小朋友要有咩特質先拎到幾間熱門私幼offer?

kc33

N班面試前上2-3個月playground 訓練坐得定 唔怕見人 基本中英文 顏色 形狀但最緊要個樣係好多幼稚園簡家長 呢個係名幼老師朋友講既 簡個會投資係小朋友身上 同有強勁背景最重要因為學校打個電話 家長會即刻外補 ⋯⋯

yin0101

無疑SC的確好多家境都好好，好多父母成日一齊接放學，爸爸康車媽媽落去接，好似唔洗做咁

Jean1769

Dybala 發表於 21-4-1 14:42
如果真係緣份/運氣冇理由考兩年一間都考唔到, 點都有一個半個offer掛就算講緣份都總會有啲因素令個老師覺得 ...

會唔會係家長有d表現好緊張令學校驚係怪獸家長

miss321

Dybala 發表於 21-4-1 11:55
大女當年第一年細b去考, 咩KV SC LH GH SPK等等全部reject; 到下一年超大b身份去考都係得LH有waiting, 其他 ...

我覺得唔係小朋友有咩特質，而係父母的育兒態度，教育方向是否跟學校相同。親子關係都非常重要。

我發現好多父母口講一套，實質做又另一套。你行一轉公園就知，好多人低頭手機同傾計，冇咩人會落場同小朋友玩。細路仔就是要陪玩。

面試時，小朋友表現都突出，識講野，合作。學校揀我地，我覺得主要係爸爸非常creative , 同小朋友之間的互動。

P.S. 我小朋友是大B, 考多間幼稚園 （有你以上某些）都有offer.

whatsuphk

我仔有蘇浙，靈糧堂，玫瑰崗，真光，聖保羅堂offer,  最後選了聖保羅堂，我5知你係咪look for 黎類學校定再神校d個d ?

HK-CR7

主要係睇小朋友性格 外向肯講野肯定有優勢 如果加上係大b 就好大機會入到 反而學術係其次 當然一d基本常識都要識 但如果家長平日有同小朋友多出街同教導無理由會唔識

codyalbert

樓主不需太懷疑自取小朋友，亦無需考究為何考兩次都未能有名幼offer.

眼看不少青年考多次DSE亦未能有大學offer一樣，只是普通不了的事。但不等於他們沒有將來及成就啊。

wannabefa

小朋友中B, 我哋冇背景，無宗教

但由於N班所有名幼都失落，連KM都無
所以今年考K1就漁翁撒網

喺我經歷，唔太睇到家庭教育嘅分別，或家庭背景的影響。因為K1今年，樓主提及既幼稚園的確全都有offer

我感覺個分別，真係因為小朋友

學術我唔覺好大影響，因為大部分問既野都唔深，平時家長有講解下，大部份小朋友都會識，係睇佢答唔答

考N班時，其實我覺得佢已經好好，當時小朋友可以唱晒成首歌。但的確唔算好坐定定，問問題都唔係次次即刻答，同埋當時唔算好喜歡閱讀

考K1時，可能返過學，又習慣咗Zoom。小朋友次次都有問必答，聲線夠，反應快，有笑容。例如問佢，呢支牙刷用來做乜㗎？佢會做埋動作，大聲答問題，再加好燦爛嘅笑容

同埋考K1當時真係喜歡閱讀，所以影片大部份時間都顯示她自己看書，及爸媽各自既親子閱讀

我覺得要等小朋友發展到一個時候，佢開始唔怕生，肯答人問題就可以。

唔係小朋友叻唔叻，只係佢性格或佢發展咗未。但入咗名幼其實只係一個開始，從來家庭教育嘅影響比學校更大

加油

leahbb

我覺得運氣都好重要
我女考咁多間有kv有offer
佢in 果陣只係答左兩條問題
最後仲喊

lovelovebabe

有些發展早或遲是天生的，不要強求， 最緊要因材施教，合適就好，有些孩子也會後勁凌厲的。

德仔.老豆

技術同實力野好多家長樓上都講左

依兩年應易左幾年前。出生率每年越黎越少，加埋有家長移民同埋多WFH轉券幼。機會率比上幾年應易左。

祝你好運

pwhr

幼稚園只係學習嘅開始, 斷唔會因為入到名私幼就代表贏到一切吧, 望子成龍之心, 人皆有之, 但作為家長, 都應調整一下心態, 這對子女的長遠教養十分重要

darkgard

唔怕羞，肯講野，又聽指示，就有offer.

Dybala

wannabefa 發表於 21-4-2 19:14
小朋友中B, 我哋冇背景，無宗教

但由於N班所有名幼都失落，連KM都無

"例如問佢，呢支牙刷用來做乜㗎？佢會做埋動作，大聲答問題，再加好燦爛嘅笑容"

多謝你, 我諗我已經搵到答案
我個女答問題時只會用正常語氣答"用黎刷牙", 冇動作, 冇笑容(好彩今年戴住口罩考小一, 如果唔係分分鐘一樣冇offer)
應該就係呢啲位輸比其他人