面試遊戲.... 好失望好唔甘心

pangps

自問阿女面試表現大部份都好好，佢亦好鐘意去面試遊戲，但一封又一封既waiting好沮喪，其他話走黎走去，掟玩具，唔出聲都有offer，十分不是味兒..................


星期六收民生result，阿女表現最好呢間，全普通話問乜都識答，仲要用普通話答，講故事又有反應，放禮物又做到...
我好有信心，亦好有期待，點知都係waiting............ 十萬個失望，到底那裡出錯...

依家有創價同啟思，雖然都係好學校，但自問阿女表現好好，識野好多，但KV, SC, TT都係waiting，好唔甘心......  唯一可以安慰自己係住屯門，家長無名校出身..... 非專業人仕

billysim

shanshan16 發表於 11-12-13 10:00
屯門-九龍塘 ， 不覺得辛苦了小朋友嗎？

講真日日咁返點會唔辛苦呀, 大人都覺辛苦啦, 我以前住青衣阿仔係九龍塘返學佢都投訴遠呀!!

brrbaby2007

有時覺得EK係大家交流既平台，也是增加大家壓力的地方。

一上來看到揾唔到名校成人霖樓，又話間間幾千人報，於是個個報幾十間，雖然出生率上升，但本地人b也只是幾千的上升，內地人多數IS or 大西北，其實間間幾千人報來來去去好大部份都係果班人，4-8月d offer就放出來啦，真係是惡性循還

blowater

正如樓主的 topic 所言,
這只是一場遊戲
遊戲規則唔係我地定...
result 係點, 我地控制唔到
我地只是有得選擇 "玩" 同 "唔玩"
選擇了 "玩", 就要遵守呢個遊戲的規則,
同埋接受遊戲的結果 =>>> 一係 win 一係 loss
無得唔甘心.....
第時都係要咁樣突小朋友面對失敗
一次失敗唔代表 d 咩....
而且所有野都無 guaranttee, 何解要令自己唔開心呢?

retasm

回復 xiazaimami 的帖子

細b家長可以等多一年,出年變大b去考咪得囉,人地3月出世冇得選擇做細b,你有條件做大b又可以做細b,做細b係你自己選既,學人講唔公平???不如你話港大唔收你個b讀大學好唔公平???..........

Vicky901

唔一定大家所講睇住邊,問心問小朋友問題就算有好多條,其實都是基本常識,小朋友有番N班都會識答,所以你小朋友識答唔一定是收緊,反而我有個教名校的老師會話,如果太多小朋友是叻學生,會睇個小朋友得唔得意,份表排得前唔前,小朋友都要人靠衣裝.重有我知道住九龍塘可以是無錢,住天水圍都可以好有錢,所以大家唔好為考唔到幼稚園找原因了.細仔可以好識講野,大仔都可以平平無奇,都好睇小朋友肯唔肯合作,我個囝就是一樣,細囝,問十幾二十條問題都可以在某間答識晒,不過某D間唔問野只玩,佢都可以IN衰,有人又說收早D交FORM而又好的小朋友會收佢地先,我都估會係,收生有好多原因,唔一定靠人士,如果個小朋友唔好,有人士關係都無用,唔好再怪其他人了

winnietingting

pangps 發表於 11-12-14 12:59
完全唔明白收生準則！
疊埋心水讀創價，已報英文oral同普遍話，下月開始返學
學老公話齋：「裝備好阿女，哪 ...

我朋友個小朋友是09年細b，面試時表現不好，但第一輪即收，點解？只是識人這麼簡單。
不過轉頭想，對這個小朋友是好事嗎？當然對其他人是絕對不公平的。
其實幼稚園是這麼緊要嗎？我自己就平常心面對。

chongnicole

如果可以在幼稚園或小學入到心水龍校，以後就無甘辛苦。起碼不用太不人道去谷小朋友。

之前看到某名中學校長話，不要以為有8級鋼琴，申請入中一有優勢，因為很多考生都有...12、3歲小朋友有8級鋼琴在世界各地都係一項成就，真系好驚

yinshun

幼稚園競爭已那麼大....香港人真的痛苦

chongnicole

競爭咁大，間間都話幾千人in，小朋友又咁細個。有也野甘吳甘心呢，你都吳知佢的收生準則，又吳知有幾多priority位，盡左力就好。

MrMrsEast

no need to be discourage. there will be call from schools in the months of April and May. Keep up!

klm402

明白樓主心情，面試見得再好都晤等於必收！依家幼稚園太多選擇了，面試只係其中一環，學校今本有佢地既定一套既收生標準！期望大你失望更大，唔甘心只係開頭吧！要相信小朋友既能力，反正小朋友總唔會冇書讀的！加油吧！

bbisboss

回復 derkin 的帖子

Totally agreed.  You should feel satisfied with having Soka's offer.  

Christi

點解覺得屯門個地址唔OK呢? 徐子淇都有幫小朋友報既哈羅國際學校咪係屯門囉... (我不是住屯門,只係覺得地址冇歧視)

另外,小朋友叻也不代表必入某校.我識得有朋友的女女讀了CCKG但卻入唔到DGJS,佢地咪仲失望?

能做的,儘了力就好.其餘的,平常心吧~~

klm402

樓主唔洗唔開心呀，我女今年做大女，面試好多都表現好好，但結果係一次又一次既失望，我無質疑女女既能力，相信收生到底無咩標，而且競爭確一年比一年多，收既米讀，唔收又未必真係壞事，加油啦

tiggerpiget

其實最初每次收D信都是waiting，都幾心灰，可能因為兩年前哥哥interview時，第一封信己經是accept信，加上之後每封都accept，順利到不得了，都唔知register邊間好，每次$660，但最心想入個間就唔得，真係幾好笑。

但今次每封都waiting，都唔知等幾耐，可能quota俾哥哥用盡了，而且今年真係競爭好大，只好継續等

macymary

我個Ｂ都是差不多全部waiting+reject，只有一家收了，都會有唔咁心的時候。最最最唔咁心的是阿Ｂ明明一年前已經識得嘅，就是不肯面試時回答...不過我都知道好多Ｂ都係咁。有時係明明in得好好諗住好大機會，點知竟然是reject...不過真係越來越平常心對待了。

WBB

Soka收了已經好叻啦!!!
Interview收唔收係睇彩數,冇得唔甘心!
我都已經麻木了!!!