救命~普通話教中史

9284

本身阿女對中文任教的科目都興趣不大 , 平時都係睇慣英文STORYBOOK, 幾厚都睇哂, 但係一講到中文就....... 而家最大問題係, 剛升上中一, 果D歷史人名, 地方名, 我係家長連廣東話都要查字典點讀, 小朋友就更不在話下, 所以阿女一味同我講"好深呀, 無興趣呀, 又多野背, D字又難寫" , 我就同阿女講, 其實中史不外乎都係要背野, 我不如買本好的中史書/精讀書, 我在家用廣東話教你啦..........其實無咩得別需要一定要跟學校用普通話啦, 其實我咁做好唔好呢? 大家有無類似經驗? 又有無好的中史書/精讀書介紹下?

anniya

中史唔會話好難嘅，我中學時期歷史課最好

dingyan

如果唔太介意簡體字，有套半小時漫畫中國史可能可以讓小朋友有啲興趣，仲有套歷史穿越報就有啲書繁體有啲書簡體，内容可能都輕鬆，或者都俾到個大概印象佢哋。

October.

王家爸爸 發表於 20-10-20 12:14
現在教中史，雷多，小心啲既老師，都係依書直說，唔敢多口。

中史依書直說真係好悶，會搞到更加多人唔中意中史，不過，可能到時中史係必修都唔出奇。我係老師都唔多言啦，做咁多做咩，少做少錯，唔驚俾人投訴咩？

gracelam

王家爸爸 發表於 20-10-20 12:14
現在教中史，雷多，小心啲既老師，都係依書直說，唔敢多口。

宜家教LS同中史都多雷，老師越嚟越難撈，之後又少左人大學揀教育呢科讀，惡性循環

王家爸爸

yuyueng 發表於 20-10-14 16:42
以前教中史既老師真系有心機教，堂堂都教到口沫橫飛，手舞足蹈，偶然再講下野史，當年自己會考同A Level 唯 ...

現在教中史，雷多，小心啲既老師，都係依書直說，唔敢多口。

fishballbaby

9284 發表於 20-10-7 16:20
本身阿女對中文任教的科目都興趣不大 , 平時都係睇慣英文STORYBOOK, 幾厚都睇哂, 但係一講到中文就.......  ...

我的情況和你差不多，雖然不是普教中和中史，已令我好煩惱。
阿囝他的生活也是用英文，他從小英文科和數學科也不用理他，但是中文就從小也沒有興趣，現在剛中一，面對的難題就是文言文和中史，他埋怨文言文太深，和中史太多嘢要記，昨晚才為了這些科目而鬧情緒。
現在唯有只是安撫住佢，也是說讀到中三，中四就可以甩中史。

yuyueng

以前教中史既老師真系有心機教，堂堂都教到口沫橫飛，手舞足蹈，偶然再講下野史，當年自己會考同A Level 唯一奪A既科目，我仔3年既中史都系我自己教，所謂自己教其實我都系每星期用1小時同佢私人補習，我講佢聽，測驗考試前用2個1小時同佢溫書，歷史全部千篇一律，前因後果加一D特別元素，我仔測驗考試全部9字頭。
同佢溫中史同時我灌輸埋愛國教育。

Jane1983

回覆 bobbob 的帖子

問過亞女，佢話好多都好好睇，有些是繁體字，有些是繁體字幕，但全部係都是普通話。她是隨意google找到的，她說有一兩個是從夏講到近代史，她大概有了概念後，就再找有興趣的朝代仔細看。
不過經歷幾個月，佢的歷史狂熱已經告一段落，呢期遊走咗去其他嘢。不過只要有益身心，我都係鼓勵。

gigayan

jli008 發表於 20-10-9 16:08
對，冇興趣唔好蹝時間，我所指的若為了考試去學，當到了不需要就得，這便造就孩子心理不需用心，點樣會有興 ...

你首先認同無興趣唔好嘥時間，但又要孩子用心有心自然對每科喜愛，其實用心都需要時間的......

gigayan

jli008 發表於 20-10-9 16:06
人生是有好多事情去細味享受，我相信大部份人，唔喜歡既事情好少會再細味享受，我想你未了解我所指的真正意 ...

請問我有沒有理解錯，你最初係話唔應該為考試高分去讀一科唔鐘意嘅科，應該要真心真意去讀一科唔鐘意嘅科？ 如果我沒有理解錯你嘅意思，咁我又唔明點解要返返去考試高分了........

little_yolky

王家爸爸 發表於 20-10-9 17:20
普教中對普通話應該有幫助，但係對中文就無。

但阿大D普通話好普通喔⋯⋯但阿細只學咗兩年，反而唔錯，因為佢成日上網睇普通話片

王家爸爸

little_yolky 發表於 20-10-9 12:00
唔知。阿大普教到四年班。不過，又唔見佢科普通話高分喔

普教中對普通話應該有幫助，但係對中文就無。

王家爸爸

Azzurro 發表於 20-10-9 13:52
睇歷史漫畫，日本漫畫好多都講中國歷史
https://www.manhuagui.com/list/lishi/

我小朋友細個既時候都睇好多日本漫畫，學到唔少野。