小學升中分Banding機制: 弱勢學校的困局

hkpapa852

我所謂的「弱勢學校」，是指小學的小六畢業生能夠升讀B1中學比例較低的小學。

何謂我眼中的B1中學？可以參考這個帖的資料：
http://www.edu-kingdom.com/forum.php?mod=viewthread&tid=3241251

每年升小一，最後總有一批家長，自願或無奈地讓子女入讀這些「弱勢學校」，而我絕對相信「弱勢學校」有不少優點，例如對學生既關愛、功課量，都可能比地區一線小學，甚至名校做得更好。

我出這文的主因，是希望提醒家長一件事：「弱勢學校」在現行升中派位制度上所遇到的問題。

不少家長可能會認為，只要自己努力，找到一間適合小朋友既學校，不管是否「弱勢學校」，日後升中時只要做到第一組別學生(即坊間俗稱B1學生)便一樣可以容易入到較理想的中學。

可惜，這個想法在現行的升中派位制度，並不完全正確，甚至極難實現；因為現行升中派位制度，主要不是按照現有學生能力來為他們分配Banding，而是按照學校以前畢業生在「中一入學前香港學科測驗」(簡稱HKAT或Pre-S1) 的公開考試中的表現來決定。

現有小學升中機制運作大致如下：
1. 每次的雙數年 (如2010，2012)，當年小六畢業生在升中派位後一星期左右，便要在派獲/考獲的中學(直資和官津中學都要)參加「中一入學前香港學科測驗」 (簡稱HKAT或Pre-S1)。中學一般以考試成績為小一學生作分班之用，EDB就會收集此成績，用作計算各小學日後學生的banding歸屬。

   其實關於Pre-S1的安排，個人認為亦衍生了以下幾個問題：
   a. 派位後一星期便考試，如派位不理想，那叩門應該還未有結果，考生會以甚麼心態去考試呢？
   b. 雖然說Pre-S1用作中學分班試（也有中學不以此考試分班），但到底學生會有多盡力去考一個對他們沒有太大影響既試呢？

2. 學生在小五下學期，到小六上學期至學期中會有3次呈分考試 (其實亦是校內試)。每次呈分考試完成後，學校會將學生各科成績輸入EDB統一的呈分系統，系統就自動會為學生定出校內的呈分排名；

3. 教育局收到該小學校內呈分排名後，會再參照該小學畢業生對上兩次的Pre-S1成績，將相關名次的Pre-S1調整分配對予該小學的所有學生；EDB會對全港有呈分的小學作出相同運作，詳情可參考EDB的升中資料：2016升中派位組別分配解說 (Video)

3. 如是者，每次呈分後，教育局內部會定出了一個全港學生次弟(即全港性排名)和地區次第(即地區性排名)，然後再按次弟的優先序為全港學生定出全港性banding和地區性banding。

4. 因此，在弱勢學校中，由於過往畢業生在Pre-S1既成績較不理想，結果Pre-S1調整分會較差，導致學生能分配入B1組別機會降低，最後出現的結果是，能在升中時派獲坊間所謂B1中學的學生的比例亦會很低。

5. 結果，現在學生無論幾努力，都無法改變先天因素的影響(前人Pre-S1成績不理想)，全港/地區排名依然會是較低，即B1比例依然偏低。

除非該小學既學生在往後兩次的Pre-S1考得好成績，或同區其他小學都考得差，否則學校的banding比例好難會有改善。因要等到2次Pre-S1才有較明顯的結果，所以即是要等至少3年(因Pre-S1只在雙數年考)，即有三屆家長願意留守在「弱勢學校」，為學校爭取好的Pre-S1成績。

但，又會有多少家長願意呢? 所以不少子女就讀弱勢學校的家長，最終都會選擇中途跳船。結果，弱勢學校就像跌入一個無盡的循環。

正因升中制度目前是這樣安排，結果容易做成「強校越強，弱校越弱」這個惡性循環，甚至可以說是把小學升中的表現，推向一個「世襲」的模式。

我再重申一次，這篇文章的目的不是鼓勵大家不要讀一間你認為適合子女的「弱勢學校」，只是想提醒家長，如果子女在弱勢學校升學，應早點為日後升中作好準備，不要一廂情願以為，選到合適學校，做好自己就足夠了。

saiwanho

hkpapa852 發表於 16-6-13 14:21
係弱勢學校, 成績再好如果靠派位都係無乜運行, 早D操Fit D搏考到直資會好D

好中肯，也道出了現實！！！

tkinwong

原帖由 JadeW 於 16-06-23 發表
咁我又講返一個「個別個案」：
小朋友抽中了b1小學，但入到學校一年班已有不合格，父母急忙找補習、功課班 ...

你講的個案很發人心省，然而我感覺上教育王國的家長多是進取型，不然的話無須上來收料。

crystalwsm

5kin 發表於 16-6-23 11:53
熱門小學有幾「好」，冷門小學有幾「差」，
家長身邊大把人講，
讚多兩句/踩多兩腳只係鋤弱扶強嘅表現，

記得你提及過你囝囝就讀弱校，但名列前茅......自行QE都有得in，所以名中學會自行調整強弱校名次前列及名次中等的程度，請問最終囝囝派了邊間？可以入到QE嗎？

hkpapa852

ivycowcow 發表於 16-7-6 21:37
請問，小兒係一間新校的第三年畢業生，咁個banding又點計？

該校第一年畢業生是2021

請參考 #2 既資料

ivycowcow

請問，小兒係一間新校的第三年畢業生，咁個banding又點計？

該校第一年畢業生是2021
第二年是2022
第三年是2023

靚豬媽

謝分享！我新手家長，唔識個小學同升中當中嘅關係，而家明哂！好過睇天書。

yellowtiger

回覆 JadeW 的帖子

701003

原帖由 hkpapa852 於 16-06-23 發表
本帖最後由 hkpapa852 於 16-6-23 11:08 編輯

上有政策，下有對策！遊戲規則已定，穩中求勝，邊個唔想？係規則中變通，險中求勝都未定！未有親身經歷的家長，可以參考前輩意見，最好係已有子女經歴升小升中升大經驗的前輩

701003

原帖由 zanezane 於 16-06-23 發表
本帖最後由 zanezane 於 16-6-23 13:18 編輯

3線學校入band 1中學率。。。

可行！

Bobo1210

回覆 Samgorhi 的帖子

佢一線有資質，你仲係三線校讀，甘就哂左個小朋友！

marcuscyrus

原帖由 zanezane 於 16-06-23 發表
本帖最後由 zanezane 於 16-6-23 13:18 編輯

3線學校入band 1中學率。。。

自行一樣有小學因素，要睇呈分次弟，三線全級一有可能因為師兄姐ps1成績冇咁好而排得後過一線全級20（我只舉例，數字為老作）

qpalzm

Samgorhi 發表於 16-6-24 05:38
講咁多有鬼用，問吓個細路啦！三線又話入二線二缐又話一線一線就癡線⋯讀唔到咩都多餘！



  ...

得6歲咋喎...

JadeW

同意！知道玩法清楚選擇就好！
但不同取向的人不應輕蔑另一方，甚至說別死硬！這不是理性討論或讓其他人知道利弊的良好基礎。

zanezane

回覆 mcl203 的帖子

好同意。
只要知清玩法，做同自己價值觀夾嘅決定，be confident n consistent. 咁就好好。

睇咁多case都無太大作用，因家境，小朋友性格，同學校都唔一樣，成功背後付出嘅都唔一樣。
今日嘅成功formula, 他日也會outdated.可能成功只係暫時，副作用可能有但未黎。。。

我諗樓主原意唔想大家錯解情況，只不過係大家受壓太久而對某些字眼好敏感。總之家長唔易做，大家都想為小朋友好嘅。。

Yanamami

Samgorhi 發表於 16-6-23 12:05
一缐咁正，點會有人轉校⋯⋯點會唔掂？

百貨对百客而矣~~
－線係好，但亦有人会力有不逮跟唔上，錯配就自然有人走｡

点会讀唔掂？禁要睇好多方面，例如学生資質、学術根底、家庭培育支持度、性格……学校教就係－样禁教，當中总有人得，有人唔得~

就如投資一样，总有人進取，有人傾向保守~不过你投資得保本基金就勿望高回報好了~投資進取的，亦有人輸得焦头爛额，有人盆满砵满~

mcl203

JadeW 發表於 16-6-23 13:54
咁我又講返一個「個別個案」：
小朋友抽中了b1小學，但入到學校一年班已有不合格，父母急忙找補習、功課班 ...

最重要係有得揀....自己諗過...分析過又揀過....認為適合自己小朋友
咪堅守信念繼績向前行囉....只要係岩自己....又無須一定要跟大隊走~~~

最忌係自己已認定選擇正確....但又怨天尤人....就麻煩DD

zanezane

其實能力好嘅小朋友唔難由3線插班去重學術嘅學校，插唔到嘅好多時就係啱輕鬆課業，task簡單d嘅小學。
3線有存在價值，有d小朋友嘅強項真不在讀書，咁就好自然聚在某些學校。
知到制度上嘅現實真象好重要，只怕讀左6年一廂情願好fancy咁信d唔存在嘅野。

制度未必係好公平，但幸好仍跟足黎玩，我地先有基礎去為自己嘅小朋友打算。

而家香港有d野已唔跟規舉辦事，甚至十年後讀大學都唔係優質生活嘅金鎖匙，望都望呢個教育制度唔好咁快崩潰。(唔敢奢望改善>_<)