想自己教乘除數-求方法

cindyyip21

小朋友k2，想學乘除數，如果想自己教，有咩方法易明?或有咩教具教材合適，求分享，謝謝

elmostoney

點解咁細要學?  就算係主流學校, 好似到2年班先學乘數的, 就算勁d的學校, 都要去到1年班下學期先教. 係咪去到4位加減都識? 去到4位5位中間隨時數數(包括倒數)識未? Montessori 學生跟得上的, 4歲幾可以開始接觸學乘數, 但唔知你所想係學到物程度.  因佢地學乘除都係concept, 真係pen and paper都要去到六歲左右 (當然每人情況不同).  

如果只求效果, 背乘數表就最快, 然後狂操練.  我自己用Montessori, 主要先同佢做下d實物練習, 多d解釋概念, 細仔數底好d, 之前返左3年Montessori, 走時4歲8個月已學緊除數concept, 5歲半同佢背左乘數表. 但之後都要做練習, 佢冇出外面補過數,有時我就自己教下, 而家大大下, 我都由得佢自由發展, 跟返學校進度, 唔洗比人超前. 大女logic 麻麻, 數都係一般般, 我就更唔會摧谷, 跟到學校就算, 亦唔要求標青.  不過佢d數理解真係要加強, 我買左本Jump Math比佢做之後好左, 佢話學校有時教完都唔明, 有興趣你可search下Jump  Math, 佢地教學方式不同.  不過你個小朋友咁細, 唔知自己睇唔睇得明d instructions.  (大女九歲, 細仔年底8 歲, 不過我冇比jump math佢做, 唔需要)

cindyyip21

因為小朋友想學，佢對數學有興趣。我唔教佢背乘數表(呢個應該小學會要求佢背)，係因為乘數係概念，唔係一首歌，識唱九因歌係記得唔係懂得。多謝你意見,想知道Montessori係用實體教材教?定有方法?可以講多些嗎？謝謝你。

小曳人

試試認識蒙特梭利嘅教學，如果有興趣嘅話，學數學概念幾好架！
我自己就會貼乘數表poster响阿仔房，用蒙教具玩幾次佢睇，之後唔駛點理佢，自己搞掂，仲好鍾意同我玩數學遊戲，我會教9乘法嘅手號，3嘅倍數嘅特點，之後仲教埋LCM/HCF，全部口教，一路行街一路講，K3內就教識哂，當然，重點係孩子覺得有趣，鍾意學啦！

cindyyip21

謝謝你們，我試下找資料先。

王家爸爸

用分糖仔的方法教

elmostoney

我唔了解你的小朋友對數學程度和理解如何, 所以只能以我對蒙特梭利的了解去講. 因蒙氏講求按步就班, 打好基礎.

1. 了解數同量的關係.  識數唔等於明白, 就算數到998, 但小朋友對998量的定義明否? 蒙特梭利有利用特家教具做呢樣野.  一般進度不錯的, 4歲前後已大做到4位的量和數. 中間亦包含對數位的了解, 即何謂千, 百, 十和個.
2. 明白數字次序的關係.  E.G. 如果叫小朋友從567開始數, 而唔係由1, 小朋友識唔識繼續數落去.  反之, 由778倒數, 小朋友又得唔得? 如此類推. 呢D對加減數借位進位, 乘數除數都關係.  自問細仔底打得好, 所以後期教加減乘除多位數上手非常快. 如果底打得唔好, 就要花好長時間執返正, 咪一樣只可停留係乘數概念和乘數表上.  
3.  之後學加減, 上到4位概念, 包括借位進位. 然後教乘除概念.   注意, 呢到完全冇紙上數式的, 純概念, 點解會借位進位, 解釋得好清楚, 唔係靠死記方法.  佢小時候係學校有教具, 後來因返IS小學一年班, 要退學, 我就自己買左套蒙氏數珠返來同佢跟進, 不過就唔多用, 太懶, 有時會同佢練習下, 有時就見佢有果難就攞出來, 但佢明得好快.  反而我大個個, 本身唔係理科人, 我用得比較多去解釋比佢聽.

Jjchow2015

我小朋友對數學也十分有興趣，但太心急！4歳，10以下的加減都ok!但我就唔識教佢進位同借位！
請問你小朋友在邊學蒙特數學？買什麼教具教進位同借位好？

cindyyip21

回覆 Jjchow2015 的帖子

你係咪用數手指方法教加減數?試下用向前走向後走去解釋加減數，咁就算去到104+4，我仔都知係108，因為104向前數4步就係108，咁就心算都算到。(呢個方法都係人地教我，效果理想)
睇來我地做媽媽要重新學習，不過都幾有趣。

Jjchow2015

係呀！thanks ar!

elmostoney

我冇特登為學數學去上montessori, 我個仔由1.5歲~4.5歲都係返Montessori, 未返過其他幼稚園.  如你只要學蒙數, 可試Little Montessorian, 佢地以前有數班.  不過始終一星期上一兩節課, 同我個仔返足5日唔同, 我相信理解同進度始終同5日班有差別.  如你想用Montessori 教具, 都要學下.  佢地數的教具好多,  我個仔係由最基本的 分類, 數棒開始 (1.5歲至2.5歲), 3歲開始已學緊數和量的關係, 數值等(萬, 千, 百, 十, 個). 四歲前已做緊四位加減概念, 包括進立借位.  4歲半時離開, 剛開始學除數概念.　如自己家教，當然唔洗好似教室咁齊，自己揀啱用的買．

點解係概念? 因為佢唔識用紙筆做, 一定要用教具做先識.  佢離開後, 我都冇谷佢, 基本上都係自由發展, 冇出去補過數.  係家姐背乘數表時, 順便叫佢一齊背埋 (5歲半).  佢唔係物野數學天才, 但因為本身有興趣 (由六歲開始，佢係街見到xx店話since邊年開業, 會自已心算, 然後話:原來係xx年前開的. 超市單據同的士咪表佢一樣有興趣, 時間佢會自動加減同數, 如"你去左47分鐘"). 我冇特別教佢, 所以佢唔會比同學超前好多, 係加減乘除, 除左除之外, 加減可做多位, 乘我冇試過做更多, 最多都係比4位x4位佢自已練下, 通常都係幾題. 除都係佢剛7歲時教（佢年底８歲）, 因為乘數熟, 除數係調轉, 根本唔洗教.  係教佢長除同餘數.  反而我會叫佢做下心算 (2位x單位, 2位和單位三四個數混合加減) 因為我唔係狂操, 所以佢做得唔算得別快.

其實數學的含義很廣, 舊年老師同我講, 佢rounding numbers有問題, 我自己都同佢補左一下 , 教佢round 到6位我就算了 (如999,951, round to nearest 100 --- 呢d就同數數有關).  識加減乘除, 只係其中一部份.   

Jjchow2015

Thanks for sharing!

HaYi

我大仔細時有學eyelevel  (個時叫enopi ), 最初都是用些數粒, 幫小BB發展數學的概念. 依家我細仔剛開始學(4歲), 只是單位加法.   

cindyyip21

回覆 HaYi 的帖子

我教我仔加減數的方法都係eye level個職員教我(不過無參加佢課程，因為唔岩)

konew720

原帖由 elmostoney 於 15-10-09 發表
本帖最後由 elmostoney 於 15-10-9 11:48 編輯

點解咁細要學?  就算係主流學校, 好似到2年班先學乘數的, ...

我都好鍾意Montessori math既教法，打好個基礎，之後難既都好快上手。不過我囡囡對數冇興趣，令我好氣餒。

elmostoney

唔好氣餒, 其實到你個小朋友越大, 你越會發覺好多野唔係你肯花時間就可以做得到, 要睇小朋友資質同性格.

未出世前, 個個都話只想個bb健康. 到出左世, 就會想點令個小朋友有"競爭能力".  學科同其他小朋友比, 又要學游水4式 (仲要係6歲學識哂!), 又要學樂器, 一陣又話畫畫跳舞, 分分鐘仲要加多樣運動, 小朋友非超人, 大人都冇佢地咁忙啦.

我又冇去到咁盡, 但大女5歲前, 都試過好多野, 佢數都係麻麻, 一來係領悟力, 二來係興趣.  而家大大下, 我發覺自己都要慢慢放鬆, 唔好要求小朋友樣樣掂, 比自己同個細路壓力都太大.  大女好鍾意睇英文書, 寫作都唔錯, 而且好獨立, 好識照顧自己; 細仔數同中文都唔錯, 記性好, 但唔多睇書.  我而家要求就係非佢地專長的學科叫過得去就算, 叻個d, 佢地有興趣, 咪再鼓勵下. 如我個仔數唔錯, 我唔比佢出去外面補, 有時間咪自己教下佢, 有時比d練習佢. 大女睇書 (佢地讀國際學校, 佢九歲, 學校測試, 佢有12歲reading level), 我就鼓勵佢參加校際讀書比賽(battle of the books, 由高小開始有比賽, 學校組隊, 每年睇指定的20本書左右, 再去參加問答比賽).

就算大人, 都非完人啦. 所以放鬆d, 我個女都返左幾年montessori, 唔係佢杯茶, 佢係個藝術型人, 所以我都由佢自己發展. 而家連跳舞樂器都冇學, 係去畫畫, 佢鍾意煮食, 自己睇食譜, 焗下野, 煮下飯 (西餐).  上個月一星期term break, 佢一星期係屋企煮左4餐lunch.  呢d唔係學術, 但對培養小朋友自信, 組織同獨立能力都好有幫助.

cindyyip21

無可能樣樣都叻嘅，我都係睇佢想知咩就教咩～有時都會諗佢究竟明唔明，但唔采佢又怕錯過左佢對個樣野嘅熱情。
不過，講到底，待人接物，自信，人際關係，律己先可以係社會生存到。共勉。

chowTY

請問什麼是9乘法手號？

chowTY

原帖由 小曳人 於 15-10-09 發表
試試認識蒙特梭利嘅教學，如果有興趣嘅話，學數學概念幾好架！
我自己就會貼乘數表poster响阿仔房，用蒙教 ...

請問什麼是9乘法手號？