溜冰

do-re-me

我屋企去溜冰場唔遠但又唔近,搭小巴兩個人單程$15,車程30分鐘再行10分鐘,搭的士單程$30,車程15分鐘.為左慳番d時間讀書,多數搭的士.在的士都讀書!如果一星期搭兩次的士又好貴,所以最後決定一次過學兩堂.

你地話比較雜果個場係米西九?室內都食得煙?勁!

磨刀咁貴?megabox$70,唔知有無分別?我對鞋係上網買二手,$500好新淨,看似全新,果個人仲送埋個大古城鞋袋比我,唔通塊刀有問題?希望唔係啦.我女話對鞋向前ok但向唔倒後行,真奇怪.你地d鞋係咩牌子?有d咩牌子好?鞋裹面舒服d?

[ 本帖最後由 do-re-me 於 11-1-20 23:18 編輯 ]

Smiile

完全同意...溜冰只是其中一樣，還有鋼琴、畫畫、學費校車、書簿，d錢好似倒水咁倒 !

學溜冰還要買鞋、換鞋又要錢，我個女女是大孩子，可能不用因為鞋size而經常換ge。但她現在的鞋應該最多去到FS2...不過又係好漫長的日子

spin真係要時常轉，無時無刻都轉下，one foot spin其實大腿力很重要，supporting leg要夠力踩實而另一隻腳要hold得夠力，所以溜冰要不斷練，我相信chole女女一定好勤力，你女女已好乖，有耐性練8個月 好乖 !

小朋友應該最鍾意ballet jump，一來好靚，二來這個jump可以給小朋友成功感。我個女現在學bunny hop已說好驚，遲些唔知點算

Smiile

我知道好多人都著jackson牌子...

你有沒有問過女女覺得轉時又ok嗎? 因為如果刀唔ok其實轉都有困難bor

$500好新淨還有鞋袋，真係

do-re-me

對鞋就係轉唔倒囉,買的時候又無得試溜,只係在地鐵站穿隻腳落去.我睇過係jackson又一城二千蚊果種,點算?

小豆媽,
我女又無話暈喎,但右腳無力保持

小豆媽

原帖由 Smiile 於 11-1-20 23:10 發表
我知道好多人都著jackson牌子...

你有沒有問過女女覺得轉時又ok嗎? 因為如果刀唔ok其實轉都有困難bor

$500好新淨還有鞋袋，真係

如果 $500 新淨2手, 會唔會係原價 $800~ 果對jackson ?
如果係, 果對係跳唔起0架.
刀頭果d"牙"唔夠大, 就好難食住冰面跳jumps.
問問 chole 就知, 佢pro 好多呀.

小豆媽

原帖由 Smiile 於 11-1-20 23:05 發表

one foot spin其實大腿力很重要，supporting leg要夠力踩實而另一隻腳要hold得夠力，所以溜冰要不斷練，

...

唉 ! 咁我個大女真係有排都轉唔好啦.
佢對腳好似"香雞", 幼到呢, 真係唔方有力.
佢就係成日都曲supporting leg, 又驚青, working leg又夾唔埋大比, 咪唔靚又lost重心.

Smiile

正確 一對溜冰鞋的靈魂在把刀前的teeth上，如果teeth不能食住冰，jump唔起之餘，其實有一定的危險

我女對鞋是初班鞋(新鞋$960)，由8月穿到現在，教練都叫呀女儲定利是錢遲些轉鞋(呀女話: 下?好貴喎要用我自己利是錢 )

chole真係好pro，請再補充一下呀

Smiile

supporting leg直真係好重要，因為一曲就會整個人的重心轉移，失去平衡驚就係自然反應，咁working leg就會release。

如果腳無力，其實可以試下跳繩，真係work架，我以前都係咁。

不過，one foot spin做得靚真係要放時間和心機，加油呀 !

Smiile

不是室內，而是在外等的人在食煙，不過其實唔得的，只是偷偷地食掛 !

我覺得個場塊冰不差的，我都希望佢地可以處理一下問題，因為我相信那兒仍有好老師和好學生的 ! (不過真係唔好星期六去，d人橫衝直撞得好好好恐怖)

do-re-me

我女舊果對鞋係平果種,係朋友囡囡唔'arm'著比我的,阿女話好舒服,而家仲著緊.新果對厚好多,但比我搞成咁,睇怕都唔著得,除左jackson,仲有咩牌子選擇?
最近都有d金毛人在megabox橫衝直撞,我最增d人係門口'橙'起d冰,以為自己好有型,如果整倒我女我會破口大罵,唔會比面.但好多家長都怕左佢地唔會出聲,所以好難杜絕果班人.其實佢地都怕比人鬧的,每次我鬧佢地都立即話對唔住,會減慢速度一段時間.不過一陣又黎過.希望大家唔好怕左佢地唔敢出聲.

[ 本帖最後由 do-re-me 於 11-1-21 00:50 編輯 ]

Smiile

我都覺得megaice近日多了很多金毛小子，時常 "橙"起d冰，還是是鬥快咁，好討厭 !

我都係咁話，希望d人見到唔好驚會出聲，講真溜冰場本身若不想被標籤為 "爛仔場"，就應該一早出下聲，到時若去個地步，人人都當個場係去識女仔、撩事鬥非...要修整返都好難 !

小豆媽

原帖由 Smiile 於 11-1-21 00:00 發表
不是室內，而是在外等的人在食煙，不過其實唔得的，只是偷偷地食掛 !

我覺得個場塊冰不差的，我都希望佢地可以處理一下問題，因為我相信那兒仍有好老師和好學生的 ! (不過真係唔好星期六去，d人橫衝直撞得好好 ...

我大女以前溜星期日, 仲可怕呀
有d小情侶, 仲會攬住咀添.

不過識溜冰的朋友, 都話"佢"個冰面係好溜過仕九龍最高級果個mall個場添.

Smiile

星期日真係唔敢想像...

在那個溜冰場什麼事都會發生，小至d人懶型咁 "橙"冰、橫衝直撞、大至大小情侶當那兒是拍拖勝地咀咀和擁抱(嘔心)、又或者一大班人你推我撞...好恐怖

不過塊冰係ok架 ，亦都夠大 (只係有時間開做ice-hok)

可能都係地區性，那個商場龍蛇混雜，又有呀媽掉個女落街、又多潮人，所以都係看教練，教練好可以繼續，教練唔好可以bye bye不值留戀

do-re-me

請問你地囡囡換新鞋會唔會退步?我今日再去冰場,我女著舊鞋雙腳轉14個圈,著新鞋只轉倒5個圈,係個人有問題定係對鞋有問題?因為教練成日都在場中間,轉堂都係學生出去揾佢,我無機會問佢.如果係我女有問題,我唔洗再諗買唔買過另一對鞋.好煩呀!!!
Thx

Smiile

我女學了3堂後就買了新溜冰鞋，沒有著學校鞋。她著新鞋第一堂好驚，唔習慣都會跌，後來著多2堂又OK，咁當然私家鞋舒服過學校鞋。

我自己以前轉鞋時，都會唔習慣，我記得我開始FS1時換一對，起初著又係轉少左，慢慢又無問題。到FS2-3換的鞋，我著到腳好痛，因為鞋好硬，教練話因為鞋底係木所以會重D，雖然初時唔習慣，但係著多2堂無論速度轉圈跳都好左。

你說得對，一定要找出原因，是鞋或是小朋友本身? 如果是鞋的問題也未必一定要立刻換鞋，可能小朋友未習慣對鞋。我個女第一堂換鞋時都要教練比她著回學校鞋，但教練鼓勵她。

小豆媽

原帖由 do-re-me 於 11-1-22 01:56 發表
請問你地囡囡換新鞋會唔會退步?我今日再去冰場,我女著舊鞋雙腳轉14個圈,著新鞋只轉倒5個圈,係個人有問題定係對鞋有問題?因為教練成日都在場中間,轉堂都係學生出去揾佢,我無機會問佢.如果係我女有問題,我唔洗再諗買唔 ...

14個圈....好勁 !

你有冇磨刀呀.
張刀係有影響喎, 如果張刀有少少花, 唔好話溜唔順丫, 分分鐘仆親添. 不如你上堂時搵個coach睇睇, 佢唔出冰面, 叫亞女傳個口訊話家長有野問, 可唔可以出一出來.

choleliu

我囡囡跟你相反，係spin好過jump，8個月真係耐d，你叫佢一去到就轉轉轉，真係要轉得多，不過小心頭暈 ﹗

1-4級就係spin最難，到左五級jump難好多﹗

原帖由 小豆媽 於 11-1-20 21:54 發表

唉 ! 我都覺.
30min, 真係好唔夠, 不過d $ 真係倒水咁.
仲要唔只一樣課外活動丫麻.

我個大女, 學FS2都有9個月了.
不過佢個1-FOOT spin, 真係得人驚, 轉左大大話話真係有8個月啦, 都仲係唔見得人.
coach同我講, sp ...

[ 本帖最後由 choleliu 於 11-1-24 13:22 編輯 ]

choleliu

hahaha....

原帖由 小豆媽 於 11-1-20 21:59 發表

哈哈哈 !
人就係好現實.
我自己見到果d姐姐轉2周axel, double toe walley, 我都想同佢friend啦.

choleliu

我估你果對係basic 8級果d鞋，到左freestyle要轉鞋，basic果d鞋係軟身d，唔係咁適轉圈，鞋身軟得濟包唔實腳'爭'好易會扭親腳同轉唔到既﹗

原帖由 do-re-me 於 11-1-20 22:56 發表
我屋企去溜冰場唔遠但又唔近,搭小巴兩個人單程$15,車程30分鐘再行10分鐘,搭的士單程$30,車程15分鐘.為左慳番d時間讀書,多數搭的士.在的士都讀書!如果一星期搭兩次的士又好貴,所以最後決定一次過學兩堂.

你地話比較 ...

choleliu

哈哈...唔係pro，不過我經過呢d日子，大家研究下﹗

FS1要轉鞋，一定要係FOR FREESTYLE，到左練FS5 AXEL其實要轉刀，刀齒要大D篤實冰面﹐食實個位﹗

鞋係好叉貴，我呢對FREESTYLE鞋要$2800，2010年初先買，我而家唔舍得同亞囡轉鞋，好鬼貴，要五千幾，所以HOLD住先。

冰鞋係好多牌子，而JACKSON係最抵著既FREESTYLE鞋。

原帖由 小豆媽 於 11-1-20 23:30 發表

如果 $500 新淨2手, 會唔會係原價 $800~ 果對jackson ?
如果係, 果對係跳唔起0架.
刀頭果d"牙"唔夠大, 就好難食住冰面跳jumps.
問問 chole 就知, 佢pro 好多呀.