唔係好想帶个仔同朋友吃飯

winwinwan1121

仔仔兩歲半發展遲綬，朋友个小朋友好叻果隻，次次會帶佢吃鈑，下星期會一班人吃飯，我選擇不帶仔仔了，費事自己唔開心

今日幼稚園有家長日，我阿媽話佢好多同班n1嘅小朋友都識表演，跟著老師做簡單動作，而我个仔就只係企喺度，唔知乜野事，我只係好無奈.，，，

知道佢有問題後，成日都好唔開心，老公又認为佢遲D會追返，唔使咁擔心，我自己就成日諗，成日唔開心，怪自己早產，好似累左阿仔，身邊沒人明日我感受，好辛苦，。。。

idak

我個女語言遲緩、固執同成日發皮氣，初初同朋友食飯只可坐半個鐘，就算有玩具、零食同電話，都坐唔到耐，以家可以坐到二個鐘。以前老公都唔想帶佢出去見人，比我鬧咁做只會令個女乜都唔識，如果真係朋友的話會體諒！

Fanny媽媽

原帖由 winwinwan1121 於 13-11-16 發表
仔仔兩歲半發展遲綬，朋友个小朋友好叻果隻，次次會帶佢吃鈑，下星期會一班人吃飯，我選擇不帶仔仔了，費事 ...

我仔是早產b,33週就出世，又係發展遲緩，幼稚園時個個同學表演，我仔只識坐在一邊喊，幾乎任何活動都跟唔上同齡，直至升小學前幾乎咩字都認唔到，但我沒放棄，不斷鼓勵佢，用更多時間教佢學習，不要張佢同其他小朋友比較，我仔宜家二年級了，已跟上了進度，不是叻既小朋友，但都可考到全級中間名次，我已滿足了，所以不要放棄呀！慢慢揾個合適方法教導，總會成功!

LeeCC

如果係朋友會包容，唔炫耀自己小朋友有几叻，而係帶小朋友出來教你小朋友玩，我慶幸有幾個這樣的好姊妹，阿仔有幾個由出生開始一直扶持他的朋友仔

BTw，我個仔快6歲，社交只有4歲，而且仲未識單脚企

DollyCC

媽媽加油呀，發展遲緩可以追，我囡囡都遲緩，我地足月出生。努力train都好似差過同齡小朋友。明白既，做媽媽實擔心。但我同自己講唔再同人比只睇佢既進步。要比只同遲半年既小朋友比。要明白普通小朋友頭幾年每個月都識多野，要追正常，要比正常跑得更快。對佢唔公平，只要有進步，已經好好，我地係長跑。唔好急，一定追得番。

Y123

無得避，要勇於面對，帶佢出去見多些人都好，朋友方面，可以單聲先，係真朋友會包容，係包容，唔係就，特別照顧，你岀去都開心d,唔好屈住

siufung

值得嬌傲

kashin

我就係個仔吾鐘意同埋其他人一起...只愛和爸爸媽媽一起.....自閉症小朋友好有佢地自己想法....我仔都係早產一出世入icu...停左2次吾識透氣...成身都係喉..手腳流晒血....胃果條喉最心痛....成身無一處好肉.....好慘....日日係個氧氣箱又吾見左媽媽...久吾久比人做手術..好痛好慘....所以我同老公要愛他多好多好多...補償佢出世時既苦....而我就連陣痛都無...因為佢太細隻...一起身就穿半水趕住去生...我個肚完全無肚紋無花....生時連止痛既笑氣...藥都無用...就咁自然生...所以我好愛我個仔....佢為我受了很多苦....我既朋友們都好愛佢...但係佢就只愛爸爸和媽媽....一日起碼鍚我50次....好聽我話.....好乖.....但當然和其他小朋友一起好明顯有分別....別人一眼就知...有人會問我...我就話係....自閉症....而家讀特殊小一....我反而覺得阿仔比一般小朋友幸福..因為掛住個S牌...代表吾好比壓力佢....係...我都掛住個S媽既牌..都吾好比壓力我...有時都覺得有少少濫用左....轉個心態去好好生活吧...慢慢你會發覺你同小朋友既新活會有好多改變....

yamadalei

winwinwan1121 發表於 13-11-16 01:53
仔仔兩歲半發展遲綬，朋友个小朋友好叻果隻，次次會帶佢吃鈑，下星期會一班人吃飯，我選擇不帶仔仔了，費事 ...

明白你既心情, 我同你一樣未適應到.遇上有D人因為太錫自己個小朋友, 忍唔住要係甘同人炫燿, 完全無顧慮其他人感受既, 仲辛苦.

4月10日媽媽

看到這樣多的正能量，真的很感動，成日同自己講要接受自己個仔係發展慢，但眼看其他小朋友有幾叻，考到甚麼甚麼小學，總是心有戚戚然，但另一方面，對自己個仔早產，27週，而家身體尚可，只是瘦弱一些，又十分感恩，所以真的很感動，看到大家可以互相支持！

chynnamama

回覆 winwinwan1121 的帖子

我仔都係 n 班, 初返學日日問老師都係話佢坐唔定同叫唔應/做.... 現在返咗3個月又覺得佢進步多咗, 雖然可能都係比其他小朋友慢, 但係成日响屋唱歌... 比d 時間, 仲細有好大進步空間..

szenana

我仔初初返主流k1鏟地，尖叫，掩耳，周圍走，但出去訓練两个月，日日堅持同佢在屋企訓練，已经有好大進步，你都唔好放棄

chowqv

係朋友既會體諒明白，唔明仲有說話轉既，唔識也罷。
我愛我個仔既本相，佢有咩弱項都係我最愛既。
我信無論做咩訓練，治療都好，父母無條件既愛先係最佳良藥。

bauhiniakan2000

濼晴

我女果時讀n 成個呆仔甘 每人發展不同， 健康就足夠。 唔好放棄

濼晴

我小朋友都有言語delay 我身邊朋友都很體諒

我亦冇介意 多帶佢出去合群 小朋友跟小朋友玩得多自然會好點， 另外唔好逃避 報一些訓練班 小朋友好快追得上

bauhiniakan2000

cksy_bb 發表於 13-11-23 20:27
禁啦！你比一段時間自己，第一係繼續做訓練之外，每星期set 個比自己釋放既時間，個段時間完全唔做訓練。第 ...

講得好,你小朋友一定好幸福

cksy_bb

禁啦！你比一段時間自己，第一係繼續做訓練之外，每星期set 個比自己釋放既時間，個段時間完全唔做訓練。第二，係調整自己既看法，用你個仔同人比較，梗有距離，假如你達不到別人小孩既指標，咪以別人孩子既能力降低幾級，將你定好既級別比孩子在學識每樣目標後，獎勵自己，獎勵孩子。第四，你唔夠愛，真係唔夠，因為你目光放在別人孩子成第一，重自己感受又多過孩子感受，坦白講，呢度好多父母都會見到自己孩子在四歲先學識單腳企而驕傲，點解，因為佢地知道自己孩子好努力，好堅持，一步一步走上，覺得自己小孩好叻，直情將呢份榮耀蓋過媽媽所付出既所有，呢種愛，只有special mother 先感受到。第三，同孩子同朋友食飯，都無須理自己感受，更無須理別人孩子有幾叻，假如大家講起小孩有幾叻，考到咩，學識咩，你都可以講下自己孩子有咩進步架，一定要步伐一致先係「有用既人」？如果朋友怪異，我試過反枱，因為價值觀不同，包容度不同，朋友感情深厚，自然都因為見到你小朋友進步而開心！第五，A 仔開不到口說話，但都是一般小孩，有感受，如果你有讀心術，聽見孩子問你：媽媽，我係咪唔可以見你朋友，係咪會令你覺醜呀？，你會點？最後，你既struggling , 我試過，但無比事情發生，我從一開始就問自己好多問題，要自己公平對待自己孩子，比所有小朋友一致既權利佢，所以，你要加油，路⋯再難都要走，光明路，是自己走出來的，而且，你並不孤單

kikigal

回覆 winwinwan1121 的帖子

我明白的... 我個仔一出世已比人指指點點到3歲, 又只有我or老公湊...沒有長輩幫忙...
現在4歲了, 閒話終於少了些.

如果你湊小朋友辛苦, 當然可以自己赴會(若有其他人幫忙), 至少唔駛聽埋D閒言閒語.... 你也可以透透氣.

但如果是你真正的朋友, 會明白你的情況.... 只是朋友的細路會忍不住在人前認叻.....

最重要係, 若你想你個仔一樣認識你D朋友, 就帶埋仔去啦...
今次見面未夠叻唔駛灰心, 下次見面, 其他人一定會發現你仔仔比上次見面有很大進步!! 加油!