記告訴你們我仔仔現在2yr5mth呢!

Ding

麟麟媽咪

青山村面試好簡單.個主任同媽咪傾下,又俾d玩具個小朋友睇下佢識唔識玩,例如穿珠仔,砌lego之類,會叫個小朋玩完放好d玩具....睇下佢會唔會跟住做.其實唔洗太擔心..好易架..我試過同佢出去靈量堂面試..真係複雜. 你諗住俾囝囝讀nursery 定k1呀..

LongLong_ma

唔洗客氣..歡迎你加入..又多一個媽咪可以傾下學校d野.

加加媽咪

你地派晒書未呀? 我果面好似有d英文書未派.今年開始要同佢執書包lu....感覺上個仔大得好快