軼事一則，但看到他對地道粵語理解為零

stockmike

我一向會叫小二的仔幫手買嘢。有日去到車仔麵檔門外，我叫他一個人入舖幫手去買碗“兜鎚窩麵”，佢有懷疑但照辦，當然笑到我同老世七彩。打蛇隨棍上，我轉口要“鞋口鞋麵”，佢問乜嘢來，我立即整個 “鞋臉樣”，到佢笑到七彩。跟手講“貓麵”，佢問我點解？ 我一向意會， 差點唔識答. 原來我以為好普通佢知的嘢佢係唔識，又感受番小朋友是白紙，你敎佢 兜鎚窩臉 係You are welcome 都得。

Doray

anixon 發表於 16--24 08:30
我個女細個講嘢唔正，跟人叫「是頭婆」，講咗「是姣婆」。
我教極都改唔到，最後教佢叫人「靚女」。:happy ...

你個女勁搞笑，我地细個啲小朋友都會搞錯，嗌咗鼓油婆。

anixon

Jane1983 發表於 16-4-22 22:59
我女先好笑，有人係佢面前講「果d老嘢」，佢以為係「老爺爺」，我都無謂同佢解釋。 ...

我個女細個講嘢唔正，跟人叫「是頭婆」，講咗「是姣婆」。
我教極都改唔到，最後教佢叫人「靚女」。

Doray

我都有五分一係唔識，不過我都相信係關年紀同你細個身邊啲大人用幾多呢啲詞語有關，如果睇粵語長片多，就好多都識……

little_yolky

原帖由 Yanamami 於 16-04-22 發表
識哂呢度d, 已算唔錯~
01 上山捉蟹（難上加難）／02 鬼揞眼 ／03 有錢使得鬼推磨 ／04 鬼畫符 ／05 鬼拍後 ...

今次死了，我大部分都識，真係唔認老都唔得。部分可能已經變咗dead language。

MrBeast

唔介意的話可睇下ben sir

longlokma

但要小心初小的孩子太细，攪不清俚語/成語/古語的分別，作文時胡亂的用上了

MASAYA

Yanamami

識哂呢度d, 已算唔錯~
01 上山捉蟹（難上加難）／02 鬼揞眼 ／03 有錢使得鬼推磨 ／04 鬼畫符 ／05 鬼拍後尾枕 ／06 多個香爐多隻鬼  ／07 呃鬼食豆腐 ／08 扮鬼扮馬 ／09 放飛機 ／10 樹大有枯枝 ／11 床下底吹喇叭（低聲下氣）／12 佛都有火 ／13 老貓燒鬚 ／14 拉牛上樹  ／15 豬乸會上樹  ／16 開籠雀  ／17 兩頭蛇  ／18 床下底劈柴（撞板） ／19 玻璃夾萬（有得睇冇得使）／20 上面蒸鬆糕 下面賣涼粉 ／21 掛羊頭賣狗肉 ／22 大石砸死蟹 ／23 倒瀉籮蟹 ／24 賣魚佬洗身（冇晒聲(腥)氣）／25 煲電話粥 ／26 冬瓜豆腐  ／27 倒吊沙煲（窮到冇米）／28 十個沙煲九個蓋 ／29 刀仔据大樹 ／30 賊佬試沙煲 ／31 冇柄遮（死撐） ／32 甩繩馬騮  ／33 馬騮執到桔 （執到寶咁開心）／34 運桔 ／35 鬼食泥 ／36 盲公食湯圓（心中有數）／37 食拖鞋飯 ／38 食人隻車 ／39 食碗面反碗底 ／40 食死貓 ／41 放葫蘆（吹噓）／42 放飛劍（吐痰） ／43 企喺城樓睇馬打交（袖手旁觀）  ／44 飛象過河 ／45 事急馬行田 ／46 過橋抽板 ／47 和尚擔遮（無法(髮)無天） ／48 牛唔飲水唔撳得牛頭低 ／49 冇鞋挽屐走 ／50 馬死落地行 ／51 捉到鹿唔識脫角 ／52 一竹篙打一船人 ／53 缸瓦船打老虎（盡地一煲）／54 船頭尺（度水） ／55 黑狗偷食 白狗當災 ／56 豬籠入水（八面亨通） ／57 濕水炮仗  ／58 菠蘿雞（一味靠黐）／59 單眼佬睇老婆（一眼睇晒）／60 狗仔抬轎（不識抬舉）／61 畫隻耳上牆（當你耳邊風） ／62 摸門釘 ／63 狗咬狗骨 ／64 死雞撐飯蓋 ／65 炒魷魚 ／66 劏白鶴（湯白喝）／67 風扇底傾偈（講風涼話）／68 風吹雞蛋殼（財散人安樂） ／69 打蛇隨棍上 ／70 禾稈冚珍珠 ／71 雞食放光蟲（心知肚明）／72 冇厴雞籠（自出自入） ／73 籠裏雞作反 ／74 一雞死一雞鳴 ／75 老鼠拉龜（冇掟埋手）／76 扯貓尾 ／77 捉黃腳雞 ／78 貼錯門神 ／79 龜過門檻（唔上唔落）／80 騎牛揾馬 ／81 執死雞 ／82 水過鴨背 ／83 咁大隻蛤乸隨街跳

- 熱血時報網站連結 http://www.passiontimes.hk/article/02-24-2014/8899/
- Copyright © 2016

Jane1983

我女先好笑，有人係佢面前講「果d老嘢」，佢以為係「老爺爺」，我都無謂同佢解釋。

Yanamami

煲多d电視电影应該会好d......尤是周星馳同王晶果d

無知人

x口x面完完全全係粗口黎架C兄 !

Wonderlady

尼D俚語，俗語，一定要跟父母先學到，工人湊就乜都未聽過。

另外成口英文，自稱中文麻麻都唔會識。

小謙伯伯

等我都分享一下我那個七歲讀二年級的姪女小妹的一則「軼事」先。

月前有一天我慣常地帶著圖書館借來的書給小妹，在校車落點接她，陪她上樓。她進昇降機時不知何故大聲說了句「公公出宮」，雖然昇降機內沒有其他人，但因為小妹平時都慣了口沒遮欄，很多屎尿屁的爛gag的，加上我沒有看電視的習慣，不知她說的是一齣電視劇的名稱，還以為她說的是「外祖父如廁」(公公出恭)，就即時對她說：「呢度係『車立』黎架，唔好咁bad taste啦！」小妹登時大嗌：「我邊度有bad taste呀？我話公公出宮啫嘛！」

進屋後小妹就解釋說《公公出宮》是齣電視劇，講「身體的重要部位被剪左果d公公離開皇宮的故事。」我才意識到自己搞錯了。

回家上網查證之後，心裏很不舒服，隔天還是打了個電話給小妹，向她道歉：「伯伯唔啱，唔應該乜都唔知，就話你bad taste，搞到你唔開心，伯伯宜家同你道歉。」電話卻傳來小妹落落大方的說：「唔駛啦，我都無唔開心，算啦，唔駛道歉啦。」反而安慰翻我轉頭，真是抵讚。

neko1234

唔識

wan_sosin

原帖由 stockmike 於 16-04-22 發表
個次佢反而好開心，真的可能有啲粗丕。

教佢兜口兜面，乸口乸面會唔會斯文D?

stockmike

個次佢反而好開心，真的可能有啲粗丕。

longlokma

原帖由 MASAYA 於 16-04-22 發表
老實講，適當時候適當場所教俚語，應該好易明，否則你玩佢，佢會覺得自己好多野唔識，人地講乜都唔知，有害 ...

我反而認為同小一小二講呢d什麼兜槌窝脸比較粗俗，唔太恰當。

MASAYA

老實講，適當時候適當場所教俚語，應該好易明，否則你玩佢，佢會覺得自己好多野唔識，人地講乜都唔知，有害自信喎

stockmike

我試過好認真解釋 火燒旗杆 同 啞子吃黃蓮，時候未到，講極都唔明。