41校網 女 統一派位 請問第二志願點揀？代友問

j927tijs

本帖最後由 j927tijs 於 24-10-4 13:38 編輯

本帖最後由 j927tijs 於 24-10-4 13:38 編輯

好掙扎第二志願聖家定基華，並不是特別喜歡這兩家小學，只係覺得放第二志願應該大機會！只係想求個保險線！

bighero

j927tijs 發表於 24-10-21 16:21
家長正正就係我大嫂，阿哥乜都唔理就冇問題，阿媽就話咁你都唔幫下手，長輩又施壓。
基本上每日幼稚園阿媽 ...

其實佢唔緊張小朋友前途, 小朋友跟唔到又唔好好幫佢溫書, 真係唔關你事。你能夠做既只係提供意見俾佢, 佢到時佢自己決定揀邊間。上到小學後有機會成績跟唔到會被勸退或留班。所以揀間適合佢小朋友既學校。

fmf903

j927tijs 發表於 24-10-21 16:21
家長正正就係我大嫂，阿哥乜都唔理就冇問題，阿媽就話咁你都唔幫下手，長輩又施壓。
基本上每日幼稚園阿媽 ...

推返阿哥出去，大嫂同個小朋友前途唔關你事。每人能力唔同。

j927tijs

bighero 發表於 24-10-21 14:51
其實唔係好明, 你只係小朋友既親戚, 但照顧同教育小朋友唔係父母責任咩?何解要你幫手?加上你都有自己小朋 ...

家長正正就係我大嫂，阿哥乜都唔理就冇問題，阿媽就話咁你都唔幫下手，長輩又施壓。
基本上每日幼稚園阿媽阿嫂全村人都匯知會我各種關於小朋友的學習和搵學校事宜！
其實幼稚園已經幫佢搵埋，我亦願意星期五畀佢嚟我屋企過夜，順便同佢惡報英文！
我老公見到我所受嘅折磨佢都好激氣！但又唔方便講太多！
講返41網，如果真係選耀山我驚六國大封相。
老人家覺得表哥教得好讀書好，就覺得我係幫姪女嘅最佳人選！真心慘！

bighero

j927tijs 發表於 24-10-21 08:18
本帖最後由 j927tijs 於 24-10-21 08:20 編輯

係呀，問題同麻煩而家逐漸浮現，英文嘅嘢親戚全部訊息問 ...

其實唔係好明, 你只係小朋友既親戚, 但照顧同教育小朋友唔係父母責任咩?何解要你幫手?加上你都有自己小朋友要照顧。

個位媽媽又話緊張小朋友既學業, 但明知小朋友學習能力不太理想, 又唔勤加緊操練, 仲要每日只係吃喝玩樂。如果讀happy 幼稚園都搞唔掂, 上小學真係好難搞, 仲要揀啲DPS, MCS。

津校一般比較谷, 41網好似有間耀山, 算happy school同關愛。再唔係可以選擇啲三線直私, 偏關愛同happy, 可能會較適合。

j927tijs

CKLBB 發表於 24-10-17 14:06
唔使擔心， 通常呢啲都會抽到乙一，命運嘅嘢就係咁…

睇到你呢個回覆，都唔知戥佢開心，定係開始要為自己擔心好

j927tijs

bighero 發表於 24-10-17 12:18
其實家長咁既心態真係好難搞, 咩都推哂俾學校負責教。而家啲學校好多時教得快同深, 通常學生跟唔到都要靠家 ...

係呀，問題同麻煩而家逐漸浮現，英文嘅嘢親戚全部訊息問我，連外籍老師都特登拍片教小朋友，一睇就明嗰種，佢都可以話唔識要我教！好啦當佢英文睇唔明，竟然連中文通告交費，乜都要我同我媽媽負責。
真係連咁簡單嘅happy school都應付唔到，真係唔知道上到小學點算！
有時真係唔想幫，但又不能抽身！
嗰位媽媽口講都好緊張小朋友學業，但以我所聽所聞，放學唔睇唔溫習，原因係唔識！竟然可以每日放學吃喝玩樂，然後五六日就返大陸住！雖然佢一星期有一堂劍橋英語補習，但可能係程度問題，鬼佬有鬼佬咁教，而小朋友就一啲都聽唔明，毫無進展！所以引證咗一樣嘢，基礎打唔好真係之後好難追！

qooyee08

我都認為九官比較適合

CKLBB

唔使擔心， 通常呢啲都會抽到乙一，命運嘅嘢就係咁…

bighero

j927tijs 發表於 24-10-17 10:57
你講得啱，我仔仔學校，英小，幾乎所有通告都係英文，飯單，政府牙科保健中英對照除外！睇到你嘅回應我而 ...

其實家長咁既心態真係好難搞, 咩都推哂俾學校負責教。而家啲學校好多時教得快同深, 通常學生跟唔到都要靠家長教或補習, 學校教完就算。如果而家係happy 幼稚園讀K3都發現程度唔達標, 而又唔打算去改善, 上到小學會更加難跟。唔好話神津, 英小, 或者聖家/基華, 連普通2,3線既小學都未必跟到。其實無獎, 無學其他興趣, 成績又唔好, 又唔係名幼, 叩門成功率好低, 甚至連面試機會都無。以上幾間都好受區外歡迎, 佢哋會揀人去面試。其實而家無邊幾間小學係輕鬆, 2,3線小學反而仲谷, 因為驚殺校要谷成績。如果佢唔改變自己諗法, 去邊間都係搞唔掂。如果可以既話就唔好插手佢啲野, 佢唔太現實, 根本幫佢唔到。

j927tijs

bighero 發表於 24-10-15 17:32
老實講幼稚園讀開happy school, 入讀MCS或DPS根本好難跟得上。除非小朋友本身好鍾意睇書, 中英文底好或讀 ...

你講得啱，我仔仔學校，英小，幾乎所有通告都係英文，飯單，政府牙科保健中英對照除外！睇到你嘅回應我而家好擔心，到時可能要陪佢去叩門同埋準備好多叩門信（當然我有預感係徒勞無功）叫佢考慮聖家，佢又話自殺率高壓力好大，我聽到差啲暈抵。難道DPS/MCS 就輕鬆嗎？！考慮緊點說服佢選擇九官，有朋友仔女讀緊，除咗小一老師中文字紅筆找錯處滿版紅之外，感覺上呢間小學有愛心，會比較輕鬆。最慘就算之後係點我都預計到會有怨言，所以我呢排都畀佢搞到個人神經緊張，自己仔搵小學都未咁擔心過！

j927tijs

Raccch 發表於 24-10-15 09:48
回覆 j927tijs 的帖子

的確係咁，講唔明就講唔明。有時啲嘢未到眼前係唔會相信，尊重他人命運。雖則係你建 ...

其實家長係我親戚，佢見我仔仔讀得咁好，至少品得方便佢好滿意！就認為所有教育都係學校負責，家長可以放心交畀學校乜都唔使理 佢幼稚園k3暫時仲未應付得到，話老師推曬畀家長教！咁其實我個人睇法係佢囡囡程度唔達標，冇理由高班要教佢囡囡低班嘅嘢嚟就佢一個！所以我聽到都好無語！由於佢囡囡獎狀，特異功能，學歷乜都冇，基本上直資諗都唔使諗！而佢就係target 41網嘅兩間英小，佢嘅諗法好無知，認為入到好學校小朋友就會學得好！亦都將所有搵學校嘅責任同建議推曬畀我！發現咗佢囡囡嘅程度我都唔知叫佢揀咩學校好！

bighero

Raccch 發表於 24-10-15 09:48
回覆 j927tijs 的帖子

的確係咁，講唔明就講唔明。有時啲嘢未到眼前係唔會相信，尊重他人命運。雖則係你建 ...

關係好既可以建議下, 唔聽就由佢。DPS 呢啲英小未必會有中英文通告, 睇佢學校網址全英就知。如果家長唔識英文其實都幾難搞, 通告都係全英。 咁多科都係用英文, 補習都未必補到咁多科, 平時同小朋友溫書都好難溫到

bighero

j927tijs 發表於 24-10-15 09:35
幼稚園係happy school.有愛心，課程容易開心。卷幼，有三，四位英國net teachers。
...

老實講幼稚園讀開happy school, 入讀MCS或DPS根本好難跟得上。除非小朋友本身好鍾意睇書, 中英文底好或讀書叻, 否則真係讀得辛苦。而家K3中英文都唔太好的話 ,就算連聖家或者基華都比較難跟到, 聖家同基華中英文都深。
好奇點解佢心頭高, 想揀神津或英小, 但幼稚園又唔揀名幼。通常啲家長目標係神津或一線直私都會報讀名幼。

Raccch

回覆 j927tijs 的帖子

的確係咁，講唔明就講唔明。有時啲嘢未到眼前係唔會相信，尊重他人命運。雖則係你建議，都係以佢意願為主，我覺得作為朋友講一次自己意見就夠。不過部分英文學校可能為咗照顧本地學生家長，出通告有齊中文英文版本，學校家長講座/活動都可能係中文為主，可以了解下先。

j927tijs

bighero 發表於 24-10-14 15:47
好奇一問, 家長心頭高, 佢小朋友係讀緊名幼定happy 幼稚園?

幼稚園係happy school.有愛心，課程容易開心。卷幼，有三，四位英國net teachers。

j927tijs

Raccch 發表於 24-10-14 10:32
回覆 j927tijs 的帖子

既然家長心頭比較高，作為朋友俾務實既意見反而比較危險。 ...

唉 真心明白理想同現實係兩回事！家長英文都唔識.如果英文小學嘅話.通告全部都係英文.個人認為佢一定搞唔掂！成日同我講畀錢請補習！有時啲人講唔明就係講唔明！

bighero

j927tijs 發表於 24-10-9 00:12
感謝回覆，而家選小學可能要重新考慮. 剛發現她囡囡K3，但原來唔識寫中文字，英文亦不好，但佢媽媽心頭高 ...

好奇一問, 家長心頭高, 佢小朋友係讀緊名幼定happy 幼稚園?

Raccch

回覆 j927tijs 的帖子

既然家長心頭比較高，作為朋友俾務實既意見反而比較危險。

j927tijs

bighero 發表於 24-10-6 22:27
乙二睇家長需要, 2間放乙二應該都中。聖家同基華係其他地區已經算係地區一線, 只不過41網多神校。
...

感謝回覆，而家選小學可能要重新考慮. 剛發現她囡囡K3，但原來唔識寫中文字，英文亦不好，但佢媽媽心頭高，想要英小或名校.但我諗我會建議佢首先考慮阿女能力.