對中華康山開放日後的小分享

jcaling

今日去左很多人説的寶校參加開放日，首先我真的很欣賞吳校長，完全feel到佢對學校既熱誠，他真心為學校及學生而努力，亦很重視每一位學生及家長，這點真的很重要。另外學校亦有安排小一生做英文堂示範，想不到十多位小朋友的英文真的很好，有尾音，絕不港式英語，net teacher 亦很生動教小朋友，我問了校長，他說每星期有9堂英文堂，因要有大把握學生可派到英中。另外我也問了有關宗教問題，學校是不會叫學生做咩佛教儀式，我亦聞唔到任何「香」味，宗教科老師說只是說一些德育故事，讓孩子明白善惡，食飯方面我問係咪要食素，老師說有4個飯選擇，只有一個是素，另可家長送飯。
總結就是親身認識學校是最公平的，我對這校的確加分了。他們在7月4日會再有一場英文班介紹及開放日，有興趣可以去參加下，親身體驗好過聽人講。

ncdbcvf

我一向都覺得康山唔差，想當年我讀書既年代，我覺得滬江同康山都係差不多既學校，派位都派得好好，我兩個姨甥都讀康山。

Cliff_Li

講得好好！

SWEETANN

我今日都有去，亦感受得到學校與老師們的誠意。 但反而覺得奇怪，冗長的簡介會并沒有提及升中，校車，課程，班級人數，課後活動，以至一星期有幾堂net english, 普遍家長想清楚的問題。學校縱使再有心，要家長接受大眾眼中的寶校，還需要提供solid數據參考。 眼見大部份的參加者都屬於九龍東居民，相信港島東學生不多會用乙一quota去填康山， 所以學校對校車支援可以提及多少少。
當然，我都好感激學校招待，女女玩得好開心，下星期一定再去

jcaling

回覆 SWEETANN 的帖子

我諗可能下星期再待續資料俾家長，不過校長話隋時可whatapps他，我都打算問問他是否下星期會再有詳細資料

SWEETANN

校長俾電話呢樣嘢真係幾impress, 好有誠意

@[email protected]

我都有去, 課程同一般活動教學既學校無大分別,小一都係做好自理先,同好多學校一樣用梗PLPRW, 覺得老師有HEART,其實阿仔即使係全班考前幾明, 都覺得老師開始有啲HEA, 感覺康山正在增值, 作為家長我會放心將2個交比呢間康校(仲有妹妹黎梗CHOOSE小一)
阿仔都好鐘意康山, (我仲意為阿仔本身係千禧校舍,會感覺唔同啲,但佢超中意學校個山景) 加上本身有ASHMA, 比大路旁既學校 空氣真係好好多
決定阿仔下年轉過去, 希望插到喇

SWEETANN

原帖由 @[email protected] 於 15-06-28 發表
我都有去, 課程同一般活動教學既學校無大分別,小一都係做好自理先,同好多學校一樣用梗PLPRW, 覺得老師有HEA ...

請問是否仔仔之前學校好谷？ 所以想插班？

@[email protected]

SWEETANN 發表於 15-6-29 00:30
請問是否仔仔之前學校好谷？ 所以想插班？

個人認為一般 但係感覺非一線小學有種吃力不討好 加上覺得英文康山做得唔錯 可以補弱項 ～加上交通配套好 ，同埋主要係因為妹妹 到時競爭更大 索性轉網
因為眼見48網開始扭曲 黎梗過咗沙士期 相信中學排名又唔同 而家小學三線變二線
二線莫名奇妙地變一線 一線變咗家族聯盟咁 將來自己呢區中學又叩到你死我活 東區校網相比下人小啲啲 如果失敗都gal啲
Btw 覺得校長好有heart 覺得由佢帶領嘅 應該都唔差

gsrover

我自己係舊生，表兄弟姐妹讀康山都唔少， 派位真係一般，五個BAND年代得15個BAND1位，到而家3個BAND，BAND1都唔夠三份一。而家作為家長，我唔會揀呢間。同埋佛教中學，得兩間叫好D，但係就每年送唔少豬仔入去D唔掂嘅佛教中學，呢樣做家長要識揀。

jcaling

但經過咁多年之後，校長也轉了，我相信呢間學校是在進步，不應永遠給他一個lower grade的label。另外我亦去過另一間學校簡介會，他們一星期只有4堂英文，相對康山一星期有9堂英文看似很不錯呢。

SWEETANN

原帖由 jcaling 於 15-06-30 發表
本帖最後由 jcaling 於 15-6-30 22:52 編輯

但經過咁多年之後，校長也轉了，我相信呢間學校是在進步，不 ...

一星期四堂，咪一日都無一堂？

gsrover

jcaling 發表於 15-6-30 22:50
但經過咁多年之後，校長也轉了，我相信呢間學校是在進步，不應永遠給他一個lower grade的label。另外我亦去 …

咁講，以當年康怡咁多中產家庭加上良好的資源，都上唔到。仲有而家叫好返D， 由一級一班上返一級三班，都係前任校長的功勞，呢個新黎的校長好唔好真係要睇下先。 但係中學派位呢個遊戲，唔係一時三刻可以令一間學校提升，包括到你個小朋友六年之後，都可能只會改變少少。
我近年都有聯絡在任老師／剛退休老師，只可以講，佛教學校的辦學問題，係在於好多人事任命，和長久的機構文化之下而產生。

jcaling

gsrover 發表於 15-7-1 02:48
咁講，以當年康怡咁多中產家庭加上良好的資源，都上唔到。仲有而家叫好返D， 由一級一班上返一級三班，都係 ...

明白你既意思及善意, 只不過我諗一間學校不斷在進步是一件好事, 應該要給他機會, 我很膚淺, 只憑他英文班有咁多, 已覺得是很有心提升學生質素了。老實講, 在我小學時, 是在一間當時算BAND 1的學校就讀, 當時全班成績非常之好, 個個派上神級名校, 但除了我和另一個成績差同學, 大家都派到私校 (當時最差的), 所以我諗升中好睇小朋友能力, 而當時呢間BAND ONE學校今時今日竟然變左該區口中既寶校, 所以世事無絕對。另外我有同事都係康山畢業, 佢有話英文方面唔夠, 但我告訴她現在一星期有9堂 英文, 她說真的不同了。我另一朋友的表妹也是這校畢業, 她入到名中校, 而且係港大畢業。其實很多人不喜歡這校相信是因是佛教吧

Cliff_Li

其實，某程度上，小學係憑乜野去公佈自己學校嘅升中派位嘅結果，係有幾多%去band1,幾多%去band3呢？教育局又無公佈邊啲中學係屬於乜野banding,全部都係道聽途說，所以我真係好懷疑某啲小學話自己有40幾%去到band1學校
好似A中學，我呢間小學計佢係band2,你呢間小學可以count佢係band1都得喎！所以，我認為，乜band都唔緊要，最緊要係揾到間適合小朋友嘅學校，明明自己係band3貨色，走去讀band1中學，考包尾，又如何？
利申：band3貨色嘅皇仁畢業生

jcaling

回覆 Cliff_Li 的帖子

很同意！老實說小時候真的因學業成績令自己好自卑，無自信，同埋係個間小學因成績差，有個老師成日捉左我去打手板，用間尺，試過成隻手瘀哂，當時好怕事，唔敢同父母講，自己厘埋喊。所以我為小朋友揀學校只會揀校風及老師表現，唔會盲目追名校，一定要自己親身感受同了解學校。
另外要為佛教澄清一下，佛教不是道教，道教先係好多宜式要做，很多人都誤會了。

gsrover

其實有時間真係睇下升中的同PRE S1的關係，以及同區中學的JUPAS入U，DSE 5以上﹪，4以上﹪ ， 33224﹪，你就知道唔係你個人成績好就入到好中學， 同埋一間中學係咩成績唔係道聽途說。如果連升中派位程序同如何理解學校表現都唔知，咁任何資料都可以當佢道聽途說。

至於康山有冇人派到BAND1中學，咁一定有，我同我表妹都係，但係你睇就唔係睇個別例子，而係睇每年的百份比先有意思。BAND 3 中學都有5﹪ JUPAS入大學位課程，一個半個例子係冇意思。

@[email protected]

其實我覺得要認清家長同小朋友要乜 期望要啲咩
我只想阿仔唔好五點番黎屋企喊住咁做功課到七點 食完飯沖完涼又做啲抄寫 默書前兩日特多"penmanship"做完我都叫佢訓唔溫喇
一到學期中、唔止佢 我都頭暈 所以決定轉校

@[email protected]

gsrover 發表於 15-7-6 20:40
其實有時間真係睇下升中的同PRE S1的關係，以及同區中學的JUPAS入U，DSE 5以上﹪，4以上﹪ ， 33224﹪，你 ...

聽番啲剛入u嘅小朋友講OU offer 都計入jupas 所以有啲學校特別跨張

Cliff_Li

據知今年新鮮出爐入band1比例有35%，一班小六黎講算派得唔錯啦！