好細膽好怕事,可以點教?

nokia6300

系學校老師大聲一點話其他小朋友佢又怕....
坐lift時有d叔叔同佢傾計大聲一點又怕...
已經時時去街去接觸事物.......

nokia6300

當然唔會怪你啦,很早已常常看你的post,多謝你既意見同分享呢!

祝大家小朋友日日開心,精精靈靈~

someoneelse

唔好怪我長氣...

你孩子可以響 nursery 階段返主流，已經是好勁 (亦好幸運) 架喇！
你唔可以將學校同 training 相比...training 係一個 shortcut，所有學習都係嘭嘭聲咁打入孩子度；而學校係一個open place，要咩 (知識) 唔該自己去攞！無論模式或態度上都分別好大，孩子需要時間調整是必然的了！

加油！

nokia6300

hi someoneelse,

多謝你回覆,系"到肉",點醒了,我一直都同老師講小兒在家中同學校太大分別,even之前上training,都唔系今日系學校既他,我都認,系有disappointed,就系希望佢上nursery跟上,所以努力系pre-school前系咁追,心想返到了,便一直用系training既result去返而家既學校到....所以....

你又說得很對,一般小朋友都返n-k3,........so,比多d時間阿仔喇,其實,佢已經叻左好多喇,.....我真系一個貪心媽媽

once again,thanks so much yr reply,同路人系唔同d ^^

someoneelse

無辦法..個底唔夠厚就係有咁既情況…相比下，亞Q一點，總好過心口掛個勇字，一味亂衝亂撞卦？！(一笑)
回想我囝囝剛3歲時，由私人S位轉到主流K1..當時佢overall okay，但語言仲係爭 d…俾我感覺係佢響學校發揮不到平時表現既一半…例如 story telling 環節，同佢響屋企練習好 (不太 harsh 那種)，他返到學校咩都講唔出，就算老師提問引導，佢都講得唔順 (有一句無一句咁)…最後老師仲 comment 囝囝好似背書喎，根本唔明，無自己思想，只係死記我要佢講果幾句話 (老師唔知囝囝 background)…我好傷心，因為平時佢唔係咁，相反仲好有idea/創意添…就算本身私人ST & PST都確認囝囝不是這樣….但，咁又點？！學校做唔到就係做唔到，老師無可能按孩子響校外既表現黎俾分架嘛….
好辛苦捱完一個下學期 (細仔插班)…我幫囝囝轉校重讀K1 做大仔…
今次感覺好好多喇…做左大仔，一來囝囝儲夠“彈藥”，二來人亦成熟了不少，三來新學校好輕鬆 (Int'l school)，所以重讀K1那年如魚得水…老師 (不知情的)亦評囝囝有大仔能力及態度….依家K2了…
家長除左繼續同孩子一齊努力外，俾些時間孩子吧…我成日都講，如果連所謂正常既小朋友都要讀3-4年幼稚園 N1/K1-K3既話，我地孩子又怎能跳過其中1 or 2年，但又期望孩子可以跟其他小朋友睇齊呢？！大人我唔夠膽講，但小朋友既能力，某程度係建基於經驗嘛！！而經驗又跟歲月掛勾…當我地孩子花左時間響追趕返回正常軌道時，其他小朋友已是在光速地學習著呢！
當能力出現差異時，有害羞之心乃人之常情…正如我見到李嘉欣咁靚，我都唔好意思響佢面前騷手弄姿吧？！哈哈哈….
繼續加油吧…相信你已做得很多很好了…不用懷疑自己有否幫倒忙...家長永遠是孩子的避風塘，對你有所依賴是必然的了...只是，睇黎現時仍未到你的真正收成期，所以同志仍需努力！

原帖由 nokia6300 於 11-3-3 10:45 發表
hi someoneelse,

就系咁喇,正正問題系我比好多support個仔,佢系學校output唔到,都唔系問題先,而系,佢已經好似,只有媽媽先有confident,呢個系main point,你既suggestion,我早已做了,不過你呢句"尤其對剛/差不多達標 ...

pattsui11@yahoo

我感激我的家人對我的接納，與我一起談笑度過我的困擾日子。
每個人/家庭的處理方法不同，沒有一個絕對的方法，若謹慎地度過使你釋放一點，那麼就享受安全緊張的生活；若要輕鬆地度過會使你開懷一點，那麼就要接納無窮多變數的歷險，要找到中庸之道，談何容易呢！

nokia6300

我曾經都懷疑小兒是否有聲音敏感,不過多位故娘都說不是,但確實,仔仔可以聽到好小的音,會問邊個返黎,其實系隔離屋.......

怕事只好多去街讓他多接觸事物,大致上小兒理解力而達同年齡,但總是怕,有一次,有一位婆婆在馬路上推手推車,後面是一部貨車,小兒喊著好驚婆婆,我同爸爸同時明白,他怕婆婆被車撞到,因平日教他不可在馬路行,而且當時貨車同婆婆既距離幾近的,但......我覺得,會怕到要哭嗎?

有時在想,是否平日我的教導有問題,如上巴士等交通工具,我叫佢扶穩呀,唔系會趺啦,到有時我抱著他上車,他都講同一番說話叫媽媽小心d呀,要扶穩,開心之餘在想,佢系咪太緊張呢?

pattsui11@yahoo

本來我對很多東西都很驚青的，舉例：流少少血就好似天要跌下來一樣。

我哥哥用一羹水，加上紅色水彩，然後倒在桌上，我們用手撥開紅水，油到整張檯紅哂，他說我流的血其實很少的，不過可以弄到很多地方，好像流很多血，其實……最後要清潔地方。

我就是這樣長大的，我相信當時我不明白他們講什麼，不過很好玩。

pattsui11@yahoo

我對聲音敏感的，覺得聲音是會殺人，加埋D兇惡面容，令我很難忍受。

我的家人(忘記是誰)曾用收音機的音量教我，有些東西的音量是可以控制的，大多數東西音量是不能控制的……個個人的收音能力不同，恭喜我有很棒的接收器，但影響我說話時細聲，其實別人沒有這麼好的接收器，聽不到的，所以要講大聲D……那些講說話得大聲的人是很可憐的，他們的接收器壞了……那些兇惡的面孔更可憐……

從此我覺得自己很醒！

nokia6300

hi someoneelse,

就系咁喇,正正問題系我比好多support個仔,佢系學校output唔到,都唔系問題先,而系,佢已經好似,只有媽媽先有confident,呢個系main point,你既suggestion,我早已做了,不過你呢句"尤其對剛/差不多達標既小朋友，因為佢地其實未係好確定到自己既位置的",好似點醒左我咁,因阿仔有時突然做到d平時要我push佢既野,佢好大聲"媽媽,我開到喇,我自己開ka,唔洗你幫"就系呢d support,佢系school冇,所以好影響佢系school既emotion,又眼見其他同學仔好叻,其實....佢都唔系差好多,只系性格問題,好想幫佢

someoneelse

有時係信心問題 (因為以前錯太多，成日俾人話)；有時係本身性格問題...
我囝都有呢個問題...以前嚴重時做咩都要望一望我先..依家好 d，但都成日呱呱叫話『I can't』...
唯有一直俾信心佢喇...真係做啱就要讚出口 (我同時會再講一次點解佢今次做啱&媽咪點解讚)...就算錯左，如果囝囝已經盡力既話，我都會讚賞佢既努力，最多補句：下次做會好d架喇....
慢慢黎...尤其對剛/差不多達標既小朋友，因為佢地其實未係好確定到自己既位置的...驚做又錯；唔做又錯咁...好似樣樣都等指示咁...有人大聲又以為係鬧緊自己...所以媽咪既 position 好重要..首先俾佢信心，萬大事有媽咪響度，減低佢對外間既猜疑/不安先，再慢慢建立佢應有既自信吧！
加油！

原帖由 nokia6300 於 11-3-2 15:22 發表
系學校老師大聲一點話其他小朋友佢又怕....
坐lift時有d叔叔同佢傾計大聲一點又怕...
已經時時去街去接觸事物.......

lingchuling

身教，帶他見多些不同的事物，嘗試多些不同的事，給他時間，最緊要令他有安全感