番禺會所華仁小學

睡公主

真係要佩服我個仔，  
臨近學期尾，
佢又有新突破，
居然連測驗卷都可以唔見，
相信佢都係一個記錄保持者，

曾經漏過喺學校既真係多不勝數（仲要唔止漏一次）：
畫袋、食物袋、食物盒、水壺、冬季件綠色褸、
就算啱啱喺圖書館借出既書都可以漏低。    

唔見既就更加種類煩多：
針咭、操行咭、水壺、夏季件冷氣褸、冬季件運動衫、
去旅行嗰15元、好多通告同Worksheet等，
當然啲鉛筆擦膠同間尺就不計其數，
而家仲連測驗卷都可以唔見。

唉！三月嗰時佢突然嚟個大轉變，
整整一個月都冇被寫手冊話欠，
樣樣事都妥妥當當，
啱啱想話要讚佢大個仔既時候，
喺愚人節嗰日開始，
佢就一直俾啲驚喜我，
真係晴天霹靂，
原來之前係迴光返照，
死啦！出年二年級仲要返上晝，
都唔知佢（應該係我）點算，救命呀！
大少你幾時先有自理能力！
我真係冇咁多血嘔啦。     

ms99

睡公主，

唔好勞氣住，飲啖茶先啦。
少爺仔烏龍野都係無傷大雅，
我都練到隻眼開隻眼閉，
有事叫佢自己攪掂，真係冇咁好氣去管了。
同佢定立少少規則好冇?
一星期限定烏龍唔過兩次咪有小禮物囉，
亞仔就最現實，鍾意收大銀，因為佢自己鍾意，
所以情況有少許改善，不過都要日日哦住先至記得。
你唸吓少爺都有好多叻仔野格，係咪?
可能啲烏龍野遺傳至駙馬爺呢? 咁就要接受了。

麟媽媽

各位好！
亞仔終於有番的咁多胃口，
琴晚食飯喇！宵夜仲食左半件油多添！
琴日亞仔著左冬季運動褲，
佢今日死都唔肯著….可能令佢太尷尬！
今日除左著住件jacket，仲拎多左件外套，
叫佢如果係課室凍便蓋住雙腳囉。
佢終於做晒咁多日既功課，
班主任真好，亞仔問佢上星期中詞寫咩？
佢竟然叫亞仔唔使寫了，休息吓喎。

琴晚忍得我幾辛苦！佢過兩日要補考，
D 英文字成日串錯的咁多！咩都忘記晒！！
不過見佢病到五顏六色…我都唔係點鬧佢架喇，
佢又係度喊喎…又唔比我行開，係度依依俄俄，
平時佢好man 架嘛，病完嗲到不得了….

misskho

misskho

ms99

      

好

felix喵喵

各位...喵喵 ..真係唔好意思了,
因為工作關係, 今晚遲了收工(7時),
所以趕唔切回校聽講座,
報唔到料吖....喵喵

請問有誰聽了講座??
何否報下料....謝....喵喵

happy5

MMMother 寫道:

Happy 5,

我今日先同你傾完電話,嘻嘻。

你即係邊個呀? p.m.我啦,唔該!!

happy5

麟媽媽:

麟仔終於好番d,媽媽跟囝囝都開始希好d日子過吓啦!   

happy5

睡公主:

我諗,大家也是一樣的勞氣!我家少爺都係大頭蝦一名.希望d仔快d大啦!!       

easiness

麟媽媽,

麟仔真係乖, 做晒功課仲溫埋書! 如果我家公子咁識諗, 我就唔使日日C咁多細胞啦!

easiness

睡公主,

唔好咁嬲啦! 男仔係咁大頭蝦!  我個仔好多時被老師寫家課冊, 話佢欠交功課! 佢都可以話我唔提佢(實情係佢連家課冊都無寫, 我又點知要交功課)! 所以依家我都睇開啲啦!

ms99

easiness ,

大家咁話啦!!
我都放棄睇功課了，欠嘜欠物就更加由得佢。

NICHOLASMAMI

Dear All:

我想知道華仁的老師惡嗎??  如忘記帶功課,有什麼懲罰呢?一年班每天有多少樣功課呢???  有否背默呢???? 謝謝

ms99

NICHOLASMAMI ,

以我個仔

ms99

今日第二個小息，亞仔話好似見到"麟少"，
佢話好似，因為佢知麟少番下晝，冇理由見到佢出現，
但麟少又同佢笑，所以亞仔好緊張同我確實有冇認錯人，
唔....我估到嘞，亞仔應該冇認錯人，
因為麟少今日要補測，right?! 麟媽媽。

麟媽媽

ms99,

正確！亞仔話係劍仔街見到你個仔呀！
佢仲見到Sandymummy 個仔，話見佢排緊隊射波。

ms99

麟媽媽，
聽朝要話番畀亞仔知佢冇認錯人，
佢成日問住我幾時見到麟少，
因為只有麟少先教到佢"升級" (暴龍機)。
仲有記住今個星期六係家庭彌撒，
我地可以約埋一齊坐車去北角。

ms99

剛剛收到 message 話倫宗同英(二)卷星期二派，
今次唔知英文份卷又如何??  
亞仔話麻麻地。

麟媽媽

都係既，琴日先補測，
邊得黎第日就派呢？
都好既，亞仔開心多3日，哈哈！