升中自行分配 取錄擬3月通知 校長支持:免折磨家長多幾個月

mama_papa

hkpapa852 發表於 19-3-7 15:47
咁你估如果真係直資變咗私校, 到時入咗GH, YWC, SPC, DBS 既學生仲會唔會有人去抽呢官津中學呢?
...

一定有la，大把理由去抽神官津。免學費、近，家長是舊生，認同理念。唔抽就冇，抽佐最多都是冇

HaYi

hkpapa852 發表於 19-3-7 11:04
轉私校同大家利益有冇關？

梗係有！

其實根據呢個論點直資學校喺現階段係幫咗 主力申請官津 的人 hold咗一班競爭者
那麼指責直資中學 享盡優勢 佔咗 大眾便宜嘅論點 似乎係莫須 有

我自己兩個小學中學都係去最平嘅直資之一 , 基本上 同呢種係無關, 不過如果 有聲音呼籲 大部分 直資轉私立, 但係簽咗嘅人又想出返嚟 抽埋一份官津 , 其實都會幾影響普羅大眾嘅升中生態

hkpapa852

HaYi 發表於 19-3-7 20:34
其實根據呢個論點直資學校喺現階段係幫咗 主力申請官津 的人 hold咗一班競爭者
那麼指責直資中學 享盡優 ...

直資中學同官津中學比, 係咪真係無優勢呢?

	直資中學	官津中學
教學語言	不受收生水平限制, 可自訂為全英中	必須按EDB求要, 只有收生水平達標少才可以開英文班
收生安排和要求	不受限制, 可自訂收生時間表和考核要求, 可隨時收生和公佈收生結果	自行面試必須在1月中旬後才能開始, 而且不能進行任何筆試, 自行收生結果要和統一派位一同公佈
學費資助方式	由EDB按合資格收生人數,  按人數提供資助，另外學校可向每位學生收取不多於3.666667倍既學費	由EDB按班數(以每班標準學生人數計)提供資助
高中課程要求	EDB容許不多於1/3學生不報讀NSS課程  (其實可以全民雙收NSS和IBDP/GCE-AL, 咁係無違反EDB要求, 而事實上多年前某直資中學前校長都係咁鼓吹學生去做)	EDB不反對學校開辦NSS以外課程, 但不會提供額外資助

Yanamami

hkpapa852 發表於 19-3-8 09:28
直資中學同官津中學比, 係咪真係無優勢呢?

优勢當然有~但我觉得亦係因為有需求｡例如有d band1尾边緣人或2头学生，有英語学习能力，但又唔想等運到，顏/李/德……之类直資简直係救星｡

收完政府資助又收学費，都用番係学生身上啫，例如我大女去UK遊学15日要4万，細女去澳11日只要万鬆dd；細女有学校借埋个ipad至中六先歸还；細女学校周時有不同升学就業講座/workshops, 又真係比家姐多好多呢d野｡


可以早收生对家長同学生都係个relief, 直資自然係优勢，但睇EK上其实又有唔少1A学生家長，好有实力同信心既，都唔考慮直資，－心等入津校，皆人觉得叻既讀边间－样，無必要交学費，所以直資亦未必可以搶走哂叻既学生｡

kittyBB2018

我贊成新政策。可以免受折磨。一早就因爲經濟原因，不會考慮直資，如果津貼考不上，就會好好準備第三次呈分，希望可以抽到獎。
如果有幸考上，就好好準備迎接中學課程。

HaYi

Yanamami 發表於 19-3-8 10:22
优勢當然有~但我觉得亦係因為有需求｡例如有d band1尾边緣人或2头学生，有英語学习能力，但又唔想等運到， ...

我好同意你的觀點, 特別是你一女曾是1A官津, 一女現是神直資, 是比較能真正體會2種系統的利敝.
我覺得直資 (包含各種價位, 各種banding, 各種模式)  是由政府允許提供左多些選擇俾有不同需求的人,  去補救原本只有私立同官津, 以及此個不公平升中系統帶來的錯配問題.   

很多坊間的批評是直指直資是政府私相授受助大的巨物, 收盡2家茶禮, 等同無恥佔用公共資源以致形成收生優勢, 此觀點并不公平.   

神貴直資可以長時間在精英"市場"中佔穩地位, 是因為本身的出品優勝, 吸引了更多能人異士入讀, 其中學校對配套的有形無形投資不可能少, 它收取的額外學費不可能全不用在學生身上.   平價的直資在升中系統紛亂的局面中如能為所收學生(很多能力高, 但失意於系統..) 提供了多元化高增值的教育, 更是功不可沒.  真的無建榭的話, 應該早被淘汰了.   

我覺得直資同官津基本上是服務不同市場,  會有重疊的位置存在生源共爭, 更多卻是生源互補作用. 現在如果自行早了知結果, 是有利於縮少重疊的位置, 令資源更好分配.           

little_yolky

kittyBB2018 發表於 19-3-8 11:10
我贊成新政策。可以免受折磨。一早就因爲經濟原因，不會考慮直資，如果津貼考不上，就會好好準備第三次呈分 ...

咦? 你學校幾時考呈三? 正常三月底公布, 應該考晒呈三喎。

little_yolky

HaYi 發表於 19-3-8 12:38
我好同意你的觀點, 特別是你一女曾是1A官津, 一女現是神直資, 是比較能真正體會2種系統的利敝.
我覺得直資 ...

都係果句, 如果我有錢阿大入咗直資了。

好似我親戚, 仔仔成績表OK操行, 但無奈係B3。親戚只求校風好唔學壞, 唔打算入大學。我介紹咗間B2尾B3頭既派位直資俾佢, 學費平平哋, 但好多嘢玩。佢同阿仔參觀咗兩個都好like, 自行面試都算順利, 仔仔好開心話老師好nice。但又有無品fd响大班人面前話唔知做乜揀間咁既學校俾個仔, 搞到親戚好唔開心。我咪問佢覺得學校啱唔啱個仔先, 佢同個仔都very like, 咁我話, 咁咪得囉, 呢個世界係咁多口殘精, 理佢哋做乜。


其實, 無論B1, B2, B3都有唔同類型既直資提供俾唔同既小朋友選擇既。

Yanamami

HaYi 發表於 19-3-8 12:38
我好同意你的觀點, 特別是你一女曾是1A官津, 一女現是神直資, 是比較能真正體會2種系統的利敝.
我覺得直資 ...

所以又唔可以話直資搶哂d学生，以yorky个親戚為例，只係直资满足到唔同家長学生既需求啫｡如果津中自行早d公佈，禁只要果间津校合乎需要咪唔洗去俾学費，唔冼EK禁多人生交义点帖

HaYi

little_yolky 發表於 19-3-8 12:58
都係果句, 如果我有錢阿大入咗直資了。

好似我親戚, 仔仔成績表OK操行, 但無奈係B3。親戚只求校風好 ...

你兩個 小學 都讀私校 ，唔係天價直資你都 一定 畀得起呀， 不過見你一直都 鍾情 某幾間官津， 其實係取態問題， 唔係 畀唔畀得起嘅問題 掛。

買位嘅直資我唔了解 不過你親戚搵到 入咗 都應該 開心 過等抽籤

little_yolky

HaYi 發表於 19-3-8 13:48
你兩個 小學 都讀私校 ，唔係天價直資你都 一定 畀得起呀， 不過見你一直都 鍾情 某幾間官津， 其實係取態 ...

因為我依家有教育津貼, 但我唔包可唔可以捱到佢哋中學畢業至退休, 仲有8年喎！近呢年, 我已經覺得身體大不如前, 差咗好多了。

kittyBB2018

little_yolky 發表於 19-3-8 12:51
咦? 你學校幾時考呈三? 正常三月底公布, 應該考晒呈三喎。

我女今年小五咋

Yanamami

little_yolky 發表於 19-3-8 14:45
因為我依家有教育津貼, 但我唔包可唔可以捱到佢哋中學畢業至退休, 仲有8年喎！近呢年, 我已經覺得身體大不 ...

家下六＋仲係中年咋……时间眨下眼就过，我細果个中学都過左半，快到得人惊｡

HaYi

little_yolky 發表於 19-3-8 14:45
因為我依家有教育津貼, 但我唔包可唔可以捱到佢哋中學畢業至退休, 仲有8年喎！近呢年, 我已經覺得身體大不 ...

都係架, 不過女仔聽話勤力的在現制度下入官津都不會差. 女仔可去的勁的官津又比男仔多, 所以冇太大的必要去官津以外的學校, 留番D錢遲D放洋好過.   

joyjoyparent

回覆 little_yolky 的帖子

我猜會相反, 有錢人面試津校失敗後, 會多向直資, 私校扣門, 免除子女再受打擊. 只有窮人,或有賭性的家長才參與抽籤.

WilliamCheung05

如果今年就這樣辦，該多好呀

little_yolky

kittyBB2018 發表於 19-3-8 20:14
我女今年小五咋

原來如此, 你想得太甜了, 有D學校2月就考呈三了。

little_yolky

joyjoyparent 發表於 19-3-10 00:10
回覆 little_yolky 的帖子

我猜會相反, 有錢人面試津校失敗後, 會多向直資, 私校扣門, 免除子女再受打擊.  ...

其實都唔係打擊唔打擊既, 始終有自行offer既唔多, 有錢人, 一般都會去報直G, 可能有offer 或 waiting, 如果自行失敗, 自己又唔係最top果D, 有直G揀去揀直G都好正路。

BTW, 原來依家去美國留學都好貴, 話要5萬美金學費一年, 仲唔係私校了。所以, 依家HK好多大學可以申請海外交流, 真係幾好, 無錢去留學, 但都可以交流一個學期至一年, 有個經驗, 我哋當年真係乜都無既。

kittyBB2018

回覆 little_yolky 的帖子

唉，能夠自行收取，並早些知道，就已經很好了。哈哈。
不過，這個福利，我未必享受得到啊。嗚嗚。