請問如何幫助和改善有慢世魔王習慣的小朋友?

kwokbobo

有時都會影響我情緒

greentea000

有無請教老師改善方法？老師日日面對呢Ｄ問題，慢既肯定唔止你小朋友一個。

Ocean419

做事時專心嗎還是個魂遊左唔知去邊？

capricornbb

我女同妳小朋友差唔多，樣樣要人催問，但喺學校就無被老師投訴，老師仲話佢表現幾好喎，喺屋企，就……真係吹佢唔賬吖

capricornbb

ar_mak 發表於 18-1-22 20:51
要訓練一個咩都慢既人，首先，要搵一個做野比佢更慢既人，做佢隊友。

你講得好好呀！可惜我一家，包括長輩，都係快手快腳嘅人，出咗個滋油大王，做隊友，大家都辛苦。

MrBeast

kwokbobo 發表於 18-1-22 22:55
功課、食飯都有計時，基本上每事都有預時間比佢自己完成，但唔係次次work, 都仲係不停叫住佢快d
...

你覺得你的計時方法對小朋友來說是壓力還是遊戲？
功課有其他因素影響，eg 難度，試下找一様佢做得ok的，可以幾分;鐘內完成，eg 汁書包，要求佢做快d，另外加一些大小肌訓練

retriever

Jane1983 發表於 18-1-22 17:10
咁佢考試能唔能够正常地完成整份卷？咁佢平日上堂，又無好慢被投訴? 每日又有做功課做好耐？拖到半夜三更？ ...

呢樣我唔認同喎。

點解考試唔慢就得，生活上慢就OK？

係咪太關注成績培養，而忘記生活上既培養？

譬如，細路食飯慢(唔專心)， 我會鬧佢阻住人收碗洗碗(我係洗碗果個)，影響人哋(下家)無時間做自己野。 其他野如此類推，例如：用廁所。

我都欣賞 “慢活” 但你唔好影響人生活。。。

MrBeast

retriever 發表於 18-1-23 08:00
呢樣我唔認同喎。

點解考試唔慢就得，生活上慢就OK？

好簡單，食得慢自己洗

retriever

MrBeast 發表於 18-1-23 08:06
好簡單，食得慢自己洗

係，呢個自負盈虧係好方法。

不過佢未到果個年紀。

分享下，細路而家係自己洗底褲，因為成日整濕，有時一天底褲唔夠用。我要佢自己洗後，無呢個問題。我問過點解，佢話唔想洗。

MrBeast

retriever 發表於 18-1-23 08:16
係，呢個自負盈虧係好方法。

不過佢未到果個年紀。

唔洗勞氣學埋自理

Jane1983

回覆 retriever 的帖子

考試唔慢得，數學成個section無做，點pass？主科肥佬，點升班

生活上的慢，如早d起身，但醒咗就慢慢食早餐，細細嘴嚼，唔係趕到裙拉褲甩。又或者放學回家，睇吓書、hea吓，在食晚飯。唔係安排到每15分鐘一節。慢活唔等於食餐飯要一個鐘，果d係唔想食、拖住睇電視/書，唔係手腳慢。

Jane1983

回覆 kwokbobo 的帖子

關注佢學習情況，慢，係咪唔識做，唸好耐，撞吓撞吓所以慢？或者唔識d字，所以解唔到題，唔明問乜，所以慢？
解決學術問題，我會要佢運動，陪佢跑步、玩馬騮架，鬥快，要佢出晒汗，成個人「活起來」。唔好矇查查，未訓醒咁。

kwokbobo

Jane1983 發表於 18-1-23 08:46
回覆 kwokbobo 的帖子

關注佢學習情況，慢，係咪唔識做，唸好耐，撞吓撞吓所以慢？或者唔識d字，所以解唔 ...

好的，我試試，但我發覺佢有時會把字反轉來寫，是讀障嗎? 但又不是次次都係咁，係有時有d字係咁，明明之前寫都啱，但又突然會將同一個識寫的字反轉來寫，例如精,會寫左(青米)，課會寫左(果言), 是有問題嗎?

HaYi

如果唔係吾專心或吾識好難會慢到大人頂吾順，所以樓主可能要研究下小朋友的真正問題

kwokbobo

HaYi 發表於 18-1-23 20:38
如果唔係吾專心或吾識好難會慢到大人頂吾順，所以樓主可能要研究下小朋友的真正問題
...

本帖最後由 kwokbobo 於 18-1-23 22:00 編輯

佢唔係唔識，係寫字好慢，做野好慢，平時自理放手由佢自己做，佢可以入左廁所成十分鐘，以為佢應該刷完牙，原來先剛剛吱完牙膏開始刷。放學回家洗手、換校服、掛回校服、穿上睡衣呢d事可以搞成廿分鐘都未做好，我每日都好勞氣，佢可能唔可以一心二用，佢換緊衫時如果有人同佢講野，佢會停晒手，我唔知呢d係咪叫唔專心?

kwokbobo

greentea000 發表於 18-1-22 23:15
有無請教老師改善方法？老師日日面對呢Ｄ問題，慢既肯定唔止你小朋友一個。
...

老師只是提我佢有呢d問題，我咪不停提佢要快d，佢有試改，但好快又唔記得，打回原形

kwokbobo

Ocean419 發表於 18-1-22 23:26
做事時專心嗎還是個魂遊左唔知去邊？

佢一時時，但整體來講都是慢，多功課時做得耐都叫正常，但唔多功課時都唔快得幾多。

kwokbobo

MrBeast 發表於 18-1-23 06:16
你覺得你的計時方法對小朋友來說是壓力還是遊戲？
功課有其他因素影響，eg 難度，試下找一様佢做得ok的， ...

初頭係提佢、鼓勵，後來開始計時又駡下，佢可能會有壓力，有時發覺越駡佢，佢越慌失失不停寫錯字，所以唔想不停駡

kwokbobo

retriever 發表於 18-1-23 08:00
呢樣我唔認同喎。

點解考試唔慢就得，生活上慢就OK？

有呀，駡到我氣咳，我已同佢講，我唔止要照顧你一個，仲有其他家人要照顧，我仲要照顧埋自己，唔可以比你拖住全部人的時間，其實佢比之前已有進步，但仍好像不是正常速度，我想佢起碼趕上正常速度

kwokbobo

MrBeast 發表於 18-1-23 08:06
好簡單，食得慢自己洗

食得太慢，我直情收左佢唔比佢食