囡囡今年9月到英國交流一年,怎樣安排帶錢?

kipl

請教各位有經驗家長 :
亞囡在讀大二,已申請好今年9月到英國交流一年. 我不知道應如何安排錢.
1是給她帶現金英磅過去? 不過我又怕不安全.
2問過滙丰銀行申請一個英國戶口和debit card. 但手續費已是hk$1600, 另每月要最少電滙500磅.
  在港每次電滙手續費hk$2xx. 又似乎很貴.

請問有甚麼方法可做財務安排 ?
可否亞囡到英國後才開戶口,然後我在港才滙款去? 為省錢可能每2個月滙一次.
另外銀行職員教路,可用香港的銀行提款咭開通海外提款功能,只要戶口有錢, 可在英國柜員機提取英磅. 每次收費hk$20左右.

如有經驗請指教, 感激.

亮燈

kipl 發表於 17-4-11 18:35
請教各位有經驗家長 :
亞囡在讀大二,已申請好今年9月到英國交流一年. 我不知道應如何安排錢.
1是給她帶現金 ...

如果只係一年，咁就唔使開英國戶口。可俾一部份英鎊現金，如£500。阿女自己如有香港銀行戶口及提款卡，可啟用海外提款供能，到英國後可直接在ATM提取英鎊，每次手續費由$20-30左右。另外，阿女應該有18歲，父母可申請附屬信用卡俾佢，以防萬一。

noel2010

亮燈 發表於 17-4-11 19:46
如果只係一年，咁就唔使開英國戶口。可俾一部份英鎊現金，如£500。阿女自己如有香港銀行戶口及提款卡，可 ...

我都同意亮兄的方法，因為現滙價低及穩定，提款前我才在港轉數，又夠安全。

1998Ruby1998

交流一年就未必需要用到銀行戶口，除非你想買便宜車票或者上網購物。如果宿舍唔包飲食，一個禮拜正常健康飲食的話大概 £30-£40。同埋我記得英國大學 Freshers‘ Week 會提供 Bank Letter 去開戶口，只要帶齊證明文件，就可以去開戶口。
提示：東亞雖然冇 HSBC 咁多服務同分行，但係免費開英國戶口。我 EK 個網誌都有講到「開英國戶口」呢樣野，可以參考一下。

noel2010

£30-40 一星期怎夠用？這兩年都要自己負責食，學校出Town 來回巴士已£6, 叫外賣最低消費£20, 一盒炒飯或面要£1x, 未必餐餐可同人share。有時自己煮就平一些，還有洗衫費用。

brother4

路過，佢話正常健康餐。。估佢自己做如沙律，女仔食量少當keep fit ...亞大一包陽春麵+ㄧ罐五香肉丁，食足七歺，佢話得但吾健康。。平時食就到期三文冶等因有discount約1鎊左右。。

noel2010

回覆 brother4 的帖子

女孩子係慳在食方面，呀仔早餐食完£3 三文治，未到中午就肚餓，有時豪D就食兩份才夠飽。好彩英國唔興食消夜。

1998Ruby1998

回覆 noel2010 的帖子

如果你來回宿舍和學校搭車的話就另外計算（因為普遍人都不會離大學住那麼遠，很少需要搭車），我離大學 40 分鐘步行。
叫外賣當然貴啦！我一次都沒有叫外賣，全部自己煮，無論我幾夜返，如果下午要留 campus 就自己帶飯。中餐材料貴，所以我只是煮西餐，一般 £30，有肉有菜有湯有水果，我阿媽仲話我洗費高！洗衫我每 10 日洗一次，一次 £ 5，夾埋屋友一齊洗，split fee，咁樣就慳錢因為通常好難裝洗衣機滿 3/4。

我一日三餐最貴係夜晚：罐頭湯、意粉、菠菜、蘑菇、三文魚（海鮮已經貴啦，不過我不喜歡吃紅肉和白肉）、蘋果一個、橘仔兩隻。呢個已經係最豪華嘅配搭，份量夠飽吐（呢個我個男仔同學都話夠份量），而且食材全部都係超市買，如果係大學蔬果攤到買的話仲便宜。

夜晚洗費：£0.60＋£ 0.30＋£ 0.50＋£ 0.30＋£ 1.20＋£ 0.25＋£ 0.25＝£3.4

不過我係女仔，早餐我食唔到咁多，一碗 cereal／兩塊 waffle 就夠我撐 2 粒鐘。

一個禮拜如果你唔需要搭車的話，£30－£40 膳食+洗衫係絕對可以，我可以做證。不過其實我可以再食得簡單 d。

Avenger

請教一下1998Ruby1998, 係香港銀行換現鈔英鎊通常都比50鎊紙幣, 阿仔話係英國50鎊紙太大額, 有啲店唔收, 同學仔都用卡 (唔知debit/credit card), 咁英國提款機最細面額係幾多鎊?

1998Ruby1998

回覆 Avenger 的帖子

50 磅紙我聽過冇見過 ，除非你去大型超市同埋品牌商店，否則應該唔會收。
ATM 最低消費 £ 10，通常攞 £40 樓下現金的話通常都係 £10 鈔票，£50 以上會有 £20。UK 多用 debit card，有幾多就洗幾多（好過 Credit Card）。

不過我洗錢，除非係網購，否則都係用現金。

Avenger

Thanks 1998Ruby1998. 其實50鎊都係等如HK$500左右啫，香港人成日都會$500買野，況且英國啲嘢又貴，唔明點解咁難洗，我現在都只能比50鎊現鈔阿仔做零用，都係幫佢搞張debit card好啲！

mamamolly

Avenger 發表於 17-4-13 00:35
Thanks 1998Ruby1998. 其實50鎊都係等如HK$500左右啫，香港人成日都會$500買野，況且英國啲嘢又貴，唔明點 ...

之前問過當地人，細商店因為驚假野，通常都唔收50鎊，只有大商店先會肯收。而且當地習慣用 debit card，無需要用到 50鎊 note。我孩子現時都只係帶10-20鎊出街，買野就算只係幾鎊都會用 debit card，非常方便。

回覆返主題，關於開戶口可以補充少少︰

最方便當然就係香港 HSBC 開定先，去到就即刻有戶口及 debit card 可以用。但係手續費就比較昂貴 (premier a/c 免費、advance a/c HK$800、其餘就 HK$1600)，而且開戶需時三、四星期。可以考慮先幫囡囡開一個 advance a/c，然後再開英國戶口，手續費就可以先平一半，等英國戶口搞掂之後就可以將 advance a/c 轉返做普通 a/c。

不過其實去到當地先開戶口亦未嘗不可，可以先帶些少現金(300-500鎊)，去到拎到學校信之後，帶埋 passport/BRP 去當地銀行開戶 (唔駛一定 HSBC，去 Lloyds 或 Barclays 仲方便)，5-7日左右就有戶口及 debit card 用，到時有銀行資料就可以電匯錢過去，2-3日就可收到。呢個方法好處就係唔駛手續費，不過就要等 7-10 日先有戶口用，而且要先帶些少現金去，香港銀行通常換到的又都係 50鎊 note，去到仲要去當地銀行換成 20鎊 note 先方便駛。

亮燈

Avenger 發表於 17-4-13 00:35
Thanks 1998Ruby1998. 其實50鎊都係等如HK$500左右啫，香港人成日都會$500買野，況且英國啲嘢又貴，唔明點 ...

可以問下銀行有冇£20紙幣先，亦可預留，夠數就通知你去攞。

Avenger

回覆 亮燈 的帖子

好, 又試下

brother4

自己怕用大鈔，曾去加拿大用加幣100，冇食店收，等銀行開門換細鈔

nintendo

亮燈 發表於 17-4-11 19:46
如果只係一年，咁就唔使開英國戶口。可俾一部份英鎊現金，如£500。阿女自己如有香港銀行戶口及提款卡，可 ...

亮燈兄的建議十分好，我姪兒去美國 exchange 一年，也是用這方法，一星期提款一次，服務費不多，當是買個方便，比拿大量現金安全。

kipl

DEAR ALL,

多謝各位的回覆, 獲益良多!

katrinafu

Avenger 發表於 17-4-13 00:35
Thanks 1998Ruby1998. 其實50鎊都係等如HK$500左右啫，香港人成日都會$500買野，況且英國啲嘢又貴，唔明點 ...

我又唔多覺 英國那邊 £50 店舖唔收 問題，可能上次陪女開學 主要是在倫敦活動 ，大部分店£50都收 ，而且沒遇到 問題。因爸爸 兌哂 英鎊全部£50紙 ，我仲想鬧他點解唔兌£100紙 （因歐羅有€500紙幣）， 後來上網睇原來面值最大紙幣是£50.

creamybaby

倫敦多外地遊客, 大部份店鋪肯收50鎊紙一d都吾出奇, 因為遊客係外地兌換既大部份只有50鎊纸.  但講到要係英國生活, 20磅紙永遠最方便. debit card,  credit card  都係非常方便.

1988Rubby , 你未聽過/見過50鎊一d都吾出奇, 好多土生土長既英國人都未見過, 所以一掹張50鎊出黎就知妳初到貴境.

noel2010

2012年帶呀仔去開學，agent 話英國好多地方唔收£50, 我就叫銀行留£20給我，一有就call 我去取。去到英國，買和食都會收£50。之後再去英國探仔或比零用，都是£50, 完全冇問題。