請教小朋友練習鋼琴問題?

bluefriend

大家好, 我家小朋友, 學鋼琴半年, 以前一直只係學而不練(偶爾到鋼行練), 最近買了個數碼鋼琴俾佢, 佢每天都願意練半小時至一小時.  現在有以下問題請教:

1. 每星期要花多少時間去練真鋼琴比較好?
2. 在家練琴時, 你們是如何指導她? (我只係同佢一齊數拍子)
3. 練琴時, 是要他去一边看譜一边彈, 還是要反覆練習一首歌,直到彈得好為止?
4. 其實現階段,除了練習手法外, 練習辨別琴音重唔重要呢?

Thanks!

hyatt

四隻貓 發表於 12-4-5 12:04
回復 無氣同你講 的帖子

好同意你講, 教小朋友真係唔容易.出盡百寶.

你的方法我見過有小朋友係WORK，只要個小朋友係比較跟規舉就OK了。

bebebe12345

禮貌上的抱歉而已!
並不是道歉!

無氣同你講

bebebe12345 發表於 12-4-5 14:01
回復

抱歉、抱歉!只是一個不懂琴而準備登陸的"在世老人"而己。

為什麼要說抱歉呢？
大家雖然萍水相逢，但可以一起討論是一種樂趣也是一種緣份，而且你一直說話正面，沒有任何一點需要道歉的啊。

bebebe12345

回復

抱歉、抱歉!只是一個不懂琴而準備登陸的"在世老人"而己。
作為過來人跟大家分享分享.....多一點點資料作參考。
並不試圖去說服任何人.....不同的環境和際遇,自然有不同的結果。
始終相信大家有一個共同點.....為了孩子!
過程當中總有起有落,難得可以陪伴在他們左右一同渡過。
既然要學就儘量配合她/他學好一點吧!
雖然漫漫長路.....還是可以保留少少"信念"。

四隻貓

無氣同你講 發表於 12-4-5 12:48
嗯嗯。。。。。你比我既感覺好似一個世外高人。

你的感覺全對. bebebe12345 確是前輩級高人.
我之前也是拜讀左佢既文章, 才認識到建立每日練習習慣的重要.
仲有佢既簽名檔  - 三思而行, 百折不回.
我細心咀嚼左呢兩句說話, 先決定俾女學琴.

AMYBB111

學琴或其他野一樣...真係好講興趣...如果小朋友鐘意同享受的話.....佢地會好自動自覺去做....家長只需要作出配合就已經足夠....

無氣同你講

bebebe12345 發表於 12-4-5 12:45
也許幸運吧!早把孩子們的練琴推向成為習慣!
作為家長,重要的是從旁的提醒和陪伴.....渡過過程中的起起落落! ...

嗯嗯。。。。。你比我既感覺好似一個世外高人。

bebebe12345

也許幸運吧!早把孩子們的練琴推向成為習慣!
作為家長,重要的是從旁的提醒和陪伴.....渡過過程中的起起落落!
許多時以為對的,還不是發覺是錯了,
其實就算真的練錯也不要緊,下一堂老 師自然過不了關。
最後還是取決於老 師的功力和日子有功!

無氣同你講

miffy 發表於 12-4-5 12:22
正常, 學琴唔係從興趣出發就係咁, 我過往見好多, 練琴喊打喊殺, 我仔小四, 以前細個同學朋友仔個個都學琴, ...

佢有興趣架。。。。。但我仔既興趣只限所有唔駛練習既野。。。

無氣同你講

四隻貓 發表於 12-4-5 12:04
回復 無氣同你講 的帖子

好同意你講, 教小朋友真係唔容易.出盡百寶.

四隻貓

回復 無氣同你講 的帖子

好同意你講, 教小朋友真係唔容易.出盡百寶.

我係蒙特梭利教學法支持者, 因此我盡量少用物質利誘. 所以我沒有實行儲貼紙/印仔換禮物的做法.但我絕不反對其他朋友進行獎罰制, 因為我知有很多朋友行得是十分成功的.女兒的學校和提琴老師也有用儲貼紙/印仔換禮物去鼓勵女兒學習.

唔行物質利誘0甘點引佢呢?
我的做法是把練習當成是日常生活如擦牙沖涼一樣.每日有固定時間, 固定程序.孩子慢慢習以為常, 一日沒做便像忘記沖涼般會覺得渾身不爽.
初學時他們覺得新鮮, 比較肯練習, 就要抓住這時候建立練習習慣.

另外運用了孩子的成功感.練習過程通常是:由完全唔識彈, 經練習後彈到.這過程令孩子很有滿足感.就好像孩子細時學行, 當行到第一步會展現自豪笑容, 再加上家長鼓勵, 之後孩子便會努力練習行路, 遇到挫折跌倒都不會怕.

這方法我女兒暫時很受落, 遲d就唔知了...

無氣同你講

四隻貓 發表於 12-4-5 09:47
宜家已經要示範俾佢睇.佢仲會問好多我唔識答既音樂問題.
前日剛問我: "媽咪, 點解彈琴既staccato 隻手係會 ...

我真係冇你咁幸福，女女咁有上進心。
但我都諗到另類方法，你知啦，仔仲有幾日要考試，練親琴都好似益左我咁。我同佢講，如果練習時有驚喜比我，我就比分佢，一分，二分，或者５分咁，當佢每儲到１００分，我就幫佢達成一個心願，例如食杯雪糕，或買份５０元樓下的小玩具送比佢之類。

有時，做老師，做父母都知道大道理，但小朋友個個獨立個性，教極道理教到口水乾都攪唔掂既時候，就可能需要用人人都唔同意或唔理解既方法。

無氣同你講

miffy 發表於 12-4-5 08:45
其實你地身邊有無d小朋友, 跟d苛刻老師, 魔鬼教練, 一開始個頭開得好好, 姿勢正確, 一粒音一個拍子都唔錯得 ...

你可能會以為我講笑，但我真係唔係講笑。對住個仔，我就係果個魔鬼教練；我個仔就應該係果個考完張ＣＥＲＴ就唔會學落去果個。

四隻貓

hyatt 發表於 12-4-4 01:45
等你亞囡再大d發現佢有d嘢做唔到, 你dem一次俾佢睇教佢，你會更慶幸你有8級。 ...

宜家已經要示範俾佢睇.佢仲會問好多我唔識答既音樂問題.
前日剛問我: "媽咪, 點解彈琴既staccato 隻手係會離開琴面, 但點解我拉小提琴時staccato 弓唔需要離開弦線面?"  係喎, 點解呢???我都想知喎........
之後上堂問小提琴老師, 老師好詳細解釋左俾我地聽, 其實係初級所以唔駛做住, 如果係巴洛克時期既作品, staccato 處理方法又唔同(即好似鋼琴都係會有唔同處理手法).......老師解釋左好多情況.......又學到野了.

陪練陪學左半年, 託賴女女現在越來越有心機和興趣. 睇電視同練琴佢會揀練琴, 呢樣係我估唔到的.
即係佢覺得練琴比睇電視有趣??

姿勢或學習上的問題, 雖然問多d知多d是好, 但首先還是要先跟老師溝通, 老師可能有自己既教法和計劃, 不要一開始就覺得老師是存心欺騙之類, 大部分老師都是以教好學生引以為傲的.有的可能是有自己一套教法, 有些是有心無力......無論老師教法如何, 首先都要尊重老師. 初跟一位老師, 師生各自也需要一段時間互相適應, 但若一段時間經溝通之後發現大家想法有分歧, 磨合不來, 轉老師也可能是一件好事.

marcuscyrus

回復 lillymarie 的帖子

就是了，有要求，用對方法引導，小朋友不一定辛苦，除非他個人很討厭彈琴，或者家長對他的要求太不設實際

lillymarie

回復 miffy 的帖子

你講個種老師，我覺得係唔識教小小孩。如果我囝囝遇着佢，一定唔會繼續跟佢，唔好話阿囝，我自己都頂唔順！學不成音樂事小，學了一付臭脾氣就大件事！
細囝的老師好注重基本功，但上課時從來唔會大聲喝阿囝，阿囝做一個動作，9次唔啱，老師只會再次解釋要點做, 講返阿囝邊度做錯咗，從不罵佢。到第10次做啱咗，就大聲喊：“哦！” “perfect!" 有時甚至唔講，直接去扶佢的手，幫佢做個正確姿勢。有時，又會同細囝一齊做那動作，等佢感覺下手型係要點先啱。試過有一次細囝唔專心，老師敲佢的頭，嚇了我一跳。但問返阿囝，佢覺得無野，話老師只係好細力好細力拍下咋。阿囝上課，每次都覺得自己做得好好，因為每次交功課，老師會由頭到尾聽一次，跟住先數阿囝做得好的地方，最後先話有一兩個地方要改善，即時叫阿囝做一次，做到時又好誇張咁讚佢叻。我細囝眼淺，老師話佢做得唔好的話，佢會流眼淚。老師知佢性格，話完佢會即刻講笑話引佢笑，從來唔會傷佢自尊心。


注重基本功 不等如 魔鬼老師／痛苦學習

我若遇着嚴苛的老師，早走早著。

marcuscyrus

wanho 發表於 12-4-4 14:36
好想請教彈琴姿勢。我仔而家初級，老師冇教如何用膊頭力，手腕力等，只用手指力。手踭，手腕點放都冇講。睇 ...

分享下我的睇法，作為老師，我唔知日後學生會否走音樂路，所以我的做法是盡量/盡早為他提供正確(其實都好難講正確唔正確，你看horowitz就知)的音樂知識及彈琴技巧，就算幾年過後，他對這有要求的教學頂唔順，要另找老師，起碼他的根基打得好，如果相反的話，很容易埋沒了學生的能力，所以我才對彈琴姿勢這麼重視
老師質素參差是事實，因為音樂是門藝術，沒有客觀標準的，如有要求，找個更專業的老師便好