求指教 - KV vs SC

wannabefa

今年好感恩同時有KV 同SC OFFER
兩間都係好學校
之但係, 真係唔知點選好
大家可以比D 意見嗎? 感謝

一個小朋友, 女仔

小朋友不怕生, 算活潑
面試/出去見其他人, 都係有問必答, 聲量正常
會主動同小朋友玩, 或者主動問陌生人問題, 如: "係邊度比錢?", "可唔可以借黎玩下?"

但都可以坐定定一陣
喜歡睇書, 但又唔係果種一睇就睇1-2粒鍾
只係無野做, 久唔久就會去書櫃拎書睇一陣

學術唔好, 到現在為止, 兩歲半都係認唔到中文字, 數字, 英文字
但又沒有太刻意坐定定教, 因為感覺小朋友沒有好大興趣
只係盡量平時生活中, 都講解一下....

尚算乖巧受教, 就算佢好喜歡食既野, 或者玩緊
我叫佢唔做, 要收起就收起
一般黎講, 只要講道理, 基本上都OK

父母英文唔太好, 做唔到英語環境
我高考都係剛剛PASS

ssgmgss

回覆 50267612 的帖子

樓上已回覆。

其實呢一代唔少家長想自己子女入乜學校或者學乜學物歸根究底都係家長自我感覺良好的個人意願，感覺良好源自於人地咁做我又要咁做羊羣心理實冇執輸，人地社交媒體打卡show-off子女點叻點勁我又要show。當然冇一個家長會認

ssgmgss

回覆 littlelittlefay 的帖子

冇任何外補， 屋企都係玩下玩具玩下畫筆，睇卡通片故事書圖書兩文三語都有，屋企長期細細聲播英文歌有快歌有慢歌，出街搭巴士電車地鐵教佢入錢同買飛，帶佢去公園郊外教佢認識動物尊重生命，去圖書館就教佢守規矩。玩具冇分男女冇分平貴各式各樣都有，由得佢拆由得佢玩，佢諗唔到點玩就會求我地教佢玩，可能咁刺激佢多角度思考同好強求知慾，頭腦四肢手指又協調，乜都鍾意學又鍾意模仿。只希望佢繼續保持好奇心，有自己獨立思考，唔會人云亦云，保持童真，有顆赤子之心。

ssgmgss

回覆 estherpang 的帖子

就當我地好有信心囉

happypapa11

ssgmgss 發表於 20-12-22 17:23
回覆 littlelittlefay 的帖子

冇讀過pn或playgroup亦冇任何外補，屋企冇乜英文語境只係得閒讀下英文圖書再 ...

Del

wannabefa

estherpang 發表於 20-12-24 01:45
回覆 wannabefa 的帖子

我係SC用家，疫情下每日有3堂共一小時Zoom，星期一至五都有。另外所有功課，圖工， ...

好認同，所以我們沒有考慮補習的事情。現在真的是個個都補，多謝你對學校嘅分享，令我了解更加多

estherpang

ssgmgss 發表於 20-12-22 17:23
回覆 littlelittlefay 的帖子

冇讀過pn或playgroup亦冇任何外補，屋企冇乜英文語境只係得閒讀下英文圖書再 ...

SPCCPS以我所知未放榜wor；連in都未in晒，點揀？

estherpang

回覆 wannabefa 的帖子

我係SC用家，疫情下每日有3堂共一小時Zoom，星期一至五都有。另外所有功課，圖工，運動，topic都有video。
上年K2時學校對小朋友的面試training我亦很滿意。

不過我想講，別道聽途說讀SC就一定要全科補。補唔補，補幾多絕對係唔關你讀邊間幼稚園事；係睇每個家庭自己嘅需要。我身邊嘅KV ／ LH朋友；絕對補得多過我。我亦識得大把唔點外補嘅SC學生，一樣考小學考得好好。

以我觀察；雙職家庭會補得多D，FTM好多prefer自己教，就會補得少D。不過都係果句；每個家庭需要不同。喺呢個全民皆補嘅年代；竟然仲會迷信讀某間幼稚園就唔駛外補；讀某間就要補全科？！

wannabefa

ssgmgss 發表於 20-12-22 17:23
回覆 littlelittlefay 的帖子

冇讀過pn或playgroup亦冇任何外補，屋企冇乜英文語境只係得閒讀下英文圖書再 ...

恭喜晒呀，好厲害，請問有咩教小朋友嘅心得啊？

littlelittlefay

回覆 ssgmgss 的帖子

咁你個囡都好犀利哦係唔係你自己負責教噶
你哋讀SC有無外補中英數啊

我個囡都係無返PG同N的，性格好活潑好動，你先生講嘅嘢同我老公一樣的🤣

50267612

ssgmgss 發表於 20-12-22 17:23
回覆 littlelittlefay 的帖子

冇讀過pn或playgroup亦冇任何外補，屋企冇乜英文語境只係得閒讀下英文圖書再 ...

你平日點裁培小朋友？有冇外補？學其他野？

ssgmgss

回覆 littlelittlefay 的帖子

冇讀過pn或playgroup亦冇任何外補，屋企冇乜英文語境只係得閒讀下英文圖書再問問題就識對答，SC語境真係幫助好大，亦冇請賓賓費事學到壞鬼英文想改番好就難，亦要佢明白凡事親力親為唔好假手於人。
我老公話focus唔應該放係學識學歷，因為第日一身沙紙一街都係，主要希望佢適應力高，有豐富想像力敢於創造，唔係只想佢大個有工做，even可以有工比人做，唔想佢係電腦個記憶體塞好多知識，想佢係電腦個cpu。
小一spccps同sscps揀緊其中一間 ^_^

HK-CR7

宜家個時勢要睇埋邊間網上教學既支援比較好, 以往既野只可參考, 時世唔同喇

happypapa11

wannabefa 發表於 20-12-16 16:03
今年好感恩同時有KV 同SC OFFER
兩間都係好學校
之但係, 真係唔知點選好

你女性格適合揀sc，開心得來又有語境
自動波和自律靠家長，一生受用

littlelittlefay

回覆 ssgmgss 的帖子

請問你哋家中有英語語境嗎？SC的英語語境如何？
冒昧問一句，你女兒今年考到邊間小學啊？

mrlamken

回覆 ssgmgss 的帖子

我都係SC KV 間選擇, 但KV 是PM, 所以應該放棄KV
希望揀岩

ssgmgss

回覆 wannabefa 的帖子

童年絕對珍貴，呢個年代資訊知識周圍都係，所以我一早prefer幼稚園period要愉快學習建立求知慾，唔想小女做填鴨做書呆子，就冇考到KV，最後LH同SC之間揀左SC。小朋友而家K3英普班，K1頭三個月已經全普通話對答冇問題，明白中文書寫語同廣東話口語有分別，英文比普通話更強，數學就我地日常生活上教最重要係解釋數學既重要性，明白左就好有興趣學而家學緊九因歌，所以絕對唔需要外補。K2上學期較多活動，K2下學期先開始應付考小一。小女古靈精怪活潑主動識逗人歡喜，SC話適合同佢建立leadership mindset同presentation skill，正宗因材施教，SC令小女stay hungry 求知慾強。冇揀錯，感恩🙏

wannabefa

littlelittlefay 發表於 20-12-18 00:01
回覆 wannabefa 的帖子

同頭痛 都係考慮緊SC or KV

係聽唔少SC係全科補
但唔知道是否因為人地補，怕落後，自己又狂補習

因為喺嗰個環境入面，個個都去補習，冇理由自己唔去補㗎嘛

估而已

littlelittlefay

回覆 wannabefa 的帖子

同頭痛 都係考慮緊SC or KV
KV家長分享嘅聽得多了 只需外補英文

好希望有依家在讀SC嘅學生家長可以分享下SC嘅情況
聽講SC係需要外補中英數的 唔知係唔係真

snoppy888

wannabefa 發表於 20-12-17 13:26
是, 我係因為屋企比唔倒語境, 所以覺得SC 比較合

但一直聽其他用家說, KV 小朋友真係好乖, 好自動波做功課 ...

我小朋友宜家KV K1, 唔知算唔算自動波，佢會話老師叫佢返屋企要溫書，叫我同佢溫，同埋做完功課後（K1 功課都係油顏色聯線果d), 都仲好有興趣做其他相似嘅練習，做練習時堅持要自己完成，但想我向隔離望住佢完成咁。K1 我覺得老師教佢哋執筆油顏色都有d方法，佢哋都吸收得幾好。但無可否認英文係比較遜色。

如上面用家講，小朋友係識得講出係當時環境應有嘅秩序紀律，老師係嚴，但唔係好惡，小朋友係接受唔抗拒，小朋友停課期間都話好想返學，感覺佢哋返學都好開心。

坦白講我都係懶媽媽，所以我都好想小朋友學好自律紀律呢d soft skills, 我小朋友都係敢言跳跳紥類型，N班時老師話佢坐唔定會走位tim, 但so far 向KV 都適應得幾好，到宜家可以好定上堂tim, 可能亦都因為大個左。

以上純粹個人分享。