對中華康山開放日後的小分享

jcaling

今日去左很多人説的寶校參加開放日，首先我真的很欣賞吳校長，完全feel到佢對學校既熱誠，他真心為學校及學生而努力，亦很重視每一位學生及家長，這點真的很重要。另外學校亦有安排小一生做英文堂示範，想不到十多位小朋友的英文真的很好，有尾音，絕不港式英語，net teacher 亦很生動教小朋友，我問了校長，他說每星期有9堂英文堂，因要有大把握學生可派到英中。另外我也問了有關宗教問題，學校是不會叫學生做咩佛教儀式，我亦聞唔到任何「香」味，宗教科老師說只是說一些德育故事，讓孩子明白善惡，食飯方面我問係咪要食素，老師說有4個飯選擇，只有一個是素，另可家長送飯。
總結就是親身認識學校是最公平的，我對這校的確加分了。他們在7月4日會再有一場英文班介紹及開放日，有興趣可以去參加下，親身體驗好過聽人講。

cat2007

jcaling 發表於 15-8-12 09:50
回覆 cat2007 的帖子

http://media.hkbc.tv/program/eduaction/2/1/

唔該曬

jcaling

回覆 cat2007 的帖子

http://media.hkbc.tv/program/eduaction/2/1/

Yanamami

数據呢位爸爸有好多，可以比較下，实事求是好d：
http://www.edu-kingdom.com/forum ... &extra=page%3D1

http://www.edu-kingdom.com/forum ... &extra=page%3D2

cat2007

我都想了解下呢間學校..聽下你地0的MAMA 意見

gsrover

小兔~阿比 發表於 15-7-11 01:05
我見東區banding分怖應該 1376:1332:932  (置頂資料搵出黎的)  37.8%:36.6%:25.6%

你睇呢個係中一學額按大家共識左的BAND1／BAND2／BAND3中學分類，而得出東區有多少BAND1／BAND2／BAND3 的中學學額。解單來說就是東區實際中學的質素情況，與學生自身質素和BANDING無關。
而我講緊嗰樣野係學生於派位時自己的BANDING。每所小學各學生排名係先按學校隔年的畢業生於PRE S1考試成績而定，然後得出一個不會公佈的排名。學生以呈分試調整後成績跟同校同學排先後，再按呢個先後佔有該小學的PRE S1所得的排名。

到升中自行派位時， 所報的中學會獲得該學生的全港排名。

而重點就是大抽奬時，會分甲部和乙部。甲部是按全港排名，BAND 1／2／3各分3份1人，然後按隨機號碼排先後，然後派位。而乙部就會按該區排名，然後按隨機號碼排先後，然後派位。

小兔~阿比

我見東區banding分怖應該 1376:1332:932  (置頂資料搵出黎的)  37.8%:36.6%:25.6%

gsrover

回覆 Cliff_Li 的帖子

唔識真係唔好做代表（笑）

Cliff_Li

我終於明白點解咁多家長咁無知，識少少又扮代表，功課唔做足又喺度發表偉論
中學分3個band,唔代表每個band各佔33.3333%, 正如香港有香港九龍新界，唔通人口各佔三分之一？

gsrover

Cliff_Li 發表於 15-7-7 18:43
據知今年新鮮出爐入band1比例有35%，一班小六黎講算派得唔錯啦！

我就冇數據響手，不過幾多班同百份比有幾高，係冇任何參考價值，只要睇百份比就可以同其他學校比較， 如果有35﹪ 即係同全港的AVERAGE 差不多， 因為BANDING係按人口平均分三份， 每一個BANDING該有33.3﹪。所以算派得正常。
但係你有咁靈通的消息，咁即係派左邊D學校， 佢近年都冇公佈，只係話派到BAND1之中，有百份之幾入左邊間學校，並無在校務報告完全公開派位實況。

gsrover

Cliff_Li 發表於 15-7-7 18:46
不過，連舊生都唱衰呢間學校，睇黎都栽培唔到啲咩人才
好似有乜深仇大恨咁，係唔係舊生都未知



  …

唔係唱好定唱衰， 而係我自己都有仔女，我唔揀跟住叫你揀，你會覺得咁樣係人才？同今日D高官冇個讀津校，你就覺得佢地係一流人才？當你見到一群好地地BAND2／3（當年5個BAND）的同學，俾人送一個個送入職業先修學校，今日生活因難，我都係反映事實。

上一個校長係好好，有心教學，到好多幼稚園推介，遠到觀塘都有去，副校榮修仲攪左個GATHERING，好多舊生都有到。但係到頭來，佢都係要走， 辦學團體派返個自己人入黎。


我只可以講，我三個小朋友都唔會俾佢讀呢度，其一我有較好選擇，其二呢度派位一般，其三對辦學團體完全冇信心。你話老師好唔好，教學如何如何，我唔評論，因為我冇再深入了解過，你地睇過覺得好，咪俾自己仔女讀，祝君好運咁解。


你要質疑我係唔係舊生，我呃你做乜，會有六合彩中？仲有我唔知點解你要踩人，你覺得咁樣好開心定好威？

Mama_B

我住附近，學術成績我唔清楚，但係品德教育就一般。佢地放學有老師帶住出學校(唔知行去車站定邊度)，由佢地學校經南豐新邨條行人路已經唔係闊，你話小朋友唔識單行行同埋行埋一邊我接受到，但係老師見到都唔出聲提醒佢地就真係。相反滬江小學呢方面就做得好好，d小朋友行去康怡廣場嗰邊永遠都係佔好少位，唔會霸晒條路。

利申：我個小朋友9月升小一，不過呢兩間我都冇揀，自行嗰陣已經入咗軒下

jcaling

回覆 Cliff_Li 的帖子

其實上次係簡介會，學校有講到有咁多英文班係要確保每個學生一定要入到英中，重申左幾次向家長咁講，所以我相信呢間學校既決心

Cliff_Li

不過，連舊生都唱衰呢間學校，睇黎都栽培唔到啲咩人才
好似有乜深仇大恨咁，係唔係舊生都未知

Cliff_Li

據知今年新鮮出爐入band1比例有35%，一班小六黎講算派得唔錯啦！

@[email protected]

gsrover 發表於 15-7-6 20:40
其實有時間真係睇下升中的同PRE S1的關係，以及同區中學的JUPAS入U，DSE 5以上﹪，4以上﹪ ， 33224﹪，你 ...

聽番啲剛入u嘅小朋友講OU offer 都計入jupas 所以有啲學校特別跨張

@[email protected]

其實我覺得要認清家長同小朋友要乜 期望要啲咩
我只想阿仔唔好五點番黎屋企喊住咁做功課到七點 食完飯沖完涼又做啲抄寫 默書前兩日特多"penmanship"做完我都叫佢訓唔溫喇
一到學期中、唔止佢 我都頭暈 所以決定轉校

gsrover

其實有時間真係睇下升中的同PRE S1的關係，以及同區中學的JUPAS入U，DSE 5以上﹪，4以上﹪ ， 33224﹪，你就知道唔係你個人成績好就入到好中學， 同埋一間中學係咩成績唔係道聽途說。如果連升中派位程序同如何理解學校表現都唔知，咁任何資料都可以當佢道聽途說。

至於康山有冇人派到BAND1中學，咁一定有，我同我表妹都係，但係你睇就唔係睇個別例子，而係睇每年的百份比先有意思。BAND 3 中學都有5﹪ JUPAS入大學位課程，一個半個例子係冇意思。

jcaling

回覆 Cliff_Li 的帖子

很同意！老實說小時候真的因學業成績令自己好自卑，無自信，同埋係個間小學因成績差，有個老師成日捉左我去打手板，用間尺，試過成隻手瘀哂，當時好怕事，唔敢同父母講，自己厘埋喊。所以我為小朋友揀學校只會揀校風及老師表現，唔會盲目追名校，一定要自己親身感受同了解學校。
另外要為佛教澄清一下，佛教不是道教，道教先係好多宜式要做，很多人都誤會了。

Cliff_Li

其實，某程度上，小學係憑乜野去公佈自己學校嘅升中派位嘅結果，係有幾多%去band1,幾多%去band3呢？教育局又無公佈邊啲中學係屬於乜野banding,全部都係道聽途說，所以我真係好懷疑某啲小學話自己有40幾%去到band1學校
好似A中學，我呢間小學計佢係band2,你呢間小學可以count佢係band1都得喎！所以，我認為，乜band都唔緊要，最緊要係揾到間適合小朋友嘅學校，明明自己係band3貨色，走去讀band1中學，考包尾，又如何？
利申：band3貨色嘅皇仁畢業生