3功課量似小一 港媽嗌頂唔順, 扼殺了幼童的愉快學習

TwinWong

【晴報專訊】香港學生讀書壓力大，有港媽呻兒子讀K3，便要做剪報、周記及閱讀報告等；另有網民質疑幼稚園生「字都唔識多個」，功課已堆積如山。學界指部分學校為迎合升小一的課程，惟有將功課「加碼」，但可能會扼殺了幼童的愉快學習。
有雙職港媽在討論區訴苦，指兒子讀幼稚園K3，功課已多籮籮，形容「我以為在小學才會見到的功課，竟在我的孩子功課本上見到」。她指部分功課學校未曾教過，質疑校方將教學責任推在家長身上，令他們無從入手。
功課量多 家長感兩難
不少家長對帖文有同感，有媽媽留言指女兒讀K2，老師早已說明K3起要寫周記及剪報，因為小一需做這類功課，好讓K3學生適應。亦有家長說被幼稚園功課考起，曾有工作紙要做路牌指示配對，形容如考車牌筆試。
育有三子的Alice（化名）指，兒子讀同所一幼稚園，校方注重活動教學，功課不多。「細仔讀K3，每日得兩份功課，如寫中文生字或數字，周五才有工作紙，教單數加減或常識。」她指K3學期尾才有默書，「中文默兩行生字，英文默四句，很簡單。」她坦言對學校功課多寡，家長亦感兩難。「功課少，孩子讀得開心，但長子及次子升小一後功課倍增，每晚做功課至十點幾，要花不少時間適應」。
不過，為人母親的陳小姐卻贊同幼稚園「預演」小一學習的做法，她憶述兒子讀K3時也有剪報及周記等功課，但認為不算吃力，每次只需寫兩三句感受。自兒子升小一後，功課量大增，每日至少有五至八項。她坦言，「每日放工要花兩三小時陪佢做功課，又要溫書，非常吃力。」她已打算下學年起送兒子到補習社。
幼園功課應少於4項
香港幼兒教育人員協會主席周慧珍指，不贊成幼稚園有太多及太深奧習作，每日功課不應多於四項。「幼稚園閱讀報告及剪報，多是口述或以圖畫分享，畢竟小朋友掌握的文字不多。」但她不排除部分幼稚園為迎合小學課程，提早予幼童文字訓練。「最怕咁做會扼殺學生在幼稚園愉快地學習。」她建議如家長有感功課過量，可向校方反映，或考慮是否需轉校。
部分家長選校 功課愈深愈愛
有家長怪幼稚園過分進取，令小孩失去愉快童年；亦有家長抱怨課程太淺，削弱學童競爭力。北區家長教師會聯會主席陳容珍表示，事實上不少家長要求學校加深功課，選校時亦以「功課愈深，愈是首選」為考慮大前提。「每逢小一放榜日，也有家長將派不到心儀學校的責任歸咎幼稚園，埋怨學校的課程教得太淺，令他們揀唔到好小學。」她指部分幼稚園提升課程，可能是應這類家長的要求。
陳指，學校在「順得哥情失嫂意」的情況下，同樣處於兩難。她建議家長選校前多了解幼稚園的課程及辦學宗旨，因應子女的能力及期望選校。
更多晴報內容，請登入網站www.skypost.hk

vpo0615

其實唔係驚家長頂唔順, 係驚小朋友頂唔順....

kk0626

剪報我地 k1已經做緊喇，三樣功課亦唔算多啦。咁都頂唔順，呢位家長戰鬥力太低

bubuG

原帖由 gg33 於 15-04-06 發表
選學劵幼稚園的家長的一個經常掛0係咀邊的論點係讀私校小朋友會冇左快樂同年，我自己覺得小朋友讀谷或深的 ...

上咗小學就真係睇下邊個快樂D

gg33

選學劵幼稚園的家長經常掛0係咀邊的一個論點係讀私校的小朋友會冇左快樂童年，我自己覺得小朋友讀谷或深的幼稚園唔一定會唔開心吧，我有好多讀名幼的朋友仔都好開心。若然勉強能力較低的小朋友去谷就大多數會好辛苦，睇小朋友能力吧，家長不應勉強，總有讀得開心的私校小朋友。

Jules_S

明知有問題，仲中個頭埋去，攪到大人細路越跌越深，日日自怨自艾，又話無哂童年，又話好大壓力、又話無辦法，其實香港家長咁叻，香港教育市場又咁開放，點會無辦法、無得揀。事在人為，香港唔谷又有heart嘅學校、幼稚園大有存在，且絕大部分部唔係名校，有些甚至是村校，差在家長自己有無認清方向，選擇行乜野路，夠唔夠膽排除他人眼光去揀條對孩子，對全家健康的成長路。

孩子出世時，很多母親最想的，就是孩子健康成長。怎麼不到幾年，受到社會競爭的心態洗禮，最真最初的心願已不再

poodlema

回覆 vpo0615 的帖子

其實我覺得好多學校都靜靜雞偷步教

licpd

Jules_S 發表於 15-3-19 21:30
Sorry, 之前噤得太快：

明知香港幼兒及小學教育主流趨勢已被扭曲，為何不作嘗試改變，且理性改變的方法 ...

是否有這樣的家長才有這樣的學校？ 如果大部份家長都提出意見反對，這些學校有生存的空間嗎？

vpo0615

回覆 chowyikwan 的帖子

你提及嘅幼稚園，　係學券定私幼？

tkinwong

原帖由 vpo0615 於 15-03-22 發表
回覆 chowyikwan 的帖子

但我聽PLAYGROUP老師講, 話教育局指引, K1唔可以學寫字架喎.....

聯線算唔算寫字?很多不同方法有寫字的效果

chowyikwan

原帖由 vpo0615 於 15-03-22 發表
回覆 chowyikwan 的帖子

但我聽PLAYGROUP老師講, 話教育局指引, K1唔可以學寫字架喎.....

我都知，所以我知道後有d... 我係探訪朋友家見到她3歲多小朋友一路念橫，勾、直，一路寫。

vpo0615

回覆 chowyikwan 的帖子

但我聽PLAYGROUP老師講, 話教育局指引, K1唔可以學寫字架喎.....

chowyikwan

屯門幼稚園k1要學拿筆練字，劃圓丶直線、寫一劃一點一直（小朋友諗口往，一路背，一路寫！你們接受這種教育？

brrbaby2007

soso3509 發表於 15-3-19 23:39
知道同現實兩回事吧??
報左名揀左都要人地收先得架

Exactly, 間間幾千人報，仲多過DGJS, DB

soso3509

原帖由 wellmax 於 15-03-20 發表
其實家長可以選擇俾小朋友過一個冇壓力童年架；例如求其搵間幼稚園，讀完三年等大抽獎，讀咩小學都一樣，只 ...

不過你又講得無錯...讀到始終都會讀到..每間學校好極衰極都有人讀到/ 讀唔到大學...屋企有錢咪去外國..無咪自己半工讀囉...有心讀既話無話讀唔到...

soso3509

原帖由 wellmax 於 15-03-20 發表
其實家長可以選擇俾小朋友過一個冇壓力童年架；例如求其搵間幼稚園，讀完三年等大抽獎，讀咩小學都一樣，只 ...

甘又唔係你講到甘求其既...我係覺得校風都好緊要..
讀書叻其他乜都唔理有咩用..對人對事都係學習一環..
我仔要想學野我盡量會比佢學..但唔會係逼...
親子關係好重要..破裂左就無...人唔係機械呀..細個未識反抗..大左爆出泥就效果嚴重...壓力咪就係甘樣造成囉

bubuG

原帖由 wellmax 於 15-03-20 發表
其實家長可以選擇俾小朋友過一個冇壓力童年架；例如求其搵間幼稚園，讀完三年等大抽獎，讀咩小學都一樣，只 ...

校風好緊要。叻仔學壞好易㗎咋。

wellmax

原帖由 soso3509 於 15-03-19 發表
如你認為細個玩係無聊..你思想已有問題..細個唔玩..無童真..大個有機會返轉頭嗎?? 唔好怪我直接..

細個唔 ...

其實家長可以選擇俾小朋友過一個冇壓力童年架；例如求其搵間幼稚園，讀完三年等大抽獎，讀咩小學都一樣，只要小朋友叻，最後都會跑出！