専注力不足及過度活躍症(ADHD)兒童家長站

daichoigo

lillymarie, thanks a lot ! 咁真係好貴喎, 成三仟至四仟蚊, 私家的係咪睇一次就得架啦? 唔好意思, 我咁多問題.

原帖由 lillymarie 於 09-1-6 11:01 發表

是的
你請個相熟的醫生幫你寫信, 轉介去"Child Assessment Centre"
由於你都唔肯定囡囡咩問題, 只係佢學習有困難, 可以用呢個原因"學習遇到很大困難, 懷疑有專注力不足或學習障礙"轉介
當年因有人好"肯定"我個仔唔 ...

lillymarie

原帖由 daichoigo 於 09-1-6 11:44 發表
lillymarie, thanks a lot ! 咁真係好貴喎, 成三仟至四仟蚊, 私家的係咪睇一次就得架啦? 唔好意思, 我咁多問題.

除非你好緊急, 不然試下CAC先啦, 係醫管局管理的, 第一次收$100, 之後每次$60
有錢留返確定咗係咩問題, 真的要做treatment時先搵私家做, 因為政府排期做treatment 就好長條隊, 要排好耐好耐.......
好似我仔仔咁, 係CAC共做咗三個評估, 如果係私家續個做, 個費用就好貴好貴了

另外, 你可以搵學校社工的, 因為教署有臨床心理學家可以幫學生做評估, 我唔知咁樣使唔使好耐, 可能你需要和駐校社工/老師商量下?

lillymarie

daichoigo,

有一點要留意:
呢D評估做過一次後, 要等一年後先可以再做, 不然就不準確.

daichoigo

lillymarie, thanks !!

其實我聽你講後, 我正打算會帶我囡到附近的診所, 叫醫生轉介去政府做評估, 因私家的實在太貴, 你講的CAC是什麼呢?

原帖由 lillymarie 於 09-1-6 13:49 發表

除非你好緊急, 不然試下CAC先啦, 係醫管局管理的, 第一次收$100, 之後每次$60
有錢留返確定咗係咩問題, 真的要做treatment時先搵私家做, 因為政府排期做treatment 就好長條隊, 要排好耐好耐.......
好似我仔仔咁,  ...

daichoigo

想問一下, 專注力不足是否天生? 專注力是關負於"興趣"? 有興趣就有專注力? 是否正確? 因我打比其中一間政府的兒童評估中心的姑娘是這樣說的. 個姑娘問我小朋友看電視能否集中, 我說可以維持半小時內, 她說咁就唔係專注力不足啦, 究竟係否真的?
政府做的評估係咪好兒戲?

daichoigo

ntefamily, 其實我都知道唔係個姑娘講咁簡單, 我又唔識所以唔知點同佢講好, 因我阿囡於07年曾帶過佢去過呢間check, 當時亦見過姑娘, 醫生同心理學家, 她們全都話我囡無問題, 頭先個姑娘仲話如果07年時check過無事, 即係e+都無事, 因為專注力不足係天生咁話, 我聽左後覺得好奇怪, 質疑佢所講是否屬實, ntefamily, 咁我e+應該點做好呢? 如睇就近診所, 寫信轉介, 結果都係一樣, 我唔係想阿囡真的有專注力不足, 但我觀察到的是這樣, 不能夠不擔心!!

原帖由 ntefamily 於 09-1-7 17:17 發表
個姑娘唔識扮識, 一D都唔專業!


ADHD注意力缺失/不全過動症

主要核心症狀

http://www.adhd.club.tw/adhdClassRoom02.html

lillymarie

原帖由 daichoigo 於 09-1-7 16:17 發表
想問一下, 專注力不足是否天生? 專注力是關負於"興趣"? 有興趣就有專注力? 是否正確? 因我打比其中一間政府的兒童評估中心的姑娘是這樣說的. 個姑娘問我小朋友看電視能否集中, 我說可以維持半小時內, 她說咁就唔係專 ...

你係下面呢個網址可以搵到兒童智能測驗中心的資料
http://www.dhcas.gov.hk/tc_chi/centre_info/centre_info.html
專注力不足係天生的
專注力不足的小朋友有5種情況下, 會表現得很專心:
1. 自己很有興趣的活動, 例如我仔仔很喜歡砌模型, 佢可以砌2小時
2. 活動本身很有趣, 很吸引, 例如刺激遊戲
3. 老師很惡
4. 單對單活動, 我坐係隔離成日提住仔仔, 佢做功課就會快好多
5. 食咗藥

電視每隔20秒就轉畫面, 其實係好啱ADHD小朋友的口味, 所以坐定定睇電視係唔算數的

好多人都唔了解ADHD, 有好多誤解. 如果有懷疑, 最好由臨床心理學家或者精神科醫生去診斷.

lillymarie

原帖由 daichoigo 於 09-1-7 17:40 發表
ntefamily, 其實我都知道唔係個姑娘講咁簡單, 我又唔識所以唔知點同佢講好, 因我阿囡於07年曾帶過佢去過呢間check, 當時亦見過姑娘, 醫生同心理學家, 她們全都話我囡無問題, 頭先個姑娘仲話如果07年時check過無事,  ...

daichoigo,
你囡囡幾歲check的? 係咪做齊IQ test, 專注力test, 讀寫障礙評估?

lillymarie

原帖由 ntefamily 於 09-1-6 16:03 發表
醫生話我小朋友有ADHD的傾向, 上堂中意遊雲, 考試粗心, 又成日唔記得野,但唔會係學校搗蛋, 但情緒有時都波動.

我想過比阿仔試下食藥, 但又怕副作用, 會胃口差, 阿仔現12歲, 一向都瘦, 怕胃口差會影響發育.

...

ntefamily,
我仔仔都係又瘦又矮, 我地都担心佢身高會受影响
佢啱啱食藥一個左右, 醫生發現佢體重輕咗, 叫我逼仔仔食多D, 如果下次覆診無改善, 要減藥了

daichoigo

lillymarie, 阿囡係06年約5歲半時check的, 現今她已7歲半了, 當時做左好幾樣測試, 有iq (資優), 專注力, 手眼協調測試, 視力, 個臨床心理學家話阿囡無事正常, 但我就唔覺得, 因始終成日對住阿囡的人係我, 阿囡讀k2, k3時已被老師話佢上當成日唔專心, 所以我先帶佢check, 到上左小學, 情況更見差了, 我好傍惶, 唔知點做好, 昨日再打去個評估中心問, 點知個姑娘咁講, 令我更唔放心! 個姑娘講話上年一年級下學期時(08年2-3月), 教統局已同佢地一年級做左讀寫障礙評估, 如懷疑有問題的同學, 在舊年暑假已開始FOLLOW, 我未有任何通知就即係阿囡無問題咁話喎, 但我真的唔係咁覺得, 我可以點呢?!

原帖由 lillymarie 於 09-1-7 17:59 發表

daichoigo,
你囡囡幾歲check的? 係咪做齊IQ test, 專注力test, 讀寫障礙評估?

daichoigo

ntefamily, 我想問私家的要去睇幾多次架大約? 一次成3仟幾四仟, 覆診計唔計架, 好貴呀!!!

原帖由 ntefamily 於 09-1-7 22:23 發表


其實我係自己覺得阿仔唔多專心, 成日唔記得野, 好粗心, 成日睇錯題目. 但學校老師又唔覺得咩wor, 可能佢成績都有中上, 又唔會周身郁, 可以坐定定聽書, 但佢遊雲就無人知lor.

直至上個月, 我送佢去間補習社, 個老 ...

lillymarie

原帖由 daichoigo 於 09-1-8 10:16 發表
lillymarie, 阿囡係06年約5歲半時check的, 現今她已7歲半了, 當時做左好幾樣測試, 有iq (資優), 專注力, 手眼協調測試, 視力, 個臨床心理學家話阿囡無事正常, 但我就唔覺得, 因始終成日對住阿囡的人係我, 阿囡讀k2,  ...

daichoigo,
我係你的話, 有幾個選擇:
1. 直接帶囡囡去睇兒童精神科醫生(私家), 因為ADHD最終都係由醫生斷症和決定需否吃藥.
2. 請普通私家醫生轉介去政府的兒童精神科, 聽聞要排期2年
3. 去協康會或其他私家評估中心做評估, 但要$$$
你check pm, 我地再傾.

daichoigo

lillymarie, 唔該晒你呀!!! 好在有你地幾個媽咪比下意見, 我都唔知點算好.

原帖由 lillymarie 於 09-1-8 10:24 發表

daichoigo,
我係你的話, 有幾個選擇:
1. 直接帶囡囡去睇兒童精神科醫生(私家), 因為ADHD最終都係由醫生斷症和決定需否吃藥.
2. 請普通私家醫生轉介去政府的兒童精神科, 聽聞要排期2年
3. 去協康會或其他私家評估中 ...

502

To ntefamily,

可以pm我深圳兒童醫院有多動症(即ADHD)的專科资料吗? 我想试食中成藥調理下!

Thank you