本帖最後由 yuenkw 於 15-3-29 03:13 編輯
回覆 mamacare123 的帖子
1) SFA是否很谷?因為外界有很多傳聞。 SFA 部份科目教深一年半級,讀P1 初期會有跳班讀P2 的感覺,但P1 升 P2 後已屬循序漸進,讀深d 的感覺開始被淡化。 另外,呢間學校收埋好多超班馬,所以就算有時份 paper 出得有難度的情況下,自己小朋友考到9X 分都好,總有十個八個超班馬排在自己小朋友前面,當時真係幾大壓力;不過呢班勁人好多時都係過客,升上P2 後起碼有十幾個勁人插去其他名小,P2 後大人、小朋友心理壓力都會大減。如果你同小朋友鼎到P1的壓力,搞得掂三考三測應該可以順利適應到。
2) 老師是不是大部分都好嚴肅? 您是否指大部份老師對小朋友好惡?如您小朋友願意合作,乖乖地唔好製造麻煩,老師唔算嚴厲,相反有d我仲覺得幾nice。
3)校內同級競爭是否很大? 視符家長的期望、小朋友的能力,可能我小朋友讀 P3,其實我唔覺的小朋友之間存在好大的競爭,有時問呀仔d朋友仔考成點,呀仔都話唔知道,亦唔會討論。高小呈分時就未知啦。
4)如果同新油天比較,SFA是否高級數過新油天我指升中表現?
讀書靠小朋友努力同家庭support,升中表現同學校未必有好大關係,兩間都係好學校。不過比我選多一次,都係SFA。接觸過部份同學仔及家長,感覺上都幾有品,我幾放心呀仔係呢間學校讀書。 |