救命~普通話教中史

9284

本身阿女對中文任教的科目都興趣不大 , 平時都係睇慣英文STORYBOOK, 幾厚都睇哂, 但係一講到中文就....... 而家最大問題係, 剛升上中一, 果D歷史人名, 地方名, 我係家長連廣東話都要查字典點讀, 小朋友就更不在話下, 所以阿女一味同我講"好深呀, 無興趣呀, 又多野背, D字又難寫" , 我就同阿女講, 其實中史不外乎都係要背野, 我不如買本好的中史書/精讀書, 我在家用廣東話教你啦..........其實無咩得別需要一定要跟學校用普通話啦, 其實我咁做好唔好呢? 大家有無類似經驗? 又有無好的中史書/精讀書介紹下?

妹妹頭

9284 發表於 20-10-7 16:20
本身阿女對中文任教的科目都興趣不 , 平時都係睇慣英文STORYBOOK, 幾厚都睇哂, 但係一講到中文就....... 而 ...

學校用邊個出版社?

gracelam

9284 發表於 20-10-7 16:20
本身阿女對中文任教的科目都興趣不 , 平時都係睇慣英文STORYBOOK, 幾厚都睇哂, 但係一講到中文就....... 而 ...

沙田蘇淅？？

中史自己用廣東話記住，都係人物/時間/地點/發生原因，經過及結果。

初中中史一般唔洗用精讀書。

9284

回覆 妹妹頭 的帖子

我今晚返去睇下先, 總之佢本中史書, 入面D字密到我都唔想睇

9284

回覆 gracelam 的帖子

不是沙蘇, 大圍龍校, 出版商排版好有問題, 佢本中史書, 超級唔INTERESTING, 我見到也叫救命, 另外問題就係普通話教, 就更加唔INTERSTING到極點
想當年, 我自己都係讀理科, 對中西史, 地理等科目完成無興趣

gracelam

9284 發表於 20-10-7 16:42
回覆 gracelam 的帖子

不是沙蘇, 大圍龍校, 出版商排版好有問題, 佢本中史書, 超級唔INTERESTING, 我見到 ...

估唔到呢間中學都係普教中史，咁唯有克服佢

中史科好睇老師，我女初中老師教得好生動，所以由抗拒到鍾意，不過佢地用廣東話教。

9284

佢用普通話教我一D都唔意外, 講真, DAY ONE 入去讀小學已經知佢地係英普學校, 只不過當時唸住小學D科目, 難極有限, 就算佢唔識, 我返屋企教佢都得, 但係而家講緊係中史, 我自己連D人名, 地名都未識讀, 連我自己都有少少抗拒, 更何況中一仔, 我昨晚同佢一齊睇本中史書, 咩野"禪讓", "共主", "良渚" , "毫" 我都R哂頭, 所以我想問下有無D咩出版社的中史書/精讀書, 可以令小朋友提高返D興趣, 由淺入深, 幾廿個皇帝名, 幾百個地方名, 幾萬件歷史事件, 我都想喊呀

gracelam

9284 發表於 20-10-7 16:57
佢用普通話教我一D都唔意外, 講真, DAY ONE 入去讀小學已經知佢地係英普學校, 只不過當時唸住小學D科目, 難 ...

YouTube有"中國通史"睇，之前响TVB播過，由夏商周開始到清朝定民國，深入淺出，有個概念讀起嚟易明D。

王家爸爸

喺香港學中國歷史，無論興趣唔大或者興趣太大，都係問題。現階段，其實主要係當故仔聽，用睇小說既心態，包保無壞。

Yanamami

中史又唔考會話，自己背哂本課本，識寫尐字咪得，總之識答卷咪可以，理得尐字点讀吖~老實講，就算廣東話，好多人名地名我都唔識讀，有边讀边，乱黎~

王家爸爸

9284 發表於 20-10-7 16:20
本身阿女對中文任教的科目都興趣不大 , 平時都係睇慣英文STORYBOOK, 幾厚都睇哂, 但係一講到中文就.......  ...

用普通話學歷史又唔係問題，問題係小朋友既普通話好唔好。如果唔好，其實當學普通話都無壞既。
坊間有唔少好既中史書，不過角度未必係學校想要既。如果係我，我會幫佢睇一次學校用既書，然後將重點整理，等佢用囫圇吞棗既方法照背，胡混過關就算。

王家爸爸

gracelam 發表於 20-10-7 17:52
本帖最後由 gracelam 於 20-10-7 17:53 編輯

YouTube有"中國通史"睇，之前响TVB播過，由夏商周開始到清 ...

夏商周到唐朝可能可以，宋元明清同埋之後既，就需要小心。

gracelam

王家爸爸 發表於 20-10-7 18:16
夏商周到唐朝可能可以，宋元明清同埋之後既，就需要小心。

我睇到唐之後冇睇

SLHongkonger

初中的中史 基本上可以當係自修科
自己睇書 純背書就得
黎黎去去都係問個d
各朝各代 興衰史 發生過咩大事 死記死背就攪掂

王家爸爸

SLHongkonger 發表於 20-10-7 18:22
初中的中史 基本上可以當係自修科
自己睇書 純背書就得
黎黎去去都係問個d

正常係，例如漢朝既戚宦循環。

王家爸爸

gracelam 發表於 20-10-7 18:18
我睇到唐之後冇睇

唐之前既其實無太大爭議性；之後就麻煩啲，淨係元、清係invasion、兄弟內鬥，定係其他，可能都需要北望，睇最新風向先好答。

little_yolky

9284 發表於 20-10-7 16:57
佢用普通話教我一D都唔意外, 講真, DAY ONE 入去讀小學已經知佢地係英普學校, 只不過當時唸住小學D科目, 難 ...

係咪「亳」呀？唔係毫呀，少一畫的。

拿，你做家長都話難話悶，咁小朋友點面對呢？我覺得用廣東話同佢講係OK既，我同阿女講時，佢聽到好開心，笑到卡卡聲㗎！當然，你自己要先做功課，溫一次先啦

little_yolky

王家爸爸 發表於 20-10-7 18:13
用普通話學歷史又唔係問題，問題係小朋友既普通話好唔好。如果唔好，其實當學普通話都無壞既。
坊間有唔少 ...

樓主本書良渚都講，可能係大陸中史教科書，好嘢嚟。我哋香港果D唔好話新石器，連三代都係咁E瀨過就算，薄古厚今

王家爸爸

little_yolky 發表於 20-10-7 19:54
樓主本書良渚都講，可能係大陸中史教科書，好嘢嚟。我哋香港果D唔好話新石器，連三代都係咁E瀨過就算，薄 ...

古代史，大陸書其實唔太差既。

little_yolky

王家爸爸 發表於 20-10-7 20:20
古代史，大陸書其實唔太差既。

大陸D中史教科書質素好好，好貼近新材料。不過排版係老套D。