95 網

Wonderlady

今日係公園，聽到三個媽媽，講升小一，話中意循道，宣基。田家炳都難抽。本來幾中肯。但一講馮晴，好似好激動，話我一定唔會填馮晴，抽到都唔讀。

其實我不只一次聽到身邊D人講馮晴，其實佢係咪真係咁乞人憎？如果馮晴教師或校長有幸睇到，相信真係要積極改善下公關形象。

lhyxxx

Wonderlady 發表於 17-10-10 00:30
好清楚喔，謝謝你的分享！

其實綜合咁睇，馮晴是間好有理念的學校。真係唔錯。好多學校都有精英班，包括 ...

我相信樓主只係純綷分享討論喔。
如上面講，有精英班自然有非精英班，目的係因材施教，對弱學生反而係一種照顧。但好多家長心理上過唔到「比下去」嗰關。其實小朋友嘅圈子好單純，咩班都會一齊玩，一齊課外活動，大人唔成日提成日比較佢地對其他人成績根本唔太在意。

HK-MAN

lhyxxx 發表於 17-10-10 17:00
在2011年嘅視學報告（校網可下載），教局讚揚馮晴嘅分層教學十分出色。
過去數年我向大囡詢問上課時情況， ...

你誤會冇精英班了....混合班上堂係學啲適齡既野,不會教快.太家互相學習,至於當中的精英,在課外給予增潤及提升. 所以課堂上大家唔應該出現大差誤..當然,若你說弱者連適齡既課程都感吃力,唯有自己努力了..

lhyxxx

湘 發表於 17-10-9 19:17
出席過宣基和馮晴簡介會。馮晴最大嘅不同是分層工作紙、不同能力學生做不同工作紙，而且小三已經分精英班， ...

在2011年嘅視學報告（校網可下載），教局讚揚馮晴嘅分層教學十分出色。
過去數年我向大囡詢問上課時情況，知道老師其實較多照顧弱組嘅學生。

我自己經驗，有精英班其實對偏強同偏弱嘅學生都有好處。因為有精英班自必然有非精英班，堂課/功課淺D少D，母須經常面對精英小朋友直接競爭，小朋友容易做出信心，可以一小步一小步積少成多。最終佢未必考到精英班嘅9X分，但佢有多D心機向住7X/8X分努力。相反，長期混合班會逼使弱學生（及其父母）死追落後，未夠能力又要做同一LEVEL功課，又不斷追唔到會幾辛苦。我覺得混合班適合中游學生多D。

我可以非常肯定講馮晴並非實行「淘汰制」嘅學校。官津小學不能控制收生質素，所以能力高中低嘅學生大約各佔33%，但6年後BAND1/2/3比率是55%/37%/8%（粗略，近幾年計），係有明顯正增值嘅學校，如果只係一味不達標就放棄弱學生，係不可能有此成績的。

T96

樓主聽人咁講就開Post

kk1186

回覆 Potato001 的帖子

請問你有冇聽宣小校長的報告, 可否分享?

apple~y

Wonderlady 發表於 17-10-10 00:30
好清楚喔，謝謝你的分享！

其實綜合咁睇，馮晴是間好有理念的學校。真係唔錯。好多學校都有精英班，包括 ...

其實學校都係小三開始得一班精英班(呢班學生學校預外闖),其餘4班隨機編班,無再分次精英,普通班
個小一執筆工作坊係親子形式上,輕輕鬆鬆學下正確執筆姿態,無硬性規定一定要參加,都有家長無空唔來
其實好多大人,小朋友包括我,執筆姿勢唔正確


我覺得最重要最重要遇到好老師用心教好學生
佢地係學校對住老師時間最多,老師角色好重要
我地group家長個個都讚班主任好,有咩問題快速搵家長跟進,當然家長要願意同老師溝通,家教合作,
連小朋友都話老師好好
功課量唔多,9月無測默,呢個星期第一次中默
英文有教phonics
老師叫家長默書唔使太緊張,小朋友肯溫下合格唔難
學校比足夠時間小朋友慢慢適應,唔會一開波就谷
聽女說英文和普通話堂老師講小小中文怕同學聽唔明

Wonderlady

Potato001 發表於 17-10-9 22:48
簡介會時，校長有好多統計圖，有幅學習金字塔講教學模式，如果單向教學，學生吸收到的好有限，但如果學生 ...

好清楚喔，謝謝你的分享！

其實綜合咁睇，馮晴是間好有理念的學校。真係唔錯。好多學校都有精英班，包括官立小學。所以好多家長一聽分班，即係好敏感。其實好普通的安排。

可惜始終受限於升中校網，好多叻仔叻女寧願跨區去讀書，朝朝天未光，要坐校車出將軍澳。如果升中可以多D保障，咁就更好了。

HK-MAN

Potato001 發表於 17-10-9 22:48
簡介會時，校長有好多統計圖，有幅學習金字塔講教學模式，如果單向教學，學生吸收到的好有限，但如果學生 ...

欣賞你打得咁詳盡,沒加多沒減少!

kk1186

回覆 IloveJJ 的帖子

請問宣基小學簡介會校長有什麼報告, 謝謝

Potato001

IloveJJ 發表於 17-10-9 11:41
請問你說馮晴校長的教學方式好科學化，是什麼意思?可否分享一下?

簡介會時，校長有好多統計圖，有幅學習金字塔講教學模式，如果單向教學，學生吸收到的好有限，但如果學生參與度越高，會記得耐啲，成效會較大。上課，閱讀，視覺聽覺，示範，討論，練習，教人，有埋實踐，隔一段時間後，仍然會記到7-9成。上課老師問問題，學生會懶冇人舉手答，但透過二人一分鐘討論，學生會保持警覺，溝通後保留到較多記憶。

透過服務學習，能實踐理論，學生要自己設計社區探訪，要和人溝通合作，互動。機會是留給有準備的人，遇有突發事情要自己應變。

星期五是多元活動日，一年有兩三次參觀，會請專業人士講講座，欣賞戲劇等。

校長亦提及學習曲線，要重複練習，所以功課很重要。學校調整了功課量，功課是自我管理訓練，鞏固學習，有回饋，令老師知道學生識唔識，老師會用文字鼓勵。中文作文，老師會寫意見，微批和鼓勵說話。

另外有講認知和理解是低階思維，應用和分析是中階，懂得綜合和評價是高階，高階思維才有創造性，但一般教學，課堂大部份時間都是低階思維，馮晴會著重中階和高階思維。

中文科小一小二用校本識字課程，學生認到二千字，會教部首配字，字卡，筆順訓練。小一暑假有親子執筆工作坊，請專家教家長和學生正確執筆方式。小一第三學期要看圖作文寫100字，有古文誦讀，要識背誦和講解。

學生每年背一篇文言文（文憑試12篇）,小三要識段落大意，有古詩冊每星期背一首，亦有圖書課。

學校不實行普教中，因為科學研究證明對提高語文能力冇幫助，小一小二會教普通話拼音，有獨立普通話科，會用普通話教體育和術科。

校長用很多數據來證明學校的教學模式有效，那些理論，在其他學校也有聽過，不過好少會講到咁白，做樣樣野都係為咗學習成績，好目標為本。

湘

出席過宣基和馮晴簡介會。馮晴最大嘅不同是分層工作紙、不同能力學生做不同工作紙，而且小三已經分精英班，能力最底那些學生，學校不會給予支援，只支援中遊小朋友。但大部份嘅九五區小學都講求合作學習，即是不同能力嘅學生混合在一起，強調人人都有潛能，人人都有機會，所以馮晴的教學方向和其他小學嘅方向是十分不同的，馮晴小學的功課和測考內容也比同區小學深和多，如果看重成績、小朋友能力也強，可選馮晴，但如果小朋友能力一般，家長嘅支援也不多，真的要想清楚。

Wonderlady

HK-MAN 發表於 17-8-30 14:48
開這POST既人為咗乜呢?放大那些大媽的說話...,呢類家長真係好可怕..

若可以透過討論，把這個訊息清晰，又有何不好？

若然坊間的說法是真的，讓區內家長早點知，不會做成錯配。但若果説法是假的，有其他jm 為之平反，加多點意見，又有何不妥？

Potato001

kinwlau 發表於 17-8-30 18:08
首先我覺得此標題不夠精準！不應單係 "95網" 而是係"95網 - 馮晴"會表達得好少少

我意見係馮晴係坑口區(甚 ...

區內最受歡迎的幾間學校，成績都幾好，但馮晴在全港排行榜的排名，是95網最前的（不過是否可信，沒有人知道）.

就中文科來說，宣基和馮晴中文都是較深的，可能因為粵教中，母語教學成效較高。

另外幾間較受歡迎的學校，都會說自己有好多課外活動，全人教學之類，但馮晴校長就好著重學業成績，連做運動都係為咗成績，因為可以刺激腦細胞，做所有野都係為咗有好嘅成績，可以入大學讀神科咁。

佢嘅教學方式好科學，亦好有效率，但太專注學業，未必個個家長都鍾意。

Chenglc

聽阿仔講呢位係創校校長，今年學校20週年，如果你話佢再過幾年就到退休年齡，我唔會覺得奇

TLHE

回覆 Wonderlady 的帖子

冇聽聞過这消息

cl919

將軍澳天主教又點呢？好少提到呢間學校