想自己教乘除數-求方法

cindyyip21

小朋友k2，想學乘除數，如果想自己教，有咩方法易明?或有咩教具教材合適，求分享，謝謝

識加無聊

stockmike 發表於 16-2-1 13:20
我以小學過來人同你分享，數係要明，唔係背。孩子夠鐘就識背乘數表，不用著急。就算幼稚園識乘數表，只可讚 ...

十分同意

helenfan888

回覆 stockmike 的帖子

非常認同您的講法

stockmike

我以小學過來人同你分享，數係要明，唔係背。孩子夠鐘就識背乘數表，不用著急。就算幼稚園識乘數表，只可讚記憶力好，想第日小學數好，應先陪養中英文讀字能力，有啲題目好 tricky，先再想方法訓練數感. 想知佢數感好唔好 ？教佢玩下啤派可見一二。現在用背數時間講多啲故仔書會更好。

wing214

好叻叻，我仔都係4歲，讀eye level數學咋，進度幾好，我覺得數學除咗一般計數，critical thinking都重要，當然練習都需要，真係會越計越快

mlovho

好方法

iamadc

我去年在書局買了個乘數按鈕機。其實只係乘數表，但可以按一個鈕才顯示數目。一個月後，亞仔就背了一至五的乘數，並可回答相對應問題，如3個小孩子分15粒糖，可以分到幾粒。當時K2.頭 其實我都無理過佢，佢就自己背了很多乘數，而且回答到乘除問題，奇妙之處係有日放工返栰，見到佢在白板寫下9和6的倍數，又同我講其實8的倍數佢都背了。我相信如果小朋友有天份，係唔須要特別教。佢又自己搞正負數，可以寫出數列，如温度由30度畫到-30度，每10度一刻。佢會走去問其他小朋友1-2係乜，人地返問佢係唔係講2-1？佢會大人地話負1囉！:;pppp:

Queeniebaby

有片教的....去YOUTBE找找

小曳人

chowTY 發表於 15-11-15 13:01
請問什麼是9乘法手號？

拿出雙手，手板向自己
9x1 = 屈左手大母指 (左起第一隻手指) = 剩9隻手指
9x2 = 屈左手食指 (左起第二隻手指) = 1 + 8 隻手指 = 18

9x3 = 屈左手中指 (第3隻手指) = 2 + 7 隻手指 = 27

如此類推
希望你明白我講乜啦....

chowTY

原帖由 小曳人 於 15-10-09 發表
試試認識蒙特梭利嘅教學，如果有興趣嘅話，學數學概念幾好架！
我自己就會貼乘數表poster响阿仔房，用蒙教 ...

請問什麼是9乘法手號？

chowTY

請問什麼是9乘法手號？

cindyyip21

無可能樣樣都叻嘅，我都係睇佢想知咩就教咩～有時都會諗佢究竟明唔明，但唔采佢又怕錯過左佢對個樣野嘅熱情。
不過，講到底，待人接物，自信，人際關係，律己先可以係社會生存到。共勉。

elmostoney

唔好氣餒, 其實到你個小朋友越大, 你越會發覺好多野唔係你肯花時間就可以做得到, 要睇小朋友資質同性格.

未出世前, 個個都話只想個bb健康. 到出左世, 就會想點令個小朋友有"競爭能力".  學科同其他小朋友比, 又要學游水4式 (仲要係6歲學識哂!), 又要學樂器, 一陣又話畫畫跳舞, 分分鐘仲要加多樣運動, 小朋友非超人, 大人都冇佢地咁忙啦.

我又冇去到咁盡, 但大女5歲前, 都試過好多野, 佢數都係麻麻, 一來係領悟力, 二來係興趣.  而家大大下, 我發覺自己都要慢慢放鬆, 唔好要求小朋友樣樣掂, 比自己同個細路壓力都太大.  大女好鍾意睇英文書, 寫作都唔錯, 而且好獨立, 好識照顧自己; 細仔數同中文都唔錯, 記性好, 但唔多睇書.  我而家要求就係非佢地專長的學科叫過得去就算, 叻個d, 佢地有興趣, 咪再鼓勵下. 如我個仔數唔錯, 我唔比佢出去外面補, 有時間咪自己教下佢, 有時比d練習佢. 大女睇書 (佢地讀國際學校, 佢九歲, 學校測試, 佢有12歲reading level), 我就鼓勵佢參加校際讀書比賽(battle of the books, 由高小開始有比賽, 學校組隊, 每年睇指定的20本書左右, 再去參加問答比賽).

就算大人, 都非完人啦. 所以放鬆d, 我個女都返左幾年montessori, 唔係佢杯茶, 佢係個藝術型人, 所以我都由佢自己發展. 而家連跳舞樂器都冇學, 係去畫畫, 佢鍾意煮食, 自己睇食譜, 焗下野, 煮下飯 (西餐).  上個月一星期term break, 佢一星期係屋企煮左4餐lunch.  呢d唔係學術, 但對培養小朋友自信, 組織同獨立能力都好有幫助.

konew720

原帖由 elmostoney 於 15-10-09 發表
本帖最後由 elmostoney 於 15-10-9 11:48 編輯

點解咁細要學?  就算係主流學校, 好似到2年班先學乘數的, ...

我都好鍾意Montessori math既教法，打好個基礎，之後難既都好快上手。不過我囡囡對數冇興趣，令我好氣餒。

cindyyip21

回覆 HaYi 的帖子

我教我仔加減數的方法都係eye level個職員教我(不過無參加佢課程，因為唔岩)

HaYi

我大仔細時有學eyelevel  (個時叫enopi ), 最初都是用些數粒, 幫小BB發展數學的概念. 依家我細仔剛開始學(4歲), 只是單位加法.   

Jjchow2015

Thanks for sharing!

elmostoney

我冇特登為學數學去上montessori, 我個仔由1.5歲~4.5歲都係返Montessori, 未返過其他幼稚園.  如你只要學蒙數, 可試Little Montessorian, 佢地以前有數班.  不過始終一星期上一兩節課, 同我個仔返足5日唔同, 我相信理解同進度始終同5日班有差別.  如你想用Montessori 教具, 都要學下.  佢地數的教具好多,  我個仔係由最基本的 分類, 數棒開始 (1.5歲至2.5歲), 3歲開始已學緊數和量的關係, 數值等(萬, 千, 百, 十, 個). 四歲前已做緊四位加減概念, 包括進立借位.  4歲半時離開, 剛開始學除數概念.　如自己家教，當然唔洗好似教室咁齊，自己揀啱用的買．

點解係概念? 因為佢唔識用紙筆做, 一定要用教具做先識.  佢離開後, 我都冇谷佢, 基本上都係自由發展, 冇出去補過數.  係家姐背乘數表時, 順便叫佢一齊背埋 (5歲半).  佢唔係物野數學天才, 但因為本身有興趣 (由六歲開始，佢係街見到xx店話since邊年開業, 會自已心算, 然後話:原來係xx年前開的. 超市單據同的士咪表佢一樣有興趣, 時間佢會自動加減同數, 如"你去左47分鐘"). 我冇特別教佢, 所以佢唔會比同學超前好多, 係加減乘除, 除左除之外, 加減可做多位, 乘我冇試過做更多, 最多都係比4位x4位佢自已練下, 通常都係幾題. 除都係佢剛7歲時教（佢年底８歲）, 因為乘數熟, 除數係調轉, 根本唔洗教.  係教佢長除同餘數.  反而我會叫佢做下心算 (2位x單位, 2位和單位三四個數混合加減) 因為我唔係狂操, 所以佢做得唔算得別快.

其實數學的含義很廣, 舊年老師同我講, 佢rounding numbers有問題, 我自己都同佢補左一下 , 教佢round 到6位我就算了 (如999,951, round to nearest 100 --- 呢d就同數數有關).  識加減乘除, 只係其中一部份.