溜冰

choleliu

新大家新年快樂、恭喜發財﹗

do-re-me

上一篇留言是在年三十晚食完團年飯在奶奶家偷偷地寫的,由於突然被人發現,所以立刻按'發表'然後off line了.我女的堂家姐考第一,於是我當日便被眾親戚(奶奶有4個仔,他們的老婆)話我唔識揍女,阿女成績唔好,學溜冰對升中無用,'哂'時間.佢地成日都攞4個孫女來比較,而我又做唔倒唔理佢地講咩.上次阿女溜冰比賽係我又迫又哄要佢參加,贏左可以係佢地面前出口氣.我安排佢讀名校,著靚衫,學依樣果樣,搞到自己一時好開心,一時好唔開心.我女唔係聰明果種小朋友,加上佢學校水準好高,佢讀極都只係考中間.我好擔心佢升中,佢學校頭50名升倒自己中學,但起碼科科90分先考倒頭50名,真係好得人驚.所以我成日諗係唔係應該cut哂佢所有課外活動,唔比佢玩(在屋企設計d無聊玩意,去公園溜滑梯,踏單車,滑板車,睇vcd,油顏色),連課外書都唔好睇(佢成日花好多時間睇而唔做功課),而日日專心讀書.其實佢的性格唔係好適合讀傳統學校,如果我有錢比佢讀國際學校就好了.唔好意思,完全離題.多謝你地比個地方我呻下,我連老公都唔敢講,廢事佢話我同佢d屋企人唔夾.

do-re-me

祝大家的囡囡學業進步,快高長大.舊時d人話等細路大等到頸都長,但我覺得大得太快,可以慢d就好了.

ThanksMami

do-re-me,

"人比人, 比死人" 你真係要試下唔好太在意人講咩, 攪到自己唔開心好唔值得, 留番啖氣盡力做好自己就ok

我唔覺得要cut哂課外活動, 就會成績好, 最緊要平衡, 適量活動對身心都有益, 當然學業應該放第一, 我個女都好多野學, 我同佢講話成績退步就要cut活動, 佢好驚無野玩, 所以都好勤力讀書

你囡囡讀到名校好難得架, 繼續努力啦!

ThanksMami

原帖由 choleliu 於 11-2-4 00:10 發表
最少我囡囡肯定有用先囉﹗

choleliu,

咁係咪要有FS 5以上又有獎先有用呢?
我囡小三, 學左FS 1半年有多, 都只係學得1/3, 我怕到六年班都無FS 3

do-re-me

Choleliu,
你囡囡打算讀邊間重視溜冰的中學?可否介紹下?

ThanksMami,
多謝你鼓勵,我會盡力的.
係唔係你或教練成日請假所以學得比較慢?我女覺得fs1比delta容易,因為她練左好耐先做到3turn後隻腳伸直

[ 本帖最後由 do-re-me 於 11-2-6 16:17 編輯 ]

choleliu

跟本唔需要理佢地，為左d人唔開心，唔值得丫﹗仲有，邊個話考第一將來會做野叻？在呢個時勢，無番盤手藝將來會差人一步，鏗鏘集都有講啦﹗

我囡囡讀書唔叻，band2，楝返d活動教學比佢，咁就會好d，個個小朋友都唔同，我地學校屬於何文田區﹐我會楝九真 & 何官﹗

原帖由 do-re-me 於 11-2-5 23:17 發表
上一篇留言是在年三十晚食完團年飯在奶奶家偷偷地寫的,由於突然被人發現,所以立刻按'發表'然後off line了.我女的堂家姐考第一,於是我當日便被眾親戚(奶奶有4個仔,他們的老婆)話我唔識揍女,阿女成績唔好,學溜冰對升中 ...

choleliu

咁又唔一定既，不過最好出外比過賽就會好d囉。小三FS1都唔緊要，勤力D，我囡囡小三都未係FS1，不過2010年一年內考左三級，小六就FS4，總之最少要一年一級。

原帖由 ThanksMami 於 11-2-6 02:02 發表


choleliu,

咁係咪要有FS 5以上又有獎先有用呢?
我囡小三, 學左FS 1半年有多, 都只係學得1/3, 我怕到六年班都無FS 3

do-re-me

Choleliu,
衣兩間都好好喎,或者我女考倒fs3都會收,敢我都可以放心d.

我諗通左少少:以學一門手勢黎講,而家好多行業已經發展得好成熟.例如做鋼琴老師,而家周街都係演奏級,如果你想pro d,起碼都要讀完音樂系先揾倒食.做畫畫老師最好都讀完美術系,但大學都無一科係讀溜冰的,就算成績唔好入唔倒大學都唔緊要.而且你地話而家好多教練都未有八級,即係話我女在18歲考倒八級就一定唔會餓死.但佢係唔會明,佢以為個天會有野跌落黎比佢食,有錢跌落黎比佢洗!

Smiile

十分同意CHOLELIU-這個時勢什麼也是假，學一門手藝才是最重要。講真，就算在外國讀完大學回來，一樣都係唔識諗，而且可能嘆慣經不起挫折。反而一門手藝就要經過刻苦地練習、練習、跌倒再嘗試方會成功，慢慢培養出小朋友知道要努力要付出才可以成功的道理。

現在我女學溜冰，都會很用心練，因為她知道若果不練就不會有進步，雖然她開始學FS1時進度就開始慢了少許，但我覺得最緊要她願意付出。

Smiile

一年考三級 難怪是傑出學生

我女現在開始學FS1，希望她都起碼一年一級啦 ! 我唔期望她去到FS8，但過了FS5就真係我已好心足、好感恩

Smiile

原帖由 do-re-me 於 11-2-7 19:27 發表
Choleliu,
衣兩間都好好喎,或者我女考倒fs3都會收,敢我都可以放心d.

我諗通左少少:以學一門手勢黎講,而家好多行業已經發展得好成熟.例如做鋼琴老師,而家周街都係演奏級,如果你想pro d,起碼都要讀完音樂系先揾倒食. ...

DOREME :

其實真係唔需要為這些人唔開心，人比人比死人，而且你女女有你的欣賞，佢自己又學得開心而且又得埋獎 GOOD (2-FOOT SPIN轉到14圈好叻女啦)
請你女女繼續加油啦 !  (我個女都係 )

[ 本帖最後由 Smiile 於 11-2-7 23:43 編輯 ]

Smiile

Do-Re-Me,

不好意思，我之前兩三天沒有上網，關於瑞士卡達DVD我已回覆了文章(但驚好快又沉底)，所以借這兒告訴你。另外請CHECK PM

Smiile

do-re-me

Smille,
Thx very much

do-re-me

衣個禮拜都係幫於溫書,無時間去玩,連阿女在屋企玩d益智遊戲都要限時,真係好慘.好想去練溜冰!

小豆媽

原帖由 do-re-me 於 11-2-8 15:38 發表
衣個禮拜都係幫於溫書,無時間去玩,連阿女在屋企玩d益智遊戲都要限時,真係好慘.好想去練溜冰!

鬼婆的理念係, Festival 要盡情celebrate. 所以我和穎穎都第一次過一個完全沒有"功課"的假期, 喪玩7日. 回想舊年有十九本功課等住做.........真係今時唔同往日
.


我初初轉校時都好驚好擔心唔知個女個唔會好hea學唔到野, 不過自己"轉一轉台", 就會諗到學習係一個過程, 唔一定要日日死做功課抄抄默默才是唯一方法, 條條大路通羅馬.  我覺得依家學校的學習模式適合"我一家".

小豆媽

原帖由 do-re-me 於 11-2-5 23:17 發表
上一篇留言是在年三十晚食完團年飯在奶奶家偷偷地寫的,由於突然被人發現,所以立刻按'發表'然後off line了.我女的堂家姐考第一,於是我當日便被眾親戚(奶奶有4個仔,他們的老婆)話我唔識揍女,阿女成績唔好,學溜冰對升中 ...

do-re-me,
曾經.....我都同你有差不多的遭遇.
我的"姑奶們", 又是常常都攞我d女同佢d仔女比較, 又話我乜乜乜係唔係唔識教, 又話我做乜唔比多ORT書佢睇, 唔陪佢去多d乜館物館. (我要返工呀大佬)
到左讀小學, 我有出去考"直資/名校", 考到la, 我地又決定唔出城讀書, 又比人話.
我自己就梗係想keep住個女考名次啦, 3次考試都考第2, 都好好啦, 又會有滋事份子問點解差少少就考第1都考唔到咁可惜.   唔只要顧學業, 仲有n樣課外活動. 攪到我自己都差d din 左.
就咁過左一年的非人生活, 我決定唔玩la. 可以唔見就唔好見.

未必個個家長都可以"括出去", 不過, 大人唔好圍住個小朋友去轉, 個世界, 除左個小朋友讀書學野之外, 仲有好多其他野.  無謂攪到大家都辛苦.

小豆媽

原帖由 choleliu 於 11-2-7 14:15 發表
咁又唔一定既，不過最好出外比過賽就會好d囉。小三FS1都唔緊要，勤力D，我囡囡小三都未係FS1，不過2010年一年內考左三級，小六就FS4，總之最少要一年一級。
...

1年考3級, 真勁呀 !
我希望我個女P6可以考到試啦.
Choleliu, 我想問問你, FS3的跳係唔係要好好力水呢 ?
我個女係唔轉得但跳得果種人, 咁coach見佢1-foot轉極都冇起色, 就教佢多d jumps, (FS3的jumps)& backward arabesque.
不過個女就話自己冇力, 又話同FS2果d差好遠, 係唔係咁嘅呢 ? (我個女係瘦人一個)

Smiile

原帖由 小豆媽 於 11-2-9 12:30 發表


鬼婆的理念係, Festival 要盡情celebrate. 所以我和穎穎都第一次過一個完全沒有"功課"的假期, 喪玩7日. 回想舊年有十九本功課等住做.........真係今時唔同往日
.


我初初轉校時都好驚好擔心唔知個女個唔會好hea ...

我女都係讀國際學校，不是太多功課、只是持續性評估多，所以今個假期都係得好開心，佢想玩就玩、想睡就睡、想看書就看書，除了第一天假期完成功課外，其他時間都係玩玩玩。 我又唔擔心她將來，總覺得有快樂的成長過程才是最重要 你說得對，學習是個過程，我很緊張小朋友的成績，但我更重她有沒有在過程中成長和有得著。

Smiile

原帖由 do-re-me 於 11-2-8 15:38 發表
衣個禮拜都係幫於溫書,無時間去玩,連阿女在屋企玩d益智遊戲都要限時,真係好慘.好想去練溜冰!

但係練習溜冰都好重要架喎... 不過我女除了練溜冰，這個假期沒有練琴(個鋼琴老師去完旅行回來可能會殺鬼左佢 )