潮公被指為升Band勸130人退學

hkpapa852

王家爸爸 發表於 17-11-10 16:39
其實理性啲諗，如果讀唔掂，又唔想留級，可以點？講真如果間學校啲學生讀唔讀得掂都照升班，你會唔會仲驚？ ...

其實我覺得, 如果間學校係完全不負責任, 最絕既做法係, 應該一早俾你"跳級", 等你早走早著

王家爸爸

hkpapa852 發表於 17-11-10 16:50
其實我覺得, 如果間學校係完全不負責任, 最絕既做法係, 應該一早俾你"跳級", 等你早走早著

其實問題係佢哋無分校，如果好似香島咁，就容易解決。

artroboy

王家爸爸 發表於 17-11-9 12:53
其實以前既工業中學、職業先修學校都唔錯，將啲能力、興趣類似既學生集中埋一齊，會好教啲。 ...

果班紅褲仔，隨時成就好過d大學生。行行出狀元，

artroboy

twotwoshing 發表於 17-11-10 11:01
對，但而家乜都話融合，甚至輕微智障都會去主流學校。對於呢啲唔鍾意寫字但喜歡郁動、創作嘅學生好慘，就係 ...

有d人真係有寫讀障礙，要佢一字不差/漏係拖牛上樹，但手巧能幹、轉數快，危機處理亦可以好出色。

王家爸爸

artroboy 發表於 17-11-10 18:06
果班紅褲仔，隨時成就好過d大學生。行行出狀元，

鄭海泉、鄭經翰、李少光、鴻福堂老闆等等都係工業學校出身。

sunflower2000

王家爸爸 發表於 17-11-10 17:24
其實問題係佢哋無分校，如果好似香島咁，就容易解決。

唔明, 即係點?

王家爸爸

sunflower2000 發表於 17-11-11 17:41
唔明, 即係點?

如果有分校，將其中一間定位好啲既，另一間定位為差啲既，唔達標既轉去差啲嗰間，對學校同學生都好。

elbar

王家爸爸 發表於 17-11-11 21:31
如果有分校，將其中一間定位好啲既，另一間定位為差啲既，唔達標既轉去差啲嗰間，對學校同學生都好。 ...

本帖最後由 elbar 於 17-11-11 21:42 編輯

正常情況下就算大集團官津校都唔可以咁玩

大件仔

VTC是否高中轉去讀, 叫中專教育?

我識人佢個仔就係中三後比學校勸退去左間將軍澳的專中, 讀左3個月已經退學, 佢話每日都小左人返學, 小下小下返左3個月由30幾人得返幾個人, 最後佢個仔都走埋, 我朋友又唔理個仔學業的事, 終於個仔就得中三程度出來搵工, 無份工做得長。

wheelbread

hkpapa852 發表於 17-11-10 16:50
其實我覺得, 如果間學校係完全不負責任, 最絕既做法係, 應該一早俾你"跳級", 等你早走早著

Can't agree more!  其實我留意呢單新聞, 係因為啱啱上個月我開始揾中學開放日資料無意中見到個post, 個媽媽讚個新校長, 同單新聞個學生講的, 似乎唔多夾.  
(我再揾返個post, 係2016年的,  不過我唔識copy 條 link, 個題目係"港九潮州公會中學好嗎")

報紙報導話個女學生指學校認為佢成績唔達標要佢留班, 同時話佢不適合讀傳統學校, 叫佢讀職訓課程.  睇到呢度, 我都唔明點解個女學生會覺得學校有問題?!  我自己都成日同阿女講, 如果佢唔係讀書材料, 就揾返自己興趣, 向呢方面發展, 好過浪費時間.  個女學生係東張東望又好似話自己好努力去讀, 但都唔達標, 都係要留班, 又係學校問題?!  其實我同老公聴到都覺得好笑, 咁以佢咁邏輯, 即係所有係DSE努力讀書的學生但考唔到大學入學資格, 係大學問題, 大學應該收晒呢D唔達標的學生?? 再者, 如果佢真係好似自己講咁努力讀書, 但都考唔到升班標準, 係咪更加應該諗清楚自己的出路??

另外,如果無記錯, 個女學生又話自己收唔到學校有闗暑假補習通知, 自己返左大陸, 呢個更加唔合邏輯啦.  學校點會攪左個暑期班唔通知學生?? 就算真係無通知你, 你D其他同學收到通知點會唔講??  

之後又有報導佢發千字文俾好多學校, 但都無人理佢.  如果佢真係唔慘, 學校真係咁無理, 我相信總有一, 兩間學校有回應吧..

而且, 有個退學學生自己都係網上留言, 佢反而係多謝學校喎. 佢話校長為左佢一個留級生, 特登叫兩個老師去教佢, 雖然最後都係退學, 但佢只怪自己無好好讀書.  同樣係退學學生, 但似乎是懂得反醒自己的人.

話說回來, 講真一間學校爭取升band 又有咩問題?  個人覺得癥結是香港敎育制度問題, 令呢班不是讀書材料的學生無路可出.  

王家爸爸

wheelbread 發表於 17-11-12 22:12
Can't agree more!  其實我留意呢單新聞, 係因為啱啱上個月我開始揾中學開放日資料無意中見到個post, 個媽 ...

其實我一直懷疑件事俾報紙佬誇大咗。

wheelbread

王家爸爸 發表於 17-11-12 22:27
其實我一直懷疑件事俾報紙佬誇大咗。

可能係。不過我更懷疑個女學生誇大，佢講嘅野都唔多有邏輯嘅。我記得佢又講過，唔知簽左退學信有咁嘅後果。我聽到時幾乎噴飯，咁同話簽左結婚證書唔知道等於結左婚無分別喎

sunflower2000

王家爸爸 發表於 17-11-11 21:31
如果有分校，將其中一間定位好啲既，另一間定位為差啲既，唔達標既轉去差啲嗰間，對學校同學生都好。 ...

香島咁樣玩法? 咁容易叫人轉就轉?

Soundervolt

wheelbread 發表於 17-11-12 22:12
Can't agree more!  其實我留意呢單新聞, 係因為啱啱上個月我開始揾中學開放日資料無意中見到個post, 個媽 ...

十分同意您所講，香港教育制度令學生出路陜窄，不過唔多唔少跟香港嘅商業結構亦有關係，工種太少。不過亦有尐讀書成績唔好嘅學生唔係制度嘅問題，而基本上喺”懶惰”，我周圍嘅朋友都有好多基層工作都請唔到人，甚至冇乜人入行，就以飲食同汽車維修十份明顯，我地年代讀書唔成會走去做學徒，而家屋企有飯開有冷氣，留喺屋企打機好過。

無知人

王家爸爸 發表於 17-11-10 18:21
鄭海泉、鄭經翰、李少光、鴻福堂老闆等等都係工業學校出身。

C兄，雖然你係度好受歡迎，但係工業學校出到鄭海泉呢類既百份率係幾多，0.000001%係無意義，同行行出狀元一樣，六合彩總有人中一樣，只係安慰自己既精神鴉片。
同埋呢3個人，同工業學校所教，有乜關連？鄭大班靠個口，工業學校唔會教個口，李少光既特長，我唔覺得係工業學校所教范圍之內。

王家爸爸

無知人 發表於 17-11-15 10:13
C兄，雖然你係度好受歡迎，但係工業學校出到鄭海泉呢類既百份率係幾多，0.000001%係無意義，同行行出狀元一 ...

雖然話「工業學校唔會教個口」，但係工業學校學到既係手藝、工程理論、邏輯、街頭智慧等，所以鄭經翰同其他網絡名人好唔同，佢講野其實一般，但係好有邏輯。點解你覺得呢啲人既特長，同學校所教范圍無關？
以你所用既邏輯，任何人既成功、失敗都無可能係同佢所讀既學校有關，因為學校所教既范圍同成功係零直接關係。

無知人

實在唔好意思，我再三看完我整個回覆，但找不到何處可以令人理解到 "以你所用既邏輯，任何人既成功、失敗都無可能係同佢所讀既學校有關" 。多謝你送呢頂帽我囉。

我可以舉例，楊鐵樑讀東吳，英倫大，呢種係佢特長就係佢學教學既野。學校所教相關度同你既例，相差係幾多？

鄭海泉係銀行家，你唔講佢讀中大新亞經濟，紐西蘭奧克蘭大學修經濟學系哲學，而只講九工出身，咁你有你既理由。

你d回以往都係好有理據，數據，有實際支持，呢次真係太深奧啦。

littlecath

王家爸爸 發表於 17-11-7 16:45
其實應用學習課程教法好唔同，一般老師根本無能力去教，所以好多時都係外判，同學校關係未必好大。 ...

請問咩係應用學習課程？

王家爸爸

littlecath 發表於 17-11-16 08:07
請問咩係應用學習課程？

應用學習係新高中選修部分既一種課程。同主流選修科目唔同，應用學習比較著重發展應用技能，比較職業導向，所以適合啲讀傳統科目無咁叻既學生。

王家爸爸

無知人 發表於 17-11-16 08:00
實在唔好意思，我再三看完我整個回覆，但找不到何處可以令人理解到 "以你所用既邏輯，任何人既成功、失敗都 ...

小朋友既學習能力主要係喺中小學階段，尤其係中學時培養，所以教育局曾經強調 learning to learn 既能力（唔知道仲有無講）。加上大部分人既主要朋友都係中學時認識既總角之交，所以中學對人既影響係最大既。你見華仁、DBS等既舊生捐錢俾自己中學闊綽過捐錢俾自己大學。