求指教 - KV vs SC

wannabefa

今年好感恩同時有KV 同SC OFFER
兩間都係好學校
之但係, 真係唔知點選好
大家可以比D 意見嗎? 感謝

一個小朋友, 女仔

小朋友不怕生, 算活潑
面試/出去見其他人, 都係有問必答, 聲量正常
會主動同小朋友玩, 或者主動問陌生人問題, 如: "係邊度比錢?", "可唔可以借黎玩下?"

但都可以坐定定一陣
喜歡睇書, 但又唔係果種一睇就睇1-2粒鍾
只係無野做, 久唔久就會去書櫃拎書睇一陣

學術唔好, 到現在為止, 兩歲半都係認唔到中文字, 數字, 英文字
但又沒有太刻意坐定定教, 因為感覺小朋友沒有好大興趣
只係盡量平時生活中, 都講解一下....

尚算乖巧受教, 就算佢好喜歡食既野, 或者玩緊
我叫佢唔做, 要收起就收起
一般黎講, 只要講道理, 基本上都OK

父母英文唔太好, 做唔到英語環境
我高考都係剛剛PASS

wannabefa

兩間都係好學校, 真係好難取捨
未有目標小學, 因為未知小朋友發展如何

兩間我都喜歡
都知道各有各好處, 各有各壞處

我只係想選合小朋友的學校

求各位指教, 感謝

ck1111

Hdhdjfugi

德仔.老豆

有無兩邊用家講下疫下係點上堂。謝謝

wannabefa

回覆 ck1111 的帖子

感謝你的意見
我直覺都係覺得SC 應該比較適合我小朋友性格

但KV 要求小朋友比較坐定定同守紀律
其實我個囡都算聽話受教
聽到人地話KV 小朋友自動波做功課, 唔洗煩, 真係好吸引

貪心的媽媽

wg_ann

同意兩間都係好學校，英文程度應該SC好好多，中文就KV強。
可諗下想入咩類型小學，直私應該SC較優勢，傳統官津應該KV涵接較好。

Darklady

德仔.老豆 發表於 20-12-16 16:56
有無兩邊用家講下疫下係點上堂。謝謝

小朋友讀緊k2，一個星期有三日zoom每星期大概有13-15個video


我自己覺得KV抵讀(學費一年4字頭VS SC的7字頭...)，同埋學好中文難過學好英文
我小朋友係非常活潑好多野講的小朋友，雖然江湖傳聞KV好嚴好傳統，
但我小朋友係好喜歡番學，喜歡到我成日要在屋企扮佢班主任...

與其說KV好傳統，不說佢好有耐性執正小朋友禮貌同規矩
例如我小朋友放學有時唔記得講Bye bye，老師係會不厭其煩一而再再而三執正佢要講bye bye
我問佢上堂有無同小朋友傾計，佢會識得講上堂要留心架，緊係唔會同人傾計啦

kv係教小朋友適時留心上堂，適時玩樂，好注重禮貌，我個人非常受呢套

50267612

屋企比唔倒語境，所以我希望小朋友在有語境的環境學習，所以我揀SC!

freshrose

我都係KV vs SC, 不過我同我屋企人都偏向SC, 所以會放棄KV

sukikeung

50267612 發表於 20-12-16 21:45
屋企比唔倒語境，所以我希望小朋友在有語境的環境學習，所以我揀SC!

我都係會揀SC，自己英文唔好，想小朋友英文打好個底

wannabefa

wg_ann 發表於 20-12-16 19:21
同意兩間都係好學校，英文程度應該SC好好多，中文就KV強。
可諗下想入咩類型小學，直私應該SC較優勢，傳統 ...

就係現在未知道想入咩類型小學我希望可以順應小朋友發展
所以才頭痛

wannabefa

50267612 發表於 20-12-16 21:45
屋企比唔倒語境，所以我希望小朋友在有語境的環境學習，所以我揀SC!

是, 我係因為屋企比唔倒語境, 所以覺得SC 比較合

但一直聽其他用家說, KV 小朋友真係好乖, 好自動波做功課, 我覺得好吸引

snoppy888

wannabefa 發表於 20-12-17 13:26
是, 我係因為屋企比唔倒語境, 所以覺得SC 比較合

但一直聽其他用家說, KV 小朋友真係好乖, 好自動波做功課 ...

我小朋友宜家KV K1, 唔知算唔算自動波，佢會話老師叫佢返屋企要溫書，叫我同佢溫，同埋做完功課後（K1 功課都係油顏色聯線果d), 都仲好有興趣做其他相似嘅練習，做練習時堅持要自己完成，但想我向隔離望住佢完成咁。K1 我覺得老師教佢哋執筆油顏色都有d方法，佢哋都吸收得幾好。但無可否認英文係比較遜色。

如上面用家講，小朋友係識得講出係當時環境應有嘅秩序紀律，老師係嚴，但唔係好惡，小朋友係接受唔抗拒，小朋友停課期間都話好想返學，感覺佢哋返學都好開心。

坦白講我都係懶媽媽，所以我都好想小朋友學好自律紀律呢d soft skills, 我小朋友都係敢言跳跳紥類型，N班時老師話佢坐唔定會走位tim, 但so far 向KV 都適應得幾好，到宜家可以好定上堂tim, 可能亦都因為大個左。

以上純粹個人分享。

littlelittlefay

回覆 wannabefa 的帖子

同頭痛 都係考慮緊SC or KV
KV家長分享嘅聽得多了 只需外補英文

好希望有依家在讀SC嘅學生家長可以分享下SC嘅情況
聽講SC係需要外補中英數的 唔知係唔係真

wannabefa

littlelittlefay 發表於 20-12-18 00:01
回覆 wannabefa 的帖子

同頭痛 都係考慮緊SC or KV

係聽唔少SC係全科補
但唔知道是否因為人地補，怕落後，自己又狂補習

因為喺嗰個環境入面，個個都去補習，冇理由自己唔去補㗎嘛

估而已

ssgmgss

回覆 wannabefa 的帖子

童年絕對珍貴，呢個年代資訊知識周圍都係，所以我一早prefer幼稚園period要愉快學習建立求知慾，唔想小女做填鴨做書呆子，就冇考到KV，最後LH同SC之間揀左SC。小朋友而家K3英普班，K1頭三個月已經全普通話對答冇問題，明白中文書寫語同廣東話口語有分別，英文比普通話更強，數學就我地日常生活上教最重要係解釋數學既重要性，明白左就好有興趣學而家學緊九因歌，所以絕對唔需要外補。K2上學期較多活動，K2下學期先開始應付考小一。小女古靈精怪活潑主動識逗人歡喜，SC話適合同佢建立leadership mindset同presentation skill，正宗因材施教，SC令小女stay hungry 求知慾強。冇揀錯，感恩🙏

mrlamken

回覆 ssgmgss 的帖子

我都係SC KV 間選擇, 但KV 是PM, 所以應該放棄KV
希望揀岩

littlelittlefay

回覆 ssgmgss 的帖子

請問你哋家中有英語語境嗎？SC的英語語境如何？
冒昧問一句，你女兒今年考到邊間小學啊？

happypapa11

wannabefa 發表於 20-12-16 16:03
今年好感恩同時有KV 同SC OFFER
兩間都係好學校
之但係, 真係唔知點選好

你女性格適合揀sc，開心得來又有語境
自動波和自律靠家長，一生受用

HK-CR7

宜家個時勢要睇埋邊間網上教學既支援比較好, 以往既野只可參考, 時世唔同喇