有無自閉小朋友語言能力都好好?

wendyb1121

懷疑27個月女女有d自閉,有自閉徵状。譬如情緒失控，鐘意将玩具分類排一排，對唔熟悉既人講野無眼神接触，鐘意自轉，唔會同同輩玩，鐘意自己玩。去游樂場凈去執樹葉，花，樹枝，出街就吵要返屋企... 不過語言同認知能力好好。

yl88

原帖由 chanyuen2012 於 16-02-15 發表
通常佢地嘅語言理解比較慢，其實佢答覆你唔食飯就無奶飲，好明顯佢唔明點解你仲唔開奶比佢。我仔果時被cac ...

我仔2歲半了，都未講野但佢句句都聽得明的
真係好氣餒

Raymondautism

自閉症人士的語言發展有快有慢。遇過一位成年人完全不會發聲表達自己，雖然他間中會用手指指示想要的東西，但多數情況只會呼喊或拍打自己的頭部，要身邊的人猜測他的需求；有些學生兩歲多已經會用三四個字的短句說話，雖然他們懂得說話，卻不會適當運用口語溝通，例如有一位學生，上廁所時會對媽媽說：「你要飲水！」令人摸不著頭。

KidBuddy

回覆 wendyb1121 的帖子

以上多位家長已經畀咗好多好建議了希望樓主可盡快為囡囡安排評估及治療，而不是一般化的社交小組。

2013年後各個先進國家已按最新的DSM5手冊不再有亞氏保加症這類別了，只用自閉症譜系障礙，嚟說明小朋友在固執重複行為及社交溝通兩大方面上徵狀的多寡。唔好只用語言好不好來自行定奪小朋友是否有自閉症。

其實言語是溝通的重要條件，除包括大家較易察覺嘅發音，詞彙，句式發展外，仲包括很重要的語言運用。小朋友在一般场合極度堅持己見又未能明瞭同齡小朋友都可以明瞭嘅社交互動潛規則時，必定會造成很大的困難，不是ㄧ般化的照顧可以改善問問題，希望囡囡快些得到評估後得到語用行為上的治療，現時樓主也可多了解過來人在家中成功幫助孩子的分享，加油！

irenelwl

自閉症患精神病機會較大，真係從小介入好好多，大左好難搞。

rose-mag

irenelwl 發表於 16-2-16 16:50
回覆 rose-mag 的帖子

香港無左阿氏d個terms了。同埋我發現高功能自閉都好易被人忽略，我好似你咁硬係覺得 ...

係呀，高功能自閉嘅表面冇咩嘢，樣又睇唔出，通常因為情緒控制差，容易俾人標籤為百厭頑劣，我不只一次俾其他家長話我點解唔教仔，試過有幾個男仔不斷語言挑釁，我仔已經想走，但有兩個捉住佢，佢係好驚喊晒，最後要出手打人至走得甩，咁之後就有家長投訴話我仔打佢仔，又話見到有抓傷痕，點都一定係我仔唔啱，校長同佢理論，話我仔係自衛，唔通企喺度俾人蝦？個家長唔肯承認佢個仔有問題（已經唔係一次半次蝦人，佢專搵D純嘅或特殊需要學生去蝦），仲話佢仔係angel，咁我地都冇計，唯有教個仔，走得就走，一係大聲求救，唔好去D較靜嘅地方。

我仔真係搞咗好耐至確診，好多人質疑我，有D仲話我痴線，唔通想個仔有問題至心熄，聽到醫生講個報告後，我有種如釋重負感覺，終於知道咩事，咁下一步就有方向。

我有個親戚由細到大讀書都好叻，但係唔多講嘢唔鍾意見人，就算係我親戚，去佢屋企拜年咁多年都係見過佢幾次，成年後更加一次都冇見過，成日喺房入面。大學畢業後冇點做過嘢，個人冇目標冇朋友，佢係高中時確診其實有自閉症，就係因為聰明讀書叻，一路都冇懷疑佢有問題，但明顯係社交嚴重出事，終於廿幾歲走上自殺之路，因為覺得生無可戀，父母係好錫佢，為佢駛好多錢去搵醫生搵輔導，又陪佢去上堂去各種不同嘅camp呀workshop呀，只要佢想，父母就點都會順住佢，當個仔有自殺念頭，兩公婆真係輪流陪佢，同佢傾過好多次，表面上佢冇咩嘢，但後來係嚴重抑鬱。。。父母相信如果早D知道個仔嘅問題早D幫到佢的話，唔會要白頭人送黑頭人。

irenelwl

回覆 rose-mag 的帖子

香港無左阿氏d個terms了。同埋我發現高功能自閉都好易被人忽略，我好似你咁硬係覺得個仔有d唔妥，都搞左好耐先確診。另有幾個朋友都係小朋友學習唔太差，都很遲先發現，有1個到中學先知。學你咁講，知佢問題係邊，就幫佢個加強，證實如否其實方便小孩拎其他學習支援吧了，相對香港d方面的援助都唔強。

rose-mag

自閉症嘅spectrum好闊，我仔同你個女應屬差不多。我仔講嘢冇問題，正常學習進度，但去到三歲幾四歲我覺得有D唔妥，佢會將成句次序掉轉，個個字都識但砌埋就唔係完整一句。於是申請做評估，評估咗三次都話冇問題，話原因係我地係雙語家庭（P.S. 我住美國，我老公講英文，我講廣東話），但我覺得唔係，因為仔仔行為上都有其他嘢：玩車仔時要向一個方向同次序排，我專登掉轉頭或換其他方式，佢一定要按佢個方法排；出街行開一條路，如果行第二條，佢會講NO，會不安；鍾意玩積木，可以自己玩幾個鐘都得；食嘢又好揀擇；好多嘢都好固執。

後來我申請做一個詳細評估，包括自閉及強逼症（因有學校社工懷疑我仔有強逼症），最後報告出嚟，我仔被評估為自閉譜系，5個自閉特徵有3個，其他兩個唔達標，醫生解釋俾我同老公聽，自閉係一個spectrum，有人喺一邊典型自閉特徵，唔講嘢唔鍾意人掂佢唔望人。。我仔係另一邊，有人會叫高功能自閉（但唔係阿氏保加，雖然特徵似），佢會講嘢，仲要好多嘢講，狹窄興趣，佢鍾意果D佢會做得好好，記得好多，佢仲好鍾意人抱佢（當然唔係個個都鍾意），脾氣唔好，當人唔明佢講咩佢就會發脾氣，但佢一D都唔蠢，學校功課數學佢好好，但閱讀理解就唔係太好，好多時冇分就係因為唔理解題目，我試圖培養佢睇書興趣，但佢唔多鍾意故事書，但成本兩吋厚嘅有關太空、科學、建築嘅書佢就好鍾意睇，電視節目有關呢D題材佢記得晒內容。。。

不過最大問題係社交，因為表達能力同理解能力都唔好，佢喺學校俾人排斥，冇咩朋友，呢樣係最可惜，我仔好肯幫人，又鍾意幫老師做嘢，好多小朋友唔鍾意做果D佢會幫手，所以老師同校長都錫佢，但同輩朋友就真係冇幾多個，同班同學覺得佢怪，思想上佢比同齡遲一年有多，而家就10歲，其他男同學已經人細鬼大，同女生講M講身體結構，我仔仲係講緊玩咭game。

仲有一樣答番你話自閉語言能力會唔會都好好，係會嘅，我仔5歲入小學，老師教Phonics，我仔係屬於學得快學得好嘅頭幾個，老師同我講我仔語言學習冇問題，但表達同理解係另一回事，相對我個女，我女語言能力同寫作閱讀能力比哥哥高好多，我女細我仔年幾，但寫作/閱讀同理解都比同齡高。

個人理解，自閉係一個範圍，個個小朋友情況都唔同，作為父母應該最清楚自己小朋友邊D方面強邊D方面弱，搵方法幫佢就得，我唔理我仔係自閉定阿氏保加，只係針對佢問題去搵治療方法。BTW，你女有冇感統問題？大小肌肉協調點樣？我仔係大肌肉麻麻，所以平衡差，成日撞到人，但小肌肉異常好，3歲佢已經揸螺絲批自己幫D玩具換電池。

iamadc

原帖由 wendyb1121 於 16-02-13 發表
好固执。譬如如果返到屋企樓下，就一定要叫個伯伯開門，如果她未講到句野，門已經開左，就會發癫大喊。要關 ...

我個仔細時都係，要自己按密碼，點知有人開了門，佢好似programe hang 左大哭。慢慢明白唔可以同佢作對，要同佢講媽媽明白你好想自己開門，但比人開了所以好失望，佢慢慢才可掌握自己的情緒，因為這類小孩子本身唔太知道自己的emotion 更不會表達，加上固執，好難當下叫佢停就停

認字大超前，但理解能力慢，所以閱讀功能高，但效能低。有老師講過這些小朋友覺得自己已識讀，點解你還要不斷問我，而且佢認得太多字，識多個都唔會特別開心，但其他小朋友就可能每讀多一個字都會好開心。加上亞氏本身唔係太明白其他人的心意，所以亦令佢理解不到故事的意義。

chanyuen2012

原帖由 wendyb1121 於 16-02-14 發表
我日日對住她真係好累，日日挑戰我EQ耐性。我怕左帶她出街，係街會突然發癫，加上宜家上網好多人平論小朋友 ...

通常佢地嘅語言理解比較慢，其實佢答覆你唔食飯就無奶飲，好明顯佢唔明點解你仲唔開奶比佢。我仔果時被cac評左言語理解只得1歲至一歲三個月(見姑娘時已經兩歲多啲返緊N班)，你多啲陪佢一齊玩煮飯仔，仲要搵啲公仔一齊玩，扮下煮野食時沙沙聲開火聲要加咩調未切菜菜等等，透過遊戲教佢去思考，係非常有幫助嘅遊戲。仲有，唔好一做錯就話佢，你可以用提問方法引佢去諗下架，例如佢推你，你可以先扮下喊，話好唔開心，問下佢點解你會推我嘅？推人又啱唔啱架？噢原來推人會令人痛會令人唔開心嘅，等佢明白原來要學下感受，表達，原諒等等，加少少表情比佢知道一下你感受，希望哩啲可以幫到你少少，另外你亦可以上you tube打 亞氏保加，其實有好多資訊講解，其中有個影片係一個區議員請位教授講解，我覺得睇完令我明白多一點仔嘅情況。你試下搵下吖

chanyuen2012

原帖由 wendyb1121 於 16-02-14 發表
她同識既人就有眼神接触。如果唔係太熟嗰d，叫她講hello 就會低頭望都唔望。同埋她好鐘意講同問重覆既野， ...

通常佢地嘅語言理解比較慢，其實佢答覆你唔食飯就無奶飲，好明顯佢唔明點解你仲唔開奶比佢。我仔果時被cac評左言語理解只得1歲至一歲三個月(見姑娘時已經兩歲多啲返緊N班)，你多啲陪佢一齊玩煮飯仔，仲要搵啲公仔一齊玩，扮下煮野食時沙沙聲開火聲要加咩調未切菜菜等等，透過遊戲教佢去思考，係非常有幫助嘅遊戲。仲有，唔好一做錯就話佢，你可以用提問方法引佢去諗下架，例如佢推你，你可以先扮下喊，話好唔開心，問下佢點解你會推我嘅？推人又啱唔啱架？噢原來推人會令人痛會令人唔開心嘅，等佢明白原來要學下感受，表達，原諒等等，加少少表情比佢知道一下你感受，希望哩啲可以幫到你少少，另外你亦可以上you tube打 亞氏保加，其實有好多資訊講解，其中有個影片係一個區議員請位教授講解，我覺得睇完令我明白多一點仔嘅情況。你試下搵下吖

wendyb1121

原帖由 HopeLJ 於 16-02-14 發表
明德（http://cdchk.org/）
監謢者 （http://www.watchdog.org.hk/）
Serve English community.  Hope it h ...

Thank you!

HopeLJ

原帖由 wendyb1121 於 16-02-14 發表
Hi,請問有無社交班係用英文上?因為小朋友母語英文，中文唔係太聽得明，怕同老師溝通唔到



  ...

明德（http://cdchk.org/）
監謢者 （http://www.watchdog.org.hk/）
Serve English community.  Hope it helps.

wendyb1121

原帖由 Catcattherine 於 16-02-14 發表
去做評估，再搵下社交班上，

Hi,請問有無社交班係用英文上?因為小朋友母語英文，中文唔係太聽得明，怕同老師溝通唔到

wendyb1121

原帖由 Catcattherine 於 16-02-14 發表
有時情緒來果時真係...唉..，特別係街度，我果個都係，另外有個建議比你，可以帶d糖or 玩具出街，都有用



  ...

我女發起癫上來，玩具糖咩都唔要，凈係要自己要既嗰樣野。特别係扭抱，一步都唔肯行。我抱到手痛又痹，同她講，理得我，反正就一定要抱。坐車又唔肯，會開安全帶自己落車，到时又要抱，又要推車.....

monlingling

原帖由 wendyb1121 於 16-02-14 發表
我日日對住她真係好累，日日挑戰我EQ耐性。我怕左帶她出街，係街會突然發癫，加上宜家上網好多人平論小朋友 ...

我成日都好驚俾人拍片放上網，阿囡癲起上黎真係瘋狂！

wendyb1121

原帖由 chanyuen2012 於 16-02-14 發表
似亞氏保加，打去健康院講返你情況請姑娘安排約見醫生做評估吧，唔好遲，我仔都係亞氏，真係要好考你耐力智 ...

我日日對住她真係好累，日日挑戰我EQ耐性。我怕左帶她出街，係街會突然發癫，加上宜家上網好多人平論小朋友係街發癫既問題，好多都話想車個小朋友同個呀媽，話無家教。其實他們唔明。