為何中文咁深

chanti

airwalk 發表於 21-12-24 12:13
中, 英, 數, 常,
可以話大部份時間都花係中文上面, 以前只係廣東話,  今日加料普通話, 將來一定有簡體字,  ...

完全明白。我大仔已升中 本身讀書不是特別叻 仲要讀咁多科 最後只好放棄中文及中史, 去外國留學 …去到外國唔係唔冼讀 不過係學校讀書之外就真的少功課及project, 多活動,仲有時間睇課外書。

964000

藴藴 發表於 21-12-29 11:13
係好矛盾，小學要中文好，中學要英文好，學書面語我明白，文言文點解學大部分小學中文唔 ...

但由幼稚園開始矛盾完一大輪，身體最誠實，中學就爭相target IS/出國，到時英文都係要追，中文就預唔洗再掂，而留低的就但求中文拿個2定3入大學。
初初講好的要在local school「學好中文學習中國文化」呢？整個課程都設計得好矛盾，令家長和學生的學習目標都好予盾

Dybala

天外之人 發表於 21-12-24 13:00
每個人都有唔同諗法,工作上會否用得著,真係睇你做什麼工作. 英文大部份全世界通用,比中文作用係大,需唔需要 ...

問題係文化修養並唔係靠現今小學學中文果種填鴨同近乎矯枉過正嘅教法黎培養, 呢種方法只會令小朋友更討厭學習中文

lovecupid

要在大一篇閱讀理解搵個詞語做填充，但文章裡的詞語「詞性」和問題的「詞性」不同。大人都覺得很難教小朋友答。
然後很煩人的就是「段意理解」、「句意理解」和「排句成段」。答案意思模稜兩可。大人都唔肯定答案。這些都是「語言學」的分析練習，而不是學中文。
成語詞語考試測驗，又是考些意思很接近的例如：「犧牲」和「捨棄」…….
令小朋友很討厭中文。

巴圖魯

以我職場所見，很多人連一句通順的中文都寫不出來，錯別字又多。

如果學習中文只是着眼於應用，將來會很難理解我們中國文化的深意。香港的中國語文教育除了讓學生學習中文應用還有傳承中國文化的目的。

另外，教育小孩是否要以市場需求為本，跟貼市場？市場要甚麼技能就裝備甚麼？要知道市場供求，時刻都在轉變。

至於深淺問題，我認為也是因人而異。多認字，多閱讀的小孩子，相信語文成績應該會比較好。

ipki

不能同意更多了
我最怕係個D睇一大篇文,叫你選一個詞填充
大佬你句野同個文章2個意思喎,大人都要諗好耐至知答案
然後問你作者諗咩,我係作者都反哂眼,我寫都唔係咁的意思
認真我認同,因為點都要作下文,多字至會作到好文
但係個D咩背古詩呀...九唔搭八的野,大人都唔明,我都唔識教....
如是者係中文越來越差.....好難做人..........唉

day_bo

巴圖魯 發表於 21-12-30 11:22
以我職場所見，很多人連一句通順的中文都寫不出來，錯別字又多。

如果學習中文只是着眼於應用，將來會很難 ...

贊同閱讀重要，看得多語文各方面自然好起來。我囝自幼稚園開始也是偏喜歡英文閱讀，所以英文一直不錯。的確英文故事書種類闊很多有趣好多，中文書很少令他提起興趣，所以P1-4中文作文同閱讀理解不太好。但自從疫假期間睇大量書，其中找到一套20本中文偵探書(台灣訂的)他睇完再翻睇...P5開始中文進步了不少，作文用左好多四字詞。之後再找到幾套佢喜歡既中文小說，而家佢又看中文書又看英書，中文成績算不錯。

kpc2015

啲中文課程, 十年如一日, 都唔知的教育高官做過啲咩? 而家的小朋友仲點會有大興趣學中文. 寧願睇英文書, 中文點會好. 中文話係死亡之卷, 唔係學生唔叻. 係個課程失敗, 令部份叻的學生都因討厭個課程, 而討厭中文. 個底都唔好, 幾叻都要投降啦     

airwalk

kpc2015 發表於 21-12-31 13:52
啲中文課程, 十年如一日, 都唔知的教育高官做過啲咩? 而家的小朋友仲點會有大興趣學中文. 寧願睇英文書, 中 ...

高官咪送D小朋友去外國讀, 或者去國際學校讀,
傳承中國文化就留比你地做......

ipki

回覆 airwalk 的帖子

好聽的咪話傳承文化LOOANYWAY,觀點與角度
口內說不,身體郤很誠實
你問下有幾多個所謂傳承文化的家長,會比小朋友去北大清華先啦
咪又係個個出哂去外讀書.....

airwalk

ipki 發表於 21-12-31 14:08
回覆 airwalk 的帖子

好聽的咪話傳承文化LOOANYWAY,觀點與角度

醫, 會計, LAW, 工程, 轉運, 航空,  香港要發展三類産業 99%都係英文為主,玩到中文咁深, 我唔太理解.....

ipki

回覆 airwalk 的帖子

都話傳承文化LOO你唔傳承唔通叫高官富人個D子女同你傳承啦
上有政策下有對策架姐
事在人為

日本妹妹

其實中文深與否，真係好睇小朋友肯放幾多時間。
如果你問叻中文嘅學生，佢哋唔會覺得中文難。
現在大多數小朋友只睇英文書，唔睇中文書，所以咪覺得難囉。佢哋連睇電視都係英文台，YouTube cartoon 都係英文，接觸得多，咪覺得英文容易好多。
相反7，80年代，如小朋友要補習，十居其九都係補英文，唔會補中文，為什麼？莫非當時中文淺，英文深？我自己唔太覺得。我自己覺得主要原因係當時我哋係會日睇夜睇電視，不過睇中文台，當時邊會有平民細路睇英文台，接觸得多咪唔覺中文難。

如自己仔女肯睇中文書，我相信佢哋唔會太覺得中文都難。language 係要浸，唔係只做下補充練習就有好大進步。

只是個人意見，不喜匆插。

piglover

日本妹妹 發表於 22-1-1 10:50
其實中文深與否，真係好睇小朋友肯放幾多時間。
如果你問叻中文嘅學生，佢哋唔會覺得中文難。
現在大多數小 ...

我覺得而家小一嘅中文係深過我二十幾，三十年前的小一。

日本妹妹

回覆 piglover 的帖子

其實小學真係唔算深 反而中學啲中文應該深，不過我又覺得如經常接觸中文，也可應付。因為DSE 中文6X 分已有5**。
比起其它科，如理科科目，就要好高分先可以有5**.

airwalk

我覺得中小學應以實用為主,而太深學術留比大學以上

piglover

日本妹妹 發表於 22-1-1 12:23
回覆 piglover 的帖子

其實小學真係唔算深 反而中學啲中文應該深，不過我又覺得如經常接觸中文，也 ...

我小學一年級，中文字都未識幾個，百分百唔會做咁深的閱讀理解。

964000

piglover 發表於 22-1-1 12:01
我覺得而家小一嘅中文係深過我二十幾，三十年前的小一。
...

都幾肯定現時的中文在初小階段係深過以前好多，因為現在D人早教，好多小朋友巳經一早學了許多，問題係咁已嚇怕了一班小朋友討厭中文。另外有班就唔知點解明明local school 又轉咗去英文台於是中文愈積愈弱，但如果小朋友側重中文時家長又會擔心英文落後，事實上一日得咁多時間，你點分配都覺得比人蝕底，永遠冇安全感。

cherry_ng_

日本妹妹 發表於 22-1-1 10:50
其實中文深與否，真係好睇小朋友肯放幾多時間。
如果你問叻中文嘅學生，佢哋唔會覺得中文難。
現在大多數小 ...

同意，7，80年代，小朋友接觸中文機會多過英文好多，大多數睇電視同書都係中文。反之，現在小朋友接觸英文機會多過中文，所以小朋友覺得英文好易，中文就好難。認識一些小朋友自細有睇中文書的習慣，佢哋係學習中文時完全沒有問題，寫作還會用很多成語。其實所有語文科都一樣，都要多睇多學，自然就會有進步。

SummerTrees

其實簡單評價中文或者英文哪個更有用哪個沒有必要學，對自己小朋友並沒有什麼幫助，只要以後不打算移民，在香港的社會環境下中文和英文都要學的好才是最佳的選擇。

而且，並不是自己小朋友不喜歡學中文就真的是學校教的深。中文確實比英文難學，如果認為英文容易學，而成績無法確定可以達到50%以上，或者考ielts不操卷7分也沒有，那說明英文也沒學好，則更需要檢視自身的學習問題而非埋怨學校的教學內容。