覺得欠咗個仔！我好吾好搬呢？

mansum92

20分入名校唔一定入到 不過15分就一定入唔到 而且幼稚園同小一派位根本冇關係 除非你打算考直資 如果唔係一定博20分

聰

個囝咁細已經認得過千字，天才中的天才，隨便比間學校佢讀簡直浪費，快快搬去名校區比佢接受優質的學習，否則你何只欠佢一世，仲破壞佢一生。

may273815238

過千單詞=簡直係天才啦，keep住大把學校收啦，使咩煩

mch411

教小學d老師都未必識過千英文字，考英基跳year one 啦

林嬌嬌

不用羊群心理！驚入唔番，考埋天水圍直資李宗德，2手準備。

JKMom

千個字。。。。。。好勁。去考其他學校吧。
因為2歲4個月可以做到，係超級資優。我都唔知自己識幾多個英文生字。點數學左千個?係唔係讀字卡甘，所以你計到幾多個字?

lojo11

讀得好, 做學校第一, 搵中學無難度, 唔一定搬屋... 比多D信心自己啦..

阿Yan

選學校，除了留意學校的程度和孩子的能力是否配合，學校的教學方法丶氣氛與孩子的性情是否相配也是十分重要。例如小兒也是聰敏好學，但不愛競爭，愛自由，並愛只為了求知而學，那我們便為他選上著重主動探究丶多角度思考分析丶協作及表達能力的學校。

阿Yan

你的孩子還少，繼續用時間了解其學習方法丶性情等再決定!孩子漸漸長大，其喜好和性情也愈來愈明顯。元朗確是一個好住的地方，環境是很適合兒童成長的。慢慢想，還有一大段時間呢!

alicesang

個重點係我發覺自己培養佢愛看書，認字都吾及搵到間好學校重要。覺得自己開錯咗個頭。元朗係有好學校，我現在個情況係怕若派咗去天水圍或鄉村學校，你們應該意會到會怎樣！而我不是炫耀自己兒子認字叻，係我忽略咗個策略，即係我怪自己只係好單一咁認為愛閲讀成績一定吾差咁，但忽略咗師資，朋輩的影響，何況數理方面的成績不可與記性好相提並論，轉數吾得而無人啟發都無用！
       我係有用簿記低兒子識幾多字，分名詞，動詞，形容詞咁，記到差不多一千個我已沒再記，我另外買有插圖1000字，4000字字典，佢好愛看，會叫我或任何來我家的親友考佢自己,不需看圖畫都識讀。每星期借六本圖書，重復看又看。我不是變態地狂叫佢認字的媽媽，係佢歲半時用ipad不時看字卡，其它game新download才玩幾日，但字卡apps佢可看完又看！我亦每天俾佢食飯看卡通ga！佢亦係一個超級開心果！請大家不要質疑我的付出!

阿Yan

建議留意他各方面的發展，如數理丶音樂丶藝術丶體能丶社交丶情緒等，並上資優教育論壇，看資優教育的書籍，以更了解清楚兒子所需。無論將來到哪間學校讀書，最重要有你這位盡心培育他丶愛他丶明白他的「伯樂」！
搬與不搬，每個家庭情況，要自己計算一下pros & cons. 加油!

shadeslayer

OB-father 發表於 12-12-11 09:26
'現在我仔仔兩歲四個月認到過千英文字'

If he reads books and learn 1000 words from the books, it is much more useful than flash cards type word recognition.  

granddelsol

其實你小朋友識咁多字九龍塘名幼都應該會收，咁佢其它方面的發展如果？如社交，禮貌，說話能力？

alicesang

我只係報咗一間九龍塘KG俾佢試下，吾收佢，當日沒有答老師自己叫咩名，有D怕羞，竟然九吾搭八介紹自己件衫隻公仔：係Elmo來架！其他拼圖，問圖畫都有做有答，根本吾會問咁深的「文字題」。其實佢好慢熱，怕陌生人。但係N班老師，嬸嬸都好錫佢，係N班好得人歡心，D老師話佢好「過濟」喎！但不會亦不肯好大聲叫人，笑笑口細細聲咁，會聞歌起舞。自理能力就一般，四個月前，剛返N班先戒到片，最近先差不多戒埋夜片，吃飯超慢，所以我仍餵佢，小食水果先俾佢自己食。tidy up就差D，吾多肯𢴇嘢，要一齊𢴇先得！

alicesang

我就係怪自己報一間咁少，又無俾機會佢練習下，而我朋友個仔仔得咗，我才醒覺，「成功」原來可以咁近！我一點都沒jealous佢，真係只怪自己，尤其個仔仲傻傻地拿著書自己閲讀，同我講：「媽媽，開心，我乖！」唉！我仲怪埋佢爸爸，成日話交哂俾我理！

mcdoris1976

你們好, 其實本人好明白這種心態，我剛好相反要搬去天水圍, 我個仔已讀緊小一在將軍澳, 所以我都想知元朗, 天水圍有什麼學校可以插班