請教亞氏保加定義

creamyXDD

協康d姑娘好好，佢地會advise你。

juemilia

回覆 creamyXDD 的帖子

可唔可以講係邊一間機構呀? THANKS

creamyXDD

我小朋友有差唔多既情況。社交班係有幫助既，我地上過6、7個機構，最後揀個最夾佢既上足一年，表現進步很多，會懂得分享感受同主動要求別人關注，響街又會主動同陌生小朋友傾計，講下無聊嘢。姑娘有建議我地揀d包容性大d既學校，啓基、蔡繼有都可考慮，津貼學校都有一d，但都係band 2學校多。

juemilia

想問下我仔仔4歲, 3歲幾成日會打人又話佢講野唔叻(意思應該話佢有SPEECH DELAY), 學校叫我排睇醫生, 差不多一年過去, 己經無打人, 上星期去左沙田做評估, 醫生安排佢排早期訓練同排精神科, 寫佢全部野同年齡相符, 不過剔左佢有ASD, 佢話囝囝好有自己一套, 玩GE時候唔望人。其實我試過私人社交班, 但係覺得成效唔大。我想知呢個轉介係唔係代表小學要簡SEN GE 學校呢?

Monstereasy

原帖由 02110410 於 16-07-29 發表
我地好少接觸醫護人員。我係指家中長輩，甚至學校老師。

講真，學校老師好多都唔清楚各種自閉症點分，一張 ...

唔好話長老，連自己丈夫起初都唔知咩係自閉譜系or亞氏保加。

我都用左好長時間去教育丈夫，去觀察仔仔行為係出於曳定係因為唔識睇body language，聽唔明說話含意等。
其實無論係屬於邊一種，每個小朋友都有自己不同需要改進的地方，要針對行為改善。
加油！

irenelwl

回覆 02110410 的帖子

係丫，智力正常的a仔，其實唔係咁易分，係我地d照顧者日對夜對先會感受多一點。我仔日常生活接觸的普通班導師都唔覺佢係自閉，有d家長就話佢似過度活躍,。但去醫院做治療，d治療師就好到位，一擊即中，真係可以調教到我仔。

CALVEN

我小朋友前年在瑪麗確診，確診信係寫亞氏保亞症的。

佢無語言遲缓，中英文能力都好。

KCHK

樓主,通過入得來特殊版好多都係過來人, 可能佢地係怕你自己騙自己話小朋友係亞氏保加就唔洗做治療， 延誤左小朋友的治療。因為現在真係唔會咁樣分了。

piglet0529

原帖由 02110410 於 16-07-29 發表
我有問過醫生，佢一口就話睇我仔唔似資優。

加油! Pm左你

creamyXDD

依家有好多人講野好偏激，又唔諗下人地咩背景心情先講野，所以樓主你唔駛解釋太多了。我家下只會PM家長傾下，好少開post, 費事無啦啦俾人鬧，自己小朋友有問題已經好煩惱，冇必要再多悿。

irenelwl

回覆 02110410 的帖子

大家是否包括醫護人員? 我去到醫院, 我覺得有關D工作人員好叻, 對住DD仔, 一眼就捉到位~
是否阿氏,d個問題我都有問過CAC, 因為好奇~但當時做評估的CP, 佢無答也, 無你個醫生咁有定義~

而朋友個仔, 同期唔同地區做評估, 竟然括住係阿氏~ 同樣, 咩訓練都無幫小孩排~

我仔無上過S位, 早期一句排唔到又無幫佢排, 上緊醫院服務, 黎繄9月小一~

yl88

原帖由 02110410 於 16-07-28 發表
乾咳同寒咳都係咳，我要知係邊種咳先能對症下藥咁解，唔係邊個名好聽啲的意思。

個細女係典型自閉，一睇就 ...

你個仔也可能係資優喎
資優好多時社交都有問題。

legolas625

題外話，睇BK，發現有D家長好似好想自己小朋友歸為亞氏保加症，而唔係自閉症，其實唔係好明，咪都係自閉，如果是亞氏，自己會感受良好? 定講出黎無咁"難聽"? 幾年前已經

全部叫自閉譜系，已再無亞氏，細個SPEECH DELAY大個無，叫做追返能力。

我見過一個阿媽的仔已經快4歲，單字仲好少，行為明顯是A仔，比我仔差好多好多，仲同我講自己的仔係亞氏，唔係自閉，我聽到O哂嘴。

學樓上話齋，樓主不如花下心思幫下小朋友仲實際，名稱只是名稱而已。