慢熱小朋友考小學

Siup01

真心請教. 囝仔K2，性格慢熱，在陌生環境或人前不太主動不喜歡表達自己。不過聽話友善，觀察力強，中英文對話流利。
在尋找合適小學的時候我集中一些不會過於着重學術，鼓勵探索主動，有愛心的學校。我希望在小學的階段，可主要培養他的社交和自信心。做資料搜集後發覺一些活動教學學校比傳統名校應該比較合適，不過這些學校好似多收一些主動自信的學生。因他性格慢熱，擔心他在面試時不能在短短時間有好表現而不被考慮。有朋友建議我不要集中一類型學校，報多考多幾間，但我怕太多面試大人小朋友都辛苦。有否過來人分享經驗？謝謝。

chingchub

我小朋友性格也是如此，當初也有你這樣心態，喜歡活動型學校，學術型差啲想唔報，最終結果係佢只得一間學術型正選，其餘waiting也是傳統愛心學校。最後有一間活動型call waiting，但因地點問題而冇take。所以我既經驗係，學校會match對的人，我而家好慶幸當初有報學術型，亦發覺小朋友真係偏愛學術多啲。所以我建議都係報啲唔同類既學校試左先。

星星的後裔

chingchub 發表於 18-5-3 20:20
我小朋友性格也是如此，當初也有你這樣心態，喜歡活動型學校，學術型差啲想唔報，最終結果係佢只得一間學術 ...

我有類似情況，有時活動教學，happy school 可能只是家長一相情願的想法。

Fung_gg

星星的後裔 發表於 18-5-4 08:37
我有類似情況，有時活動教學，happy school 可能只是家長一相情願的想法。
...

真的非常同意！小朋友有自己個性喜好，活動丶傳統教學根本應該一同存在，父母擇合適的學校。唔好下下諗住入左去傳統，又要求學校改變去就你。咁對一些適合傳統的小朋友並不公平！

Yanamami

無論係咪考小－，对內向慢熱既小朋友，父母都应及早調教~人本性难移，你花好多时间調教，佢唔会变左另－个人，但点都会比原来好｡無論為考小－又好，升中面試，大学面試，甚至见工都好，早早調教始終係有必要而且成效高｡唔好以為試－年半載就见效，有d野係要長年累月做，孩子曰復一日係成功既經驗中build up自信｡Set reasonable target, 等佢易做到，－小步－小步黎｡

星星的後裔

Yanamami 發表於 18-5-4 21:18
無論係咪考小－，对內向慢熱既小朋友，父母都应及早調教~人本性难移，你花好多时间調教，佢唔会变左另－个 ...

我想法有點不同，你始終是製造一個"大路"既人或你心目中的兒女。

每個人都有個人性格，你咁可能改變了一個人的本質。我偏向是只要唔極端就得， 如內向有9級，1是宅男，9是唔返屋企，5是正常。只要是2-8,我都盡少干擾。

Sorry 可能我太理想化，唔practical.

Yanamami

星星的後裔 發表於 18-5-4 22:22
我想法有點不同，你始終是製造一個"大路"既人或你心目中的兒女。

每個人都有個人性格，你咁可能改變了一 ...

禁易改变到个人就好咯……死性不改呀~~

ok3

每個人都有自己嘅性格, 弱點你可以fine tune, 但唔好諗住180度去改變佢。喺選校問題上, 我會選擇順著小朋友嘅性格/能力而行。佢本身跑得快但畏水, 點解唔係俾佢去練跑, 而係夾硬捉佢去練水?!

Yanamami

ok3 發表於 18-5-5 12:52
每個人都有自己嘅性格, 弱點你可以fine tune, 但唔好諗住180度去改變佢。喺選校問題上, 我會選擇順著小朋友 ...

因為唔練水無乜影响~唔玩樂器咪畫畫，唔畫畫咪跳舞，唔跳舞咪打波，無太大損失｡但怕羞慢熱內向，对將来無論考小一、升中、DSE囗試、大学面試、见工……－律会有影响｡既然－早知往後都要面对同－问題，何不及早改善？(改善，唔係改变~)
"Sometimes the smallest step in the right direction ends up being the biggest step of your life." - Emma Stone.

ok3

Yanamami 發表於 18-5-5 13:02
因為唔練水無乜影响~唔玩樂器咪畫畫，唔畫畫咪跳舞，唔跳舞咪打波，無太大損失｡但怕羞慢熱內向，对將来無 ...

最弊好多家長都係想改變小朋友，想將佢地塑造成自己心中所想嘅模樣呢！

Yanamami

ok3 發表於 18-5-5 18:37
最弊好多家長都係想改變小朋友，想將佢地塑造成自己心中所想嘅模樣呢！

这是不設实際，会令自己失望之餘又会製造衝突｡

assado

面試時, 老師都會同個别小朋友倾計, 問問題, 小朋友有回應就得。
報多二, 三間, 俾小朋友有面試經驗, 在心儀小學面試表現會有幫助。

Siup01

多謝大家的意見。慢熱性格有其優點，凡事有兩面。囝仔在家人面前非常喜歡表達發問，只是在陌生人面前需要長時間warm up (我唔覺這性格是問題，自己都不是好外向多言，只是在面試的制度下，想有辦法令佢表現好一點) (emoji)(emoji)

ceciliasycheung

回覆 Siup01 的帖子

我小朋友正正就係依種內熱的性格。我係17-18年度入讀小一，想當年我下咗唔少功夫，同你分享下。

你首先要同佢建立強大嘅信心，要話比佢知，學校係選擇一個適合嘅小朋友加入學校，老師們係希望尋找一個遇到困難會堅持，求知嘅小朋友，而唔係咩都識，咩都答啱嘅...(咩都識哂唔駛讀書啦)，等佢放下對錯誤嘅恐懼。

另外，要話佢知無一個人係做唔到有禮貌，有manner(依樣係每一個人都有能力做嘅), 如果基於老師係你第一次見面而緊張，係正常呀！相反，老師都係第一次見你，其實大家嘅位置/情況係平等嘅，無需感到特別緊張，通過問話可以了解小朋友，小朋友亦可以對老師作出提問呀!

我同佢反覆做咗好多練習，預先假設一下一d突發情景，再同佢練習相應嘅解決方法，令佢減低憂慮....

最終，我小朋友係入咗港同。學校作風同佢嘅性格簡直係風馬牛不相及！但學校的而且磪完善咗我小朋友嘅性格，依家佢開朗活潑又精靈主動咗，我哋都見咗好多間學校，過程亦都有好多辛酸，但絕對值得。(面試當年，我哋嘅親子關係都有緊張嘅時刻，但1年辛酸換12年嘅開心學習，我覺得值得!)

希望幫到你!

ceciliasycheung

Siup01 發表於 18-5-6 10:44
多謝大家的意見。慢熱性格有其優點，凡事有兩面。囝仔在家人面前非常喜歡表達發問，只是在陌生人面前需要長 ...

我明白你嘅憂慮，例如怕面試為小朋有帶黎壓力...擔心面試失敗，會令佢感到自卑，有損自信心。
但諗深一層，人生裡面往往就存在好多挑戰、困難和失敗。
面試其實係一個好好嘅成長機會，讓我哋好好認識一下自己，邊樣強、邊樣弱，我哋又能夠如何展現自己嘅優點，改善弱點。面試成功與否只係一個結果，無人能夠基於單單一個結果而否定你哋嘅付出。

面試本身就係一個非常現實嘅競爭，同樣嘅競爭晌將來亦無可避免，反而係你用咩心態面對。
我哋無改變佢哋嘅性格，相反我哋接納咗依個性格，通過反覆練習，思想轉變，令佢哋放低憂慮。
慢熱亦可以展示到沉實，認真思考嘅一面！
文靜亦可以展示到溫文爾雅！
睇怕係你自己鑽牛角尖呢！

poppypoppies

ceciliasycheung 發表於 18-5-11 11:25
回覆 Siup01 的帖子

我小朋友正正就係依種內熱的性格。我係17-18年度入讀小一，想當年我下咗唔少功夫，同 ...

my exact situation with my elder child. and i totally agree with your positive energy and approach. i am glad both she and i have grown up a lot. we are also lucky.. she has got very good results at the end.

poppypoppies

ceciliasycheung 發表於 18-5-11 11:48
我明白你嘅憂慮，例如怕面試為小朋有帶黎壓力...擔心面試失敗，會令佢感到自卑，有損自信心。
但諗深一層， ...

that is very true. treat it as life challenge would make both parents and children feel better. and always remember their strength and uniqueness.

Joannemami

ceciliasycheung 發表於 18-5-11 11:25
回覆 Siup01 的帖子

我小朋友正正就係依種內熱的性格。我係17-18年度入讀小一，想當年我下咗唔少功夫，同 ...

可否pm 請教多一些考港同的重點嗎？我個女慢熱型，我都好心儀港同。thx

fany

Yanamami 發表於 18-5-5 13:02
因為唔練水無乜影响~唔玩樂器咪畫畫，唔畫畫咪跳舞，唔跳舞咪打波，無太大損失｡但怕羞慢熱內向，对將来無 ...

非常同意，我女也是慢熱人，選了活動教學的學校，經過幾年時間，她絕對不是外向主動多言的小朋友，但至少肯接受挑戰，肯去上台比賽，會享受和不同人溝通相處。