有冇家長真係完全唔理小朋友功課?

大傻蛋

我係呀, 完全唔理。

係考試前才會溫一溫, 平時唔會理。

我囝今年3年班..由他幼稚園開始都無理他功課..幼稚園因為延展放7點..會食埋飯同做埋功課(老師會教),小學因為有功輔班放6點半,會做哂功課同溫哂書(老師會幫他檢查功課),平時只係催他每天做公文數及英..最不好就是我囝學校成日要剪報或找有關圖書或習誌野(科科都要,連體育/音樂都有..)..基本上都係我老公幫他做的..他只負責寫讀後感想..每次都係寫我好開心..給他氣死了..

pretty05

我仔仔小一, 都係好心散, 上學期因初入學我一直有跟功課, 因成日粗心大意, 又求其, 基本上我放工返去係要擦過晒, 重新做過. 一d都唔緊張自己既野, 好像指意晒我去同佢check咁.

  到家長日, 我順便同老師講呢個問題, 老師送 2個字俾我 "放手"  你放手喇, 由今日開始唔洗再同佢跟功課, 無論佢做成點, 做漏功課, d字幾丑,都由佢照交, 唔好理, 老師觀察一段時間後,會同佢傾傾  會話佢知有咩後果, 俾佢明白呢d係邊個既責任.

skate

我小朋友小一時老師也叫我自己補習, 甚至叫我
請私人補習老師上門. 都唔知而家D 老師點教學,最慘就係仲要比學費.

原帖由 2galma 於 10-2-10 15:48 發表
小一以前都係咁教Ｄ細路，但今個學期家長會，派成績表時個老師話：｛學生邊有可能做到我地學校咁深的家課，你一係自己跟返，一係人補習啦！｝ ...

peggy

原帖由 好命婆 於 11-3-4 16:51 發表
我想知道其他話吾洗跟功課的囝囡, 現在讀幾年班? 現在的老師是將所有學習問題推落家長到, 如阿囡忘記帶顏色筆, 老師只會說返去叫媽媽幫你拾書包, 功課錯誤了, 回去叫媽媽幫你對好先或叫媽媽幫你搵補習。
老師是只會 ...

囡囡今年p2, p.1返了2個月學開始, 我就冇再跟功課, 佢唔識先問我, 書包自己收拾 , 咁佢d功課都好少要改正.
溫習都會自動自覺, 做完補充練習, 我會被answer叫佢自己對, 錯了先會同佢解釋 , 基本上我不用操心,
上學期剛派了成績表 , 我十分滿意

好命婆

我想知道其他話吾洗跟功課的囝囡, 現在讀幾年班? 現在的老師是將所有學習問題推落家長到, 如阿囡忘記帶顏色筆, 老師只會說返去叫媽媽幫你拾書包, 功課錯誤了, 回去叫媽媽幫你對好先或叫媽媽幫你搵補習。
老師是只會上堂講課一次, 做一次練習, 然後expect你會學識, 如果仲未完全學識, 父母回家請跟進, 不要防礙其他同學的進度。

原帖由 2galma 於 10-2-10 15:48 發表
小一以前都係咁教Ｄ細路，但今個學期家長會，派成績表時個老師話：｛學生邊有可能做到我地學校咁深的家課，你一係自己跟返，一係揾人補習啦！｝ ...

joeylin1017

我唔會唔理架,
但係一定要教到佢識為止, 唔可以幫佢做,
但係又唔提示佢,不過會同佢講解

idy926

摛晚問亞女：不如遲D mommy吾同你Check功課啦，我見你D功課都識做，係衰吾小心啫，同漏做，你小心D咪得lor.
跟住亞女面有難色，我就dup佢高帽：你大個女啦，其實你好叻女㗎，可以擔到責任啦，不過有吾識就緊係要問我啦，我會教你㗎嘛...
亞女即時換左個happy face：咁幾時開始呀？
我：兩個月後？
女：點解吾係今日呀？
我：好呀，如果你想...

到亞女做完功課，我又“發作“想攞黎睇，亞女C攬住吾比：我識呀你又話吾check ...

做家長，真係要學放手，心癢癢....

芝麻街

原帖由 judy 於 10-2-18 15:32 發表


剛好相反，我会執靚佢手字，功課一般看過就算，有錯，留給教師改。咁做有二大原因。

1. 教師透過改功課，明白学生的進度。學生錯得多的地方，可能是教得太快，或是表達得不好，教師有機会总結檢討。

2. 考試時，知道自己平時錯過的 ...

好同意你嘅講法~~

我兩個小朋友嘅功課同書包, 我都唔理, 由得佢地錯同漏,
但最值分享嘅係大囡嘅英文功課, 成日都攞c / c - , correction 之後, 佢都仲要錯, 即係 re-correction, 但我都唔理佢。
我有問佢, 你老師唔罵嘅咩, 佢話無喎, (比著我係老師實罵吖)

但佢考試最好嘅成績就係呢位老師教嘅科目, gs 同 英文,
(佢地兩個係學校成績都係中上, 其實, 我都好滿意:loveliness: )

* 佢地都無補習, 無買補充, 但我係全職家庭主婦

kwan1981

原帖由 aryee 於 10-2-18 10:59 發表
我分幾樣：執書包，小朋友負責。功課錯，我負責。字體唔靚，老師負責。

我仔一開始就自已執書包，初時我有check，但小一2nd term就開始完全唔check。

功課我會選擇自己跟，但一定要佢自己一個響房做，做完我先入房check。我覺得，如 ...

我同你相反：功課錯，老師負責。字體唔靚，我負責。
另外，我會將佢做錯的工課抄落我自己的記事簿（專記阿仔D工課），等有時間（姐係星期六、日）再抄俾佢做，睇o下有冇再做錯，如果再錯，我會解釋俾佢聽，引導佢去思考題目，唔會講個答案俾佢聽。

easybring

same case.  我好想放手, 但一定要跟少少.  仲係有心散.

原帖由 cathy6710 於 11-3-3 10:38 發表
囡囡小一，作業除非佢問我，否則我唔會理，只提醒佢收書包時自己再CHECK多次，確定做哂功課再簽名。小一第二個月開始，佢自己收書包，我再無插手。

今次測驗，因冇幫佢溫書，考得不如意，佢好唔開心，咁我就趁今次教佢點溫書，希望佢下次 ...

idy926

我女小一，Math老師話，最緊要家長幫下睇睇佢地有無做漏題目，但就不必check啱吾啱，方便佢地掌握小朋友進度，因數學一有野click住就好難學上去，如果家長同佢改左，佢地就吾知佢吾明，我幾認同佢做法。無耐後，學校就比notice部份小朋友課外返校補底（免費）.

其他功課吾識就教，我吾識就講明我無得教，如國語，叫佢自己上堂留心，咁佢又學得幾好，我巳講明佢大個D我都吾會教倒佢，D野咁深，希望佢吾好依朿...不過咁講啫，到時如果佢吾惦都係要揾人教的。


我都聽過有家長話，咁細個，功課吾洗咁緊張
（因佢小朋友欠交比老師寫手册，佢吾多同意），咁幾難培養小朋友責任心...

grace_xian

哈哈, 呢句回答有智慧

多與少而己, 每個小朋友都不同的, 你知道咗人哋小朋友不用跟又點呢, 咩得個恨字

原帖由 snoopymama 於 10-2-20 09:25 發表
有上親子王國的人，一定有跟功課和温習。

cathy6710

囡囡小一，作業除非佢問我，否則我唔會理，只提醒佢收書包時自己再CHECK多次，確定做哂功課再簽名。小一第二個月開始，佢自己收書包，我再無插手。

今次測驗，因冇幫佢溫書，考得不如意，佢好唔開心，咁我就趁今次教佢點溫書，希望佢下次可以進步


我覺得最難的、係點放手；放手之後，小朋友係唔係可以即刻上手上心。如果係，咁我們就放心好多；如果唔係，咁我會退返幾步等佢。

qkhui

我仔仔小三, 第一次派成績表見家長時, 老師叫我要同個小朋友努力o的, 我跟老師說我滿意仔仔成績的. 我諗住慢慢放手比佢自己, 老師叫我唔好.. 佢話要keep 住.. 你話.. 有時係老師唔想家長放手

pigpig1971

睇完以上ma Ma的回應, 我都打算放手不理我囡的功課.....
原因, 佢太心散...似住有人睇功課, 冇心機唔上心.... 做功課粗心大意.. 佢心想有人跟, 所以椅賴.
其實佢小一小二都ok , 但一上小三. 佢就放鬆.. 佢不緊張, 反而我緊張...

snoopymama

有上親子王國的人，一定有跟功課和温習。

原帖由 happy168 於 10-2-2 00:00 發表
有冇家長真係完全唔理小朋友功課, 由得佢欠交或唔識做?