考小一， matching game

Nath

記得上年去聽Ian Tsang 既入學講座時，佢提到考小一其實係一個matching game。不過呢個game 除左學校去揀match 到既小朋友，同時間都係家長去揀間match 到自己要求既學校。佢仲話做選校咨詢其實可以唔使見小朋友，淨係同父母傾完就預期到小朋友將來係點。當時聽完半信半疑，但開始呢個遊戲後就領悟到中間既奧妙。到自己要係學校裏面揀定一間時，原來真係唔可以單純以幾歲人仔浮現出嚟既性格立刻作決定。中間要考慮既其他因素都真係好多

Jane1983

回覆 hkpapa852 的帖子

始終做生意和我們網友交流，做法係吾一樣。
係EK，真係有家長講得好白，但公開就無可能咁做。

B.B.BaBa

原帖由 mcl203 於 15-03-25 發表
可能....專家都日日浦EK...資料既來源地

我覺得部分資料係，其餘部分資料佢都會自己上不同學校 website，教育局等搵料。

mcl203

可能....專家都日日浦EK...資料既來源地

hkpapa852

Jane1983 發表於 15-3-24 11:14
淨係見父母就可以預知小朋友未來...這個好有保留。

其實如果我係升學專家, 我可能都會講呢句說話, 不過其原意其實係:
淨係見父母就知點去"教路"啦, 反正小朋友無話事權, 父想佢入邊間個小朋友就要去架啦! 費事見多個又話要幫佢分析埋性格同D學校既學習環境

又舉D可能既例子:

1. 如果D父母講明, 非聖喇拔不入, 咁梗係順住佢地, 讚到佢地心儀個D天上有地下冇, 攞晒D係EK搵番嚟既料, 整理過俾佢地睇, 佢地見我咁有"料", 咁未OK囉!

2. 對住D一心只想入官津既, 未又係教下佢點計分, 講下邊D係熱門 (排位一定唔教, 衰咗要孭飛喎!)

3. 如果佢地連自己都唔知想點, 仲好, 乜都講下, 佢又唔識challenge, 咁就自然覺得你好Pro

EK同升學顧問分別, 我諗就在於此:

朋友義務幫你, 大係無乜期特別期望, 大家自然舒舒服服, 各方會都可以盡情D; 但萬一你話俾錢佢, 或者佢要收番你錢, 關係就變咗質, 俾錢嗰個自然有"要求", 收錢嗰個要做"客戶服務", 咁自然又要以客為先, 咁有D野就可能避重就輕.

升學顧問就好似平安符, 只可用嚟買個心安.

Nath

Lam3Tai 發表於 15-3-25 09:10
只可講係conditional matching game。父母因素當然計算，唔講長遠教育理想，最實際錢都要考慮啦。 ...

'錢'其實就係要match 既其中一個因素。

Lam3Tai

只可講係conditional matching game。父母因素當然計算，唔講長遠教育理想，最實際錢都要考慮啦。

Nath

回覆 evacalbee 的帖子

其實聽完呢番說話，我又唔覺得'刻薄'喎。既然小朋友資質係點，大多係由父母講述，如果講出小朋友較平凡，即係父母都接受啦，人地又唔會貿貿然比d負面批評既。正等如上嚟BK 問大家選校意見一樣。其實呢種咨詢服務或講座，如果自己覺得作用不大，根本就不用花錢同時間去。得閒上下bk咪得囉。

Nath

回覆 chansiub 的帖子

Agree! 所以父母對子女要有深入了解，客觀一點的判斷，作出決定時多放小朋友既需要在前。

chansiub

父母的決定當然重要。但如你所說，父母都是要看子女才作決定。外人又怎能一口咬定看父母便知子女將來。至少assume 了父母的分析是正確。

Nath

回覆 SWEETANN 的帖子

得一個offer 既朋友,都有佢地既選擇。有人會因應手上offer而調整大抽奬既選擇，或者去唔去叩門，會唔會考插班等。當然成個遊戲一定會有人真係咩選擇都冇，無奈！

SWEETANN

有時，考了10間只得一個offer, 就算同小朋友性格唔太match, 好多家長都硬要將兩者match了

Nath

回覆 lightingchung 的帖子

同意，任何類型既入學講座都可以算係懶人包。對好似我呢類在職新手家長來說，都算係一個好幫手。起碼從中我學識左津貼/直資/私校同小一入學機制到底係咩。聽下其他家長提問，又可以知道邊間係神校/地區名校咁。到有機會上嚟EK, 都知你地講緊咩。

Nath

回覆 Tintin926 的帖子

我冇用過選校咨詢服務，所以唔知其實點做。但自己眼看身邊朋友，又確實見到好多選校決定，除考慮小朋友性格同資質外，家長取態都好決定性。身邊例子一，家姐聽教、自律、肯學、外向；結果考到幾間一線直私。但父母擔心細佬因資質較差，驚佢考唔到學校，但又好想讀一線學校，結果幫家姐選擇津貼地區名校。但其實呢間學校出名谷又嚴，細佬都未必識合。但父母又唔想兩姐弟分別讀兩間學校，所以唔打算幫細佬揀間合適既學校。佢地既case, 其實係有機會可以match 到小朋友資質同性格去揀間學校。但就因為父母取態而冇發生到。其實就算咩顧問，係一個小時既會面，就算見到小朋友，即時都冇可能知個細路係龍係鳳，都係靠阿爸阿媽形容出自己心目中既小朋友係點。所以就算現實中小朋友其實係虫，但父母心目中佢就係龍，即使考唔到直私，家長係大抽奬以至叩門都希望入到間一線名津，到頭來就讀到喊不過我有另一對朋友，就真係以小朋友既資質同需要去選不同既學校，但父母既付出（包括金錢，時間同精神）係好大，過程亦一d都唔容易。

Tintin926

Nath 發表於 15-3-24 09:34
記得上年去聽Ian Tsang 既入學講座時，佢提到考小一其實係一個matching game。不過呢個game 除左學校去揀ma ...

若看父母就知孩子將來會點，咁點解一家兄弟裏會有龍有蟲？

lightingchung

7或8年前,就可能係matching game,但而家係單方向,學校大把學生可選,但你想要一個直資或私校比一個offer就好難。至於專家意見,可當一個懶人包,但最终又咪返來EK search

Marco2010

sissysze 發表於 15-3-24 15:18
唔回唔得，笑爆

不要笑, 好認真架

sissysze

原帖由 B.B.BaBa 於 15-03-24 發表
那些講座，聽下無妨，但不用太上心。樓主提及的那位人兄的講座，被迫去聽過一次，感覺沒有驚喜，無甚得著。 ...

被迫，辛苦哂

sissysze

原帖由 Marco2010 於 15-03-24 發表
本帖最後由 Marco2010 於 15-3-24 11:54 編輯

唔回唔得，笑爆